1 ತನ್ನಾ ಜಾಕೊಬಾನ್ ಸಗ್ಳಿ ಲೆಕಾ ಮನುನ್ಗೆತಲೆ ತುಮಿ ಸಗ್ಳ್ಯಾಕ್ನಿಬಿ ಬಲ್ವುನ್ ಎಕಾಕ್ಡೆ ಗೊಳಾ ಹೊವಾ, ಯೆತಲ್ಯಾ ದಿಸಾತ್ನಿ ಹೊತಲೆ ಮಿಯಾ ತುಮ್ಕಾ ಕಳ್ವುತಾ.

2 ಜಾಕೊಬಾಚ್ಯಾ ಲೆಕಾನೊ ತುಮಿ ಗೊಳಾಹೊವ್ನ್ ಆಯ್ಕಾ, ತುಮ್ಚೊ ಬಾಬಾ ಇಜ್ರಾಯೆಲ್ ಸಾಂಗ್ತಲ್ಯಾಕ್ ಕಾನ್ ದಿವಾ,

3 ರುಬೆನಾ ತಿಯಾ ಮಾಜೊ ಥೊರ್ಲೊ ಲೆಕ್, ಅನಿ ಮಾಜಿ ಬಳ್ ಅನಿ ಮಾಜ್ಯಾ ಬಳೆಚಿ ಪೈಲಿ ವಳಕ್, ಮಾಜ್ಯಾ ಗೌರವಾ ಚೊ ಕಾರನ್, ಅನಿ ಬರೆ ಪಾನಾಚೊ ಬಿ ತಿಯಾಚ್, 4 ಖರೆ ತಿಯಾ ಹಂವ್ವಾರ್ಯಾಚ್ಯಾ ಪಾನಿಯಾ ಗತಿನ್ ಹೊತ್ತೊ ತಿಯಾ ಮೊಟ್ಟ್ಯಾ ಜಾಗ್ಯಾರ್ ರಾಯ್ನೆಯ್, ಕಶ್ಯಾಕ್ ಮಟ್ಲ್ಯಾರ್ ತುಜ್ಯಾ ಬಾಬಾಚೊ ಮಾಂಚೊ ಚಡುನ್ ಬಸ್ಟ್ ಗಾರ್ ಕರ್‍ಲೆ, ಅನಿ ಮಾಜೆ ಹಾತ್ರಾನ್ ಚೆಡ್ಲೆಯ್;

5 ಸಿಮೆಯೊನ್ ಅನಿ ಲೆವಿ ಭಾವ್ ಭಾವಾ, ತೆಂಚ್ಯಾ ಘರಾತ್ನಿ ತೆಂಚೆ ಕೊಯ್ತೆ ಕ್ರುರ್ ಪಾನಾಚಿ ಹಾತಿಯಾರಾ ಹೊವ್ನ್ ಹಾತ್.

6 ಮಾಜ್ಯಾ ಜಿವಾ ತೆಂಚ್ಯಾ ಗುಟ್ಟಾಚ್ಯಾ ಯೆವ್ಜನಿಯಾಕ್ನಿ ಮಿಳು ನಕ್ಕೊ, ತೆಂಚ್ಯಾ ಘುಟ್ಟಾಚ್ಯಾ ಬೈಟೆಕಾತ್ ಮಿಳುನಕ್ಕೊ, ಮಾಜ್ಯಾ ಗೌರವಾ ತೆಂಚ್ಯಾ ವಾಂಗ್ಡಾ ಎಕ್ ಹೊವ್ ನಕ್ಕೊ, ತೆನಿ ಅಪ್ಲ್ಲ್ಯಾ ಗುಂಗೆತ್ ಬೈಲಾಕ್ನಿ ಘಾವ್ ಕರ್ಲಾತ್, ಅನಿ ರಾಗಾನಿ ಮಾನ್ಸಾಕ್ ಜಿವ್ ಕಾಡ್ಲ್ಯಾನಿ.

