ಉತ್ಪತ್ತಿ 34

ದಿ ನಾ ಅನಿ ಶೆಕೆಮಾಚಿ ಲೊಕಾ

1 ಜಾಕೊಬಾಕ್ ಅನಿ ಲೆಯಾಕ್ ದಿನ್ಹಾ ಮನ್ತಲಿ ಲೆಕ್ ಉಪಾಜಲ್ಲಿ, ಶೆಕೆಮ್ ಗಾವಾತ್ಲ್ಯಾ ಬಾಯ್ಕಾ ಮಾನ್ಸಾಕ್ನಿ ಭೆಟುಕ್ ಮನುನ್ ಎಕ್ ದಿಸಾ ತಿ ಭಾಯ್ರ್ ಯೆಲ್ಲ್ಯಾ ತನ್ನಾ, 2 ತ್ಯಾ ದೆಶ್ಯಾಧಿಪತಿ ಹಿವಿಯಾಂಚೊ ಹಾಮೊರ್ ಮನ್ತಲ್ಯಾ ರಾಜಾಚೊ ಲೆಕ್ ಶೆಕೆಮಾನ್ ದಿನಾಕ್ ಬಗುನ್ ತಿಕಾ ವಡುನ್ ನೆವ್ನ್ ಹಾಳ್ ಕರ್ಲ್ಯಾನ್. 3 ಕಶ್ಯಾಕ್ ಮಟ್ಲ್ಯಾರ್ ತಿಚ್ಯಾ ವರ್‍ತಿ ಶೆಕೆಮಾಕ್ ಪ್ರೆಮ್ ಹೊವ್ನ್, ತಿಚ್ಯಾ ವಾಂಗ್ಡಾ ಮನ್ ಬದಲ್ತಲಿ ಗೊಸ್ಟಿಯಾ ಬೊಲ್ತಾ. 4 ಮಾನಾ ಶೆಕೆಮಾನ್ ಅಪ್ಲೊ ಬಾಬಾ ಹಾಮೊರಾಕ್ಡೆ, ಮಾಕಾ ತೆ ಚೆಡು ಬಾಯ್ಕೊ ಕರುನ್ ದಿ ಮಟ್ಲ್ಯಾನ್.

5 ಯಾಕೊಬಾನ್ ಅಪ್ಲ್ಯಾ ಲೆಕಿಚಿ ಮರ್ಯಾದ್ ಗೆಲ್ಲಿ ಖಬರ್ ಆಯ್ಕ್ಲ್ಯಾನ್ ಖರೆ ಅಪ್ಲಿ ಲೊಕಾ ಸೆತಾಕ್ಡೆ ಗೊರಾ ರಾಕುಕ್ ಗೆಲ್ಲೆ ರ್‍ಹಾತಾತ್ ತೆನಿ ಯೆಯ್ ಪತರ್ಬಿ ಗಪ್ ಹೊತ್ತೊ. 6 ತನ್ನಾ ತ್ಯಾ ಎಳಾರ್ ಶೆಕೆಮಾಚೊ ಬಾಬಾ ಜಾಕೊಬಾಕ್ ಭೆಟುನ್ ಬೊಲುಕ್ ಮನುನ್ ಯೆತಾ. 7 ಜಾಕೊಬಾಚಿ ಲೆಕಾ ಅಪ್ಲ್ಯಾ ಭೆನಿಚಿ ಖಬರ್ ಆಯ್ಕುನ್ ಸೆತಾಕ್ನಾ ಯೆಲ್ಲ್ಯಾ ತನ್ನಾ ಲೈ ರಾಗ್ ಹೊಲ್ಯಾನಿ, ಶೆಕೆಮಾನ್ ಜಾಕೊಬಾಚ್ಯಾ ಲೆಕಿಚೆ ಮರ್ಯಾದ್ ಕಾಡ್ತಲ್ಲೆ ಇಜ್ರಾಯೆಲಾತ್ನಿ ಲೈ ಅವ್ಮಾನ್ ಹೊತಲೆ ಕಾಮ್ ಕರ್ಲಾ. 8 ತನ್ನಾ ಹಾಮೊರಾನ್ ಮಾಜೊ ಲೆಕ್ ಶೆಕೆಮಾನ್ ತುಮ್ಚ್ಯಾ ಭೆನಿಕ್ ಲಗಿನ್ ಕರುನ್ ಘೆವ್ಕ ಲೈ ಮನ್ ಕರ್ಲಾ, ತನ್ನಾ ತುಮಿ ದಯಾ ಕರುನ್ ಲಗಿನ್ ಕರುನ್ ದಿವಾ, ಮನುನ್ ದಿನಾಚ್ಯಾ ಭಾವಾಂಚ್ಯಾಕ್ಡೆ ಸಾಂಗ್ಲ್ಯಾನ್. 9 ತುಮ್ಚ್ಯಾ ಚೆಡ್ವಾಕ್ನಿ ಅಮ್ಕಾ ಲಗಿನ್ ಕರುನ್ ದಿವಾ ಅನಿ ಅಮ್ಚ್ಯಾ ಚೆಡ್ವಾಕ್ನಿ ತುಮ್ಕಾ ಲಗಿನ್ ಕರುನ್ ದಿತಾಂವ್, ಅಸೆ ಅಮಿ ಸೈರೆ ಹೊತಾಂವ್ ಮಟ್ಲ್ಯಾನ್. 10 ಅನಿ ತುಮಿ ಹಿತ್ತೆ ಆರಾಮಾನ್ ಜಿವನ್ ಕರುಕ್ ಹೊತಾ, ಅನಿ ವ್ಯಾಪಾರ್ ಬಿ ಕರುಕ್ ಹೊತಾ, ಅನಿ ಆಸ್ತಿಬಿ ಖಮ್ವುಕ್ ಹೊತಾ, ಮನುನ್ ಸಾಂಗ್ಲ್ಯಾನ್.

