2 Isi edi’a shinqe’e galateenfanto; faarotinna isoo saando!

4 Galateeffatina’ni isike galmixxa hula e’ye;

saaddina’ni isixxe baxxebaa me’we;

galata isi’a uutina’n summa isikanna saadde.

1 Duuchchi Woddika Gootta galateeffatte!

Isi eloke kademmaxxeenna arda duuchchii wodda eeyyammaxxee

Duuchchi Woddika Gootta galateeffatte.✝

28 Ati Mageno anke kaddeettaxxee’e ani atee galteeffata’eennen;

ati Mageno anken ani atee kubbisa’eennen.

7 Duuchchi Woddike Gootti’a galatiinxa faaro faarse;

baganakanna gandinaa’n no’oka Mageno faarse.

30 Mageniinka summa faaroti saadaannen;

galatiinxe faaronninna isoo lummisannon.

7 Duuchchi Woddiki Gootti hunna anxenna anxe wonten;

anee gargaare gammachchiisemmaxxee isoo addataannen;

faarotinna isoo galateeffataannen.

13 Mageno no’oke; ta’anna atee saandaannen;

ulfateke atike summi’a ilillisaannen.

6 Yaane duuchchanni, soodachchoti, qortumakenna galata Magenoke shiqisse malee mitte yaane’ninna wixixxi hitinoqqe.

3 Ani Phawuloosi ha’noo kassi hiyyyanno wodda duuchcha Mageno anka galateefataannen;

17 Kirsitoosi gamii’ni Mageno Aabi’i galateeffatina’ni haaso’ikinna kaddo’o, hujetinna, assitinaaxxa yaane duuchcha Gootti Yessuusike summinni asse.

2 Soodachcho no’oxxe’n ha’noo qalli hina’ni duuchchi wodda ha’noo duuchchiingee Mageno galateenfanta’ennen. 3 Amanatenaa’n kaddeexxa ha’nooxxa huje, jaalalatenaa’n fiildaaxxa ha’nooxxe elo Gootta no’oke Yessuusi Kiristoosi’n afineexxe adde’naa’n dageeka ha’noka jabeena Mageni no’oki edonna anni no’oki edo duuchchi wodda qalli hinannon.

4 Yessuus Kiristoosi badhadha ifika ha’no’a uwweexxe duuchchi wodda Mageno galateefata’enne.

57 Yaane kinni Gootta Yessuusi Kiristoosi darree’ni injifachcho no’aa uwwaake Mageni’aa galati geyowwaal.

14 Kaddolenna, no’o duuchchi wodda Kiristoosinni injifantanoke asseexxi no’o’o akeeka’nekenna eloka foole afeexxe shittoshsha Kirsitoosixxe anfeenexxa ege’na bonchcho duuchcha’ni geesinsanooshsha asa’neeke Magen’a galati gewowaali!

10 Ittani facasaake sanne, itate’e waassa uwwaki Magen; facasinaaxxa sanne birasa’ise’e ha’no’a uwwani. Ha’noxxa arjumatixxa gummanna bira sa’isaani. 11 Arjunteeti uutina’nexxa uwwa no’o daree’ni adhdha’neeki mann duuchchi Mageno galatefataashsha duuchchi wodda arjunteeti uutinaashsha Magen duuchchiinxe yaanneni ha’no’o durroonsaani.

19 Faaroti, saadinotinna hafuuriike meellinni weli haaso’we! Saadinotinna faaroti mitte qalbe ha’nooxxenni Gootta galateeffatte! 20 Gootta Yessuusi Kiristoosike summinni duuchchiinxe yaane’a Mageno Aabii’i duuchchi wodda galateeffatte.

21 Kiristoosike ulfinni’a hitineexxi mitti mittekee ajajemowwaal!

41 Yessuussi onde so’iinxa kebbonna lame qulxu’me aadhe iimi’a uuda’ni galateeffateexxi so’iinxa kebbonna kukkuteexxi mannakee qoqqoondaashsha ifixxe hordofeeyye’ni uwwe. Ookkoonechchi uduma Isinna lamiinxa qulxu’me duuchchiingee qoode. 42 Duuchchiingi ite godde. 43 Hordofeeyyetinna inda’naa gatteexxa so’iinxa kebbonna qulxu’me tommenna lame qore wo’ma hanba bukki assite.