7 ತೆಂಚೊ ರಾಗ್ ಭಯಂಕಾರ್ ಅನಿ ತೆಂಚೊ ಅವ್ತಾರ್ ಕ್ರುರ್ ಹೊವ್ನ್ ಹಾಯ್, ತೆ ಶಾಪಾಕ್ ಗುರಿ ಹೊತಾತ್, ತೆಂಕಾ ಜಾಕೊಬಾಚ್ಯಾ ಪಿಳ್ಗಿತ್ನಾ ವಾಟೆಕರುನ್ ಇಜ್ರಾಯೆಲಾತ್ ಯೆಗ್ಳುನ್ ಸೊಡ್ತಾ.

8 ಜೆಹುದಾ, ತುಜಿ ಬಾವಾ ತುಕಾ ಹೊಗ್ಳಾಪ್ ಕರ್‍ತಾತ್, ತುಜೊ ಹಾತ್ ದುಸ್ಮನಾಂಚ್ಯಾ ಮಾನೆ ವರ್‍ತಿ ರ್‍ಹಾತಾ, ತುಜ್ಯಾ ಬಾಬಾಚಿ ಲೆಕಾ ತುಕಾ ಪಾಯ್ ಪಡ್ತಾತ್.

9 ಜೆಹುದಾ ಸಿಂವಾಚೊ ಪೆಟೊ ಹೊವ್ನ್ ಹಾಯ್, ಮಾಜ್ಯಾ ಲೆಕಾ ಕೊಳ್ಳಾತ್ನಾ ವರ್‍ತಿ ಯೆಲೈ, ತೊ ಸಿಂವಾ ಬಾಸೆನ್ ಅನಿ ದಾಂಡ್ಗ್ಯಾ ಸಿಂವಾಬಾಸೆನ್ ಶಿಕಾರಿಕ್ ಮುದ್ದಾಹೊವ್ನ್ ಬಸ್ಲಾ, ಕೊನ್ ತೊ ತೆಕಾ ಕಿಡ್ವುತಲೊ?

10 ರಾಜ್ಯಾಚೊ ದಾಂಡೊ ಧರ್ನಾರೊ ಶಿಲೊವಿಕ್ನಾ ಯೆಯ್ ಪತರ್ ತೊ ಜೆಹುದಾಚ್ಯಾ ಹಾತಿತ್ನಾ ಚುಕಿನಾ, ಚಪ್ಪ್ಯಾಚೊ ದಾಂಡೊ ತೆಚ್ಯಾ ಪಾಂಯಾಂಚ್ಯಾಕ್ನಾ ಧುರ್ ಜಾಯ್ನಾ, ದುಸ್ರೆ ರಾಜಾ ಅಪ್ಲೊ ಅಧಿಕಾರ್ ತೆಜ್ಯಾಕ್ಡೆ ಹಾನುನ್ ವಿಧೆಯ್ ಹೊವ್ನ್ ಮಾನ್ ಬಾಗ್ವುತಾತ್.

11 ಅಪ್ಲ್ಯಾ ದಾಂಡ್ಗ್ಯಾ ಗಾಡ್ವಾಕ್ ದರಾಕ್ಷಾಚ್ಯಾ ಯೆಲಿಕ್ ಭಾಂದ್ಲಾ ಅನಿ ವಿಶಿಸ್ಟ್ ದರಾಕ್ಷಾಚ್ಯಾ ಯೆಲಿಕ್ ಗಾಡ್ವಾಚ್ಯಾ ಪೆಟ್ಯಾಕ್ ಭಾಂದ್ತಾ, ಅನಿ ಅಪ್ಲಿ ಅಂಗಿ ವಾಯ್ನಾತ್ ಬುಡ್ವು ತಾ ಅನಿ ವಾಯ್ನಾತ್ ಅಪ್ಲೆ ಕಪ್ಡೆ ಧುತಾ.