11 ಮಾನಾ ದಿನಾಚ್ಯಾ ಭಾವಾಂಚ್ಯಾ ವಾಂಗ್ಡಾ‍ ಶೆಕೆಮಾನ್ ಬೊಲುನ್, ತುಮ್ಚ್ಯಾಕ್ಡೆ ಅಮ್ಕಾ ದಯಾ ಗಾಂವ್ದಿತ್ ತುಮಿ ಇಚಾರಲ್ಲೆ ತವ್ಡೆ ಅಮಿ ದಿತಾಂವ್. 12 ಅನಿ ತುಮಿ ದಿನಾಚ್ಯಾ ವಾಂಗ್ಡಾ ಲಗಿನ್ ಕರುನ್ ಘೆವ್ಕ್ ಮಾಕಾ ಅವ್ಕಾಸ್ ಕರುನ್ ದಿಲ್ಯಾರ್ ಫಿರೆ, ಮಾನಾ ಮಿಯಾ ತುಮ್ಕಾ ವದುದಕ್ಷಿನಿ ಅನಿ ಆಯಾರಾಬಿ ದಿತಾ, ಖರೆ ತುಮಿ ಮಾಕಾ ದಿನಾಕ್ ಲಗಿನ್ ಕರುನ್ ದಿಲ್ಯಾರ್ ಫಿರೆ, ಮನುನ್ ಮಾಗುನ್ ಘೆಟ್ಲ್ಯಾನ್.

13 ತನ್ನಾ ಜಾಕೊಬಾಚ್ಯಾ ಲೆಕಾಕ್ನಿ ತೆಂಚ್ಯಾ ಭೆನಿಚ್ಯಾ ವರ್‍ತಿ ಶೆಕೆಮಾನ್ ಕರಲ್ಯಾ ಬುರ್ಶಾ ಕಾಮಾ ವೈನಾ ಲೈ ರಾಗ್ ಹೊತ್ತ್ಯಾಕ್ ತೆನಿ ಶೆಕೆಮಾಕ್ ಅನಿ ತೆಚ್ಯಾ ಬಾಬಾಕ್ ಝುಟೆ ಸಾಂಗುಚೆ ಮನುನ್ ಚಿಂತುನ್, 14 ಅಮ್ಚಿ ಭೆನ್ ತುಕಾ ಲಗಿನ್ ಹೊವ್ಕ್ ಹೊಯ್ನಾ, ಕಶ್ಯಾಕ್ ಮಟ್ಲ್ಯಾರ್ ತುಕಾ ಸುನ್ನತ್ ಹೊವ್ಕ್ ನಾ ಮನುನ್ ತಿಯಾ ಅಮ್ಚ್ಯಾ ಭೆನಿಕ್ ಲಗಿನ್ ಹೊವ್ಕ್ ಅಮಿ ಅವ್ಕಾಸ್ ಕರುನ್ ದಿನಾವ್, ತಿಯಾ ಅಮ್ಚ್ಯಾ ಭೆನಿಕ್ ಲಗಿನ್ ಹೊಲ್ಯಾರ್ ಅಮ್ಕಾ ಅವ್ಮಾನ್ ಹೊತಾ.

