Aliança
A aliança é o modo como Deus se relaciona com seu povo. Da aliança com Noé à Nova Aliança em Cristo, Deus se compromete com amor e fidelidade irrevogáveis.
Alianças com Israel
Deus firmou aliança com Abraão, Moisés e Davi. No arco-íris, na lei, nas promessas — Ele é o Deus da aliança.
Imana yongera ibwira Nowa n’abahungu biwe iti: "Ngira ngirane isezerano namwe hamwe n’uruvyaro rwanyu, n’ivyaremwe vyose vyavanye namwe mu bwato: inyoni, ibikoko vy’ibitungwa, n’ibikoko vyose vyo mw’ishamba; muri make, ikintu cose kizima kiri kw’isi. Nshizeho iri sezerano hagati yanje namwe, ko amazi y’umwuzure atazosubira kurandura ibifise ubuzima; ntihazosubira kubaho umwuzure ngo urandure isi."
Imana yongerako iti: "Iki ni co kimenyetso c’isezerano ngiranye namwe n’ikintu cose kizima kiri kumwe namwe, kandi rikaba ari n’isezerano ry’abazovuka hanyuma: Nshizeho umunywamazi mu bicu; ni wo uzoba ikimenyetso c’isezerano ngiranye namwe n’isi yose.
Nshizeho iri sezerano hagati yanje namwe, ko amazi y’umwuzure atazosubira kurandura ibifise ubuzima; ntihazosubira kubaho umwuzure ngo urandure isi."
Nshizeho umunywamazi mu bicu; ni wo uzoba ikimenyetso c’isezerano ngiranye namwe n’isi yose.
Uwo musi Uhoraho agirana isezerano na Aburamu avuga ati: "Iki gihugu ndagihaye uruvyaro rwawe, kuva ku ruzi rwa Egiputa gushika ku ruzi runini Efurate. Ni igihugu c’Abakayini, Abakenizi, Abakadimoni, Abaheti, Abaperizi, Abarefayimu, Abamori, Abanyakanani, Abagirugashi n’Abayebusi."
Aburamu avyumvise yikubita hasi yubamye. Maze Imana aramubwira iti: "Iri ni ryo sezerano ngiranye nawe: nzokugira sekuruza w’amahanga menshi. Kandi kuva ubu ntuzosubira kwitwa Aburamu, uzokwitwa Aburahamu, kuko ndakugize sekuruza w’amahanga menshi. Nzoguha kurondoka cane. Uruvyaro rwawe ruzovamwo amahanga menshi, kandi muri bo hazovamwo abami. Nzokomeza isezerano hagati yawe nanje no hagati yanje n’uruvyaro rwawe ribe isezerano ridahera, uko urunganwe ruzokurikirana n’urundi. Nzoba Imana yawe n’Imana y’uruvyaro rwawe. Igihugu cose c’i Kanani, ico ubamwo ubu nk’umunyamahanga, nzokiguha wewe n’uruvyaro rwawe kibe icanyu bwegu ibihe vyose, kandi nzobabera Imana."
Imana yongera ibwira Aburahamu iti: "Wewe n’uruvyaro rwawe mubwirizwa kwubahiriza iri sezerano, uko urunganwe ruzokurikirana n’urundi. Iri ni ryo sezerano ryanje wewe n’uruvyaro rwawe mubwirizwa kwubahiriza: umuhungu wese ategerezwa gukebwa. Mutegerezwa gukebwa, kandi ico kizoba ikimenyetso c’isezerano ngiranye namwe.
Mu mwaka ugira icumi na kane, umwami Kedolawoma azanana n’abami bafatanije na we batera Abarefayimu i Ashiteroti-Karunayimu, n’Abazuzi i Hamu, n’Abamiti i Shave Kiriyatayimu,
None rero nimwanyumvira mukaguma mw’isezerano ryanje, muzombera itunga rihambaye mu yandi mahanga yose, kuko isi yose ari iyanje.
Nzobashingira akarimbi uhereye ku Kiyaga Gitukura ukageza ku Kiyaga Mediterane, no kuva ku bugaragwa buri mu buseruko ukageza ku ruzi Efurate. Nzorekurira mu maboko yanyu ababa muri ico gihugu, namwe muze mubirukane. Ntihaze hagire isezerano mugirirana na bo canke ngo murigirirane n’imana zabo.
Maze Uhoraho yishura ati: "Ehe raba ngiranye isezerano nawe imbere y’ubwoko bwawe. Nzokora ibitangaza bitari bwigere biboneka mu mahanga yose no kw’isi yose. Amahanga yose azoba abakikuje azobona ibikorwa bihambaye jewe Uhoraho nzobakorera.
