Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Kwa mwanjaa panaaminyike njala, mwanipei kilyo, panaaminyike nnyota, mwanipei masi', panaai na nng’eni, mwanikemi kasinu, panaai na buula, ngamuniwalika, panaai na ntamwe, ngamuisa kunibu’bu’ya, panaai muutabilwe, na mwenga ngamuisa kunityangilya.’ Apo balu' bandu anogau ngapabalu’a kunnyangwa, ‘Bwana, pakubawi patukubweni ubile na njala na twenga ngatukupeya kilyo, au ubile na nnyota, na twenga ngatukupeya masi' go nywa? Kai' pakubawi patukubweni ubile wa nng’eni ngatukukemya kasitu, au ubile na buula, ngatukuwalika? Au pakubawi patukubweni ubile wa ntamwe au ubile muutabilwe, ngatuisa kukulingulya?’ Nkulungwa alu’a yangwa, ‘Kakape nimmakianga, kwa kila kili’be samumpangi yumo ywa aba alongo bangu' bangali isimilwa, mwaanipangi nenga.’
Mundu mana kakulu’ba kili’be umpei, ywapala nngu’ta kaneunnyime.
Nyinyonyo namwenga, bweya winu upalikwa umulike kwa bandu li’nga bagabone manogau gamugapanga, nabembe baalumbe Tati' binu bababile kunani.
Mwapei bandu ili’be yabapala na mwenga Nnu’ngu' ampeya, mwapokya kili’ngo satwi’la no indilya, tikyatikya ika no yitanika. Kwa mwanjaa kili’ngo sososo samwaali’ngya, nga samwaali’ngi’lwa na Nnu’ngu'."
Kipi’nga sa bandu ngabalaluya, "Tupange buli?" Aayangwi, "Ywabile na ngu’bo ibi’li' ampei mwene buula, na ywabile na kilyo apange nyinyonyo."
Mupi’mi’yange mali yinu na mbanje ye mukaapei aki’ba. Mwitengenesi mipuko yangali otoka na kwibi’kya amana kunani, akwo ipu’ngwali. Akwo baii baegelyali kai' ngu’lu’ku’lu' baalabiyali. Palu' paibile amana yako, nga pawaba na mwoyo wako.
Amuli yangu' nga yi’no. Mupendane kati mwanimpendi mwenga.
Ntu’pu' upendo nku’lu' muno kulikoni wa mundu kuupiya bwu’mi wake kwa kitumbu sa mambwiga bake.
Kwa makowe goti, ninnayite panga kwa ndi’la yo panga kasi kwo binia, tupalikwa kwayangatia bangali uweso na kugaku’mbu’kya mayi’gi’yo ga Bwana Yesu gaabaite, ‘Nantali muno kumpeya mundu kulikoni pokya bu’ka kwa mundu.’"
Payomwi longela go, Pauli aatikilikita na kunnu’ba Nnu’ngu' pamope nabo. Boti baatili’la muno, ku’no kabannaga kwa kunkumbatya na kunnonia, baatitotokelwa munomuno, kwa si’lu' saabakiye panga baalu’a kummonali kai'. Ngabamwindikiya mpaka payingi mumeli.
Mwayangatiye aumini ainu muili’be yabapu’ngu’kilwe, na mube mwabandu ba kwakemya ageni mumayumba ginu.
Muleke makowe ga kwipenda mwabene
Bai twenga twatukomile muimani, tupalikwa kuupu’twa ukigopi wa aitu bangali komala. Twaayangatie muukigopi wabe na kanetupange makowe gagatunogelelya twenga twabene bai.
Muyangatiane mwabene na bene kwipu’twa igombo yinu, kwa ndi’la yi' mwapanga mwikamuliye salya ya Kilisitu.
Mwii, kaneayibe kai', ila apange kasi kwa moko gake mwene li’nga abe na kili’be sa kwapeya apali.
Kila yumo ywinu kaneaganiye makowe gake mwene baili, ila aganiye na makowe ga bi’ngi'.
Imani na iyendo
Mwaalongo bangu', kubile na pwaila yaku' mundu baya abile na imani, lakini kakotoka laya iyendo? Buli ayo imani yawesa kunkosopolya? Manaitei nku’wo au nnu’mbu’wo abile na buula au ntu’pu' kilyo, na yumo ywinu ngammakia, "Uyende kwa amani, ukayote mwoto no yukuta," pangali kumpeya si’lu' sapala bu’kana na upali wake, yapanga na pwaila yaku'? Nyinyonyo na imani kisake pangali iyendo, ilaya mpu’la panga imani yinu iwile.
Manaitei mundu abile na mali ya padunia, na kammona mundu nnyine kapala, lakini abileli na mwoyo wa kunnyangatia, buli upendo wa Nnu’ngu' utama nkati yake?