Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
तुहुरे असिक कहत सुनल बतो कि मोशक नियम कानुनमे असिके लिखल बा, ‘अपन परोसीहे प्रेम करो और अपन दुश्मनहे घृणा करो।’ पर मै तुहुरिन्हे कहतुँ, अपन दुश्मनहे प्रेम करो और तुहुरिन्हे सतुइयनके लग प्राथना करो,
येशू कलाँ, "मोरिक आज्ञा यहे हो, कि जसिके मै तुहुरिन्हे प्रेम कर्नु, तुहुरे फेन एकदोसर जहनहे ओस्तेहेँके प्रेम करो।
तुहुरिन्के सक्कु जहनके एक्केथो किल ऋणी हुई परत, और उ यी हो कि तुहुरे सक्कु जाने एकदोसर जहनसे प्रेम करो; काकरेकी जे दोसुर जहनहे प्रेम करत, वहे मनैया मोशक नियम कानुनहे पूरा करत।
हम्रे प्रत्येक जाने दोसुर जहनके विश्वासहे बल्गर बनाइक लग ओइन्हे खुशी बनैना काम और ओइन्हे सहयोग करे परत।
तुहुरे ज्या चिज फेन करथो, उ सक्कु चिज प्रेमसे करो।
और हम्रे प्राथना कर्थी कि जसिके हम्रे तुहुरिन्हे प्रेम कर्थी, ओस्तेके एकदोसुर जहनहे प्रेम करक लग प्रभु येशू तुहुरिन्हे सहायता करिँत। और दोसुर जहनमे फेन तुहुरिन्के प्रेम बह्रे। और प्रभु तुहुरिन्के प्रेमहे बह्राइँत। और तुहुरिन्केमे हमार प्रेमहे फेन बह्राइँत।
हम्रे दादू-भैयनके और दिदी बहिन्यनके हस एकदोसर जहनहे प्रेम कर्ती रही। याद कर्ले रहो, परदेशीनहे फेन पहुननके रुपमे सत्कार करे परत। काकरेकी अस्तेहेँके केऊ-केऊ बिना पता पैले स्वर्गदूतनके सत्कार कर्ले बताँ।
अप्निहीँ फेन ओइन्के संग कैदमे परल हस झेलमे रहुइयनके ख्याल करो। और अप्निहीँ दुःखमे परल हस अत्याचारमे परल मनैनहे सम्झो। जसिके कि तुहुरे ओइनेहेन्के संग दुःखमे बतो।
यदि तुहुरे पवित्र शास्त्रक सक्कुहुनसे खास मोशक नियम कानुनके पालन करबो कलेसे तुहुरे सक्कु चिज मजै करबो। यी मोशक नियम कानुन हम्रिहिन्हे आज्ञा देहत कि हम्रे दोसुर जहनहे ओस्तेहेँके प्रेम करे परत जसिके हम्रे अपनहे कर्थी।
सक्कुहुनसे खास बात यहे हो कि तुहुरे एकदोसर जहनहे प्रेम करो। काकरेकी यदि तुहुरे मनैनहे प्रेम कर्बो कलेसे तुहुरे हरदम ओइन्के कर्लक कौनो फेन पापी कामहे माफ करक लग तयार रबो।
जब कि परमेश्वर तुहुरिन्हे अपन पवित्र मनै हुइक लग चुनल बताँ, और तुहुरिन्हे प्रेम करथाँ। तबेकमारे तुहुरे करुणा, भलाई, दीनता, नम्रता और सहनशीलता धारण करो। और एकदोसुर जहनसे सहना और माफ करना भावना बनैले रहो। यदि तुहुरिन्हे किहुसे कौनो गुनासो बा कलेसे उहिहे ओस्तेहेँके माफी करो, जसिके प्रभु तुहिन्हे माफ कर्ले बताँ। सक्कुहुनसे खास काम जोन तुहुरिन्हे करे परना हो, उ यी हो कि तुहुरे एकदोसुर जहनहे प्रेम करो। असिक करके तुहुरे पूरा रुपसे एकजुट होजिबो। ख्रीष्टके देना शान्तिहे तुहुरिन्के मनमे राज करे देऊ। काकरेकी तुहुरे सक्कु जाने एकथो शरीरके अंग हुइतो। तबेकमारे तुहुरिन्हे एकदोसुर जहनके संग शान्तिसे रहक लग बलागिल बा। और सदादिन धन्यवाद कर्ती रहो।
जोन सन्देश तुहुरे सुरुएसे सुन्लो, उ सन्देश यहे हो कि हम्रे एकदोसुर जहनहे प्रेम करी।
जे अपन दादू-भैयाहे घृणा करत, ऊ हत्यारा हो। और कौनो फेन हत्यारक संग सदाकालके जीवन नै रहत कना बात तुहुरिन्हे पतै बा। यम्नेहेँसे प्रेम का हो कहिके हम्रे जन्ली, कि येशू ख्रीष्ट हमार लग अपन ज्यान दैदेलाँ। तबेकमारे हम्रे फेन अपन दादू-भैयनके लग अपन ज्यान देहे परत।
यम्नेहेँसे प्रेम का हो कहिके हम्रे जन्ली, कि येशू ख्रीष्ट हमार लग अपन ज्यान दैदेलाँ। तबेकमारे हम्रे फेन अपन दादू-भैयनके लग अपन ज्यान देहे परत।
हे मोरिक प्रिय संघरियन, हम्रे एकदोसुर जहनसे प्रेम करी, काकरेकी प्रेम परमेश्वरके थेनसे आइत। जे दोसुर जहनहे प्रेम करत, उ परमेश्वरके लरका हो और उ परमेश्वरहे चिन्हत। जे दोसुर जहनहे प्रेम नै करत, ऊ परमेश्वरहे नै चिन्हत। काकरेकी परमेश्वर प्रेम हुइताँ।