1 ದೆವಾನ್ ನೊಯೆಕ್ ಅನಿ ತೆಚ್ಯಾ ಲೆಕಾಕ್ನಿ ಆಶಿರ್ವಾದ್ ದಿವ್ನ್ ತೆಂಕಾ, ತುಮ್ಚಿ ಪಿಳ್ಗಿ ವಾಡುಂದಿತ್ ಅನಿ ಹ್ಯಾ ಜಗಾತ್ ಭರುಂದಿತ್, 2 ಹರ್ ಎಕ್ ಜನಾವರಾ, ಫಾಕ್ರಾ, ಜಿಮ್ನಿ ವರ್‍ತಿ ಫಿರುನ್ ಖೆಳ್ತಲೆ ಕಿಡೆ ಅನಿ ಮಾಸೊಳ್ಯಾ ತುಮ್ಕಾ ಖಾಲ್ತಿ ಹೊವ್ನ್ ರಾಂವ್ದಿ, ಅನಿ ತೆ ಸಗ್ಳೆ ತುಮ್ಚ್ಯಾ ಅಧಿನಾತ್ ರಾಂವ್ದಿತ್. 3 ಅನಿ ಜಿಮ್ನಿ ವರ್‍ತಿ ಫಿರುನ್ ಖೆಳ್ತಲಿ ಸಗ್ಳಿ ಜನಾವಾರಾ ತುಮಿ ಖಾವಾ, ತುಮ್ಕಾ ಜಿಮ್ನಿ ವರ್‍ತಿ ಭಾಜಿ ಪಾಲೊ ಖಾವ್ಕ್ ದಿಲ್ಲ್ಯಾ ಸಾರ್ಕೆ ಹೆಬಿ ದಿಲಾ. 4 ಖರೆ ರಗ್ತಾನ್ ಬರಲೆ ಮಾಸ್ ಖಾವ್ನೈ ಕಶ್ಯಾಕ್ ಮಟ್ಲ್ಯಾರ್ ತ್ಯಾ ರಗ್ತಾತ್ ಜಿವ್ ರ್‍ಹಾತಾ ತಸೆ ಮನುನ್ ಮಿಯಾ ತುಕಾ ಖಾತಲೆ ನಕ್ಕೊ ಮನುಲ್ಲಾ. 5 ಅಸೆ ರ್‍ಹಾತಾನಾ ತುಮ್ಚೆ ರಗಾತ್ ಘಳ್ವುನ್ ಜಿವ್ ಕಾಡ್ತಲ್ಯಾಕ್ನಿ ಮಿಯಾ ತೆಕಾ ಪರ್‍ತುನ್ ಮರ್ನಾಚಿ ಶಿಕ್ಷ್ ದಿತಾ, ತೆ ಮಾನ್ಸಾಚೊ ಜಿವ್ ಕಾಡ್ತಲೆ ಖಲೆ ಜನಾವರ್ ಹೊಲ್ಯಾರ್ಬಿ ತೆಕಾ ಮರ್ನಾಚಿ ಶಿಕ್ಷ್ಯಾ ದಿತಾ. 6 ಸರ್ವೆಸ್ಪರ್ ದೆವಾನ್ ಮಾನ್ಸಾಕ್ ಅಪ್ನಾಚ್ಯಾ ರುಪಾತ್ ರಚ್ಲ್ಯಾನ್ ತಸೆ ಮನುನ್ ಜೆ ಕೊನ್ ಎಕ್ಲ್ಯಾನ್ ದುಸ್ರ್ಯಾಚೊ ಜಿವ್ ಕಾಡ್ಲ್ಯಾನ್ ತರ್ ಅನಿ ಎಕ್ಲೊ ತೆಜೊ ಜಿವ್ ಕಾಡ್ತಾ.

7 ಅನಿ ತುಮ್ಕಾ ಪೊರಾ ಲೈ ಹೊವ್ನ್; ಜಿಮ್ನಿ ವರ್‍ತಿ ತುಮ್ಚಿ ಪಿಳ್ಗಿ ವಾಡುಂದಿತ್ ಮಟ್ಲ್ಯಾನ್.