12 ತೆಚೆ ಡೊಳೆ ವಾಯ್ನಾಚ್ಯಾ ರಸಾ ವೈನಾ ತಾಂಬ್ಡೆ ಹೊವ್ನ್ ರ್‍ಹಾತಾತ್; ಅನಿ ತೆಚಿ ದಾತಾ ದುದ್ದಾನ್ ಗೊರಿ ಹೊವ್ನ್ ರ್‍ಹಾತಾತ್. 13 ಜೆಬೊಲೊನ್ ಸಮುಂದರಾಚ್ಯಾ ರೆತಿತ್ ವಸ್ತಿ ರ್‍ಹಾತಾ, ಅನಿ ತೊ ಮೊಟ್ಟ್ಯಾ ಢೊನಾಂಚೊ ಇಬೆ ರಾತಲೊ ಜಾಗೊ ಹೊವ್ನ್ ರ್‍ಹಾತಾ, ತೆಚಿ ಘಡಿ ಸಿದೊನಾಕ್ ಪಾವ್ತಾ.

14 ಇಸ್ಸಾಕಾರ್ ದೊನ್ ಗೊಟ್ಯಾಂಚ್ಯಾ ಮದ್ದಿ ನಿಜ್ತಲೊ ಲೈ ಬಳಾಚೊ ಗಾಡಾವ್ ಹೊವ್ನ್ ಹಾಯ್. 15 ಆರಾಮ್ ಪಾನ್ ಬರೆ ಮನುನ್ ದೆಶ್ ಸುಂದರ್ ಮನುನ್ ಬಗುನ್, ಅಪ್ಲಿ ಡುಬ್ಬರ್ ವಜ್ಜೆ ವಾವುಕ್ ಮನುನ್ ಬಾಗ್ವುನ್ ಗುಲಾಮ್ ಗಿರಿಚಿ ಸೆವಾ ಕರ್ತಾ.

16 ದಾನ್ ಇಜ್ರಾಯೆಲಾಚ್ಯಾ ಪಿಳ್ಗಿಯಾಕ್ನಿ ಮಿಳುನ್ ಅಪ್ಲ್ಯಾ ಲೊಕಾಕ್ನಿ ಝಡ್ತಿ ಕರ್ತಾ. 17 ದಾನ್ ವಿಶ್ಯಾಚೊ ಸಾಪ್ ಹೊವ್ನ್ ಹಾಯ್, ತೊ ಘೊಡ್ಯಾಚ್ಯಾ ಗೆಳಾ ಚಾವ್ಲ್ಯಾರ್ ವರ್‍ತಿ ಚೆಡಲೊ ಡಬ್ಬುಚ್ ಪಡ್ತಾ.

18 ಹೆ ದೆವಾ! ತಿಯಾ ರಾಕುಚೆ ಮನುನ್ ಮಿಯಾ ವಾಟ್ ಬಗುಲ್ಲಾ. 19 ಗಾದಾ ವರ್‍ತಿ ಯುದ್ದ್ ಕರ್‍ತಲ್ಯಾ ತಾಂಡ್ಯಾಚ್ಯಾ ಹಾತಿತ್ ಗಾವ್ತಾ, ಖರೆ ತೊ ತೆಂಕಾ ಫಾಟ್ ಲಾಗುನ್ ಪಳ್ಸುನ್ ಘಾಲ್ತಾ.

20 ಅಶೆರಾಕ್ ದಾನ್ಯಾನಿ ಸಾವ್ಕಾರ್ ಹೊತಾ ತೊ ರಾಜಾಕ್ ಬರೆ ಜೆವಾನ್ ದಿತಾ.

21 ನಪ್ತಾಲಿ ಸುಂದರ್ ಚಿತಾಳ್ ಗತಿನ್ ಹಾಯ್, ತೊ ಮೆಚ್ಕಿಚಿ ಬೊಲ್ನಿಯಾ ಬೊಲ್ತಾ.