Mose yamaranye ngaho n’Uhoraho imisi mirongo ine n’amajoro mirongo ine, atarya, atanywa, yandika kuri vya bisate vy’amabuye amajambo y’isezerano, ari yo mabwirizwa icumi.
Mose yamaranye ngaho n’Uhoraho imisi mirongo ine n’amajoro mirongo ine, atarya, atanywa, yandika kuri vya bisate vy’amabuye amajambo y’isezerano, ari yo mabwirizwa icumi.
Yabahaye isezerano, ari yo mabwirizwa icumi, ayo yabategetse gukurikiza, akanayandika ku bisate bibiri vy’amabuye.
None rero mumenye ko Uhoraho Imana yanyu ari Imana. Ni umwizigirwa, azigama isezerano ry’urukundo gushika ku runganwe rw’igihumbi ku bamukunda bagakurikiza amabwirizwa yiwe.
Alianças renovadas
O povo renovava a aliança diante do Senhor. A fidelidade de Deus permanece mesmo quando o povo falha.
Nuko abantu bose bamaze kuzinga amahema yabo kugira ngo bajabuke Yorodani, abaherezi baca barerura Isandugu y’Isezerano, babaja imbere. Ico gihe hari mu gihe c’iyimbura, kandi Yorodani rwari rwarengeye inkombe zarwo. Ariko ba baherezi bari bareruye Isandugu y’Isezerano bamaze guhonyoza ibirenge mu mazi yo ku nkengera y’urwo ruzi, amazi yo haruguru aca arahagarara ntiyasubira gutemba. Yiyegeraniriza hamwe kure y’aho bari, mu gisagara ca Adamu, hafi y’i Zaretani, ayo hepfo na yo abandanya amanuka aja mu kiyaga ca Araba, ari co Kiyaga c’Umunyu gushika akamye. Nuko abantu baca barajabuka hakurya bashika ahegereye Yeriko. Ico gihe abaherezi bari bareruye Isandugu y’Isezerano y’Uhoraho bari bahagaze bemye kw’isi yumye hagati muri Yorodani, Abisirayeli na bo bariko barajabuka gushika ihanga ryose rijabutse rica kw’isi yumutse.
Yehoyada aca agiriranira isezerano n’Uhoraho hamwe n’umwami n’abantu, ko bazoba abantu b’Uhoraho. Yongera ashiraho isezerano hagati y’umwami n’abantu.
Ahejeje ahagarara i ruhande y’inkingi, asubizaho isezerano imbere y’Uhoraho ko agiye kwubaha Uhoraho, no gukurikiza amabwirizwa, amategeko hamwe n’ivyagezwe vyiwe, akabikora n’umutima wiwe wose n’umushaha wiwe wose, mu gushitsa ivyanditswe muri ico gitabu. Maze abantu bose bemera gusubira muri iryo sezerano.
Umwami Yehoramu ava i Samariya, aca akoranya abasoda ba Isirayeli bose. Yongera arungikira ubutumwa Yehoshafati umwami w’i Buyuda ati: "Umwami w’i Mowabu yangararije. Mbega ubona woza kumfasha tugatera Mowabu?"
Aramwishura ati: "Nzogufasha, kuko urazi ko turi bamwe, abasoda banje ndabaguhaye, n’amafarasi yanje yose ndayaguhaye."
Nuko Yonatani agirana n’inzu ya Dawidi isezerano, avuga ati: "Uhoraho aze asubirize mu nkoko abansi ba Dawidi." Yonatani yongera kurahiza Dawidi ko azoguma amukunda; kandi mu vy’ukuri Yonatani yaramukunda nk’uko yikunda.
Uhoraho abarira Mose ati: "Finehasi mwene Eliyazeri, umuhungu wa Aroni, umuherezi, ahwamitse ishavu ryanje riva ku Bisirayeli. Kubera ko yagize ishaka nkanje ryo kugarukana icubahiro canje, bitumye nigarura ngo sindabamare. Nuko umubwire ko ngiranye na we isezerano ry’amahoro. We n’uruvyaro rwiwe rwose baronse isezerano ridahera ry’ubuherezi, kuko yagize ishaka ryo guhesha icubahiro Imana yiwe agatangira Abisirayeli bose ikimazi gikuraho ivyaha."
Mose amaze kwinjira mw’Ihema ry’Ibonaniro kugira ngo avugane n’Uhoraho, yumva ijwi rivugana na we rivuye hagati ya ba bakerubi babiri bari ku mupfundikizo w’impongano w’Isandugu y’Isezerano. Na we araheza avugana na we.
