Aliança
A aliança é o modo como Deus se relaciona com seu povo. Da aliança com Noé à Nova Aliança em Cristo, Deus se compromete com amor e fidelidade irrevogáveis.
Alianças com Israel
Deus firmou aliança com Abraão, Moisés e Davi. No arco-íris, na lei, nas promessas — Ele é o Deus da aliança.
तेबे परमेशरे नूह ओर तेसरे पाऊआ खे बोलेया, "सुणो, आँऊ तुसा साथे ओर तुसा ते बाद जो तुसा रे जो बच्चे ऊणे, तिना साथे बी वाचा बानूँआ; ओर सारे जिऊँदे प्राणिया साथे बी जो तुसा साथे ए मतलब पंछी, करेलू डांगर, तरतिया रे सारे बणो रे डांगर ओर जितणे जीव-जन्तु जाह्जो ते तां साथे बारे निकल़ी रे, तिना सबी साथे बी आऊँ येई वाचा बानूँआ। ओर मां तुसा साथे आपणी ये वाचा पूरी करनी कि सारे प्राणी फेर जलप्रलय रे जरीये नाश नि ऊणे ओर तरतिया खे नाश करने खे फेर जलप्रलय नि ऊणा।"
तेबे परमेशरे बोलेया, "जो वाचा आऊँ तुसा साथे ओर जितणे जिऊँदे प्राणी तुसा साथे ए तिना सबी साथे बी युगो-युगो री पीढ़िया खे बानूँआ। तिजी रा ये चिह्न् ए: कि तेसा वाचा रा ये चिह्न ए कि मैं बादल़ो रे आपणा बरखा रा धनुष राखी राखेया ओर ये मां ओर तरतिया बीचे वाचा रा चिह्न् ऊणा।
ओर मां तुसा साथे आपणी ये वाचा पूरी करनी कि सारे प्राणी फेर जलप्रलय रे जरीये नाश नि ऊणे ओर तरतिया खे नाश करने खे फेर जलप्रलय नि ऊणा।"
कि तेसा वाचा रा ये चिह्न ए कि मैं बादल़ो रे आपणा बरखा रा धनुष राखी राखेया ओर ये मां ओर तरतिया बीचे वाचा रा चिह्न् ऊणा।
तेसी दिने यहोवे अब्रामो साथे एक वाचा बानी, "एते जमीना पाँदे मिस्र प्रदेशो री नील नदिया ते लई की फरात नाओं री बड़ी नदिया तक जितणा देश ए, मतलब, केनी, कनिज्जी, कदमोनी, हित्ती, परिज्जी, रपाई, एमोरी, कनानी, गिर्गाशी ओर यबूसी जातिया रे लोका रा देश, मैं तेरे वंशो खे देईता रा।"
तेबे अब्राम मुंए रे पारे थाले चुकेया ओर परमेशर तेस साथे ईंयाँ गल्ला करदा रया, "देख, आँऊ ये वाचा तां साथे बानणे लगी रा कि तूँ प्रदेशो री जातिया रा मूल़ पिता ऊई जाणा। एबे आजो ते तेरा नाओं अब्राम नि रणा, पर तेरा नाओं अब्राहम ऊणा, कऊँकि मैं तूँ देशा-देशा रिया जातिया रा मूलपिता ठराईता रा। मां तूँ बऊत जादा फल़वंत करना ओर तूँ प्रदेशो-प्रदेशो री जातिया रा मूल़ बणाई देणा ओर तेरे वंशो बीचा ते कई राजा पैदा ऊणे। आँऊ तां साथे कित्ते रे वादे खे तेरे वंश ओर आऊणे वाल़ी पीढ़िया-पीढ़िया तक जुगो-जुगो री वाचा बानूँआ कि आऊँ तेरा ओर तांते बाद तेरे वंशो रा बी परमेशर रऊँगा। ओर आऊँ ये सारा कनान देश जिदे तूँ परदेशी ऊई की रणे लगी रा, एसा जमीना खे ताखे आऊँ सदा खे तेरे कब्जे रे ओर तांते बाद तेरे वंशो खे जुगो-जुगो तक देऊँआ ओर आऊँ तिना रा परमेशर रणा।"
