35 Kwaviya nekhiwa na saa, mkanekha khande, na nekhiwa na khiu mkanidomeza na nekhiwa mgeni mkanihokea, 36 nekhiwa mwazi mkanivika magwanda na nekhiwa mtamu mkeza kunikauwa na nekhiwa mwe kifungoni mkeza kunivuiiya.’ 37 Aho awo wantu wedi wenda wamtambaise na kumwamba, ‘Zumbe ni ini, tekukuonaho una saa tikakwekha khande hambu ukawa na khiu tikakudomeza mazi? 38 Ni ini tekukuonaho umgeni na swie tikakuhokea na tekukuonaho umwazi tikakuvika magwanda? 39 Na ni ini tikuona ukawa mtamu tikeza kukukauwa hambu wekuwaho mwe kifungo tikeza kukuvuiiya.’ 40 Nae Seuta endaawatambaise, ‘Kwei nawamba, chochose mwekuwagosweado wamwe wa awa wandugu zangu mnigosweeya miye!’

42 Akuombezae mwekhe, akundae kukuazima kintu usekumuemeeya.

16 Viyaviya mng’ao wenu na uwamuike wantu, naho waone ntendwa zenu ntana, wamtogoe Tati yenu ekuwaye uwanga uko kwa Muungu.

38 Wekheni watuhu vintu, nanyi mwendamwekhigwe. Eehe, mwendamhokee he mikono yenu kihimo chekumemacho, na kuomoewa na kwetika etika. Kwaviya kihimo kiyakiya muhimiacho kwa watuhu nee endachoahimie Muungu kwenu."

10 Zumwezumwe da wantu dikamuuza, "Titende mbwai?"

11 Yohana akawatambaisa, "Mwenye magwanda maidi amwekhe yuda mwesaekuwa na gwanda, mwenye khande atende ivyoivyo."

33 Tageni vintu vyenu mkawekhe wakiwa izo hea. Mwegosoee vifuko vya hea vyesayokusakaa, na uko nee kuika kiikizo uwanga kwa Muungu ambaho taa dakwe khadihungua, uko wabavi khawabua na wala mswa khawabananga. 34 Hada enaho kiikizo chako, nee endaho uwe aho moyo wako.

12 Inu nee miko yangu, kundisaneni inga nekumikundisavyo miye.

13 Sia khuu muno ya kuonyesha wawakundisa wambuya zako, ni kuuya na nyuma ili wowo wekae.

35 Mwe yada yose ambayo khigosoa, nekhiwa naonyesha kuwa takundigwa kugosoa ndima kwa sugunti zetu swie wenye ili tidahe kuwaambiza wekuhungukiwao, kisingi tagosoa ivyo tiwe takumbuka Mbui ambazo Zumbe Yesu mwenye nee kagombeka, ‘Ebae kulavya kusima kuhokea.’ "

36 Paolo ekubindaho kugombeka ayo, akakinta mavindi hamwe nao wose akavika. 37 Wose wakaiya muno wakamwenamia Paolo na kumuumbatia. 38 Mbui yekuwageayo mbazi muno, ni ida mbui ekwambayo khawana wamwone vituhu, naho wakaita hamwe nae adi mwe ngaawa.

13 Waambizani wantu wa Muungu kwa yada wayakundayo, naho wahokeeni wantu wose.

1 Swie tekudahaao mwe kumzumiia Muungu, takundigwa kuwaambiza wada ambao khawazati kudahaa mwe kuzumiiya na khio kugosoa mbui za kwetamiza wenye.

2 Inga yumwe wenu anamasa yakundigwa muwambizane kwa kugosoa ivyo mndamuwe muitegeeza miagiiyo ya Klistu

28 Ekuwae mbavi, asekubawa vituhu, iya avoke kugosoa ndima yekuwayo yedi, ili apate kuwa na kintu cha kumwambiiza yee na watuhu wekuwao wakiwa.

4 Kiya yumwe wenu asekugosoa mbui za kumwambiiza mwenye du, iya kiya mntu na amamakhanye mbui ambazo zendaziwaambiize watuhu.

14 Wazumizi wezwangu, ivi mntu endaapate mbwai akagombeka amzumiiya Muungu, akini khaonyesha kwa ntendwa? Ivi kuzumiiya uko kwadaha viivihi kumwohoa? 15 Ikawa ndugu yako wa kigosi hambu wa kivyee anasakaza wala khana khande, 16 na yumwe yenu mntu akegombeka, "Hitani kwa uivanisi, na mkaote moto na kweguta akini asekuwekha yada mkundayo," ivi, yendaiambize mbwai? 17 Mbui izo ni inga mntu kumzumiiya kwesiho ntendwa.

17 Akini mntu akawa na vintu vingi vya inusi na amoona nduguye khana kintu na akaemea kumwambiiza mweziwe, adaha viivihi kugombeka kuwa amkundisa Muungu?