1 Israelme mipei mige ge kecu Mizpah gade rang eh reset sam aide le penuide kanglu, "Anui migede anui napui de peu eh Benjamin leuhme depeu pe nau lak." 2 Pecai, minadung Bethel ga gwanglu nah cika penui Tinggwang dwaga tinghegi kecang bamdi. Penui penui kwa hu eh penui hapdi, sahbak eh hap bamdi. 3 Penui hapdi, "O RAMPAUBE, Israel Tinggwang, daitei aide Israel dage teigai dino, henai Israel gade heleuh ket gah sidi kera?" 4 Cu ciciu eh pecai benai minadung cuh zilu nah penui cika recabam ge teilu delwe penui keru reca nah kezuyi recadung teigai. 5 Israel namedung rangdi, "Israel leuhdung kakgade hemaabe de ngngwa eh RAMPAUBE da nghang kemak caube no?" Kedanemene reset kedide cai renia Mizpah ga RAMPAUBE da hang kemakme ziemne rangpwa bam, "Pecu teitsetdi bi maisia." 6 Israel namedung au penui sinabe Benjamin de ngaunggiadi. Penui rangdi, "Henai Israel gade heleuh gede keu gi dida. 7 Anui penui ziemne daipai teilu buino, bangpwa kebamme ziemne, henau ge ziemne, anui anuikatei pwa RAMPAUBE dage peu anui napuidung penui nau laklie reset di delu?"

8 Penui rangdi, "Israel leuh gade caube Mizpah namdi ga RAMPAUBE da nghang kemak bamno?" Cu ainie, hemaabe ga, ramzeuki ga nghang kemakme au Jabesh Gilead nam gade da. 9 Minadung penuide pei kegai dau, ainie, Jabesh Gilead nam ga kelunghme migede cika bam ma. 10 Cine hemaabe mina cang kerei kena cikage langgai, reugwame napeidungde gade, nah penui sam rang eh penuide ledeu gai, Miecu, delwe nnui kingtie pwa Jabesh Gilead nam ga kelunghme de bitset di maisia, mipuidung nah henamedung de de. 11 "Aidungde nnui teilu maisia: mipei nah mipui leune tin kemakme de teitset dilu." 12 Penui Jabesh Gilead nam ga kelunghme kakga mipui hename hai mdai bam eh ngaulu, leitinme, mipei de ngkop di ci kemakme, nah penui penuide Canaan deuga kebam Shiloh ramzeuki ga ngngwa gwanglu.

13 Hemaabe pelane tetpetlu delwe penui Rimmon tsura ga kebam Benjamin namedung de marang, nah penui dage ngngwa kezuyi sahgai. 14 Cidau Benjamin caili gwanglu nah penui Jabesh Gilead ga mipui ring kebam puidung gade pwa penuide peudi. Dede penui penui ziemne ngaucang luma. 15 Minadung Benjamin ziemne penui lung siadi, kedanemene RAMPAUBE Israel leuhmedung kakgage ngngwa kesiage tei kebeune.

16 Pecai hemaabe hangkiamedung rangdi, "Dainzwa eh anui bangkelumedung ziemne penui naudung peeilu laino, Benjamin leuh gade mipuidung de teitset kapdi delu?" 17 Penui rangdi, "Benjamin leuh gade bangkelume ziemne pe leuh ge cika bam maisia, iciu eh Israel gade heleuh gede tei nggah di melu kerane. 18 Dede anui au anui napuidung kakgade nau penuide peu gailak da, kedanemene Israel namedung de au samkak gele kangpwa bamdi delu, ‘Benjamin de henau ge kepeube depeu reset punglu.’" De kecude. 19 Cine penui rangdi, "Ainie, mmi ramsangne ngyi Shiloh namdi ga RAMPAUBE ziemne hengyi bamla, cide Bethel namdi tingpeule bam, Bethel namdi gade Shechem namdi ga kegwang lampui naimiak kepetle lebie ga, nah Lebonah tingbangle bie." 20 Penui Benjamin namedung de maranglia eh ranggai, "Mie delwe kubeluh ga mbai eh kwalu. 21 Nnui pielu nah ainie, Shiloh napuidung helim lim kera kepet dau, cidau nnui kubeluh gade mpetlu. Nnui nnui ziemne Shiloh napuidung ket ket tui luzie penau kerane, nah pecai nnui Benjamin deu ga cailigwang lubui. 22 Penui peime mede penui heimedung anuide ngngwa rang repia kera kegwang dau, anui penui dage rangzie, ‘Penuide mta pwa anuide peulo, kedanemene anui hereu aide tingdau migede penui nau luulu melu. Cidau nnui penuide peu kemakme, nnui mau di lubui.’" 23 Benjamin namedung cinzwa teilu. Penui lim kebamdau penui naudung mnunglu kera pung tetdi, penuide kerak teu tetdi. Pecai penui caili penui mabam ga penui miedi. Penui namdidung teilu delwe penui cika lunghdi. 24 Pecai Israelme cikade cidau penuikatei tet lamnadi, ket ket kecu penui leuh nah penui kelakdung ga gwangdi. Iciu eh cikade penui mabam rip ga penui miedi.

25 Cipau tingdau Israel ga hegwang gede bam ma. Ket ket kecu pe dwade kenzeube tei gwang.