फेर परमेशरे अब्राहमो खे बोलेया, "तुसा री ये जिम्मेबारी बणोई कि तूँ ओर तांते बाद तेरा वंश ओर तिना री पीढ़िया रे लोक बी तेरे जेड़ी मां साथे बानी रिया वाचा खे मानेया करयो। मां साथे बानी री वाचा खे जो ताखे ओर तांते बाद तेरे वंशो खे मानणी पड़नी से ये ए कि तुसा बीचा ते हर एक मर्दो खे खतना करना पड़ना। मां ओर तुसा बीचे वाचा निबाणे रा येई चिह्न् ऊणा कि तुसे परमेशरो रे जरीये ठराया रा बच्चे पैदा करने रे अंगो रा खतना कराई लएओ।
इजी खे चौदुए साले कदोर्लाओमेर ओर तेस साथले राजा आए ओर अशतरोत्कनम शईरो रे रपाई लोका खे ओर हाम शईरो रे जूजिया लोका खे ओर शावेकिर्यातैंम मैदानो रे एमिया लोका खे,
एबे जे तुसे त्यानो साथे मेरी गल्ल सुणोगे ओर मेरी वाचा खे मानेया करोगे, तो तुसे सबी जातिया बीचे मेरी आपणी जायदात ठईरने, कऊँकि सारी तरती तो मेरी ए।
मां लाल समुद्रो ते लई की पलिश्तिया रे समुद्रो तक ओर सुनसाण जगा ते लई की फरात नदिया तको रे देश तेरे वशो रे करी देणे; मां तेस देशो रे रणे वाल़े बी तेरे वशो रे करी देणे ओर तां सेयो आपू सामणे ते जबरदस्ती निकयाल़ी देणे।
तैं ना तो तिना साथे ओर ना ई तिना रे देवतेया साथे कोई वाचा बानणी।
तेबे यहोवे बोलेया, "देख, आऊँ तुसा साथे एक वाचा बानूँआ ओर मां तेरे सबी लोका सामणे एड़े अचम्बे रे काम करने, जेड़े तरतिया पाँदे ओर सबी जातिया रे देशा बीचे कदी नि ऊए ओर सेयो सारे देशो रे लोक जिना बीचे तूँ रएया, तिना यहोवे रे काम देखणे, कऊँकि जो आऊँ तुसा लोका साथे करने वाल़ा ए, से डर पैदा करने वाल़ा काम ए।
मूसा तो तेती यहोवे साथे बिना रोटी-पाणी खाए-पिये चाल़ी दिन ओर चाल़ी राती रया ओर तेबे तिने तिना पात्थरो रिया तख़्तिया पाँदे वाचा रे वचन मतलब दस आज्ञा लिखी तिया।
मूसा तो तेती यहोवे साथे बिना रोटी-पाणी खाए-पिये चाल़ी दिन ओर चाल़ी राती रया ओर तेबे तिने तिना पात्थरो रिया तख़्तिया पाँदे वाचा रे वचन मतलब दस आज्ञा लिखी तिया।
यहोवे तुसा खे आपणी वाचा रे दस वचन बताई की तिना खे मानणे री आज्ञा दित्ती ओर सेयो पात्थरो रिया दूई फटिया पाँदे लिखी ते।
इजी री खातर जाणी लओ कि तेरा परमेशर यहोवा ई सच्चा परमेशर ए, से विश्वास करने जोगा परमेशर ए; ओर जो लोक तेस साथे प्यार राखोए ओर तेसरी आज्ञा खे मानोए तिना साथे से ह्जार पीढ़िया तक आपणी वाचा रा पालण ओर तिना पाँदे दया करदा रओआ।
Alianças renovadas
O povo renovava a aliança diante do Senhor. A fidelidade de Deus permanece mesmo quando o povo falha.
