Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
ಅನಿ ಸರ್ವೆಸ್ಪರ್ ದೆವಾನ್, "ಮಾನುಸ್ ಎಕ್ಲೊಚ್ ರ್ಹಾತಲೆ ಬರೆ ನ್ಹಯ್ ಮನುನ್ ಮಿಯಾ ತುಕಾ ಸಮಾ ಹೊಯ್ ಸಾರ್ಕೆ ವಾಂಗ್ಡಿನ್ ಕರುನ್ ದಿತಾ" ಮಟ್ಲ್ಯಾನ್.
ಅನಿ ತೆಚ್ಯಾ ಹಡ್ಡಾನ್ ಎಕ್ ಬಾಯ್ಕೊಮಾನುಸ್ ರಚ್ಲ್ಯಾನ್, ಅನಿ ತಿಕಾ ಹಾನುನ್ ಆದಾಮಾಚ್ಯಾ ಇದ್ರಾಕ್ ಇಬೆ ಕರ್ಲ್ಯಾನ್. ತನ್ನಾ ತೆನಿ ಬಗುನ್,
"ಅತ್ತಾ ಸಮಾ ಹೊಲೆ, ಹಿ ಮಾಜ್ಯಾ ಸಾರ್ಕಿಚ್ ಹಾಯ್, ಹಿ ಮಾಜ್ಯಾ ಹಡ್ಡಾಚೆ ಹಡ್ಡ್, ಅನಿ ಮಾಂಸಾಚೆ ಮಾಸ್! ತಿಚೆ ನಾವ್ ನಾರಿ" ಕಶ್ಯಾಕ್ ಮಟ್ಲ್ಯಾರ್,
ತಿ ಮನ್ಸಾನ್ ರಚಿತ್ ಹೊಲ್ಲಿ ಹಾಯ್ ಮನುನ್ ಸಾಂಗ್ಲ್ಯಾನ್.
ಹ್ಯಾ ಕಾರಾನಾ ಸಾಟ್ನಿ ಮಾನುಸ್ ಅಪ್ಲ್ಯಾ ಬಾಯ್ ಬಾಬಾಕ್ ಸೊಡುನ್ ಅಪ್ಲ್ಯಾ ಬಾಯ್ಕೊಕ್ ಮಿಳ್ತಾ, ತೆನಿ ದೊಗೆಬಿ ಎಕುಚ್ ಆಂಗ್ ಹೊತಾತ್.
ತೆಚೆಸಾಟ್ನಿ ತೆನಿ, ಅನಿ ಫಿಡೆ ದೊಗೆ ನ್ಹಯ್ ಎಕುಚ್ ಆಂಗ್. ಅಶೆ ರ್ಹಾತಾನಾ ದೆವಾನ್ ಜೊಡಲ್ಲೆ ಖಲ್ಯಾಬಿ ಮಾನ್ಸಾನ್ ಎಗ್ಳುಕ್ ಹೊಯ್ನಾ.
ಪ್ರೆಮ್ ಸೊಸುನ್ ಘೆವ್ನ್ ಜಾತಾ, ಪ್ರೆಮ್ ದಯಾಳ್, ಅನಿಎಕ್ಲ್ಯಾಕ್ ಬಗುನ್ ಜಳಿ ನಾ, ಅಪ್ನಾಚಿಚ್ ಬಡಾಯ್ ಬೊಲಿನಾ, ಗರುಕಿನ್ ಭರಿನಾ; ಪ್ರೆಮ್ ಮರ್ಯಾದ್ಗೆಡಿ ಹೊವ್ನ್ ಚಲಿನಾ, ಅಪ್ನಾಚೊಚ್ ಫಾಯ್ದೊ ಬಗಿನಾ; ರಾಗ್ ಕರಿನಾ; ಡಾವ್ ಮನಾತ್ ಥವ್ನ್ ಘೆಯ್ನಾ; ಅನ್ನ್ಯಾಯ್ ಬಗುನ್ ಖುಶಿ ಹೊಯ್ನಾ, ಹೆಚ್ಯಾ ಬದ್ಲಾಕ್ ಖರೆ ಜಿಕಲ್ಲೆ ಬಗುನ್ ಖುಶಿ ಹೊತಾ. ಪ್ರೆಮ್ ಸಗ್ಳೆ ಸೊಸುನ್ ಘೆವ್ನ್ ಜಾತಾ, ಸಗ್ಳ್ಯಾ ವೈರ್ ಬರೊಸೊ ಕರ್ತಾ ಅನಿ ಸಗ್ಳೆ ಸಂಬಾಳುನ್ ಘೆವ್ಕ್ ಜಾತಾ ಅನಿ ಧೈರ್ಯಾನ್ ರ್ಹಾತಾ.
