Ajuda ao próximo

35 Mina ndali na nzala, hemwe mingalila chilyo, ndali na ng’halu, hemwe mingalila mazi, ndali mjenzi hemwe mmbochela, 36 ndali mwazi, mnvaliza, ndali mtamwa, hemwe muya kundola, ndali mchinweng’ho hemwe muya kunjendela.’ 37 Aho, awo wanhu watanganiche womwidichila mndewa ‘Mkulu, hanili natukona uwele na nzala na hetwe tukigalila chilyo, ama uwele na ng’halu na hetwe tukigalila mazi? 38 Hanili natukona uwele mjenzi na hetwe tukubochela hakaye hetu, ama ulihela nguwo na hetwe tukuvaliza? 39 Hanili natukona uwele mtamwa ama uwele mchinweng’ho na hetwe tuya kukujendela?’ 40 Mndewa kowedichila, ‘Ndanguwalonjelani ndikomya, chila chinhu chomumditile yumwe wa awa wang’holozangu wadodo, mnditila heni.’

42 Umhe yalingulanda, uleche kumha chigosi yalingugana umwaziche chinhu.

16 Hihyo du lumuli lwa hemwe lwanguganigwa lulangaze hali wanhu, leka wagone madito ga hemwe ganojile, leka wamtogole Mhaza wa hemwe yawele kilanga.

38 Muwape wanhu vinhu, namwe mopegwa. Chipimilo chimemile lukami, chibatililwe mbaka kubohoka. Kwa vila chipimilo chichila chomlinguwapimila wanji ndo Nguluwi kotumiya kwa hemwe."

10 Wala wanhu wamemile nawamuuza, lelo tudite choni? 11 Nakawedichila, "Yawele na migwanda mili yamhe yalihela, hihyo yawele na chilyo yadite hiho."

33 Mguze vinhu vya hemwe, muwamhe wazunwa sendi azo. Migongomanyile mihako johambe jilale, miwichile ng’hano yohambe imale kilanga, honhu hawele mhizi hambe yahejelele ne fukuzi kuwifya. 34 Kwa vila hawele ng’hano ya hegwe hoyili, ndo nhumbula ya hegwe hoyiwa.

12 Awu ndo mzilo wa heni, migane, migane kota vyondiwaganile heni.

13 Haduhu igano likulu ng’hatu kusinda igano lya munhu yalinguulavya ukomu wa heye kwa chiwalo cha goloko wa heye.

35 Kuli chila mbuli nandiwakanya kota kwa nzila ayi ya kukola mijito ng’hatu yangutugana kuwatanza ng’hochele kuno mkumbuchila ulonzi wa Mkulu Yesu woyatulonjele, ‘Fola kulavya kusinda kubochela.’ "

36 Loyalonjile ago, Paoli nakafugama hamwe na hewo weng’ha, nakamlanda Nguluwi. 37 Weng’ha nawalila, nawamlaga kwa kumkumbatila na kumnonela. 38 Mbuli iwele naiwadita wesinze ng’hatu nayali ndo ulonzi woyalonjile kota hawomona kahi. Lelo nawamhilika mbaka kuli meli.

13 Muwatanze wanhu wa Nguluwi kuli chila chowolanda, muwabochele wajenzi kwa luhala.

Wanojeze wanji uleche kinojeza gwegwe

1 Hetwe tuwele na makundo makulu twangulapigwa kuwatanza wala wawele na makundo mado wesumwe na ung’hochele wa hewo. Tuleche kinojeza hetwe tuliyeka.

2 Mitanze kwa kidwika mhomholo za hemwe, kwa kudita ahyo mokweneza malajizo ga Kilistu.

28 Mhizi yaleche kuhiza kahi ila yakole mijito jinojile kwa moko ga heye leka yapate chinhu cha kuwapa wazunwa.

4 Chila munhu yaleche kupala mzidi wa heye yuye hela, ila yapale mzidi kwa chiwalo cha wanji.

Makundo na madito

14 Wang’holozangu, yotanza choni wone munhu yoneche yalonje kana makundo, ila halingulajila kwa madito? Ndaze, ago makundo goweza kumlohola? 15 Wone wang’holozo wawe hela mivalo ama vilyo, 16 yowatanza choni homuwalonjela, "Mlute goya, mkote chiluli na migute," Ne kumha vinhu vya lukuli vyowalingugana kuli ukomu wa hewo? 17 Hiho du, makundo galiyeng’ha ne madito gabagama.

17 Lelo, munhu wone yawe na lufufu lwa aha muisi, hamba yamone mng’holoze yawele na nongwa, ila heye yawe na nhumbula igagadale, koweza ndaze kulonga kota kangumgana Nguluwi?

17 Yalingumtanza mzunwa kangumwazichila Mkulu Nguluwi,

Mkulu Nguluwi komlipa kwa madito ga heye ganojile.

11 Mina isi yowa na wazunwa mazuwa gose, ahyo ndanguwalajiza, muwe muwele na isungu kwa wang’holozo Waisilaeli walingulanda na wazunwa kuli isi ya hemwe.