8 ದೆವಾನ್ ನೊಯೆಕ್ ಅನಿ ತೆಚ್ಯಾ ಲೆಕಾಕ್ನಿ, 9 "ಅಬಕ್, ಮಿಯಾ ಅನಿ ತುಮ್ಚ್ಯಾ ಪಿಳ್ಗಿಚ್ಯಾ ವಾಂಗ್ಡಾ, 10 ಅನಿ ತುಮ್ಚ್ಯಾ ಢೊನಾತ್ ತುಮ್ಚ್ಯಾ ವಾಂಗ್ಡಾ ಯೆಲ್ಲಿ ಸಗ್ಳಿ ಜನಾವರಾ ಫಾಕ್ರಾ ಹರ್ ಎಕ್ ನಮುನ್ಯಾಚ್ಯಾ ಜಿವಿಚ್ಯಾ ವಾಂಗ್ಡಾ, 11 ಹ್ಯಾ ಗೊಸ್ಟಿಯಾನಿ ಮಿಯಾ ತುಜ್ಯಾ ವಾಂಗ್ಡಾ ಕರಾರ್ ಕರುನ್ಗೆತಾ, ಹ್ಯಾನ್ ಫಿಡೆ ಜಲ್ ಪ್ರಳಯಾನ್ ಹ್ಯಾ ಜಗಾಕ್ ಅನಿ ಜಿವಿಯಾಕ್ನಿ ನಾಶ್ ಕರಿನಾ ಮನುನ್ ಮಿಯಾ ಗೊಸ್ಟ್ ದಿತಾ. 12 ತುಜ್ಯಾ ವಾಂಗ್ಡಾ ಅನಿ ಝಿತ್ತಿ ಹೊತ್ತ್ಯಾ ಹರ್ ಎಕ್ ಜಿವಿಚ್ಯಾ ವಾಂಗ್ಡಾ ಕರುನ್ ಘೆತಲೊ ಶಾಶ್ವತ್ ಆನಾಕ್ ಒಳಕ್ ಹೊವ್ನ್ ರ್‍ಹಾಯ್ ಸಾರ್ಕೆ, 13 ಮಿಯಾ ಮಳ್ಬಾತ್ನಿ ಕಾಮನ್ ಬಿಲ್ಲು ಥವ್ತಾ, ಹಿ ಮಿಯಾ ಜಗಾಚ್ಯಾ ವಾಂಗ್ಡಾ ಕರುನ್ಗೆಟಲ್ಯಾ ಕರಾರಾಕ್ ವಳಕ್ ಹೊವ್ನ್ ಹಾಯ್. 14 ಜಗಾ ವರ್‍ತಿ ಮೊಡಾ ದಿಸ್ತಾನಾ ಮೊಡಾತ್ನಿ ಕಾಮನ್ ಬಿಲ್ಲ್ ದಿಸ್ತಾ. 15 ಮಿಯಾ ತೆ ಕಾಮನ್ ಬಿಲ್ಲ್ ಬಗ್ತಾನಾ, ಅನಿ ಕನ್ನಾಬಿ ಜಗಾಚ್ಯಾ ವಾಂಗ್ಡಾ ತುಜೆ ವರ್‍ತಿ, ಅನಿ ಜನಾವರಾಂಚ್ಯಾ ವರ್‍ತಿ ಪ್ರಳಯ್ ಯೆಯ್ನಾ ಮನುನ್ ಕರಲ್ಲೊ ಕರಾರ್ ಯಾದ್ ಕರುನ್ಗೆತಾ. 16 ಕಾಮನ್ ಬಿಲ್ಲು ಅನಿ ಮೊಡಾ ಯೆಲ್ಲ್ಯಾ ತನ್ನಾ ಸರ್ವೆಸ್ಪರ್ ಹೊವ್ನ್ ಹೊತ್ತ್ಯಾ ಮಾಕಾ ಅನಿ ಜಿಮ್ನಿ ವರ್‍ತಿ ಹೊತ್ತ್ಯಾ ಹರ್ ಎಕ್ ಜಿವಿಕ್ನಿ ಹೊಲ್ಲಿ ಗೊಸ್ಟ್ ಯಾದ್ ಕರುನ್ಘೆತಾ" ಮಟ್ಲ್ಯಾನ್. 17 ಅನಿ ತವ್ಡೆಚ್ ನಸ್ತಾನಾ ಸರ್ವೆಸ್ಪರ್ ದೆವಾನ್ ನೊಯೆಕ್ ಮಾಕಾ ಅನಿ ಸಗ್ಳ್ಯಾ ಜಿವಿಕ್ನಿ ಹೊಲ್ಲ್ಯಾ ಖರಾರಾಕ್ ಹಿಚ್ ವಳಕ್ ಮನುನ್ ಸಾಂಗ್ಲ್ಯಾನ್.

