Amigo
O amigo verdadeiro é dádiva rara de Deus. Ele ama em todo tempo, fala a verdade em amor, aconselha com sabedoria e permanece fiel nas adversidades da vida.
Amizade verdadeira
Há amigo mais chegado que um irmão. Em todo tempo ama o amigo. O perfume e o incenso alegram o coração — assim o conselho doce do amigo.
कुछ दोस्ती लाम्बे बखतो तक नि चलदी,
पर एड़ा दोस्त बी ओआ, जो पाईया ते बी जादा मिली की रओआ।
सच्चा दोस्त हर बखत प्यार राखोआ,
ओर मुसीबता रे बखते पाई बणी जाओआ।
केसी माणूंए रे शरीरो दे तेल ओर खुशबुदार इत्र लगाणे ते तेसखे अच्छा लगोआ,
पर सच्चे दोस्तो री खरी सला तेसा खुशबूआ ते बी जादा बढ़ी की ए।
जिंयाँ लोआ लोए खे चमकाई देओआ,
तिंयाँ ई माणूंए रा मूँ आपणे दोस्तो री संगतिया साथे चमकदार ऊई जाओआ।
खुली की डांटणा, छिपे रे प्यारो ते खरा ए।
जो दोस्त तुसा खे सई गल्ला सिखाओआ तेस पाँदे तुसे परोसा करी सकोए,
पर एक दुश्मण तुसा साथे चूठा प्यार दखाओआ।
जो तेरा ओर तेरे बाओ रा दोस्त बी ओ, से छाडणा नि;
ओर आपणी मुसीबता रे बखते आपणे पाईए रे कअरे नि जाणा।
प्यार करने वाल़ा पड़ोसी, दूर रणे वाल़े पाईए ते केथी अच्छा ए।
अक्लमंदो री संगति कर, तेबे तूँ बी अक्लमंद ऊई जाणा,
पर मूर्खो साथे चलणे वाल़ा माणूं नाश ऊई जाणा।
तैं गुस्सा करने वाल़े माणूंए साथे दोस्ती नि करनी,
ओर ना चट गुस्सा करने वाल़े साथे जाणा,
केथी एड़ा नि ओ कि तूँ बी तेस जेड़ा ई बणी जाए,
ओर तेरे प्राण फन्दे दे फसी जाओ।
बऊत सारे माणूं आपणी कृपा रा टंडोरा पिटोए;
पर सच्चा माणूं मिलणा बऊत ई कठण ए।
अमीरो रे तो बऊत दोस्त ऊई जाओए,
पर गरीबो रे दोस्त तेसते लग ऊई जाओए।
Jesus, o amigo
Já não vos chamo servos, mas amigos. O maior amor é dar a vida pelo amigo. Jesus é o amigo que nunca falha.
इजी ते बड़ा प्यार केसी रा निए कि कोई आपणे दोस्ता खे आपणा प्राण देओ। जो कुछ आज्ञा आऊँ तुसा खे देऊँआ, जे तुसे मानो, तो तुसे मेरे दोस्त ए। आजो ते आऊँ तुसा खे दास नि बोलूँगा, कऊँकि दास नि जाणदा कि मालक क्या करोआ, पर मैं तुसा खे दोस्त बोलेया, कऊँकि मैं जो गल्ला आपणे पिते ते सुणिया, सेयो सब तुसा खे बताईतिया।
मेरी आज्ञा ये कि जेड़ा मैं तुसा साथे प्यार राखेया, तेड़ा ई प्यार तुसे बी एकी-दूजे साथे राखो। इजी ते बड़ा प्यार केसी रा निए कि कोई आपणे दोस्ता खे आपणा प्राण देओ।
ओ मेरे प्यारेओ! जेबे परमेशरे आसा ते इतणा प्यार कित्तेया, तो आसा खे बी आपू बीचे प्यार राखणा चाईयो। परमेशर कदी बी किने नि देखेया, जे आसे आपू बीचे प्यार राखूँ, तो परमेशर आसा रे बणेया रा रओआ और तेसरा प्यार आसा ते सिद्ध ऊईगा रा।
आसे प्यार इजी तेई जाणेया कि यीशु मसीहे आसा री खातर आपणे प्राण देई ते। तेबेई आसा खे बी आपणे पाईया री तँईं प्राण देणे चाईयो। पर जेस केसी गे बी दुनिया री सम्पति ओ और से आपणे पाईए खे कंगाल़ देखी की तेस पाँदे तरस नि खाणा चाओ, तो तेसरे परमेशरो रा प्यार किंयाँ बणी की रई सकोआ? ओ मेरे प्यारे बाल़को! आसे वचन और गल्ला तेई नि, पर काम और सच्चो रे जरिए बी प्यार करिए।
और पवित्र शास्त्रो रा ये वचन पूरा ऊआ, "अब्राहमे परमेशरो पाँदे विश्वास कित्तेया और तेसरे विश्वासो रे जरिए परमेशरे से एक तर्मी माणूंए रे रूपो रे मानेया" और से परमेशरो रा दोस्त ऊआ।
पाईचारे रे प्यारो ते एकी-दूजे ते प्यार करो, आपू बीचे आदर करने रे एकी-दूजे ते जादा बढ़ो।
Companheiros de fé
Dois são melhores do que um. Os companheiros de fé se fortalecem mutuamente e caminham juntos com o Senhor.
कले रणे ते दो माणूं साथे रणे अच्छे ए, कऊँकि सेयो एकी दूजे री मताद करी सकोए सफल ऊणे रिया तँईं। कऊँकि जे तिना बीचा ते कोई एक जणा रूड़ो, तो दूजे से चकणा, पर हाय तेस पाँदे, जो कल्ला ऊई की रूड़ो ओर तेसखे कोई चकणे वाल़ा नि ओ।
देखो, केड़ी उत्तम ओर पली गल्ल ए कि
यहोवे री प्रजा आपू बीचे मिली-जुली की रओई!
ये तो तेस किमती तेलो जेड़ा ए, जो हारूण पुरोईतो रे सिरो पाँदे लटेया था
ओर तेसरिया दाड़िया पाँदिए बह्यी की, तेसरे टाल्लेया रे कूणे तक पऊँची गा।
से हेर्मोन पाह्ड़ो रे तेस पाल़े जेड़ा ए, जो सिय्योनो रे पाह्ड़ा पाँदे पड़ोई!
प्रभुए तो तेती सदा री जिन्दगिया री आशीष ठराई राखी।
आऊँ तिना सबी रा दोस्त आ जो तेरा आदर करोए,
तिना रा जो तेरिया बिदिया रा पाल़न करोए।
तेबे योनाताने दाऊदो साथे कसम खाई की बोलेया की आसे हमेशा खे दोस्त रणे, कऊँकि से तेसते बऊत जादा प्यार करो था।
तिना लोका ते तोखा नि खाओ जो एड़िया गल्ला बोलोए, "बुरी संगत खरे चाल-चलणो खे बिगाड़ी देओई।"