15 ಖರೆ ಅಮಿ ಎಕುಚ್ ಎಕ್ ಶರತ್ತಾಕ್ನಾ ತುಮ್ಚ್ಯಾ ವಾಂಗ್ಡಾ ಕರಾರ್ ಕರುನ್ ಘೆತಾಂವ್, ತುಮ್ಚ್ಯಾತ್ಲ್ಯಾ ಹರ್ ಎಕ್ ಘೊಮ್ಸಾತ್ನಿ ಸುನ್ನತ್ ಕರ್‍ತಲ್ಯಾ ವೈನಾ ತುಮಿ ಅನಿ ಅಮಿ ಎಕುಚ್ ಪದ್ದತಿಚೆ ಹೊತ್ಯಾಂವ್.

16 ಮಾನಾ ತುಮ್ಚಿ ಘವ್ಮಾನ್ಸಾ ಅಮ್ಚ್ಯಾ ಚೆಡ್ವಾಕ್ನಿ ಅನಿ ಅಮ್ಚಿ ಘವ್ಮಾನ್ಸಾ ತುಮ್ಚ್ಯಾ ಚೆಡ್ವಾಕ್ನಿ ಲಗಿನ್ ಹೊವ್ನ್ ಅಮಿ ಅನಿ ತುಮಿ ಎಕುಚ್ ಖಂದಾನಾಚೆ ಹೊತಾಂವ್. 17 ಖರೆ ತಿಯಾ ಸುನ್ನತ್ ಕರ್ಸುನ್ ಘೆಯ್ ನಸ್ಲ್ಯಾರ್ ಅಮಿ ಅಮ್ಚ್ಯಾ ಭೆನಿಕ್ ಬಲ್ವುನ್ ಘೆವ್ನ್ ಜಾತಾಂವ್ ಮನುನ್ ಸಾಂಗ್ಲ್ಯಾನಿ.

18 ತನ್ನಾ ತೆನಿ ಸಾಂಗಲ್ಲೆ ಹಾಮೊರಾಕ್ ಅನಿ ಶೆಕೆಮ್ ಖುಶಿ ಹೊಲೆ. 19 ತ್ಯಾ ದಾಂಡ್ಗ್ಯಾ ಮಾನ್ಸಾನ್ ಜಾಕೊಬಾಚಿ ಲೆಕ್ ದಿನಾಕ್ ಲೈ ಪ್ರೆಮ್ ಕರಲ್ಲ್ಯಾ ಸಾಟ್ನಿ ತೆನಿ ಸಾಂಗ್ಲ್ಯಾ ಸಾರ್ಕೆ ಕರುನ್ ತಡೊ ಕರುಕ್ ನಾ ಅಪ್ಲ್ಯಾ ಬಾಬಾಚ್ಯಾ ಘರ್‍ಹಾತ್ ಹೊತ್ತ್ಯಾ ಸಗ್ಳೆ ಶೆಕೆಮಾಕ್ ಮರ್ಯಾದ್ ದಿತ್.

