Aliança

8 Nya o, Ibinọkpaabyi oben Noa ọmaana ajinọngva pẹ p’aning amaan-ẹ bẹ́, 9 "Nchekẹ nnang bọnga, ọttara iva p’iva pabọnga. 10 Mbir nchekẹ nnang ọttọhk kpenamkpen f’oning akpen f’iwa oning ọmaana bọnga ny’ọkpaar: ọnọhn, ọmaana etirakpo, ọmaana mgbaten maphyir, ọttara ekpo mbyo maphyir py’matọnọ ayin k’iyaan ny’ọkpaar nwo, kw’ode ọttọhk kpenamkpen f’orukọ akpen m’iyagbin. 11 Nchekẹ nnang bọnga bẹ́, kwuna ọdọk ẹnwanwa mìntima ndimẹ akpen; ẹnwanwa mèbir eninga ch’im’ekibhẹ iyagbin."

12 Ibinọkpaabyi obir oben bẹ́, "Ma wọ ode ẹkọhka ch’echekẹ chaam ọmaana bọnga, ọmaana ọttọhk kpenamkpen f’orukọ akpen f’oning ọmaan-ọ, kw’ode echekẹ chaam ọmaana iva p’iva pọ maphyir p’mm’ammaana z’ogbe ororo. 13 Kaam kk’esidibhada chaam nsoka z’ebonọ ch’ọrọngkpakpa, dẹ dọ im’ede ẹkọhka ch’echekẹ chaam ọmaana iyagbin.

11 Nchekẹ nnang bọnga bẹ́, kwuna ọdọk ẹnwanwa mìntima ndimẹ akpen; ẹnwanwa mèbir eninga ch’im’ekibhẹ iyagbin."

13 Kaam kk’esidibhada chaam nsoka z’ebonọ ch’ọrọngkpakpa, dẹ dọ im’ede ẹkọhka ch’echekẹ chaam ọmaana iyagbin.

18 Ny’ewu ndo, Ọvaar Ibinọkpaabyi osi echekẹ ọmaana Abram. Oben-ẹ bẹ́, "Iva p’iva pọ bọ p’m’nnang izek nja, tọma z’ọraanga kw’Ijip maa, pyirẹ z’ọraanga kwiden kw’Yupharetes. 19 Madidaanma, ibhon s’itim irukọ m’izek njoma, ide Ken, ọmaana Keniz, ọmaana Kadamọn, 20 ọmaana Hit, ọmaana Periz, ọmaana Rẹphayim, 21 ọmaana Amọr, ọmaana Kenaan, ọmaana Girgash, ọttara ayok p’Jebus."

3 Abram ọbhaang idik njo nya o, otto okwubha ititika ny’izek. Ibinọkpaabyi obir oben-ẹ bẹ́, 4 "Ma wọ ode odik kw’ikaam ikk’ncheka mmaan-ọ bẹ́, kọ m’ade otte kw’nkọma k’ẹkaan. 5 Kọ ọdọk Abram màkpena, kọ m’akpena Abraham*, okurọ bẹ́, kaam nsọ-ọ otte kw’nkọma saabhada. 6 Kaam m’nsọ-ọ abhon iva p’nna obhika ade. Nkọma k’ẹkaan, ọmaana avaarnọng piden m’afona k’ikọ. 7 Kaam m’nsi echekẹ nda ch’ikaam nyen mmaan-ọ ettima ttattampe. M’ede ch’ikaam ọttara kọ, m’ebir ede ch’iva p’iva pọ k’ogbe kw’ikọ ikk’apa. Kaam m’nde Ibinọkpaabyi kwọ, m’mbira nde Ibinọkpaabyi kw’iva p’iva pọ k’epemaanitor 8 Kaam m’ntọka izek nja maphyir s’Kenaan s’aning ma mach’okikennọng, nnang kọ ọttara efona chọ, mayena ttattampe. Kaam m’nde Ibinọkpaabyi kw’efonamma chọ."

9 Ibinọkpaabyi obir oben Abraham bẹ́, "Ṉ́nòde kọ ọttara efona chọ, mm’akpobha idik s’echekẹ ndo chaam, ttattampe. 10 Ma wọ ode echekẹ ch’nchekẹ mmaana kọ ọttara iva p’iva, ch’mm’akpobha: mm’abhirẹ ojinọng kpenamkpen kw’oning ọmaana bọnga ọnọm. 11 Ẹnọmbhirẹ ndo ch’bọnga mm’asi m’ẹkọhka anọng bẹ́, kaam ọttara bọnga, nkk’echekẹ ọsa.

5 Okwu opyirẹ icho osowanẹ kw’ichi, Kedor-laomer, ọttara avaarnọng p’agbak ifor amaan-ẹ, makema egbong ch’marim ọmaana anọng p’Rẹpha z’ẹbhaakẹ ch’Ashterọt-Karnayim, ọmaana anọng p’Zuz z’ẹbhaakẹ ch’Ham, ọmaana ẹkọma ch’Ẹm z’ẹbhaakẹ ch’Shavẹ-Kiriyatayim,

5 Nya o, óde bọnga mm’atima nttem sabọnga maphyir akpobh-m, mabira asok echekẹ chaam, bọnga mm’ade anọng paam p’nsok ettem. Zaabẹ́ iyagbin maphyir ide saam,

31 "Kaam m’nke enem chabọnga, tọma z’Ẹraanga-kora maa, pyirẹ z’Ọraanga kw’Meditereniya*, mbir tọma ny’ibyi s’anọng nna arukọ maa, mpyirẹ z’ọraanga kw’Yuphrates. Kaam m’nke anọng mbo p’arukọ ny’izek njo k’abọnga k’mbọhk, mabir akwubh bẹ kibungọ-kibungọ. 32 M’echekẹ kàsi amaana bẹ, ọttara aka pabẹ.

