Aliança

8 Ciu eh Tinggwang Noah de mpau nah pe napeidung peda kebamme dage ranggai, 9 "Aziemne au, kingneilu! Ih nnuide nah nnui leuhme lungh leu gwang kerame de ngngwa samkak zeu da, 10 nah nnuide ngngwa ring kela makaune pelane de, nruinedung de, kauruine de, nah kideu ga makaune pelane, nnuide ngngwa keladung de, liem gade mpet kelu pelane gade, kideu ga ring kela kaune pelane kecang. 11 Ih aidung de teu eh nnuide ngngwa samkak la, madaude kau kengngi leune de duinai gele ngkap dai lakta. Madaude kideube de duinai ne ngkap dai lakta."

12 Tinggwang rangdi, "Aide samkakkelu marehi de Ih tei kebam anui kakga nah kaukengngi pelane nnuide ngngwa kela, nah gwang dai kera ceheudung peciakne ziemne: 13 Ih agu tangningnaria hemwa gage kaigaila, nah cide kideube anai kakga samkak kelu marehi ge zie.

11 Ih aidung de teu eh nnuide ngngwa samkak la, madaude kau kengngi leune de duinai gele ngkap dai lakta. Madaude kideube de duinai ne ngkap dai lakta."

13 Ih agu tangningnaria hemwa gage kaigaila, nah cide kideube anai kakga samkak kelu marehi ge zie.

18 Cipau nai RAMPAUBE Abram de ngngwa samkak lu eh ranggai, "N leuhme de cine Ih aipau deu de pwa peu la, Egypt reuki Shihor deugumrai gade Euphrate reuki kedi de kecang, 19 Kenitme, Kenizzitme, Kadmonme, 20 Hittime, Perizzitme, Rephaitme, 21 Amoritme, Canaanme, Girgashme nah Jebusiteme."

3 Abram keu hena mie pe zu hangdeu tunglu eh, Tinggwang pecu mpau eh, ranggai, 4 "A ziemne au, ainie, a samkak de n da la. Nang heleuh kekiee ge pei tei zie. 5 N zi Abram si lakta, dede Abraham dizie da, kedanemene Ih ncu heleuh kekiee ge pei tei kera kedetlu delu. 6 Ih ncu n leuhme kekiee pwa peu zie, nah Ih ncu peu heleuhmedung teizie, nah n leuh gade hegwangme lungh gwang zie. 7 Ih anai kakga nah n cai n leuhme dage, nah penui ceheudung leune ga bam mui kela samkak kelu a samkak de kaipwa la zie, n Tinggwang kera nah n cai n leuhmedung lungh gwang kerame Tinggwang kera. 8 Nang lungh kebam deu de Ih ncu nah n cai n leuhme lungh gwang kerame de peu zie, Canaan deu pelane de kelungta nnui gu tei kera, nah Ih penui Tinggwang zie."

9 Pecai Tinggwang Abraham dade rangdi, "N ziemne au, nang ada samkakkelu de mzai bilu maisia, nang de nah n cai n leuhme lungh gwang dai kera penui ceheudung leune de. 10 Aide agu samkak kelu, nang mzai bilu maisia, anai kakga nah n cai n leuhme lungh gwang kera kakga: Mipeina keheibe de nnui kakga hegeurum bilu maisia. 11 Nang n pumteih geutün ga hegeurum lu maisia, nah aide anai kakga samkakkelu zasi de keulia la luzie.

5 Pecai mmi kereiemdaibe kum Kedorlaomer nah hegwangmedung pecu nzang kelame gwang eh Astheroth Karnaim ga Rephaimme, Ham ga Zuzitme, Shaveh Kiriathaim ga Emitme,

5 Cu pecai, nnui samzai tei eh a kwa kingneilu nah a samkak de kainzeu lucai, iciucai mina pelane kakgade nnuide pwa a gu mabam tei luzie, kedanemene kideu pelane au a gu.

31 Ih nnui deuraidung Jaaidi Kegie gade Philistinme Jaaidi kecangh gage kai beuzie, nah hetaideu gade Euphrate Kereuki kecang. Hangdeu cika lungh kebamme reu ngkienglu kera Ih nnuide peuzie. Nnui penuide nnui dwa gade gwampet dizie. 32 Nnui penuide ngngwa eh nah penui rabedung de ngngwa eh samkak gede teidi kerabe ma.

10 RAMPAUBE rangdi, "Kingneilu, Ih kesamkak kelu ge tei zie. N mina pelane dwa gade, Ih miswakegah ta ge teizie kideureu pelane mede heleuh ge dade teigai kemakke. Mina pelane kakgade nnui a batadung ngauzie, kedanemene cide au Ih ma hing süt kecu ge nnui dage teigai zie.

