Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Kwaikiva niwelili na njala na mwenga mkanipegha mulyo, niwelili niyumililwa na mwenga mkanipegha masi, niwelili mhenja na mwenga mkanipokela, "Niwelili bila nguu, mkanivwalisa, niwelili mvina na mwenga mkahika kunilola, niwelili mlighuta lya wawopwa na mwenga mkahika kunilola." Hinu, wala wandu wa maha watemkonya, Bambu, ni ligha tukulolili mweni njala tukakupegha mulyo, au uwela na kuyumililwa na twenga tuka kupegha masi? Ni ligha tukulolili ukiwela mhenja na twenga tukakupokela, au ukiwela ng’ogha na nguu, tukakuvwalisa? Ni ligha tukulolili ukiwela mvina au muwopwa na twenga tukahika kukulola? Nkosi atewayanga, "Chakaka ninguwalongela, vila muwagholilile wamonga wa hagha walongu ghangu wasokombi, mnigholilile nenga."
Mundu paangukuluwa kindu wenga ungupalwa umpeghi, ukotoho kuwela mwimi.
Hilahila, mhana wa mwenga ulangasi kuulongolo gha wandu, ili wapati kulola matendu gha mwenga maha na wawesi kumyinula Tati wa mwenga wa kundumba.
Muwapeghi ghangi hyogha wayapalili, na mwenga mtepokela. Kangi, mtepokela hupo ngulu imemeswili nesu hata kumwaghika. Kwa ikiva mtevikilwa na Sapanga hupo hilahila muitumila mwenga kwa wandu ghangi."
Lipinga lya wandu likamkonya, "Tughole kyani hinu?" Akawayanga, "Avile na likoti ivili ampeghi yula avileng’ogha na likoti, avile na mulyo aghole hilahi."
Muwusi hindu gha mwenga mkawapeghi wandu wakapuku hagha mapesa. Mjigholeli mihaku ihakala ng’ogha haku ndiwa kuvika ngoko kundumba, na haku itewesa ng’ogha kupungula. Kangi haku mwihi awesa ng’ogha kuhikila, hata nondo kuyalamisa. Kula mnguvika ngoko ghako ndiwa na moyu ghako utelikala.
Laghililo ninguwalaghila ni hali mpalani mwenga kwa mwenga handa vila nenga ninguwapala mwenga.
Njila ngulu kulangiha yiwa unguwapala waghanja ghako ni kuhova kwaikiva gha weni.
Ku kila kindu nigholili, nilangiha kwa mwenga yiwa kughola lihengu kwa lihuki lya twenga weni ili tuwesi kuwatanga wala wajiwesa ng’ogha, na lipindi tungughola nagha mngumbuki milandu gha Bambu Yesu mweni vila ailongile, ‘Ni highili nesu kupegha kupiti kupokela’"
Paulo paayomolili kulonga, akatundama manunguna pamonga na weni wogha akayupa. Wogha wakalila masosi nesu, na kumkumbata na kumnonela. Mghalu augholile kuwavika kuunyengemala ni vila ailongile mtenilola ng’ogha kangi. Ndiwa wakayenda pamonga na mweni mbaka ku whatu.
Muwatangi wandu wa Sapanga kwa kuwapegha kila wapungukilwa nachu, muwapokeli wahenja kwa utundamilu.
Myangalai kuwahekelesa waghangi
Twenga weni kukamala kuukwinila tungupalwa kuwatanga wala wavile wakamala ng’ogha kuukwinila, ila tukotoho kujihekelesa weni.
Mtangani mwenga kwa mwenga pamnguwela kulung’ai, kwa kughola nagha mngughola handa Kilisito angupala.
Na mundu yula awelili mwihi, aleki kuhuyila kangi wihi, ila agholi lihengu lyaki kwa kuyangala, na aweli na kindu kya kuwapegha wandu kapuku.
Kila mmonga akotoho kuwachila mighalu anguipala mweni weka, badili ghaki awachili mighalu yeni kupalwa na waghangi.
Kukwinila na kughola vila angupala Sapanga
Walongo wa nenga, kuwela na fwaida liki paikawela mundu angulongela kangukwinila kunu kangulangiha ng’ogha vitendu vya kukwinila. Ghuli kukwinila haku kunguwesa kumlokola? Paikawela mhacha au mhaja kahakala nguu au kahela mulyo, mmonga wa mwenga akamlongela, "Sapanga aweli pamonga na wenga!" Hai ingumtanga niki? Paumpegha ng’ogha kindu kya kumtanga. Havi ndiwa iwela kukwinila weka ghaki pakukonganika ng’ogha na matendu, kuhova.
Hinu paikwela mundu kawela na vindu vitangala haku kumlimawogha, na akamlola mlongo ghaki kana lung’ai, mweni akawela na moyu ukamala akotoho kumuwonela myaki luhungu, hayu kanguwesa ghuli kulonga yiwa kangu mpala Sapanga?