Uhoraho abarira Mose ati: "Bwira Abisirayeli bazane inkoni icumi na zibiri, imwimwe ku muryango wose ivuye ku mukuru aserukira uwo muryango. Uze wandike izina rya nyene inkoni ku nkoni yiwe. Ku nkoni ya Lewi uze wandike izina rya Aroni, kuko hategerezwa kuba inkoni imwe ku mukuru w’umuryango wose. Muze muzishire mw’Ihema ry’Ibonaniro imbere y’Isandugu y’Isezerano, aho mbonanira namwe. Inkoni y’uwo nzoba ntoranije izoshurika, gutyo nzoba nikuriyeho imyidogo Abisirayeli bama bakwidogera."
Nuko Mose avugana n’Abisirayeli, maze abakuru babo bazana inkoni zabo icumi na zibiri, imwimwe ku mukuru w’umuryango wose, n’inkoni ya Aroni yarimwo. Mose ashira za nkoni imbere y’Uhoraho mw’Ihema ry’ibishingantahe.
Bukeye Mose yinjira mw’Ihema ry’ibishingantahe aca asanga inkoni ya Aroni yaserukira umuryango wa Lewi, ntiyatutuje amababi gusa ahubwo yashuritse yongera yama na alumonde zihiye. Nuko Mose asohora za nkoni azikura imbere y’Uhoraho azizanira Abisirayeli bose. Baziravye, umwe wese atora iyiwe.
Uhoraho abarira Mose ati: "Subiza ya nkoni ya Aroni imbere y’Isandugu y’ibishingantahe, kugira ngo ibe ikimenyetso c’abagumutse. Ivyo bizokuraho imyidodombo banyidodombera, kugira ngo ntibapfe." Mose aca akora nk’uko Uhoraho yamutegetse nyene.
Abisirayeli bongera gukora ivyo Uhoraho abona ko ari bibi mu maso yiwe, bituma Uhoraho aha umwami Eguloni w’i Mowabu ububasha bwo kuganza Isirayeli. Eguloni akoranya Abamoni n’Abamaleki ngo bamufashe kugwanya Abisirayeli. Nuko barabatera barabanesha, bafata Yeriko, ari co gisagara c’ibigazi.
Nova Aliança
Eis que dias vêm em que farei nova aliança. Jesus é mediador de uma aliança superior, fundamentada em melhores promessas.
"Igihe kiraje," ni ko Uhoraho avuze,
"aho nzogirana isezerano rishasha
n’inzu ya Isirayeli
hamwe n’inzu ya Yuda.
Ntirizoba risa na rya sezerano
nagirana na ba sekuruza babo,
aho nabafata ukuboko
nkabarongora ndabakura mu gihugu ca Egiputa,
kuko bavuye mw’isezerano ryanje,
naho nari Shebuja,"
ni ko Uhoraho avuze.
"Iri ni ryo sezerano nzogirana n’inzu ya Isirayeli
inyuma y’ico gihe," ni ko Uhoraho avuze.
"Nzoshira ivyagezwe vyanje mu bwenge bwabo,
ndavyandike mu mitima yabo.
Nzoba Imana yabo,
na bo babe abantu banje.
Ntibazosubira kwigisha ababanyi babo,
canke ngo babwirane hagati yabo bati: ‘Menya Uhoraho,’
kuko bose bazomenya jewe,
kuva kuri muto muri bo kugeza ku mukuru,"
ni ko Uhoraho avuze.
"Kuko nzobaharira ibibi vyabo
kandi sinzosubira kwibuka ivyaha vyabo."
"Uku ni ko Uhoraho avuze: ‘Nimba mwoshobora gukuraho isezerano ryanje nasezeranye n’umurango hamwe n’iryo nasezeranye n’ijoro, bigatuma bidaseruka mu bihe vyavyo vyashingiwe; aho rero n’isezerano ryanje nagiranye n’umusavyi wanje Dawidi, hamwe n’iryo nasezeranye n’Abalewi ari bo baherezi bakorera imbere yanje, ryoheza rigashobora gukurwaho, kandi Dawidi ntazosubira kuronka uwo mu ruvyaro rwiwe wo kumusubirira ku ngoma.
Ni co gituma Kristo ari umuhuza w’isezerano rishasha hagati y’Imana n’abantu, kugira ngo abahamagawe bose baronke imihezagiro idashira Imana yabasezeraniye. Kuko Kristo yapfuye kugira ngo abakize igihano c’ivyaha bakoze bakiri mw’isezerano rya mbere.
Ni co gituma Kristo ari umuhuza w’isezerano rishasha hagati y’Imana n’abantu, kugira ngo abahamagawe bose baronke imihezagiro idashira Imana yabasezeraniye. Kuko Kristo yapfuye kugira ngo abakize igihano c’ivyaha bakoze bakiri mw’isezerano rya mbere.
Ariko Yesu, Umuherezi Mukuru wacu, yahawe igikorwa kiruta cane ic’abandi baherezi, kuko ni we muhuza wacu mw’isezerano riruta ayandi, ryubakiye ku masezerano aruta ayandi.
