Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Kedanemene Ih mzeu lage nnui acu matyei kera peu; Ih hereu lage nnui acu sak kera peu; Ih sangme ge teila ge nnui acu hegia beu; Ih paula lage nnui acu pai bah beu; Ih teeinei lage nnui acu ngkwet beu; Ih hebaang tei lage nnui a da gwang.’ Pecai makesangme pe sam keli eh rangzie, ‘Rampaubo, nang daidau mzeula eh ngau eh anui ncu peu matyei no? Mede hereula eh ncu sak kera peuno? Nah daidau nang sangtei kela ngau eh ncu hegia no? Mede paula eh ncu pai bah beuno? Nah nang daidau teeinei nah hebaang tei la eh anui ncu ngau eh n da gwang no?’ Pecai Hegwangpei penuide samkeli eh rangzie, ‘Ih nnui dage rangsiakte gaila, nnui a siname keceu aidungde dage tei kegaidungde a dage teigai delie.’
N dade kie kela keheibe de peulu, nah n dade ma hepok neu kela keheibe dade nreutet diso.
Peu n kebaa de mina dwade gi mbaa lulo, iciu de penui n ta keyidung de ngau eh tinggim ga kebam n Pei de twalu kerane.
Peulo, iciude ncu de peu zie: mdet kehemi, nimkemtip, hecung kehekwa, nah pui kenlim, cidung de n pi gage ruigai beu zie. Kedanemene nang mdet kebeu dene, ncu de mdet caili daibeu zielu."
Ge hemaabedung de pe dade keteu bamdi, "Iciucai anui daipai tei zie no?" Nah pa penui sam keli eh rangdi, "Ncwa kena kebambe de kette kegahbe de mzibi maisia, nah ketyeipok kebambe de cinzwa teilu maisia."
Nnui mabam zwadi delwe kegame de mapeu lo. Rangkangbung sia dila kemakbe nnui ziemne tei lulo, tinggim ga mabam madaude gahdi kelak ga, keregame gwang nna gai kelak, nah taklei nede teimsiadi kelak ga. Kedanemene n mabam kebam ga, cika n mlung de bam zielu.
A aja au aide da, nnui hangge ge de ku lulo kecu Ih nnuide keku nzwa.
Migede keku kedi aide swa galie, pa pezangme ziemne pe teilung kai beu kecu.
Aidung pelane gade Ih nnuide Rampaube Jisu samdung, "Ngau kelube swa au mide kepeube samlam pungki lie," de kerang de nsunglwe anui matatei nri eh mnei kelamedungde ngha maikesia keulia gaida.
Paul aidungde rangcang kedicai, pa keumie koktung delwe penui pelane de ngngwa kekie tei. Ge cika penui pelane hapsüt eh Paul de tuipwalwe pecu kemamgai. Penui suisia kidi, kedanemene penui madaude pe zu ngau dailak delie de pa rang kegai ziemne. Pecai penui pecu liem ga ngngwa miedi.
Kemcime teu maikesia gage hema mzi gailu. Mide hegia kera lampui kekiee peilu.
Cu anui kenlum gade ngkieng kelame au mneikelame gu kemneidung pungha maisia, nah anuikatei anui suiyibe teikerabe ma.
Hangge ge püt cuilu, iciude nnui Khrista zaibe teicang luzie.
Keregabe de rega sita dilu. Dede pa pe bale bata keyi tei eh heta tei maisia, iciu eh pa teu maikesiame de ma pwa peulu kerane.
Keheibede de nnuikatei nnui suibe rünne teiso, dede mikedame suibe de tei lulo.
Kenlum nah bata
A sinamedung, mi kangge pe kenlum bamlie rangla liede pe bata gah cai cide pe kemmi daipai no? Kenlum cide pecu kelilu buini? Magade mi sinapei ge mede mi tipui ge paiheni kesia teu nah tingnai ramsang ne taktyei bam ma, nah nnui mige penai dage, "Nnai lung nciep eh gwanglu, lumlu nah tyei nggeilu," de eh rang de penai pumteihbe ziemne teu mai kesiadung peu mecai, cide pekeyi daipai no? Cine kenlum rünne au, cide bata si mecai, ketsai lie.
Dede keheibede kideube mabamdung bam eh pe sinabe teu maikesia ngau de pecu nghabeu mecai, dainzwa eh peda Tinggwang keku de bamlu laino?
Kegahme de ngaunggia kelame RAMPAUBE de releu beu bamda,
nah pa tei kegaide de pa pecu rui pwapeu daizie.
Kedanemene hangdeu ga madaude kegahme gah lak; cine Ih ncu aja kai eh rangla, ‘Nang Israelme de ngha lamui maisia, keumai kesiame nah n deu ga kegahme de.’