Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Koro biọñ ama ọdọñ Mi ndien mbufo ema enọ Mi udia, itọñ ama asat Mi, ndien mbufo ema enọ Mi mmọñ ññwọñ. Ñkedi esen, ndien mbufo ema eda Mi esin ke ufọk mbufo. Ñkasaña iferi ndien mbufo ema esine Mi ọfọñ, Ami ñkọdọdọñọ ndien mbufo ema ese ñkpọ ebaña Mi, ñkedu ke ufọk ñkpọkọbi ndien mbufo edise Mi.’ "
"Ntem kpukpru nti owo eyebọrọ ete, ‘Ete, ini ewe ke ñnyin ikokut nte biọñ ọdọñde Fi ndien inọ Fi udia? Mme nte itọñ akasatde Fi, ndien ñnyin inọ Fi mmọñ ọñwọñ. Ini ewe ke ikokut edide esen, ndien ñnyin iñwam Fi? Mme nte akasañade iferi ndien ñnyin isine Fi ọfọñ? Ini ewe ke ñnyin ikokut nte ọdọñọde, mme odude ke ufọk ñkpọkọbi, ndien ñnyin idise Fi?’ "
"Edidem eyebọrọ ete, ‘Ami ntiñ akpanikọ nnọ mbufo nte, se ededi emi mbufo ekenamde enọ usuhọde owo kiet ke otu nditọ Ete Mi, mbufo ekenam enọ Mi.’ "
Nọ enyemi ebeñede fi, kuñyuñ usin ndibuọt enyemi oyomde ebuọt oto fi.
Eyak uñwana mbufo ayama ke iso mme owo man mmọ ekut nti utom mbufo, enyuñ enọ Ete mbufo emi odude ke enyọñ ubọñ.
Enọ, ndien eyenyuñ enọ mbufo. Eti udomo emi efikde enyuñ enyeñe ebuak tutu ọyọhọ ọduọi, ke ediñwaña idọñ mbufo ke ubọk. Koro kpa udomoñkpọ emi afo adade odomo ke edida idomo inọ fi."
Otu owo ema ebup enye ete, "nso ndien ke ñnyin iyom ndinam?"
Jọn ama ọbọrọ mmọ ete, "Owo emi enyenede ọfọñ enyọñ idem iba, enyene ndibuana ye enyemi minyeneke, ndien enye emi enyenede udia ana onyuñ anam kpa ntre."
Enyam kpukpru se enyenede enyuñ eda enọ mmọ emi minyeneke. Enọ idem mbufo mme ekpat okuk emi miditahake, inyene ke enyọñ emi midikureke, ke ebiet emi baba inọ ndomokiet misañake ikpere, utañkpọ ñkọ midibiatke. Koro ebiet emi inyene mbufo odude, ebiet oro ke esit ye ekikere mbufo enyene ndidu ñko."
Ewuhọ Mi edi emi: Ema kiet eken kpa nte Ami mmade mbufo.
Owo ndomokiet inyeneke ima emi okponde akan ima enye emi anamde ufan ayak uwem esie ọnọ ke ntak mme ufan esie.
Ami mma ñwut mbufo ke kpukpru ñkpọ nte ke edinam ọkpọsọñ utom edi ukure usuñ emi ñnyin ikemede ndiñwam mme mmọ emi idem ememde, ke editi mme ikọ emi Ọbọñ Jisọs ke idem esie eketiñde ete, ‘Udori odu akan ke edinọnọ ñkan ke ndibọbọ.’ "
Ke enye ama eketiñ emi ama enye ama ọtọñọ erọñ ke isọñ ye kpukpru mmọ Ọbọñ akam. Kpukpru mmọ ema etuaña kadaña emi mmọ ekefatde enye enyuñ etim enye inua. Mmọ eketim efuhọ ebaña mme ikọ emi enye eketiñde ete ke mmọ idikwe imọ aba. Ndien mmọ ema etiene enye ekesim nsuñikañ.
Ebuana inyene mbufo ye mme nditọ ete mbufo emi enanade, enyuñ ekpep ndifọn ido ye mme isenowo.
Ñnyin emi isọñde idem ke mbuọtidem ikpenyene ndiñwam mbio mmemidem ekeme ndibiom mme mbiomo mmọ. Ñnyin ikunam ñkpọ ndinem idem ñnyin esit.
Eñwam ndibiom mbiomo kiet eken, ndien ke usuñ emi ke mbufo edinam se ibet Kraist oyomde.
Owo emi ekesiwode ñwo yak enye okuwo aba, edi ọtọñọ ndida ubọk esie nnam utom, man enyene utib ke nnen nnen usuñ ndida mbọk idem esie, ñnyuñ ñkeme ndida ññwam mme mmọ efen emi minyeneke.
Enyuñ eyom ufọn kiet eken, idighe ufọn idem mbufo ikpọñ ikpọñ.
Nditọ ete mi, nso ufọn idu ke owo ndidọhọ ete, "Ami menyene mbuọtidem," edieke edinam esie misọñọke ikọ esie? Nte utọ mbuọtidem emi ekeme ndinyaña enye? Edieke nditọ ete iren ye iban edude emi enanade ọfọñ idem, ye se ediade, nso ufọn idu ke afo ndidọhọ mmọ ete, "Abasi ọdiọñ mbufo, ekop ufiop enyuñ edia ñkpọ eyuhọ," edieke afo munọhọ mmọ se inanade mmọ ke uwem?
Kpa ntre ke edi ye mbuọtidem, edieke mbuọtidem adade ikpọñ ndien inyeneke utom idian do, akpa.
Edieke owo enyenede inyene ererimbot emi, onyuñ okut eyen ete esie ke unana, edi etre nditua enye mbọm, ima Abasi ekeme didie ndidu ke esit esie!