Echekẹ ch’Ọvaar Ibinọkpaabyi osi ọmaana anọng p’Israẹl

10 Nya o, Ọvaar Ibinọkpaabyi oben bẹ́, "Kaam nsi echekẹ mmaan-ọ. Anọng pọ maphyir m’aze ch’im’nsi ikkonọ-kkonọdik s’ina ntima nd-nsa k’ẹkọma kpenamkpen m’iyagbin. Anọng mba p’aruk amaana, mm’aze ikkonọ-kkonọdik s’kaam Ọvaar Ibinọkpaabyi m’nsi nnang bọnga.

28 Wa Mosẹs oning nya ọmaana Ọvaar Ibinọkpaabyi k’iyawu arọbh afa ọmaana irungiwu arọbh afa, ọttọhk kochi, asi kobir ogwo. Ny’ata mbo bọ p’uwa ọkkẹrẹ igbaakadik njo s’echekẹ, kw’ode asana mbo ijobh p’Ibinọkpaabyi.

28 Wa Mosẹs oning nya ọmaana Ọvaar Ibinọkpaabyi k’iyawu arọbh afa ọmaana irungiwu arọbh afa, ọttọhk kochi, asi kobir ogwo. Ny’ata mbo bọ p’uwa ọkkẹrẹ igbaakadik njo s’echekẹ, kw’ode asana mbo ijobh p’Ibinọkpaabyi.

14 K’ogbe kw’anọng mbo nabin z’ibhinga-byi bẹ́, mad-ajeka Jọrdan, afọhn-ẹja mbo p’atọhk Ẹkkọhbhọ ch’Echekẹ makwu achi bẹ eden. 15 Wa ọraanga kw’Jọrdan ọnwa-ọnwa ny’ọpha-gbe maphyir. Okenaka, k’ose kw’afọhn-ẹja mbo p’atọhk Ẹkkọhbhọ ch’Echekẹ mapyirẹ ny’Jọrdan, mmokpatọkọ sabẹ ibira itwu esimma, 16 minna kw’ebhobh ch’efon z’ebir-ebir ẹkpọk. Asi mbo makwu atobha k’ibyi majanẹ, mabe k’ibyi s’ibhirẹ eden mawuriji, z’obhon kw’mayerẹ Adam, kw’oning z’mbọr-mbọr s’Zaretan. Ebhobh ch’ẹwọn-ẹwọna ẹkpaara kibungọ, ed-etto z’ọraanga kwiden kw’Araba, (kw’ode Ọraanga kw’Obo). Minna kw’anọng mbo majek z’okwubha, za ch’okkerẹ Jẹriko. 17 Afọhn-ẹja mbo p’atọhk Ẹkkọhbhọ ch’Echekẹ ch’Ọvaar Ibinọkpaabyi, mad-abe ny’ottem kw’Jọrdan k’izek s’igwo-ogwu. Anọng p’Israẹl maphyir makwu akpan maa, ẹkọma ndo kibungọ, ezenga ny’izek s’igwo-ogwu, ejeka maa, machera.

17 Nya o, Jehoyada kw’ode ọfọhn-ẹja, osi ọvaar Joash ọmaana anọng machekẹ ọmaana Ọvaar Ibinọkpaabyi bẹ́, bẹ mm’ade anọng p’Ọvaar Ibinọkpaabyi. Minna kw’obir osi ọvaarnọng ochekẹ ọmaana anọng mbo.

3 Ọvaarnọng obe otuma ẹkpọmmachi, osi echekẹ ẹbhachẹ ny’Ọvaar Ibinọkpaabyi k’ititika bẹ́, kẹ m’otima ettem chẹ maphyir, ọmaana ọgbagba kwẹ maphyir otor Ọvaar Ibinọkpaabyi, obir okpobha asana pẹ, ọmaana okpebhẹ kwẹ, ọttara apaanga pẹ. M’ofona nya, idik s’echekẹ s’makkẹrẹ m’nnwẹr nwa, m’iyin minna k’odik ọkkọkka. Nya o, anọng mbo maphyir make ọbọhk ny’echekẹ ndo.

6 Ny’ogbe nwo o, ọvaar Joram obina ny’Samariya, od-otobha agbongnọng p’Israẹl maphyir. 7 Obira ọtọhm ẹkkaabha ọnang Jehoshaphat kw’ode ọvaarnọng kw’Juda bẹ́: "Ọvaarnọng kw’Moab kk’ẹkọhr otima otor-m e. Ma, ina ator-m morim-ẹ ábẹ̀ o?"

Jehoshaphat ọpọhna bẹ́, "Iye, m’ntor-ọ otor. Kaam ọttara kọ, mode ọttọhk mavanẹ. Anọng pọ ọmaana paam, made ọttọhk mavanẹ. Nnyanya sọ ọmaana saam, ibir ide ọttọhk mavanẹ."

16 Minna kw’Jonatan osi echekẹ ọnang ẹsọhmmọr ch’Devid, oben bẹ́, "Tte Ọvaar Ibinọkpaabyi otuka itama s’awawunanọng p’Devid asẹ-ẹ." 17 Jonatan osi Devid obir ochekẹ k’ọdaakẹ kw’oyen ọmaan-ẹ, okurọ ch’Devid ọdaak-ẹ mach’ifor sẹ oyenẹ.