1 ಹ್ಯಾ ಜಗಾಚಿ ಪುರಾ ಲೊಕಾಬಿ ಎಕುಚ್ ಭಾಶ್ಯಾ ಅನಿ ಎಕುಚ್ ನಮುನೆಚಿ ಗೊಸ್ಟಿಯಾ ವಾಪ್ರಿತ್. 2 ತೆನಿ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ಡೆ ಪ್ರಯಾನ್ ಕರುನ್ಗೆತ್ ಜಾಯ್ತ್ ರ್‍ಹಾತಾನಾ ಶಿನಾರ್ ದೆಶಾಚ್ಯಾ ಎಕ್ ಮಾಳ್ ಜಾಗ್ಯಾವರ್‍ತಿ ವಸ್ತಿ ಕರ್ಲ್ಯಾನಿ. 3 ಅನಿ ತೆನಿ ಎಕಾಮೆಕಾಕ್, "ಯೆವಾ ಸಗ್ಳ್ಯಾನಿ ಅಮಿ ಮಾಟಿಚಿ ಇಟ್ಗಿಯಾ ಕರುನ್ ಅನಿ ತಿ ಜಾಳುಂವಾ" ಅಸೆ ಕರುನ್ ತೆನಿ ಗುಂಡ್ಯಾಂಚ್ಯಾ ಬದ್ಲಾಕ್ ಇಟ್ಗಿ, ಸಿಮೆಂಟಾಚ್ಯಾ ಬದ್ಲಾಕ್ ಡಾಂಬೊರ್ ವಾಪರ್ಲ್ಯಾನಿ. 4 ಅನಿ ಎಕ್‍ ಶಾರ್ ಭಾಂದುಂವಾ ಮಳ್ಬಾಕ್ ಪಾವ್ತಲೆ ಗೊಪುರ್ ಭಾಂಧುನ್ ಮೊಟ್ಟೆ ಹೊವ್ವಾ ಅಸೆ ಕರ್ತಾನಾ ಅಮಿ ಪುರಾ ಜಗ್ ಭರ್ ಪಗ್ಳುನ್ ಜಾತಲೆ ರ್‍ಹಾಯ್ನಾ, ಮನುನ್ ಬೊಲುನ್ ಘೆಟ್ಲ್ಯಾನಿ.

5 ತನ್ನಾ ಮಾನ್ಸಾಚಿ ಲೆಕಾ ಭಾಂಧುಲಾಗಲ್ಲೆ ಶಾರ್ ಅನಿ ಗೊಪುರ್ ಬಗುಕ್ ಮನುನ್ ಸರ್ವೆಸ್ಪರ್ ದೆವ್ ಖಾಲ್ತಿ ಉತ್ರುನ್ ಯೆಲೊ. 6 ತೆ ತೆನಿ ಬಗಲ್ಯಾ ಮಾನಾ "ಅಬಕ್, ಅತ್ತಾ ತೆನಿ ಎಕುಚ್ ಭಾಶ್ಯಾಚೆ ಬೊಲ್ತಲೆ ಹೊವ್ನ್ ಹಾತ್ ಅನಿ ಹೆ ತೆನಿ ಕರುಕ್ ಲಾಗಲ್ಲೆ ಆರಂಭಾಕ್ ತವ್ಡೆಚ್ ಅಸೆಚ್ ಸೊಡ್ಲ್ಯಾರ್ ಕಾಯ್ಬಿ ಕರುಕ್ ಶಕ್ತ್ ಹಾತ್. 7 ಎವಾ, ಅಮಿ ಉತ್ರುನ್ ಜಾವ್ನ್ ತೆಂಚಿ ಭಾಶ್ಯಾ ತೆಂಕಾ ಕಳಿನಾ ಸಾರ್ಕೆ ಕಂಗಾಲ್ ಕರುಂವಾ" ಮಟ್ಲ್ಯಾನಿ. 8 ತಸಿ ಕರುನ್ ತೆಂಕಾ ಸರ್ವೆಸ್ಪರ್ ದೆವಾನ್ ಸಗ್ಳ್ಯಾ ಜಗಾತ್ ಪಗ್ಳ್ಯಾನ್, ಮಾನಾ ತೆನಿ ಶಾರ್ ಭಾಂದ್ತಲೆ ಬಂದ್ ಕರ್ಲ್ಯಾನಿ. 9 ಅಸೆ ಸರ್ವೆಸ್ಪರ್ ದೆವಾನ್ ಪುರಾ ಜಗಾಚಿ ಭಾಶಾ ಗೊಂದಲ್ ಕರುನ್ ಗಾಲುನ್ ಲೊಕಾಕ್ನಿ ಪಗ್ಳುನ್ ಗಾಟಲ್ಯಾ ಸಾಟ್ನಿ ತ್ಯಾ ಶಾರಾಕ್ ಬಾಬೆಲ್ ಮನುನ್ ನಾವ್ ಪಡ್ಲೆ.