18 ಢೊನಾತ್ನಾ ಭಾಯ್ರ್ ಯೆಲ್ಲಿ ನೊಯೆಚಿ ಲೆಕಾ ಶೆಮ್, ಹಾಮ್, ಜಾಫೆತ್, ಹಾಮ್ ಕಾನಾನಾಚೊ ಬಾಬಾ. 19 ಅನಿ ನೊಯೆಚ್ಯಾ ಪೊರಾಂಚಿ ಪಿಳ್ಗಿ ಸಗ್ಳ್ಯಾ ಜಿಮ್ನಿ ವರ್‍ತಿ ಪಗಳ್ಳಿ, ಅನಿ ಜಿಮ್ನಿ ವೈಲ್ಯಾ ಲೊಕಾಕ್ನಿ ಹೆನಿಚ್ ವಾಡ್ ವಡ್ಲಾ ಹೊವ್ನ್ ಹಾತ್. 20 ನೊಯೆ ಎಕ್ ಸೆತ್ ಕಾರಿ ಹೊವ್ನ್ ಹೊತ್ತೊ ತೆನಿ ಎಕ್ ದರಾಕ್ಷಾಚೊ ಮ್ಹಳೊ ಕರುಕ್ ಸುರು ಕರ್ಲ್ಯಾನ್. 21 ತೊ ಎಕ್ ದಿಸಿ ದರಾಕ್ಷಾಚೊ ವಾಯ್ನ್ ಫಿವ್ನ್ ನಿಶ್ಯಾ ಹೊವ್ನ್ ತೆಚ್ಯಾ ಝೊಪ್ಡ್ಯಾತ್ ನಾಗ್ಡೊಚ್ ಪಡುನ್ ರ್‍ಹಾತಾ. 22 ತೊ ನಾಗ್ಡೊ ನಿಜಲ್ಲೆ ತೆಜೊ ಲೆಕ್ ಕಾನಾನಾಚೊ ಬಾಬಾ ಹಾಮಾನ್ ಬಗುನ್ ಝೊಪ್ಡ್ಯಾಚ್ಯಾ ಭಾಯ್ರ್ ಹೊತ್ತ್ಯಾ ಭಾವಾಕ್ನಿ ಸಾಂಗ್ಲ್ಯಾನ್. 23 ಮಾನಾ ತೆನಿ ದೊಗೆಬಿ ಝೊಪ್ಡ್ಯಾಚ್ಯಾ ಬಿತ್ತುರ್ ಝಗೊ ಘೆವ್ನ್ ಪಾಟ್ಲ್ಯಾ ಪಾಯಾನಿ ಚಲುನ್ ಜಾವ್ನ್ ಬಾಬಾಚ್ಯಾ ಆಂಗಾ ವರ್‍ತಿ ಧಾಪ್ಲ್ಯಾನಿ, ತಸೆಹೊವ್ನ್ ತೊ ನಾಗ್ಡೊ ಹೊತ್ತೆ ತೆನಿ ಬಗುಕ್ನಾತ್. 24 ಮಾನಾ ನೊಯೆ ಉಟುನ್ ಧಾಕ್ಲ್ಯಾ ಲೆಕಾನ್ ಕರಲ್ಲೆ ಆಯ್ಕುನ್, 25 ತೆಚ್ಯಾ ವೈನಾ ಕಾನಾನ್ ಶರಾಪಾತ್ ಪಡುಂದಿತ್.

ಅನಿ ತೊ ತೆಜಾ ಭಾವಾಕ್ನಿ ಗುಲಾಮ್ ಹೊವ್ನ್ ರ್‍ಹಾತಾ ಮನುನ್ ಶಾಪ್ ದಿಲ್ಯಾನ್ .

26 ಅನಿ ನೊಯೆನ್, ಶೆಮಾಚ್ಯಾ ಸರ್ವೆಸ್ಪರ್ ದೆವಾಕ್ ಸ್ತುತಿ ಹೊಂವ್ದಿತ್, ಅನಿ ಶೆಮಾಕ್ ಕಾನಾನ್ ಗುಲಾಮ್ ಹೊವ್ನ್ ರಾಂವ್ದಿತ್ ಮಟ್ಲ್ಯಾನ್.

27 ಅನಿ ಸರ್ವೆಸ್ಪರ್ ದೆವಾನ್ ಜಾಪೆತಾಚಿ ಪಿಳ್ಗಿ ವಾಡುಂದಿತ್, ಅನಿ ಕಾನಾನ್ ತೆಂಚೊ ಗುಲಾಮ್ ಹೊವ್ನ್ ರಾಂವ್ದಿತ್.

28 ಜಲ್ ಪ್ರಳಯ್ ಹೊಲ್ಲ್ಯಾ ಮಾನಾ ನೊಯೆನ್ ತಿನ್ಸೆ ಪನ್ನಾಸ್ ವರಿಸ್ ಜಿವಾನ್ ಕರ್ಲ್ಯಾನ್. 29 ಮಾನಾ ನೊಯೆ ನ್ಹವ್ಸೆ ಪನ್ನಾಸ್ ವರಿಸ್ ಪತರ್ ರ್‍ಹಾವ್ನ್ ಮರುನ್ ಗೆಲೊ.