22 ಜುಜೆ ಫಳಾನಿ ಬರಲ್ಯಾ ಯೆಲಿ ಗತಿನ್, ತೊ ಭಾಂಯಿಚ್ಯಾ ಜಗ್ಗೊಳ್ ಹೊತ್ತೊ ಫಳಾನಿ ಭರಲ್ಯಾ ಯೆಲಿಚಿ ಟಾಳಿಯಾ ಪಗ್ಳುನ್ ಭಿತ್ತ್ ದಾಟ್ತಾತ್. 23 ಭರ್ಚಿಕಾರಾ ತೆಕಾ ಆಕ್ರಮನ್ ಕರ್ಲಾತ್, ತೆಚ್ಯಾ ವರ್‍ತಿ ಕುಶ್ಡೆ ಪಾನಾನ್ ಭರ್ಚಿಯಾ ಮಾರ್‍ತಾತ್. 24 ಖರೆ ಜಾಕೊಬಾಚ್ಯಾ ಪಿಳ್ಗಿಕ್ ರಾಕ್ವನ್ ಕರ್‍ತಲ್ಯಾಚ್ಯಾ ಬಳೆವೈನಾ ಅನಿ ಇಜ್ರಾಯೆಲಾಚೊ ಕುರ್ಬುರ್ ಅನಿ ರಾಕ್ವನ್ ಕಾರ್ ಹೊವ್ನ್ ಹೊತ್ತ್ಯಾಚ್ಯಾ ವೈನಾ ತೆಚಿ ಭರ್ಚಿ ಘಟ್ ಇಬೆ ರಾಲಿ.

25 ತುಜ್ಯಾ ಪುರ್ವಜಾಂಚೊ ದೆವ್ ತುಕಾ ಮಜತ್ ಕರುಂದಿತ್, ಸಗ್ಳೆ ಕರುಕ್ ಶಕ್ತ್ ಹೊತ್ತೊ ದೆವ್ ತುಕಾ ಮಳ್ಬಾಕ್ನಾ ಪಾವ್ಸ್ ಅನಿ ಜಿಮ್ನಿಚ್ಯಾ ಬುಡ್ನಾ ಝರಿಯಾ ಪಿಳ್ಗಿ ಅನಿ ಗರ್ಬಾಚೊ ಆಶಿರ್ವಾದ್ ದಿಂವ್ದಿತ್.

26 ತುಜ್ಯಾ ಬಾಬಾಚಿ ಆಶಿರ್ವಾದಾ, ತುಜ್ಯಾ ವಾಡ್ ವಡ್ಲಾಂಚ್ಯಾ ಆಶಿರ್ವಾದಾಂಚ್ಯಾ ಕಿಂತಾಬಿ ಲೈ ಹೊವ್ನ್ ರ್‍ಹಾತಾತ್, ಆರಂಭಾಚ್ಯಾ ಮಡ್ಡಿಯಾಂಚ್ಯಾಕ್ನಾ ಅನಿ ಸದಾ ಸರ್ವತಾಕ್ ಜಗಾಕ್ನಾ ಹೊತಲ್ಯಾ ಆಶಿರ್ವಾದಾನಿ ಅಪ್ಲ್ಯಾ ಭಾವಾಂಚೊ ಧನಿ ಹೊಲ್ಲ್ಯಾ ಜುಜೆಚ್ಯಾ ಟಕ್ಲ್ಯಾ ವರ್‍ತಿ ಭರುಂದಿತ್.

27 ಬೆಂಜ್ಯಾಮಿನ್ ಬಕ್ರಿ ಧರ್ತಲ್ಯಾ ಝುಲ್ ಕುತ್ರ್ಯಾ ಸಾರ್ಕೊ ಹಾಯ್, ಚೊರಲ್ಲೆ ಸಕ್ಕಾಳ್ಪಿಡೆ ಖಾತಾ, ಅನಿ ಸಾಂಚೆಕ್ಡೆ ಚೊರಿ ಕರಲೆ ವಾಟುನ್ ದಿತಾ.

