Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Mumshukwile Sapanga Tati machuwa hyogha kwa ghala hyogha agholile, kwa lihina lya Bambu Yesu Kilisito.
Kuhighilwa patukongana na Kilisito
Asifilwi Sapanga na Tati wa Bambu wa twenga Yesu Kilisito! Mweni ndiwa katupegha highili zya kumpumulo zyeni kuhuma kundumba kwa kukonganika na hayu Kilisito.
Tumshukwile Sapanga kwaikiva gha hupo ghaki ngulu, yeni kuwesa ng’ogha kulandaniswa atupeghili!
Kangi mumshukwile Tati kwa luheku, mweni kawawesesa na mwenga muweli kuunkosi wa mhana. Mweni atukombolili kuulongosi wa Lihyukana, akatuyegha kuulongosi wa Mwana ghaki mpalwa Yesu kilisito. Hinu kwa mweni tungukombolwa, ingumaanisa sambi syetu zinguhululwa.
Lihengu na ukulu wa Kilisito
Kilisito ni mlandano wa Sapanga mweni kuwoneka ng’ogha, mweni awelili pambila gha kulumbwa viumbi vyogha na ndiwa kilongosi wa viumbi vyogha. Kupitila hayu, Sapanga alumbili vindu vyogha, vila vya kunani na vila vya kumlima pamonga na vila vinguwoneka na vila vinguwoneka ng’ogha na weni uwesa na vilongosi wakulu na weni makakala vyogha vilumbilwi kupitila mweni na kwaikiva gha mweni. Kilisito awelili pambila gha hindu hyogha kulumbwa na kupitila mweni vindu vyogha vingikonganika.