20 ತೆಚ್ಯಾ ವೈನಾ ಹಾಮೊರ್ ಅನಿ ಶೆಕೆಮಾನ್ ಅಪ್ಲ್ಯಾ ಗಾಂವಾಚ್ಯಾ ಲೊಕಾಂಚ್ಯಾ ವಾಂಗ್ಡಾ ಬೊಲುಕ್ ಮನುನ್ ಶಾರಾಚ್ಯಾ ದಡ್ಪ್ಯಾಕ್ಡೆ ಗೆಲ್ಯಾನಿ. 21 ಹಿ ಇಜ್ರಾಯೆಲ್ ಲೊಕಾ ಅಮ್ಚ್ಯಾ ವಾಂಗ್ಡಾ ಸಮಾಧಾನಾನ್ ಹಾತ್, ಅನಿ ತೆಂಕಾ ಹಿತ್ತೆ ರಾವ್ಕ್ ಮನುನ್ ಲೈ ಜಿಮಿನ್ ಹಾಯ್ ಅನಿ ತೆನಿ ಹಿತ್ತೆ ವ್ಯಾಪಾರ್ ಕರುಂದಿತ್, ಅನಿ ಅಮಿ ತೆಂಚ್ಯಾ ಚೆಡ್ವಾಕ್ನಿ ಲಗಿನ್ ಕರುನ್ ಘೆಂವ್ವಾ, ತೆನಿ ಅಮ್ಚ್ಯಾ ಚೆಡ್ವಾಕ್ನಿ ಲಗಿನ್ ಹೊಂವ್ದಿತ್ ತೆನಿ ಹಿತ್ತೆ ಫಿರುನ್ಕೆಳುನ್ಗೆತ್ ರಾಂವ್ದಿತ್. 22 ಖರೆ ತೆನಿ ಸುನ್ನತ್ ಕರ್ಸುನ್ ಘೆಟಲ್ಯಾ ವೈನಾ ತುಮ್ಚ್ಯಾತ್ಲೆ ಸಗ್ಳ್ಯಾ ಘೊಮಾನ್ಸಾನಿ ಸುನ್ನತ್ ಕರುನ್ ಘೆವ್ಚೆ ಮನುನ್ ಸಾಂಗುಲ್ಲಾತ್ ಅನಿ ತೆನಿ ಅಮ್ಚ್ಯಾ ವಾಂಗ್ಡಾ ವಸ್ತಿ ರಾವ್ಕ್ ಸಾಟ್ನಿ ಮನುನ್ ಅನಿ ಎಕುಚ್ ಪದ್ದತಿಚೆ ಹೊವ್ಕ್ ಅಮಿ ಮಾನುನ್ ಘೆಂವ್ವಾ.

23 ಅಸೆ ಕರ್ಲ್ಯಾರ್ ಅಮಿ ತೆಂಚ್ಯಾಕ್ನಾ ಗೊಸ್ಟ್ ಕರುನ್ ಘೆಟ್ಲ್ಯಾರ್, ತೆನಿ ಹಿತ್ತೆಚ್ ರ್‍ಹಾತಾತ್ ಮಾನಾ ತೆಂಚಿ ಘೊರಾ ಅನಿ ಬಕ್ರಿಯಾ ಜನಾವಾರಾಂಚ್ಯಾ ವೈನಾ ಅಮಿ ಲೈ ಸಾವ್ಕಾರ್ ಹೊತಾಂವ್ ನೈ? ತೆಚ್ಯಾ ವೈನಾ ಅಮಿ ತೆಂಚ್ಯಾ ಗೊಸ್ಟಿಕ್ ಒಪ್ಪುನ್ ಘೆಂವ್ವಾ ಮಟ್ಲ್ಯಾನಿ. 24 ಮಾನಾ ಶಹಾರಾಚ್ಯಾ ದಡ್ಪ್ಯಾತ್ನಾ ಭಾಯ್ರ್ ಗೆಲ್ಲ್ಯಾ ಸಗ್ಳ್ಯಾ ಘೊಮಾನ್ಸಾನಿ ಹಾಮೊರಾಚ್ಯಾ ಅನಿ ಶೆಕೆಮಾಚ್ಯಾ ಗೊಸ್ಟಿಕ್ ಮಾನುನ್ ಸುನ್ನತ್ ಕರ್ಸುನ್ ಘೆಟ್ಲ್ಯಾನಿ.

