1 Ikọ emi edi akpanikọ: Edieke owo oyomde ndidi adausuñ ke ufọk Abasi, enye okop udọñ abaña ata eti utom. 2 Ada usuñ ke ufọk Abasi enyene ndidi owo emi minyeneke ndo; enye enyene ndidọ ñwan kiet kpọt kpọt, enyene ndidi ọdiọñọ idem owo, enyene ndinyene mfarakeidem, onyuñ edi enyemi anamde ñkpọ nte odotde; enye enyene ndidara isenowo ke ufọk Esie; enye enyene ndinyene ukeme ndikpep mme owo ñkpọ, 3 enye inyeneke ndidi ama mmin mme owo obom, edi enyene ndidi suñ suñ owo ye owo emem; enye inyeneke ndidi owo emi amade okuk. 4 Enye enyene ndidi enye emi etimde onyuñ akarade ufọk esie ọfọn, onyuñ anamde nditọ esie esuk ibuot enọ enye ke kpukpru ido ukpono. 5 Koro edieke owo midiọñọke nte etimde ye nte ekarade ufọk esie, enye ekeme didie ndikama ufọk Abasi?

6 Enye inyeneke ndidi enyemi akabarede esit obufa; man enye edifut ọyọhọ ye ntañidem, ndien ọduọ oduk ke ubiomikpe nte ekedide ye Setan. 7 Enye enyene ndidi owo emi mme mmọ emi miduhọ ke esit ufọk Abasi ekponode, man esuene edisim enye, emi anamde enye ọduọ oduk ke afia Setan.

8 Mme mmọ emi eñwamde ke utom ke ufọk Abasi enyene ndinyene nti ido uwem, enyuñ edi mme anam akpanikọ; inaha mmọ edi mme ama mmin, mme ndidi mme mmọ emi edọrọde itọñ. 9 Mmọ enyene ndimum ñkama ke iñwañ iñwañ esit akpanikọ emi eyararede enọ mmọ, emi otukde mbuọtidem. 10 Enyene ndidomo mmọ kaña nse, ndien edieke mmọ ebede udomo, eyak mmọ ndien eñwam ke utom.

11 Iban mmọ ñko enyene ndinyene nti edu uwem, idighe mme abaña ibaña; mmọ enyene ndidiọñọ idem enyuñ enam akpanikọ ke kpukpru ñkpọ. 12 Andiñwam ke utom ke ufọk Abasi enyene ndidọ ñkpasip añwan kiet, onyuñ enyene ukeme ndikara nditọ ye ufọk esie nte ọfọnde ama. 13 Mme mmọ emi enamde nti utom eyeda nti idaha enọ idem mmọ, enyuñ enyene ọyọhọ idorenyin kabaña mbuọtidem mmọ ke Kraist Jisọs.

14 Nte emi ñwetde ñwed emi nnọ esọk mbufo, ami modori enyin ndidi ndise mbufo idibighike, 15 Edi edieke ami mensọpke ndi, ñwed emi eyenam mbufo efiọk nte ñnyin ikpekamade idem ñnyin ke ekpuk Abasi, emi edide ufọk odu uwem Abasi, emi edide obubọk ye ubere akpanikọ.

16 Owo ndomokiet ikemeke ndineni mbaña nte ndedibe ñkpọ ido ukpono ñnyin okponde eketre. Enye ọkọwọrọ owut idem Esie ke mbiet owo, Spirit ama etie ntiense abaña nte Enye enende, mme enjel ema ekut enye, ema ekwọrọ Enye ke otu mme idut, ema enim enye ke akpanikọ mi ke ererimbot, ndien ema emen Enye edọk ke enyọñ.