28 Moses au RAMPAUBE de ngngwa tingbadung nah tingmuidung zie riakdai ge bam; pa taktyei gede tyei ma mede dui gede sak ma. Pa tangtsu kwak de gage samkakkelu samdung raulu, Sam Kerei de.

28 Moses au RAMPAUBE de ngngwa tingbadung nah tingmuidung zie riakdai ge bam; pa taktyei gede tyei ma mede dui gede sak ma. Pa tangtsu kwak de gage samkakkelu samdung raulu, Sam Kerei de.

13 Pa nnuide teimzai lulo aja kaikebeu pe samkak kelude nnuida rang beuda, ajadung kerei de. Pa cide tangtsukwak kena gage raubeu.

9 Ciziemne cilu RAMPAUBE nnui Tinggwang, pa au Tinggwang lie kecu, kesamsang Tinggwang, pa samkakkelu nah samsang ceheu pecangdung ziemne pe sam mzai kelame nah pecu hung kelame da kainzeu la,

14 Cine cipaucai minadung penui ramzeukidung gade mpet lwe Jordan kahpet lu kera Cingkume samkakbung pung kelame ne penui dwa rai eh. 15 Samkakbung pung kelame Jordan ga gwang canglu herizi nah cingkume samkakbung pung kelame pi duikung penli ga hi gai herizi (cu Jordan reu kungdung pelane dui puipet di lulwet ting kecang), 16 dui nreule de lwa nghung kebamdung de piage gage lwacaili daidi, Adam namdi dei süt kecu gade, Zarethan taiga namdi kebam de, nah Arabah duidi ga lwamie kebamdungde ga, Ketsai Jaaidi de dangdi eh minadung Jericho nam taiga kahpet lu. 17 Nah Cingkume RAMPAUBE samkakbung pung kelame Jordan reu deucang sumga sap mtip bamdi nah Israel leuhme pelane Jordan kahpet deucang ga canglu kemaktane.

17 Ge Jehoiada RAMPAUBE, nah hegwangpei nah minadung kakga penui RAMPAUBE minadung zielie kecu samkak ge teilu. Nah hegwangpei nah minadung kakgade samkak ge teilu.

3 Hegwangpei kipi ga saplu delwe RAMPAUBE dwa gade samkaklu, pe mlung pelane nah pe keringria pelane teu eh RAMPAUBE caisui kera nah pe ajadung mnei kera, pe zaidung mzai kera, samkakkelu aipau samdung de aipau laisiukwak ga raupwa kebam de teicanglu kerane. Ciu eh mina pelane samkakkelu de mzai kera sampetlu.

6 Cine cipau tingdau hegwangpei Joram Israelme de hereu ziemne mteilu kerane Samaria gade tetdi. 7 Pa Jehoshaphat Judah gwangpei dage sam ge lang eh, ranggai, "Moab gwangpei acu renia cu dida. Moab da hereu tei kera nang acu ngngwa mie ziemi?" Jehoshaphat keli eh, "Ih mie zie. Ih de nang nzwa da, a mina de n mina da, a hekündung n hekündung da."

16 Cine Jonathan David kilungme dage sampet gai nah pa rangdi, "Peu RAMPAUBE de David ngauraume de saja peulo."

17 Jonathan David de peu sampet gaidai kedanemene pe keku David da kebam ziemne, kedanemene Jonathan pekatei pecu kehung nzwa eh David de hungla kedine.

10 RAMPAUBE Moses de mpau, rang eh, 11 "Eleazar napei nah cingkupei Aaron capei Phinehas, ne Israelme de a ratasüt eh kebam de keumzia dida kedanemene pa penui kakga de a lungning de pelung kaisüt eh teicang beu. Cine Ih Israelme de a rata eh ngkapdi meda. 12 Cine ranggai, ‘RAMPAUBE rang eh, "Pielo, Ih Phinehas de samkakkelu lungciep de pwapeu dizie. 13 Kedanemene pa nah pe leuhme pe caileu kerame ziemne, aipau samkak de kelungta cingku tei zie kedanemene pa pe Tinggwang, a ziemne pelung kaisüt. Pa ne Israel minadung ziemne kezuyibe teugwang beu."’"

89 Moses kengkwa paiki ga Pecu mpau kera lüt kecudau, pa makwa ge siu pecu mpau eh kezuyi bam reu gade zierang ketei samkakbung kebam gade, cherubim kena kakgade, cine pa pecu mpau.