तेबे जेबे लोक आपणे डेरे ते यरदन नदिया ते पार जाणे लगे ओर पुरोईत वादे रा सन्दूक चकी की लोका ते आगे-आगे चलणे लगे। यरदन नदिया रा पाणी तो फसला री बडाईया रे बखते सबी दिना दे कनारेया ते बी ऊबे बह्ईंदा रओ था, पर जिंयाँ ई सन्दूको खे चकणे वाल़े पुरोईत यरदन नदिया रे कनारे पऊँचे ओर तिना रे पैर यरदन नदिया रे कनारे पाणिए दे डूबी गे। तेबे यरदन नदिया रा जो पाणी ऊबा ते आऊणे लगी रा था से बऊत दूर, मतलब आदाम शईरो रे नेड़े जो सारतान जगा रे नेड़े मैदानो दे ए रूकी की एक टेर ऊई गा ओर दवाला जेड़ा खड़ा रया ओर यरदन नदिया रा जो पाणी अराबा रे सागरो दे, जेतेखे मृत सागर बी बोलोए, तेथो रिया तरफा खे बह्ईणे लगी रा था, से पूरा सूकीगा ओर सेयो लोक नदिया ते चलदे ऊए यरीहो सामणे पार पऊँची गे। तेबे पुरोईत यहोवे रे वादे रा सन्दूक चकी की यरदन नदिया दे बीचे चली की सुकी जमीना दे खड़े दे रये ओर सारे इस्राएली लोक पैदल पार उतरदे रये, ईंयाँ सेयो सारे इस्राएली लोक यरदन नदिया ते पार चलीगे जेड़े की सेयो सूकिया जमीना दे चले ओ।
तेबे यहोयादे यहोवे रे ओर राजा ओर प्रजा बीचे यहोवे री प्रजा ऊणे री वाचा बनाई ओर तिने राजा ओर प्रजा बीचे बी वाचा बनाई।
तेबे राजा योशिय्याह खम्बे गे खड़ा ऊआ। तिने यहोवे साथे ये वादा कित्तेया कि तेस यहोवे पीछे-पीछे चलणा ओर आपणे सारे मन ओर सारे प्राणो साथे तेसरी आज्ञा, ओर चतौणिया, बिदिया रा सदा पालण करेया करना। तेस तेते बिधानो री कताबा दे लिखिया दिया बिदिया खे मानदा रणा। ओर सारी प्रजे बी ये प्रतिज्ञा कित्ती, कि तिना बी बिधानो रा पाल़न करदे रणा।
तेस बखते राजा योरामे सामरिया शईरो ते निकल़ी की सारे इस्राएलो रे लोका री गिणती कित्ती। ओर तिने जाई की यहूदा रे राजा यहोशापातो गे सन्देसा पेजेया, "मोआबो रे राजे मां साथे बगावत करी राखी, क्या तां मां साथे मोआबो साथे लड़ने खे चलणा?" तिने बोलेया, "आ, मां जाणा, जेड़ा तूँ तेड़ा आऊँ, जेड़ी मेरी प्रजा, तेड़ी तेरी प्रजा ओर जेड़े तेरे कोड़े, तेड़े मेरे बी कोड़े ए।"
ईंयाँ योनाताने दाऊदो रे कराने साथे ये बोली की वाचा बानी, "यहोवा दाऊदो रे दुश्मणा ते बदला लओ।" योनातान दाऊदो ते प्यार करो था ओर तिने तेसखे फेर कसम खुल़ाई, कऊँकि से दाऊदो ते आपणे समान प्यार करो था।
तेबे यहोवे मूसे खे बोलेया, "हारूण पुरोईतो रा पोता एलीआजारो रा पाऊ पीनहास, जेसखे इस्राएलिया बीचे मेरी जेड़ी जल़न ऊई, तिने मेरी जल़न तिना पाँदा ते एथो तक दूर करी ती कि आँऊ जल़नी रे मारे बी तिना खे मारी नि सकेया। इजी खे पीनहासो खे बोलो कि आँऊ तेस साथे शान्तिया रा वादा करूँआ; ओर ये तेसखे ओर तेसते बाद तेसरे वंशो खे सदा री पुरोईतो रे पदो री वाचा ऊणी, कऊँकि तिने आपणे परमेशरो रा मान राखणे खे उत्साह दखाया ओर तिने इस्राएलिया रिया तँईं प्राश्चित कित्तेया।"
