Pular para o conteúdo
Publicidade

Rut 3

Naomi osi nttọhna s’ọbada kw’Rut

1 Ewu danẹ, kw’ode ọkka kw’odim kw’Rut oben Rut bẹ́, "Nnwa kwaam, ma, wura kojibhẹ bẹ́, nnor odim kw’im’okker-ọ yirẹ? 2  nwo kw’ad-asi ọtọhm amaana panọngva pẹ, ode ochinọng kwamina. Menda m’erungọ, m’ogwuma barli z’ọgbaarẹ kw’nd-aninga aduk barli. 3 Zọhng gbobha asi, achọkọ ana p’alebh eruk, afọra ẹnya ọkkọkka, pira achina z’ọgbaarẹ nwo kw’mad-aduk barli. Kàchera bẹ́, ọzọ-ọ, oyebẹ, kk’ọttọhk ọcha maphyir, obir ogwo atuk. 4 M’ake otum mawuriji, aze ibyi s’im’oyima. Ó̱de ikk’oyima, zọhng wong-ẹ ibara, ayim-ẹ ny’mmokpatọkọ. Kẹ m’otek-ọ ọttọhk f’im’asi."

5 Rut ọpọhn-ẹ bẹ́, "Ose kpenamkpen kw’abenẹ, kaam m’nsi minna."

6 Minna kw’ofon ochina z’ọgbaarẹ kw’mad-aduk barli, osi k’ose kw’ọkka kw’odim ọtọhn-ẹ. 7 K’ogbe kw’ kk’ọttọhk ọcha maphyir, obir ogwo atuk, ettem elebh-ẹ, od-oyima z’eso danẹ ch’ọbarli-kkin nwo, ọttaabha ọda. Rut ozenga bẹ́ bẹẹm okwu okpen-ẹ ibara ny’mmokpatọkọ, oyima nya. 8 Otum ny’orungittem, Boaz ogbe z’ọda, okkon-ẹ ch’oze kwanọng nwo kw’oyim nya.

9 Ọbọbh-ẹ bẹ́, "Kọ anyi wọ?"

Rut ọpọhn-ẹ bẹ́, "Kaam Rut kw’nde ọtọhmnọng kwọ wọ e. Ototo, tima ibara sọ bubh-m, ch’ode kọ wọ ade ochinọng kw’ode ọkkaan kw’echimma."

10 Boaz oben-ẹ bẹ́, "Nnwa kwaam, tte Ọvaar Ibinọkpaabyi ọdọ-ọ. Ejibha ndoma ẹyọhng ndoza ch’akkikken asi. Kọ adikkobh p’ojibhẹ bẹ ojibh, wanẹma, p’opyibh bẹ opyibh, kakwubhọ. 11 Nnwa kwaam, oning-ọ ojor. M’nsi ọttọhk kpenamkpen f’arorọ nnang-ọ. Ayok-obhon paam maphyir mazong bẹ́, kọ ade kwanọng kw’ojibhẹ ẹmmaana mawuriji. 12 Ode odik ọkkọkka bẹ́, kaam nde ọkkaan kw’echimma. Okenaka, ochinọng oning za kw’ọnyọm-ọ ọtam ọyọhnga kaam. 13 Yima ma m’erungọ nda. Ophyinẹ k’ekpebha, óde ọdaak-ẹ bẹ́, okwu obhek-ọ, m’ojibh ojibh. Ó̱de ina kẹ ọdaakẹ bẹ́, obhek-ọ, k’ose kw’Ọvaar Ibinọkpaabyi orukọ akpen, kaam m’nsi-osi minna. Yima ma maa, ewu esobha."

14 Ofona nya o, Rut oyima ny’izek-izek kw’mmo sẹ maa, ewu esobha. Okenaka, okkikken obina pira ewu nẹttaanẹ. Boaz oben-ẹ bẹ́ "Tte ọnọng kpenamkpen oning ozong bẹ́, kwanọng okwu oyima m’ọgbaarẹ kw’nd-aduk barli."

15 Obir oben-ẹ bẹ́, "Tima ibara njo s’abubh nya, kwu jẹ ny’ọgbaarẹ." K’ose kw’otim okwu ọjẹ nya o, Boaz okpukọ abarli-mọma p’afu ọkariba ọchadanẹ, ọkẹ-ẹ nya, otinẹ ọyẹ-ẹ. Pira Boaz ọbhana z’obhon.

16 Rut opyirẹ z’oter o, ọkka kw’odim ọbọbh-ẹ bẹ, "Nnwa kwaam, chena ode yen za?" Rut otek-ẹ ọttọhk kpenamkpen f’Boaz ikk’ọsa ọnang-ẹ. 17 Obir ọttara bẹ́, "Boaz ọnang-m ọkariba mvoma ọchadanẹ f’barli, oben-m bẹ́, nning mbọhk-mbọhk nzeng nkebha ọkka kw’odim kwaam za."

18 Naomi oben-ẹ bẹ́, "Nnwa kwaam, ninga ma tik maa, aze odik kw’im’oyin. Ojinọng nwo ọwọhng mòkwoka maa, ọttọhna odik nwa menda."

Pessoa
H5281
Noemi
נָעֳמִ֜יnoomiy
Noemi, de Belém de Judá, foi mulher de Elimeleque e mãe de Malom e Quiliom. Foi viver em Moabe, onde o marido morreu, e voltou a Belém com a nora Rute (Rute 1:22).
Citado em 21 versículos
Ver página completa
Pessoa
Tribo de Judá
Boaz
בֹּעַזboazΒοοςBóos
Boaz, do clã de Elimeleque, era parente de Noemi e adquiriu dela a propriedade de Elimeleque, de Quiliom e de Malom. Rute recolheu espigas na plantação dele, e ele foi pai de Obede (Rute 4:9).
Citado em 22 versículos
Ver página completa
Pessoa
Tribo de Judá
Boaz
בֹּעַזboazΒοοςBóos
Boaz, do clã de Elimeleque, era parente de Noemi e adquiriu dela a propriedade de Elimeleque, de Quiliom e de Malom. Rute recolheu espigas na plantação dele, e ele foi pai de Obede (Rute 4:9).
Citado em 22 versículos
Ver página completa
Todos os capítulos de Rut 4
  1. 1
  2. 2
  3. 3
  4. 4

Estes versículos te tocaram? Ore agora!

+581 estão orando agora.

Junte-se à corrente de oração.