ತಸೆ ಹೊವ್ನ್, ಘವಾನಿ ಅಪ್ಲ್ಯಾ ಸ್ವತಾಚ್ಯಾ ಆಂಗಾಕ್ ಪ್ರೆಮ್ ಕರಲ್ಯಾ ಸಾರ್ಕೆಚ್ ಅಪ್ಲ್ಯಾ ಬಾಯ್ಕೊಕ್ಬಿ ಪ್ರೆಮ್ ಕರುಚೆ ಅಪ್ಲ್ಯಾ ಬಾಯ್ಕೊಕ್ ಪ್ರೆಮ್ ಕರ್ತಲೊ ಹರ್ ಎಕ್ಲೊಬಿ ಅಪ್ನಾಕುಚ್ ಪ್ರೆಮ್ ಕರುನ್ ಘೆತಲೊ ಹೊವ್ನ್ ಹಾಯ್. ಕಶ್ಯಾಕ್ ಮಟ್ಲ್ಯಾರ್, ಕೊನ್ಬಿ ಅಪ್ಲ್ಯಾ ಸ್ವತಾಚ್ಯಾ ಆಂಗಾಕ್ ಕನ್ನಾಬಿ ಕುಸ್ಡೆ ಕರಿನಾ, ಹರ್ ಎಕ್ಲೊಬಿ ಅಪ್ಲ್ಯಾ ಆಂಗಾಕ್ ಬಾಳ್ಗುನ್ ಹುಶ್ಯಾರ್ಕಿನ್ ಬಗುನ್ ಘೆತಾ ಕ್ರಿಸ್ತ್ ಅಪ್ನಾಚ್ಯಾ ಲೊಕಾಂಚ್ಯಾಸಾಟ್ನಿ ಕರ್ತಲೆಬಿ ಹೆಚ್.
ಹೆ ಸಗ್ಳೆ ತುಮ್ಕಾಬಿ ಲಾಗು ಹೊತಾ, ತುಮ್ಚ್ಯಾತ್ ಹರ್ ಎಕ್ ಘವ್ ಮಾನುಸ್ ಬಿ ಅಪ್ನಾಕ್ ಅಪ್ನಿ ಪ್ರೆಮ್ ಕರುನ್ ಘೆಟಲ್ಯಾ ಸಾರ್ಕೆ ಅಪ್ಲ್ಯಾ ಬಾಯ್ಕೊಕ್ಬಿ ಪ್ರೆಮ್ ಕರುಚೆ, ಅನಿ ಬಾಯ್ಕೊ ಅಪ್ಲ್ಯಾ ಘವಾಕ್ ಮಾನುನ್ ಘೆವ್ನ್ ಅನಿ ದೆವಸ್ಪಾನಾನ್ ಚಲುಚಿ.
ಸಗ್ಳ್ಯಾಂಚ್ಯಾಕಿಂತಾ ಲೈ ಕರುನ್ ತುಮ್ಚ್ಯಾಕ್ಡೆ ಪ್ರೆಮ್ ರ್ಹಾಂವ್ದಿತ್, ಪ್ರೆಮ್ ತುಮ್ಕಾ ಸಗ್ಳ್ಯಾಕ್ನಿ ಫುರಾ ಎಕ್ವಟ್ಟಾನ್ ಥವ್ತಾ.
ಎಕ್ಲ್ಯಾಕಿಂತಾ ದೊನ್ ಲೊಕಾ ರಾಬ್ತಲೆ ಬರೆ, ತೆಚ್ಯಾ ಕಟ್ಪಟಾಕ್ ಬರೊ ಫಾಯ್ದೊ ಹಾಯ್. ಎಕ್ಲೊ ಪಡ್ಲ್ಯಾರ್ ತೆಕಾ ಅನಿ ಎಕ್ಲೊ ಉಕಲ್ತಾ; ಖರೆ ತೊ ಪಡಲ್ಲ್ಯಾ ತನ್ನಾ ಎಕ್ಲೊಚ್ ಹೊತ್ತೊ ರಾಲ್ಯಾರ್ ಉಕ್ಲುಕ್ ಕೊನ್ಬಿ ರ್ಹಾಯ್ನಾತ್; ಕೊನ್ಬಿ ನಸ್ಲ್ಯಾರ್ ತೆಚಿ ಗತ್ ಕಾಯ್ ಸಾಂಗು. ಎಕ್ಲ್ಯಾಚ್ಯಾ ಭಾಜುಕ್ ಅನಿ ಎಕ್ಲೊ ನಿಜ್ಲ್ಯಾರ್ ದೊಗ್ಯಾಕ್ನಿಬಿ ಹುನ್ನ್ ಹೊತಾ, ಎಕ್ಲೊಚ್ ರಾಲ್ಯಾರ್ ಕಸೆ ಹುನ್ನ್ ಹೊತಾ? ಎಕ್ ಮಾನ್ಸಾಕ್ ಅನಿ ಎಕ್ ಮಾನ್ಸಾನ್ ಜಿಕುಕ್ ಹೊತಾ, ಖರೆ ಜಿಕಲ್ಲ್ಯಾಕ್ ದೊಗ್ಯಾನಿ ಹಾರ್ವುಕ್ ಹೊತಾ, ತಿನ್ ಎಳ್ಯಾಚಿ ದೊರಿ ತುಟ್ವುತಲಿ ಲೈ ತರಾಸ್.