ओर जेबे मूसा यहोवे ते गल्ला करने खे मिलणे वाल़े तम्बूए दे गया, तेबे तिने दया रे आसणो पाँदा ते, जो गवाईया री चिट्ठिया रे सन्दूको पाँदे था, दुँईं करूबो बीचा ते तेसरी आवाज सुणी जो तेस साथे गल्ला करने लगी रा था; ईंयाँ यहोवा तेसते गल्ला करो था।
तेबे यहोवे मूसे खे बोलेया, "इस्राएलिया ते गल्ला करी की तिना रे बुजुर्गा रे कराने रे मुताबिक, तिना रे सबी परदाना गे ते एक-एक गोत्रो री एक-एक छाटी लई लो ओर तिना 12 छाटिया बीचा ते एकी-एकी पाँदे एकी-एकी रे मुखिया रा नाओं लिख, ओर लेविया री छाटिया पाँदे हारूणो रा नाओं लिखणा। कऊँकि इस्राएलिया रे बुजुर्गा रे कराने रे एकी-एकी मुखिया री एक-एक छाटी ऊणी। ओर तिना छाटिया खे मिलणे वाल़े तम्बूए रे वाचा रे सन्दूको रे आगे, जेती आँऊ तुसा खे मिलेया करूँआ, तेती राखी दे। ओर जो मर्द मां चुणना तेसरी छाटिया रे कलिया निकल़निया ओर इस्राएली लोका रा तुसा पाँदे बड़बड़ाणा मां दूर करी देणा।"
तेबे मूसे इस्राएलिया ते यो गल्ला कित्तिया ओर तिना रे सबी परदाने आपू-आपू खे, आपणे-आपणे बुजुर्गा रे कराने रे मुताबिक, एक-एक छाटी मूसे खे दित्ती ओर से 12 छाटिया ऊईया ओर तिना छाटिया रे हारूणो री बी एक छाटी थी। सेयो छाटिया मूसे वाचा रे सन्दूको रे सामणे तम्बूए रे यहोवे रे सामणे राखी तिया। दूजे दिने मूसा मिलणे वाल़े तम्बूए रे गया; तो तिने देखेया कि हारूणो री छाटी जो लेवी गोत्रो रे कराने खे थी तिदे कलिया निकल़ी गी थिया, तिदे कलिया लगिया ओर फूल बी फूले ओर पाक्के बदाम बी लगी रे थे। तेबे मूसा तिना सबी छाटिया खे यहोवे रे सामणे ते निकयाल़ी कि सबी इस्राएलिया गे लई आया ओर तिने आपणी-आपणी छाटी पछयाणी की लई ली।
तेबे यहोवे मूसे खे बोलेया, "हारूणो री छाटिया खे वाचा रे सन्दूको रे सामणे फेर राखी दे, कि ये तिना तोखा करने वाल़ेया खे एक नशाण बणी की राखी री रओ, कि तिना रा बड़बड़ाणा जो मेरे खलाफ ऊँदा रओआ आगो खे बन्द ऊई जाओ, एड़ा नि ओ कि सेयो मरी जाओ।" ओर मूसे यहोवे री एसा आज्ञा रे मुताबिक ई कित्तेया।
इजी ते बाद इस्राएलिये फेर यहोवे री नजरा दे बुरा कित्तेया जेतेरिया बजा ते यहोवे इस्राएली मोआबो रे राजा एग्लोनो रे वशो दे करीते, कऊँकि तिने यहोवे रे खलाफ बुरा कित्तेया था। इजी री खातर एग्लोन राजे अम्मोनी ओर अमालेकी लोका साथे मिली की इस्राएली लोका साथे लड़ाई कित्ती ओर सेयो लोक अराईते ओर खजूरो वाल़ा शईर आपणे कब्जे दे करी ता।
Nova Aliança
Eis que dias vêm em que farei nova aliança. Jesus é mediador de uma aliança superior, fundamentada em melhores promessas.
