35 nokuti ndilinenzhala mwakandipa zwokulya, ndilinenyota mwakandipa zwokunwa, ndilimwezi mwakanditambula, 36 ndakabeli chinkuna mwakandimbajika, ndilwala mwakandishanyila, ndilimuntolongo mwakezha kwandili.’ 37 Pakalepo bakalulama banooshandula beti, ‘Tezi ndilini patakakubona ulinenzhala tikakupa cholya, kana ulinenyota tikakupa chonwa? 38 Akale ndilini patakakubona uli mwezi tikakutambula, kana ulichinkuna tikakumbajika. 39 Akale ndilini patakakubona ulwala kana uli muntolongo akale tikakushanyila?’ 40 Akale She unoobashandula eti, ‘Chokomende ndoti kwamuli, yezwo zwamwakatila umwe wabanakwaina bangu upopasi, mwakazwitila imi.’ "

42 Umpe iye unokukumbila, usiuminye neebo yoyo unocheneka.

16 "Mwenje wenu ngaupenye mbeli kwabanhu, kuti bebone mishingo yenu mibuyanana akale bepe lukujo kunaTate benu baiko kudenga"

38 ipani, namwibo munoopiwa bo, akale zwilozhala, nonkwelo umbuyanana, zwilosindiilwa, zwifwashuka, zwasindwa kasa zwinoodilwa mumaboko enu. Chikweleso chamunoshingisa, ndichochichookweleswa kwamuli.

10 Ibunga lyabanhu lyakombhuza liti, "Biya tite chini?"

11 Wakabashandula eti, "Yoyo unazwimbalo zwibili ulokwelela kupa chimwempela kuna yoyo usina, akale yoyo unazwokulya ngete alo."

33 Tengesani zwaamunanazwo, mupe zwipo kubasheti, ishakani zwikwama zwisinoshakala, nefuma isinopela kudenga, kusina imbava ichabuswikila kana igube lichabupalaja. 34 Nokuti panefuma yiyo, ndipo mwoyo uwo pauchaba bo.

12 Yoku ndiko kulaya kwaangu, kuti mudanane sezwo ndakamuda imwi.

13 Apana unhu unaludo lukulwana kupinda unhu unofila bakwaina babe.

35 Munaizwo yezwi zwinhu ndakatondejela kuti nokushinga umwe unobhancha balodemuka, mukumbulukwa mawhi aShe Jesu, mwaakalebeleka eti, ‘Kulokombolelwa kasa kupa kunakutambula.’"

36 Paakati alebeleka alo, iye wakafhigama akanamata nabo bose. 37 Ibo bose bakalila, bakomfufuzhila Paulu akale bakomyonta, 38 zwakababhaya, kasa namawhi aakalebeleka, eti abachinochibona chiso chiche akale. Bakava bompelekeja kubwato bubwe.

13 Babhancheni bachena nezwabanoshayiwa, mutambule bezi namaboko mabili.

1 Isu tinamasimba tilokwelela kuba nomwoyo undefu nokukonelwa kwabo basina isimba, akale tisizwishantise isu nokwedu,

2 Nyamulisanani mitolo, nokuta alo muzhajise mulawo waKristo.

28 Imbava ngileke bubava, koga ngiishinge zwilobimbika namaboko ayo, kutila kuti itubule kubhancha yabo banoshayiwa.

4 Umwe noomwe wenu esilinge zwaanoda iye chete, koga nezwinodiwa nabamwe.

14 Banakwaina zwinobhacha neni, kana unhu eti unodimbwa koga zwito zwizwe zwisinotondejela alo? kudimbwa kukwe kungombhanchaneni. 15 Kana mwanakwaina wechinhukaji kana wechinhulume esina zwombala akale eshayiwa kulya mazhuba ose, 16 kova umwe wenu eti kwabali, "Indani zwibhodo, mujiyililwe akale ugute," esabapa zwinodiwa nombili biya zwinobhanchani? 17 Kudimbwa kana kukazwimila koga, pesina mishingo, kulofa.

17 Kana umwe ekafuma kova ebona mwanakwaina eyabula esinounwhila ishe, ludo lwaMwali lunoba muna iye chini?