Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
<<Ala pwo akamo, <Yimu kase ni wose wo ni kin kweyi otela kase ni wo omonyekwotu wo ni.> Nke ya ka dala, ala yimu ka awomonyekwotu kala, shini ala ki tinarigwu dawase ni ba dala owe ni,
Ono hin yoma: Ala yimu kiyikala byoni nyyimu kala ni.
Ka shore kojije bita ikweyi wo lo, na wore ko yimu kiyikala fufunu. Ase ya yimu ko oyinanu oya geyagye dono pi yoma.
Ananoho kaha na yoza neshi ni ya yotu koya koyagye nu ya kagye ni, shini otuse wa na gye.
Ala yojoji ipu ki imu yoya.
Adole na yala shini ala gohobu ko yimu kiyi kala kotata kweyi kyi yimu ka ananoho, byoni aha ba gohobu ko yimu kala ni.
Ala gohobu ko yimu kiyikala koni ala wa ayine ipu ko Okristi ni. Ala ka nwanyi ko nyo ogboga ole kala lo. Bwebe ko ya mani ase ashini nya ayoleho ko Owuso agyogye lo. Ala rela kawase ni bo oruduru ni byala bo oruduru dudu kpa awa ni. Ala rela kawase ni ba mowe ni byala ba mowe dudu kpawa ni.
Ala yoza neshi, owoni ala gboso ono ko Obula byoni okpa ko Owuso ka ni mo, <<Yimu kase ni ala bagye dudu ni byoni oya yimu kiyo ni.>>
Oni she kpiri yoma, ala yimu kiyi kala ko kwokwoshi, ikweyi koni imu ya byo ozalabi otu lo.
Mani oni, ala wase ni Owuso shu, ase sere ni oyimu ni, ala shoshiye kiyinyinyi, kpotu neshi, kpi ikweyi bagye, kpo otumene ki kpo otuzoze. Ala gbotu kpi iyikala kweyi anya ni ala gbo kpi iyikala kpiri ala rigbiyi kala. Ala rigbiyi kala byoni Adole rigbala ni. Kweyi oni sharinya neshi mani kpiri ni, ala ki yimu yoya manu, imu ni kpuwa gbayi kpiri ipu ko dudu neshi ni. Ala yo omene ko Okristi na wo ose ipu kotu kala, byoni ala bipu kikpiye oye kponu ni ayalogwu gipu ko omene. Kweyi ala bi shotunehe.
Omani pini wo oleho ni ala pwo bwikyikyo; ni ka mo ala yimu kiyi kala.
Ase ni kyanya kpo oyinanu owino ngmase la, ala gye mo ase ni ya ngmase gbo Olayi ko gbogbo ipu nu lo.
Oza ni yaha gyoza ni imu yoya we ni yoma, Okristi gekwu ikweyi ka, mamani ashu ko gekwu ikweyi ka ayene ka.
Oza ni yaha gyoza ni imu yoya we ni yoma, Okristi gekwu ikweyi ka, mamani ashu ko gekwu ikweyi ka ayene ka.
Ayene hin moshi, ahan yimu ki iyikaha, ikweyi koni imu bwebe ko Owuso la. Ase ni ya yimu kase wo Oyi ko Owuso la kweyi ogyo Owuso. Ase ni ya yimu kase lo, ogyo Owuso lo, ikweyi koni Owuso pini wi imu la.