Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
"Bii nɔʼ kə yʉ́ ndə bə kə ghɔ̀ŋ mbɔ, ‘Kʉ̀ʉ wo-kətoʼ-a, bàa wo-bàa-a.’ M̈ɔ bɔŋ shyíi bii mbɔ b̈ii kʉ̀ʉ bʉə-bàa-bii, gháaNyii tʉ bʉə ndə bɔ̂ŋ tʉʼ chɔ́ŋhə bii,
Nɔ bɛ ŋkahə-ɔŋ nɔ, mbɔ b̈ii kʉ̀ʉ ŋwɔŋtə-ii haʼ ndə mɔ nɔʼ kʉ̀ʉ bii.
Kə a məkie ŋkwo wo bətɔ-a fɛ, yaʼkɛŋ ŋkʉ̂ʉ ndə mədʉ̀ʼ tʉ ŋwɔŋtə-ii, bʉʼka wo ndə ɔ kʉ̀ʉ ibɛʼ-yə wo nɔʼ tʉ́ʼ mbʉ nuʼ.
B̈ʉʼʉ kɔ́ tʉʉjyu tʉ bʉə-kətoʼ-bʉʼʉ ndə bʉʉ-yʉə ndə məbɔ́ bɔŋ.
B̈ii kə́ fɔ̀ʼ nubə inchəŋ nə ŋkʉ̂ʉ.
Tə mbʉ Tiekətʉ chìi ŋkʉ̂ʉ-yii te ŋwɔŋtə-ii leʼnə bʉə bənchəŋ gɛ̀ nə shʉbə yɔ́ŋyɔ́ŋ, gʉ́ə tə bɛ nə yaʼ-yə ŋkʉ̂ʉ tʉ bii.
B̈ii kə́ kʉ̀ʉ ŋwɔŋtə-ii ndə bəliŋ. Kə bii mə mɛ̀ʼtə ndə məyɔ́ʼ ghɔkə-ii tʉ bəntoʼŋgwe fɛ, bʉʼka bəbɛʼbʉə nɔʼ nə chìi nɔ, kɔ́ ŋkwaa tʉ bʉəntəŋNyii təmə kínə fɛ. B̈ii kə́ kwɛ́nə bʉə ndə bɔ̂ŋ bɛ mu njaa-chaŋ fi nə bii bɔŋ bɛ chɔ mɔʼɔ bɔŋleʼ kwɛ́nə bʉə ndə bə tʉʼ chɔ́ŋhə bɔŋ fi nə bii bɔŋ tʉʼ nyíɛ ŋgʉəʼ mɔʼɔ.
Kaʼ tʉ́ʼ nuʼ ntoʼ-Nyii shʉəŋshʉəŋ kɛŋ haʼ ndə i bɛ mu ŋwɔʼnə-Nyii, "Kʉ̀ʉ wo-kətoʼ-a haʼ ndə a kʉ̀ʉ ŋwɔŋ-aŋ," təmə a nɔ tʉʼ fɔ̀ʼ jyujyu.
Fɔŋ ɛŋ kə́ bɛ mbɔ bii nɔ kie ndə mə-kə́-kʉ̀ʉ ŋwɔŋtə-ii shʉ́əshʉ́ə, bʉʼka ŋ̃kʉʉ nɔ bɔ̀ŋtə bʉ̂ʼtə buŋmbi.
Bii nɔ bɛ bʉə-Nyii ndə ɔ kʉ̀ʉ bii bɔŋleʼ séʼ bii ndə məbɛ yi-yə bʉə. Nɔ ndʉʉmɛ, bii nɔ kie ndə məmɔ̀ʼ nubə-ɔ̄ŋ mbʉə bii tʉvyiikə, nuʼ jyujyu, məlʉ̀ ŋwɔŋ sê, mbuɔnəbə, məyá fyii bɔŋleʼ bɛ́ŋ wotəmiyɔŋ ndə ntɛhə ndə ɔ bɛ. B̈ii kə́ yá fyiihə-ii tʉ ŋwɔŋtə-ii, kaʼ wo kie nukə te liŋ-iŋ, ɔ̈ sʉ̀fyii-i hə ndəŋ bʉ̂ʼʉ-e. Nɔ, haʼ ndə Tiekətʉ kə sʉ̀fyii-i hə ndəŋ bʉ̂ʼtə-ii bii nɔ kie ndə məsʉ̀fyiihə-ii hə ndəŋ bʉ̂ʼ-bəbɛʼbʉə-tə ghɔ. Bɔŋ fɔŋ-kənu ndə məbìʼ ndəŋ nubə-ɔ̄ŋ, b̈ii mɔ̀ʼ ŋkʉ̂ʉ mbʉə-bii ndə ĩ kɔ́ʼ nubə inchəŋ ndə mə-kɛŋ-dùʼ nə ŋgiekə imɔʼ. Tə fyiighʉ́ənə ndə i gwè hə kəghɔ-Klai sɔ́ʼ mu fyiihə-ii bʉʼka Nyii nɔʼ kɛŋ tíi bii ndə mbʉə imɔʼ ndə məkie fyiighʉ́ənə-ɔ̄ŋ, b̈ii bɔŋleʼ kə́ kɔ́ ndɔ tʉ Nyii.
Nɔ bɛ ntəŋ nɔ ndə bii nɔʼ kə yʉ́ lʉ̀ hə ndəŋ nchʉʉhə, mbɔ bii nɔ kie ndə məkʉ̀ʉ ŋwɔŋtə-ii.
Wotəmiyɔŋ ndə ɔ bàa liŋ-iŋ, wo-Nyii, nɔ bɛ wo yí wo. Bii bɔŋleʼ kínə mbɔ wo yí wo kaa ghɔ ndə ɔ mə kie məchímbi təmə liʼ-i ghɔ fɛ. Bəkɔ bʉʼʉ kínə ŋkʉ̂ʉ ndəŋ yɔ̄ŋ-yə, mbɔ Jiso Klai nɔ kə kɔ́ məchimbi-i tʉ kwú bʉʼka bʉʼʉ. Bʉʼʉ kie ghɔ ndə məkɔ́ məchimbi-yʉʼʉ tʉ kwú ghɔ bʉʼka bəliŋ-bʉʼʉ.
Bəkɔ bʉʼʉ kínə ŋkʉ̂ʉ ndəŋ yɔ̄ŋ-yə, mbɔ Jiso Klai nɔ kə kɔ́ məchimbi-i tʉ kwú bʉʼka bʉʼʉ. Bʉʼʉ kie ghɔ ndə məkɔ́ məchimbi-yʉʼʉ tʉ kwú ghɔ bʉʼka bəliŋ-bʉʼʉ.
Mbʉətə bətieŋkɔŋ-bɔŋ, b̈ʉʼʉ kʉ̀ʉ ŋwɔŋtə-ʉʼʉ, bʉʼka ŋkʉ̂ʉ nɔ gwè hə kəghɔ-Nyii. Wo ndə ɔ kie ŋkʉ̂ʉ, Nyii nɔʼ bí ɔ, ɔ bɔŋ kínə Nyii. Wo ndə ɔ gòʼ təmə kie ŋkʉ̂ʉ fɛ, kínə Nyii fɛ, bʉʼka Nyii nɔ bɛ ŋkʉ̂ʉ.