10 ಹಿ ಶೆಮಾಚಿ ವಂಶಾವಳಿ: ಪ್ರಳಯ್ ಹೊವ್ನ್ ಸರುನ್ ದೊನ್ ವರಿಸ್ ಹೊಲ್ಲ್ಯಾ ಮಾನಾ ಶೆಮಾಕ್ ಸೆಂಬರ್ ವರಿಸ್ ಹೊಲ್ಲೊ ಹೊತ್ತ್ಯಾ ತನ್ನಾ ತೆಕಾ ಎಕ್ ಲೆಕ್ ಉಪಜ್ಲೊ ತೆಚೆ ನಾವ್ ಅರ್ಪಕ್ಷದ್. 11 ತೆಚ್ಯಾ ಮಾನಾ ಶೆಮಾಕ್ ಪೊರಾ ಹೊತ್ತಿ ತೊ ಪಾಸೆ ವರ್ಸಾತ್ ಮರುನ್ ಗೆಲೊ.

12 ಮಾನಾ ಅರ್ಪಕ್ಷದ್ ತಿಸಾರ್ ಪಾಂಚ್ ವರ್ಸಾಚೊ ಹೊಲ್ಲ್ಯಾ ತನ್ನಾ ಶೆಲಾ ಮನ್ತಲೊ ಲೆಕ್ ಉಪಜ್ಲೊ. 13 ಮಾನಾ ತೆಕಾ ಅನಿಬಿ ಪೊರಾ ಹೊತ್ತಿ ತೊ ಚಾರ್ಸೆ ತಿನ್ ವರ್ಸಾ ಪತರ್ ಝಿತ್ತೊ ರ್‍ಹಾವ್ನ್ ಮರುನ್ ಗೆಲೊ. 14 ಶೆಲಾಕ್ ತಿಸ್ ವರ್ಸಾ ಹೊಲ್ಲ್ಯಾ ತನ್ನಾ ಎಬೆರ್ ಉಪಜ್ಲೊ. 15 ಎಬೆರ್ ಹೊಲ್ಯಾ ಮಾನಾ ತೆಕಾ ಅನಿ ಪೊರಾ ಹೊತ್ತಿ ತೊ ಚಾರ್ಸೆ ತಿನ್ ವರಿಸ್ ಝಿತ್ತೊ ರ್‍ಹಾವ್ನ್ ಮರುನ್ ಗೆಲೊ.

16 ಎಬೆರಾಕ್ ತಿಸಾರ್ ಚಾರ್ ವರ್ಸಾ ಹೊಲ್ಲ್ಯಾ ತನ್ನಾ ಪೆಲೆಗ್ ಮನ್ತಲೊ ಲೆಕ್ ಉಪಜ್ಲೊ. 17 ತೆಚ್ಯಾ ಮಾನಾ ಎಬೆರಾಕ್ ಅನಿಬಿ ಪೊರಾ ಹೊತ್ತಿ, ತೊ ಚಾರ್ಸೆ ತಿಸ್ ವರಿಸ್ ಪತರ್ ಝಿತ್ತೊ ರ್‍ಹಾವ್ನ್ ಮರುನ್ ಗೆಲೊ.

18 ಪೆಲೆಗಾಕ್ ತಿಸ್ ವರಿಸ್ ಹೊಲ್ಲ್ಯಾ ತನ್ನಾ ರೆಗು ಮನ್ತಲೊ ಪೊರ್ ಉಪಜ್ಲೊ.

19 ರೆಗು ಉಪಜ್ಲೊ ಮಾನಾ ಪೆಲೆಗಾಕ್ ಪೊರಾ ಹೊತ್ತಿ, ಅನಿ ತೊ ದೊನ್ಸೆ ನ್ಹವ್ ವರಿಸ್ ಝಿತ್ತೊ ರ್‍ಹಾತಾ.

20 ರೆಗುಕ್ ತಿಸಾರ್ ದೊನ್ ವರ್ಸಾ ಹೊಲ್ಲ್ಯಾ ಮಾನಾ ಎಕ್ ಲೆಕ್ ಉಪಜ್ಲೊ ತೆಚೆ ನಾವ್ ಶೆರುಕ್. 21 ತೆಚ್ಯಾ ಮಾನಾ ಶೆರುಕಾಕ್ ಪೊರಾ ಉಪಜ್ಲಿ ತೊ ದೊನ್ಸೆ ಸಾತ್ ವರಿಸ್ ಪತರ್ ಝಿತ್ತೊ ರ್‍ಹಾವ್ನ್ ಮರುನ್ ಗೆಲೊ.

22 ಮಾನಾ ಶೆರುಕಾಕ್ ತಿಸ್ ವರಿಸ್ ಹೊಲ್ಲ್ಯಾ ತನ್ನಾ ಎಕ್ ಲೆಕ್ ಉಪಜ್ಲೊ ತೆಚೆ ನಾವ್ ನಾಹೊರ್. 23 ನಾಹೊರಾಚ್ಯಾ ಮಾನಾ ತೆಕಾ ಅನಿಬಿ ಪೊರಾ ಹೊಲಿ, ತೊ ದೊನ್ಸೆ ವರಿಸ್ ಝಿತ್ತೊ ರಾಲೊ.