28 ಹೆನಿ ಸಗ್ಳ್ಯಾನಿ ಇಜ್ರಾಯೆಲಾಚಿ ಬಾರಾ ಖಂದಾನಾ, ಅನಿ ತೆಂಚ್ಯಾ ಬಾಬಾನ್ ತೆಂಕಾ ದಿಲ್ಲೊ ಆಶಿರ್ವಾದ್ ಹ್ಯೊಚ್, ಹರ್ ಎಕ್ ಕುಲಾಕ್ ಎಕೆಕ್ ಆಶಿರ್ವಾದ್ ದಿಲ್ಯಾನ್.

29 ಅನಿ ತೆನಿ ತೆಂಕಾ ಹುಕುಮ್ ದಿವ್ನ್ ಸಾಂಗಲೆ ಕಾಯ್ ಮಟ್ಲ್ಯಾರ್, ಮಿಯಾ ಮಾಜ್ಯಾ ಲೊಕಾಂಚ್ಯಾ ವಾಂಗ್ಡಾ ಎಕ್ ಹೊತಾ, ಮಾಜ್ಯಾ ವಾಡ್ ವಡ್ಲಾಂಚೆ ವಾಂಗ್ಡಾ ಹಿತ್ತಿಯಾಂಚ್ಯಾ ಎಪ್ರೊನಾಚ್ಯಾ ಸೆತಾತ್ನಿ ಹೊತ್ತ್ಯಾ ಡೊಂಬಾತ್ ಮಾಕಾ ಮಾಟಿ ದಿವಾ, 30 ಕಾನಾನ್ ದೆಶ್ಯಾತ್ ಮಾಮ್ರೆಕ್ ಇದ್ರಾಕ್ ಹೊತ್ತ್ಯಾ ಮೆಕ್ಬೆಲ್ ಮನ್ತಲ್ಯಾ ಸೆತಾತ್ ಹೊತ್ತ್ಯಾ ಅಬ್ರಾಮಾನ್ ಸೆತ್ಯಾಚ್ಯಾ ವಾಂಗ್ಡಾ ಸ್ವತ್ಯಾಚ್ಯಾ ಸಮಾದಿಕ್ ಸಾಟ್ನಿ ಎಪ್ರೊನಾಕ್ನಾ ಇಕಾತ್ ಘೆಟಲ್ಯಾನ್. 31 ಥೈ ಅಬ್ರಾಹಾಮಾಕ್ ಅನಿ ತೆಚಿ ಬಾಯ್ಕೊ ಸಾರಾಕ್ ಮಾಟಿ ದಿಲಾತ್ ಅನಿ ಥೈ ಇಸಾಕ್ ಅನಿ ತೆಚಿ ಬಾಯ್ಕೊ ರೆಬೆಕಾಕ್ಬಿ ಮಾಟಿ ದಿಲಾತ್ ಮಿಯಾ ಲೆಯಾಕ್ಬಿ ಥೈಚ್ ಮಾಟಿ ದಿಲಾ. 32 ತೆ ಸೆತ್ ಅನಿ ತ್ಯಾತುರ್ ಹೊತ್ತೊ ಡೊಂಬೊ ಹಿತ್ತಿಯಾಂಚ್ಯಾ ಪೊರಾಂಚ್ಯಾಕ್ನಾ, ಇಕಾತ್ ಘೆಟಲ್ಲೆ ಥೈಚ್ ಮಾಕಾಬಿ ಮಾಟಿ ದಿವ್ಚೆ ಮಟ್ಲ್ಯಾನ್. 33 ಜಾಕೊಬಾನ್ ಅಪ್ಲ್ಯಾ ಲೆಕಾಕ್ನಿ ಹುಕುಮ್ ದಿವ್ನ್ ಹೊಲ್ಯಾ ಮಾನಾ ಅಪ್ಲಿ ಪಾಂಯಾ ಮಾಚ್ಯಾ ವರ್‍ತಿ ಮುದ್ದಾಕರುನ್ ಘೆವ್ನ್ ಪ್ರಾನ್ ಸೊಡುನ್, ಅಪ್ಲ್ಯಾ ವಾಡ್ ವಡ್ಲಾಂಚ್ಯಾ ವಾಂಗ್ಡಾ ಎಕ್ ಹೊಲೊ.