Imana y’amahoro, yazuye Umwami wacu Yesu Kristo mu bapfuye, we mwungere mukuru w’intama yashizeho isezerano ridashira biciye mu maraso yiwe, abe ari yo ibaha ivyiza mukeneye vyose kugira ngo mukore ivyo ishaka. Ishitse muri twebwe, biciye mu bushobozi bwa Yesu Kristo, ibiyihimbara vyose. Icubahiro cose kibe icayo ibihe vyose. Amen.
Ni yo yatugize abakozi b’isezerano rishasha, isezerano ritavuye ku vyagezwe ariko rivuye kuri Mpwemu; kuko ivyagezwe birica ariko Mpwemu atanga ubugingo.
Ivyo twobifatirako ikigereranyo: abo bagore babiri bagereranywa n’amasezerano abiri. Isezerano rimwe ryavuye ku musozi Sinayi, rivamwo abana bavukira kuba abagurano: Uwo ni Hagari. Hagari agereranywa n’umusozi Sinayi wo muri Arabiya, akagereranywa kandi n’igisagara ca Yerusalemu kuko ari mu bugurano bw’ivyagezwe, hamwe n’abana biwe. Ariko uwundi mugore, ari we Sara, agereranywa na Yerusalemu wo mw’ijuru. Ni umugore yidegemvya, kandi ni we mama atuvyara.
Fidelidade da aliança
A aliança de Deus é eterna. Ele não quebra seu pacto nem altera o que saiu dos seus lábios.
Ariko uhereye ibihe vyose ukageza ibihe vyose
urukundo rw’Uhoraho ruri ku bamwubaha,
kandi ukugororoka kwiwe kuri ku ruvyaro rw’abana babo;
ku bitondera isezerano ryiwe
bakibuka kwitondera ivyo yashinze.
Uhoraho aravuze ati: "Nanje iri ni ryo sezerano ngiranye na bo: Mpwemu wanje ntazova kuri mwebwe, kandi n’amajambo yanje nashize mu kanwa kanyu ntazohava, eka ntazova no mu kanwa k’abana banyu, canke mu kanwa k’uruvyaro rwabo, uhereye ubu ugashitsa ibihe vyose," ni ko Uhoraho avuze.
Nzogirana isezerano ry’amahoro na zo, nirukane ibikoko mu gihugu, kugira ngo zishobore kuba mu bugaragwa kandi ziryame mu mashamba zitekanye.
Uhoraho wenyene azogendera imbere yanyu. Ntazobata, ntazobaheba. Ntutinye kandi ntucike intege."
Uwo mutware azoza, azogirana amasezerano n’abantu benshi mu kiringo c’imyaka indwi, ariko ico gihe kigeze hagati, azokuraho ivyo gutanga ibimazi n’amashikanwa. Kugira ngo ibikorwa vyiwe bibi vyuzure, azoshinga mu rusengero ikintu kizira, bitume urusengero ruhumana, bizoguma gutyo kugeza aho iherezo ryiwe rizoshikira nk’uko vyashinzwe."
Umwami wo mu bumanuko azokomera, ariko umwe mu ngabo ziwe azomurusha inguvu, ace aganza ubundi bwami bwiwe mu bubasha bwinshi. Inyuma y’imyaka mikeya hazoba amasezerano hagati y’umwami wo mu bumanuko n’umwami wo mu buraruko. Umukobwa w’umwami wo mu bumanuko azorongorwa n’umwami wo mu buraruko kugira ngo bakomeze ayo masezerano. Ariko uwo mukobwa ntazozigama ububasha bwiwe, ndetse n’uwo mwami n’ububasha bwiwe ntibizorama. Azokwicanwa n’uwamuzanye, na se wiwe, hamwe n’uwuzoba amushigikiye.
Umwami wo mu buraruko azogenda umuraramango ata wumugwanya; nta n’umwe azoshobora kumuhagarara imbere. Azohagarara mu gihugu c’ubwiza ca Isirayeli, agomba kugisambura. Azogerageza gushiramwo inguvu z’ubwami bwiwe zose kandi agirane amasezerano n’umwami wo mu bumanuko, amushingire umukobwa wiwe kugira ngo iyo ngoma ayisenyure mu bwenge aciye imbere muri yo, ariko iyo migabo yiwe nta co izoshikako.
Nagiraniye isezerano n’amaso yanje,
ryo kutazorabana ukwipfuza umwigeme.
Ubwenge buzokurinda umugore w’umusambanyikazi,
bukurinde n’amajambo asosa y’umugore w’umunyangesombi,
yataye umugabo wo mu buto bwiwe
akava mw’isezerano yagize imbere y’Imana.