Aaron Tui Bwakedi

1 RAMPAUBE Moses de mpau, rang eh, 2 "Israelme de rang beulo nah hetuitiedung penui dade keulu, pautsa leuhme ziemne ketket ramcau, hetuitie kereiehkena. Petui ramcau gage mina zi be raulu. 3 Nang Levime tui gage Aaron zi raulu maisia. Cika pe pautsa leuhme gade muiteume ziemne hetuitie ketket ramcau bam maisia. 4 Nang hetui cidungde Ih ncu redau kela paiki ga, samkakkelu zai dwa gage kailu. 5 Ih mina kedet kelube gu tuitie de peu bwapet kera teibeu zie. Ih tei mtak dizie Israelme ncam kebamdungde, penui nnuide rangmsia kebamdung de." 6 Cide ziemne Moses Israelme dage rang kecu tei. Heleuhdung muiteume leune Moses de tuitiedung peu, muiteu ge tuitie ketket, pautsa leuhdung gade kedetkelu tuitie ge, peciakne ge kereiehkena. Aaron gu tuitie de cipaumedung kakga bam. 7 Pecai Moses hetuitiedung de RAMPAUBE dwaga samkak kelu bung paiki gage kaibeu di.

8 Pecia benai Moses samkakkelu bung paiki ga nlüt nah, ainie, Aaron gu petui Levi leuhme ziemne bwabam dida. Cide bwa luge pepa palu nah almond tsi meu eh bui lu! 9 Moses RAMPAUBE dwa gade hetuitiedung pelane pwa mpetlu eh Israelme pelane petui riep peu pwalu. 10 RAMPAUBE Moses dage rang, "Aaron tui de pwalu eh samkak bung dwa gage kai lulo. Renia kelame ziemne peu cet caililu kera marengei de cika ge kainzeu gailu ciu eh nnui acu ncam kecu bam tadi lu kerane, mecai penui tsai dizie."✝ 11 RAMPAUBE aja kaikebeu nzwa eh Moses teicanglu.

Ehud Israel tutiakme teikedi

12 Pecai Israel namedung kemau aidungde RAMPAUBE dwade teidai cuhdi. Cine RAMPAUBE Eglon de kengkieng peu, Moab gwangpei Israel de renia kera, kedanemene penui RAMPAUBE dwade kemau aide tei kedine. 13 Pecai Eglon au Ammon penai Amalek namedung de kelanglu delwe mie Israel de renia, nah penui palm bang namdi Jericho de gumlu.

31 Pielo, tingbaziedung gwang lada—

aide RAMPAUBE ne ndugai—

Ih Israelme nah Judahme de ngngwa

samkak keheci ge tei kera.*

32 Cide Ih penui paumedung

ba teu lu eh

Egyptme deu gade ngngwa mpet kecu samkak de nzwa lak,

kedanemene penui a samkak de teipang dida,

Ih penui dade mi nahpei ge nzwa liede—

aide RAMPAUBE ne ndugai.

33 Tingbazie aidungde cai

samkak aide

Ih Israelme de ngngwa tei luzie—

aide RAMPAUBE ne ndugai.

Ih agu hezai aide penui lung gage kaibeu zie nah

penui nlung gage raugai zie,

kedanemene Ih penui Tinggwang zie,

nah penui a minadung zie.*

34 Iciu eh mi keheibede pe kidabe de ledeu si lakta,

mede mige pe sinabe de ainzwa eh rang lakta, ‘RAMPAUBE de cilu!’

Kedanemene penui pelane acu ci luzie,

penui kakgade ceutu gade gwang ditu kecang

—aide RAMPAUBE ne ndugai—

kedanemene Ih penui mau gibeu zie

nah penui maudung nsung si lakta."*

20 "RAMPAUBE ainzwa rangzeu: ‘Magade nang a samkak de tingmui tingba de le teipang di lubui cai, iciu eh petingsiak dau tingmui tingba tei ta dicai, 21 iciucai nang a kilabe David da a samkak kelude teipang di lubui, iciu eh pe hegwangbam ga bam kera pe na bam ta dizie, nah a kilamedung, Levi leuhme gade cingkume da a samkak kelude.

15 Aipau kiede ziemne, Khrista au samkakkelu kehecibe ga hekak ketetbe da,* ciu eh qu kelumedung kelungta samkai kebeu de gumlu kera ngau luzie, kedanemene Khrista tsai kebeu gade samkakkelu keraibe kangga kelame kemau tei kedidung de de rilu delu.

15 Aipau kiede ziemne, Khrista au samkakkelu kehecibe ga hekak ketetbe da,* ciu eh qu kelumedung kelungta samkai kebeu de gumlu kera ngau luzie, kedanemene Khrista tsai kebeu gade samkakkelu keraibe kangga kelame kemau tei kedidung de de rilu delu.