24 ನಾಹೊರಾಕ್ ವಿಸಾರ್ ನ್ಹವ್ ವರಿಸ್ ಹೊಲ್ಲ್ಯಾ ಮಾನಾ ತೆಕಾ ತೆರಹ್ ಮನ್ತಲೊ ಲೆಕ್ ಉಪಜ್ಲೊ . 25 ತೆಚ್ಯಾ ಮಾನಾ ನಾಹೊರಾಕ್ ಪೊರಾ ಹೊಲ್ಲಿ ಅನಿ ತೊ ಎಕ್ಸೆ ಎಕುನಿಸ್ ವರ್ಸಾ ಝಿತ್ತೊ ರಾಲೊ.

26 ಮಾನಾ ತೆರಹಾಕ್ ಸತ್ತರ್ ವರಿಸ್ ಹೊಲ್ಲ್ಯಾ ಮಾನಾ ಅಬ್ರಾಮ್, ನಾಹೊರ್, ಹಾರಾನ್ ಮನ್ತಲಿ ಲೆಕಾ ಉಪಜ್ಲಿ.

27 ತೆರಾಚಿ ವಂಶಾವಳಿ ಅಸಿ ಹಾಯ್ ತೆರಾಕ್ ಅಬ್ರಾಮ್, ನಾಹೊರ್, ಹಾರಾನ್ ಮನ್ತಲಿ ಲೆಕಾ ಉಪಜ್ಲಿ, ಅಪ್ಲೊ ಬಾಬಾ ರ್‍ಹಾತಾನಾಚ್ ಹಾರಾನ್, ಹಾರಾನಾಕ್ ಲೊಟ್ ಉಪಜ್ಲೊ, ಅನಿ ಹಾರಾನ್ ಅಪ್ನಾಚೊ ಬಾಬಾ ರ್‍ಹಾತಾನಾಚ್ ಮರುನ್ ಗೆಲೊ. 28 ಅನಿ ಹಾರಾನ್ ಅಪ್ಲೊ ಬಾಬಾ ಝಿತ್ತೊ ರ್‍ಹಾತಾನಾಚ್ ಸ್ವಂತ್ ಗಾಂವಾತ್ ಬಾಬಿಲೊನಾಚ್ಯಾ ಉರ್ ಮನ್ತಲ್ಯಾ ಶಾರ್‍ಹಾತ್ ಮರುನ್ ಗೆಲೊ. 29 ಮಾನಾ ಅಬ್ರಾಮಾನ್ ಅನಿ ನಾಹೊರಾನ್ ಲಗಿನ್ ಕರುನ್ ಗೆಟ್ಲ್ಯಾನಿ ಅಬ್ರಾಮಾಚ್ಯಾ ಬಾಯ್ಕೊಚೆ ನಾವ್ ಸಾರಾ, ಅನಿ ನಾಹೊರಾಚ್ಯಾ ಬಾಯ್ಕೊಚೆ ನಾವ್ ಮಿಲ್ಕಾ; ತಿ ಹಾರಾನಾಚಿ ಲೆಕ್, ಹೆಕಾ ಅನಿ ಎಕ್ಬಿ ಲೆಕ್ ಹೊತ್ತಿ ತಿಚೆ ನಾವ್ ಇಸ್ಕಾ. 30 ಖರೆ ಸಾರಾ ವಾಂಜ್ಡಿ ಹೊತ್ತಿ ತಿಕಾ ಪೊರಾ ಹೊಯ್ನಸಿತ್.

31 ತೆರಾನ್ ಅಪ್ಲೊ ಲೆಕ್ ಅಬ್ರಾಹಾಮಾಕ್ ಅನಿ ನಾತು ಲೊಟ್ ತೊ ಹಾರಾನಾಚೊ ಲೆಕ್, ಅನಿ ಅಪ್ಲಿ ಸುನ್ನ್ ಅಬ್ರಾಮಾಚಿ ಬಾಯ್ಕೊ ಸಾರಾಕ್ ಬಲ್ವುನ್ ಗೆವ್ನ್ ಬಾಬೆಲೊನಾಚ್ಯಾ ಉರ್ ಶಾರ್ ಸೊಡುನ್ ಜಾವ್ನ್ ಹಾರಾನ್ ಮನ್ತಲ್ಯಾ ಶಾರಾಕ್ ಪಾವ್ನ್ ಥೈ ವಸ್ತಿ ರಾಲ್ಯಾನಿ.

32 ಮಾನಾ ತೆರಾ ದೊನ್ಸೆ ಪಾಂಚ್ ವರಿಸ್ ಝಿತ್ತೊ ರ್‍ಹಾವ್ನ್ ಮರುನ್ ಗೆಲೊ.