तेबे यहोवा ईंयाँ बी बोलोआ, सुण, एड़े दिन आऊणे वाल़े ए जेबे मां यहूदा ओर इस्राएलो रे कराने साथे नवीं वाचा बानणी। से तेसा वाचा जेड़ी नि ऊणी जो मैं तिना रे बुजुर्गा साथे तेस बखते बानी थी जेबे आऊँ तिना रा आथ पकड़ी की तिना खे मिस्र देशो ते निकयाल़ी की ल्याया था, कऊँकि तेबे बी आऊँ तिना ते एड़ा ई प्यार करुँ था जेड़े एक लाड़ा आपणियां लाड़िया ते करोआ, तेबे बी तिने मेरी वाचा तोड़ी ती। पर जो वाचा मां तिना दिना ते बाद इस्राएलो रे कराने साथे बानणी, से ये: मां आपणा बिधान तिना रे मनो दे समवाणा, ओर से तिना रे मनो दे लिखणा, ओर आऊँ तिना रा परमेशर ठईरना ओर सेयो मेरी प्रजा ठईरने, यहोवे री येई बाणी ए। तेबे तिना खे एकी-दूजे खे ये नि बोलणा पड़ना कि यहोवे खे जाणो, कऊँकि यहोवे री ये बाणी ए कि छोटे ते लई की बड़े तक, सबी मेरा ज्ञान राखणा, कऊँकि मां तिना रे पाप माफ करने ओर तिना रे पाप फेर याद नि करने।
"यहोवा ईंयाँ बोलोआ कि मैं रात ओर दिनो रे बारे दे जो वाचा बानी थी, जेबे तुसे तिजी खे एड़ा तोड़ी सको कि रात-दिन आपणे-आपणे बखतो दे नि ओ, तेबेई जो वाचा मैं आपणे दास दाऊदो साथे बानी थी टूटी सकोई कि तेरे कुलो री गद्दिया पाँदे बैठणे वाल़े सदा बणे दे रणे ओर मेरी वाचा मेरी सेवा-टईल करने वाल़े लेवी पुरोईता साथे बणी री रणी।
इजी बजअ ते मसीह परमेशर और लोका बीचे नई वाचा रा बचोला ए, ताकि बुलाए रे लोका खे परमेशरो रे वादे रे मुताबिक, अनन्त जायदात मिलो। कऊँकि मसीह तिना रे पापो री सजा ते छुटकारा देणे खे मरेया जो तिने पईली वाचा रे अधीन कित्तेया था।
इजी बजअ ते मसीह परमेशर और लोका बीचे नई वाचा रा बचोला ए, ताकि बुलाए रे लोका खे परमेशरो रे वादे रे मुताबिक, अनन्त जायदात मिलो। कऊँकि मसीह तिना रे पापो री सजा ते छुटकारा देणे खे मरेया जो तिने पईली वाचा रे अधीन कित्तेया था।
पर एबे जो पुरोईतो रा काम यीशु मसीह खे दित्तेया राए, से ओरी पुरोईता खे दित्ते रे पुरोईता रे कामो ते बऊत बढ़ी की ए। कऊँकि से ओर बी खरी वाचा रा बचोला ठईरेया, जो ओर खरे वादे रे सहारे बानी राखी।
एबे शान्ति देणे वाल़ा परमेशरे म्हारे प्रभु यीशुए खे मरे रेया बीचा ते जिऊँदा कित्तेया। यीशु पेडा रा महान् रखवाल़े जेड़ा ए, जेसरा खून परमेशरे आपणे लोका साथे अनन्त वाचा बनाणे खे इस्तेमाल कित्तेया। परमेशर तुसा खे हर एक पली गल्ला रे सिद्ध करो, जेते की तुसे तेसरी इच्छा पूरी करो और जो कुछ तेसखे अच्छा लगोआ, तिजी खे प्रभु यीशु मसीह रे जरिए आसा रे पूरा करो। जेसरी तारीफ जुगो-जुगो तक ऊँदी रओ। आमीन्।
तिने आसे नई वाचा रा काम करने जोगे सेवक बणाए। ये वाचा लिखी रे बिधानो री नि बल्कि आत्मा री ए। कऊँकि बिधान मौता खे जन्म देओआ पर आत्मा जिन्दगी देओई।
इना गल्ला रे उदारण ए, यो जवाणसा मानो दो वाचा ए। पईली जवाणस हाजिरा जो सीनै पाह्ड़ो खे दखाओई, जेती परमेशरे इस्राएली लोका खे बिधान दित्ता जेसा ते दास ई जम्मोए। यरूशलेमो रे लोक आज गुलामिया रे ए कऊँकि से यहूदी बिधानो खे मानोए। ये लोक हाजिरा जेड़े ई गुलामिया रे ए जो अरब देशो रे सीनै पाह्ड़ो पाँदे दित्ती रे बिधानो खे दखाओआ। और दूजी जवाणस सारा ए जो स्वर्गिय यरूशलेमो खे दखाओई। से आजाद जवाणस ए और से म्हारी आम्मा ए।
Fidelidade da aliança
A aliança de Deus é eterna. Ele não quebra seu pacto nem altera o que saiu dos seus lábios.