25 ತಿನ್ವೆಚ್ಯಾ ದಿಸಿ ಸುನ್ನತ್ ಕರ್ಸುನ್ ಘೆಟಲ್ಯಾ ಘವ್ಮಾನ್ಸಾಚೆ ದುಕ್ಕ್ ಮರಲ್ಲೆ ರ್‍ಹಾಯ್ನಾ ತನ್ನಾ ತೆನಿ ಕೊನ್ಬಿ ಭಾಯ್ರ್ ಯೆಯ್ ನತ್ತೊ ಎಳ್ ಅನಿ ತೆಂಕಾ ತಾಕತ್ ನಸಲೊ ಎಳ್ ಬುಗುನ್, ಜಾಕೊಬಾಚಿ ಲೆಕಾ ಸಿಮೆಯೊನ್ ಅನಿ ಲೆವಿ ಹೆನಿ ದಿನಾಚಿ ಭಾವಾ , ಹಾತಿತ್ ಸುರಿಯಾ ಧರುನ್ ಘೆವ್ನ್ ಧೈರ್ಯಾನಿ ಶಾಹಾರಾಕ್ ಯೆವ್ನ್ ಘೊಮಾನ್ಸಾಕ್ನಿ ಮಾರುನ್ ಟಾಕ್ಲ್ಯಾನಿ. 26 ಮಾನಾ ದಿನಾಚ್ಯಾ ಭಾವಾನಿ ಹಾಮೊರಾಕ್ ಅನಿ ತೆಜೊ ಲೆಕ್ ಶೆಕೆಮಾಚೊ ಜಿವ್ ಕಾಡುನ್ ಶೆಕೆಮಾಚ್ಯಾ ಘರ್‍ಹಾತ್ ಹೊತ್ತ್ಯಾ ದಿನ್ಹಾಕ್ ಬಲ್ವುನ್ ಘೆವ್ನ್ ಯೆಲ್ಯಾನಿ. 27 ಮಾನಾ ಶೆಕೆಮಾನ್ ಅಪ್ನ್ಯಾಚ್ಯಾ ಭೆನಿಚಿ ಮರ್ಯಾದ್ ಕಾಡಲ್ಯಾ ವೈನ್‍ ತ್ಯಾ ಶಾರ್‍ಹಾತ್ ಹೊತ್ತೆ ಸಗ್ಳೆ ಘೆವ್ನ್ ಜಾಕೊಬಾಚ್ಯಾ ಪೊರಾನಿ ಘೆವ್ನ್ ಯೆಲ್ಯಾನಿ . 28 ಅನಿ ಶಾರ್‍ಹಾತ್ ಹೊತ್ತೆ ಅನಿ ಸೆತಾತ್ ಹೊತ್ತೆ ಸಗ್ಳೆ ಅನಿ ಗೊರಾ ಬಕ್ರಿಯಾ , ಗಾಡ್ವಾ ಅನಿ ಸಗ್ಳಿ ತೆಂಚಿ ಆಸ್ತಿ ಕಾಡುನ್ ಘೆಟ್ಲ್ಯಾನಿ. 29 ಅನಿ ತೆಂಚ್ಯಾ ಬಾಯ್ಕೊ ಪೊರಾಕ್ನಿ ಬಂಧಿ ಕರುನ್ ತೆಂಚ್ಯಾ ಘರ್‍ಹಾತ್ ಹೊತ್ತೆ ಕಿಮ್ತಿಚೆ ಸಮಾನಾ ಕಾಡುನ್ ಘೆವ್ನ್ ಯೆಲ್ಯಾನಿ.

30 ಹೊಲ್ಯಾರ್ ಜಾಕೊಬಾನ್ ಸಿಮೊನಾಕ್ ಅನಿ ಲೆವಿಕ್, ಮಾಕಾ ತುಮಿ ಕಸ್ಟಾತ್ ಗಾಟ್ಲ್ಯಾಸಿ ತುಮಿ ಹ್ಯಾ ದೆಶ್ಯಾಚ್ಯಾ ಕಾನಾನ್ಯಾಚಿ ಅನಿ ಪರಿಜೆವಾಂಚಿ ಲೊಕಾ ಅಮ್ಚಾ ವರ್‍ತಿ ವಿರೊಧ್ ಹೊವ್ನ್ ಯೆತಾತ್, ಅನಿ ಅಮ್ಚ್ಯಾಕ್ಡೆ ಉಲ್ಲಿ ಘವ್ಮಾನ್ಸಾ ಹಾತ್, ತ್ಯಾ ದೆಶಾಚಿ ಲೊಕಾ ಘೊಳಾ ಹೊವ್ನ್ ಅಮ್ಕಾ ವಿರೊಧ್ ಹೊವ್ನ್ ಯೆಲ್ಯಾರ್ ಅಮಿ ಅನಿ ಅಮ್ಚಿ ಲೊಕಾ ನಾಶ್ ಹೊವ್ನ್ ಜಾತಾಂವ್ ಮಟ್ಲ್ಯಾನ್.

31 ಖರೆ ದಿನಾಚ್ಯಾ ಭಾವಾನಿ ಅಮ್ಚ್ಯಾ ಭೆನಿಕ್ ತೆನಿ ವ್ಯಬಿಚಾರನಿಚ್ಯಾ ಸಾರ್ಕೆ ಉಪಯೊಗ್ ಕರುನ್ ಘೆಟಲ್ಲೆ ಸಮಾ ಹಾಯ್ ಕಾಯ್? ಮಟ್ಲ್ಯಾನಿ.