6 Dede cu au Jisu heta yigwa kecuge ngau luda, sampet yiki kecu gage bangdwa teikelu, pa samkak yiki kecu ga hekak ketetbe kecu nzwa.

20 Cu peu kezuyi Tinggwang,* meurün kekwa kedibe de ketsai gade kwakcuhdai kelube, anui Rampaube Jisu, kelungta samkakkelu jai gade, 21 nnuide ma keyi pelane gade mteilu pe lungningbe teilu kerane, anui lungga heta tei kebamde pe dwaga petaulu kera, Jisu Khrista gade, peu pecu kelungta mdu kelube tei lulo. Amen.

6 pa ne anuide peu samkakkelu kehecibe gwa teilukebui tei beula, cide hezai raukelube gade ma dede Rabe gade. Kedanemene hezai raukelube au ketsai teugwang beula, dede Kemci Rabe kering peula.✝

24 Aide sam rang keda kegai ge nzwa ranggai, kedanemene mipui ai kenade samting samkakkelu kena. Hangge cai Sinai Deutu gade hebaang gage mna gai kelube; aide cai Hagar. 25 Cu Hagar au Arabia ga Sinai Deutu deda; nah pa cu kebam Jerusalem de rehi da, kedanemene pa pe name de ngngwa hebaang tei kebamne. 26 Dede Jerusalem nreube de au hebaang teima, nah pa au anui pui da.

17 Dede RAMPAUBE de rüt kelame ziemne au, pe keku bam muila.

Pe kesamsang ceheu pelane da la muila.✝

18 Penui pe samkak de kaizeu lula

nah pe keledeusamdung de nsung lula.

21 A ziemne au, penui ziemne aide a samkak da, RAMPAUBE rang, a rabe n da kelade, nah a samdung Ih n mui gage kaikebeu de, n mui de gidi lak, mede n namedung mui gade mpetti lak, mede n tsamedung mui gade mpetti lak, RAMPAUBE rang, cu gade nah kelungta."*

25 Pecai Ih penui dage lungciep samkak tei zie nah hangdeu gade kesia renaam kaunedung de gwa dizie, iciu eh penui hetaideu nah hegungdung ga ziune eh lunghlu kerane.

8 RAMPAUBE, pa n dwa lampui sau kelabe delie; pa ncu ngngwa lazie; pa n dade canglu tadi mede ncu pütdi lak; ngngi so, n sui ceu diso."✝

27 Pa mi kekiee de ngngwa piage kecu hena samting samkak luzie. Pa mtakkak ge* sumbe gade pa ratak nah reca de teingah dizie. Gikedi ta keteime dade kengaurau kecu gwang zie. Gikedi ta keteibe dage kengkap nah penli cangsiak kecu gwang kera riet luda."

5 Tingbangle hegwangpei ngkieng dizie, dede pe kangga kebam reugwa muibe hangge pe swade ngkiengki zie nah kengkieng kedi teu eh hegwang teizie. 6 Mmi kie kemakge cai, peting petau lude, penui ngngwa ket tei dizie. Tingbangle gu hegwangpei napui tingtünle gu hegwangpei da gwang eh kesamkak ta teizie. Dede cipau pui de pe ba ga kengkieng de kainzeu lak, mede hegwangpei de sap gailak, mede pe ba kengkieng bam gailak. Mipui cide de gihdi zie, pa nah pecu ngngwa gwang kebeume de de, nah pepei de de, nah cipau tingdau pelam pwabeu kebamme de de.

16 Meliene, gwang kelabe penuide renia pwa pekatei pe lungsuibe tei teudi zie; migede pe lampui ga sap lak. Pa hezu keyi deu ga sap zie, nah tei ngkaplu kera pe ba ga bam dizie. 17 Tingtünle gwangpei pe hegwangram kengkieng pelane teu eh gwang kera mtei luzie, nah pa tingbangle hegwangpei de ngngwa samkak kera ge la zie. Pa pecu pe napuime gede kelak tei kera peu zie iciu eh tingbangle hegwangram de tei ngkaulu kerane. Dede mariem cide teidau gailak mede pecu ngha lak.

1 Ih a miak de ngngwa sampet ge tei luda;

iciu cai dainzwa Ih releime de hengin eh pie lai?

16 Maci nah n lungcet dene ncu kemmha pui dade,

nah pezai petaukemak pui nah kemta sam kerangdung gade keli beuzie.

17 Pa pe nahpei de pütdi la

nah pa Tinggwang dage samkak kelude nsungta dila.