पर तिना खे जो यहोवे रा आदर करोए, तेसरी करूणा सदा तक बणी दी रणी,
ओर तेसरी पलाई पीढ़िया ते पीढ़िया तक बणी रणी।
जो तेसरी वाचा खे पूरा करोए
ओर तेसरे उपदेश याद करी की तिना खे मानोए।
यहोवा ईंयाँ बोलोआ, "जो वाचा मैं तेस साथे बानी राखी से ये ए कि मेरा आत्मा तां पाँदे ठईरी रा ओर आपणे वचन जो मैं तेरे मुंए रे पाई राखे आजो ते लई की सदा तक सेयो तेरे मुंए ते ओर तेरे पाऊ ओर पोतेया रे मुंए ते बी कदी नि आटणे।"
मां आपणे लोका साथे शान्तिया री वाचा बानणी ओर दुष्ट जानवर देशो दे रणे नि देणे; तेबे सेयो जंगल़ो रे बिना डरे रणे ओर बणो दे सऊणे।
ओर तांते आगे-आगे चलणे वाल़ा यहोवा ए, से तां साथे रणा ओर तेस ताखे आसरा देणा ओर ना तूँ छाडणा, इजी री खातर डर नि ओर ना नराश ओ।"
तेस राजे कई लोका साथे समजौता करना। ये समजौता एकी अफ़्ते तक रणा। तेस अफ़्ते बीचे, तेस मन्दरो दे बलिदान ओर चढ़ावा चढ़ाणा बन्द करी देणा। इजी रे बदले तेस तेती एक घृणित चीज राखणी जो परेशानिया री बजा बणनी। ये तदुए तक तेती रणी जदुए तक कि परमेशरे से राजा नाश नि करी लणा जो विनाश करोआ। तेसरा अंत तेस बखते ऊणा जो परमेशरे ठराई राखेया।"
तेबे दक्खण देश मिस्रो रा राजा शक्तिशाली ऊई जाणा, पर तेसरे एकी सेनापतिये तेसते जादा शक्तिशाली ऊई की राज करना, एथो तक की तेसरा सेनापति बऊत बड़ी जाणा। कई साला बाद, दक्खणा रा राजा ओर उत्तरा दे सामरिया रा राजा सच्चे दोस्त बणने खे त्यार ऊई जाणे। दक्खणा रे राजे री बेटी उत्तरा रे राजे ते ब्या करने खे जाणी। इजी ते तिना रा रिश्ता मजबूत ऊणा। पर योजना पूरी नि ऊणी। तेसा आपणा अक्क खोई देणा। तेसा रा लाड़ा एबे राजा बणी की नि रणा। केसी से, तेसा रा लाड़ा, तेसा रे बच्चे ओर तेसा री मताद करने वाल़े नौकर काई देणे।
उत्तरो ते अमला करने वाल़े राजे जो चाणा, सेई करना। कोई बी तेसखे रोकी नि सकणा। तेस खरिया जमीना पाँदे अमला करना। तेसगे इजी खे नाश करने री तागत ऊणी। फेर सीरिया रे राजे आपणे राज्य रे सारे सीदे लोका समेत दक्खणा रिया तरफा खे आऊणे री योजना बनाणी। तेस मिस्रो रे राजे साथे समजौता करना ओर आपणी बेटिया खे मिस्रो रे राज्य खे नाश करने खे तेस से मिस्रो रे राजे खे आपणी बनाणे खे देणी। पर से योजना सफल नि ऊई जाणी।
मैं आपणियां आखी साथे वादा करी राखेया,
कि मां कोई कँवारी छोट्टी बुरिया नजरा ते नि देखणी।
बुद्धि ओर विवेक ग्रईण करने ते तूँ पराई जवाणसा ते बी बचणा,
जो मीठिया-मीठिया गल्ला बोली की फसाई देओई,
से आपणे जवानिया रे लाड़े खे छाडी देओई;
ओर आपणे परमेशरो सामणे कित्ती री वाचा खे पूली जाओई।