Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Wambizi wangu noulawe kwa Zumbe Mnungu
azidamanye mbingu ne isi.
Mnungu ehamwenga na suwe
Mnungu ni unyilikilo wetu naho ludole lwetu
yehe ni wambizi wetu mwo lupisi lwose lwa makunt’ho.
Mna ikindedi, Mnungu niye wambizi wangu,
Kaula, Zumbe Mnungu niye dikawiilo dyangu.
Zumbe Mnungu awayokola want’hu wedi,
naho awamila mwo lupisi lwa makunt’ho.
Zumbe Mnungu awambiza na kuwayokola,
awayokola mwa want’hu waihile na kuwakombola,
kwaviya wagulukila utondowazi kwakwe.
Usunguze kunizila unambize,
Zumbe Mnungu ywo uyokozi wangu.
Uchambize weye Mnungu mkombola ywetu
kiyokole na kukiusila wavu wetu,
kwajili ye nt’hogola yako weye mwenye.
Ditogolwe zina dya Zumbe Mnungu,
kwaviya keva indilo yangu haunga wambizi.
Zumbe Mnungu nuwo udahi na nk’hindo yangu,
miye namhuwila kwa moyo wangu wose,
yehe anambiza naho anitenda nimwangile,
ivo namtogola na mila ya kinyemi.
Yandile Zumbe Mnungu hanambize,
miye hegu nehisunguza kuita kwe isi ya wabanike.
Kunamila na kunikombola,
wambizi wako kuutenda mkulu.
"Soni kwangu nyose mzamilwe ni nt’wika zenyu, miye neni wahumuzeni.
Nenimlombeze Tate naho naawenk’heni mwambizi mtuhu akuunga ekale na nyuwe ulo na ulo.
Iviyaiviya Muye ywa Mnungu naye achambiza mwo usokezi wetu. Kwaviya hakimanyize kulombeza enga ivo vikuungwa, mna Muye mwenye akilombezela suwe kwa Mnungu kwa mbuli heikudahika kutambulwa. Naye Mnungu akukaula kundani kwe mioyo, kamanya zifanyanyi za uyo Muye kwaviya uyo Muye awalombezela want’hu wa Mnungu viligane naivo Mnungu akuunga.
Mhuwile Zumbe Mnungu kwa moyo wako wose, use kuhuwila ubala wako mwenye. Umkumbukile Zumbe Mnungu mwe mbuli zako zose, yehe naye naakwamile mwe zisila zako zose.
Mduileni mahituhitu chenyu yose, kwaviya yehe niye akuwalelani."