1 ಇಜ್ರಾಯೆಲ್ ಲೊಕಾನಿ ಜುಜೆಕ್ ಇಜಿಪ್ತಾಕ್ ನೆಲ್ಯಾನಿ, ಅನಿ ಪೊಟಿಪರ್ ಮನ್ತಲ್ಯಾಕ್ ಇಕ್ಲ್ಯಾನಿ, ತೊ ಪಾರೊವ್ ರಾಜ್ಯಾಚೊ ಕಾಮ್ ಕರ್ತಲೊ ಅನಿ ತೆಕಾ ರಾಕ್ವನ್ ಕರ್ತಲೊ ಅಧಿಪತಿ ಹೊಲ್ಲೊ ರ್‍ಹಾತಾ. 2 ಸರ್ವೆಸ್ಪರ್ ದೆವ್ ಜುಜೆಚ್ಯಾ ವಾಂಗ್ಡಾ ಹೊತ್ತ್ಯಾ ವೈನಾ ತೊ ಲೈ ಬರೊ ಹೊಲೊ , ಅನಿ ತೆಚ್ಯಾ ಯಜಮಾನ್ ಪೊಟಿಪರಾಚ್ಯಾ ಘರ್‍ಹಾತ್ ಆಳ್ ಹೊವ್ನ್ ರಾಲೊ. 3 ಮಾನಾ ಜುಜೆಚ್ಯಾ ವಾಂಗ್ಡಾ ಸರ್ವೆಸ್ಪರ್ ರ್‍ಹಾವ್ನ್ ತೊ ಕರ್‍ತಲ್ಯಾ ಕಾಮಾತ್ನಿ ಬರೆ ಹೊವ್ಲಾಗಲೆ ತೆಚೆ ಯಜಮಾನ್ ಫೊಟಿಪರಾನ್ ಬಗಟಲ್ಲ್ಯಾ ತನ್ನಾ, 4 ಪೊಟಿಪರಾಕ್ ಜುಜೆಚ್ಯಾ ವಿಶಯಾತ್ ದಯಾ ಗಾವ್ನ್ ತೆಜೊ ಆಳ್ ಹೊಲೊ, ಅನಿ ತೆನಿ ಅಪ್ಲ್ಯಾ ಸಗ್ಳ್ಯಾ ಘರಾಚಿ ಜವಾಬ್ದಾರಿ ದಿಲ್ಯಾನ್ ಅನಿ ಅಪ್ನಾಕ್ ಹೊತ್ತೆ ಸಗ್ಳೆ ಜುಜೆಚ್ಯಾ ಹಾತಿತ್ ದಿಲ್ಯಾನ್. 5 ತನ್ನಾ ಜುಜೆಕ್ ಸಗ್ಳೊ ಅಧಿಕಾರ್ ದಿಲ್ಲ್ಯಾ ಮಾನಾ ಪೊಟಿಪರಾಚ್ಯಾ ಘರಾಕ್ ಆಸ್ತಿ ಅನಿ ಸೆತಾಭಾತಾತ್ನಿ ಆಶಿರ್ವಾದ್ ಗಾವ್ಲೆ. 6 ತೆಚ್ಯಾ ವೈನಾ ಪೊಟಿಪರ್ ಅಪ್ನಾಚ್ಯಾಕ್ಡೆ ಹೊತ್ತೆ ಪುರಾ ಜುಜೆಚ್ಯಾ ಹಾತಿತ್ ದಿಲ್ಯಾನ್,

ಅನಿ ತೆಚ್ಯಾ ಯಜಮಾನಾನ್ ಜೆವ್ತಲೆ ಜವಾನ್ ಎಕ್ ಸೊಡುನ್ ಹರ್ ಎಕಾವರ್‍ತಿ ತೆಕಾ ಅಧಿಕಾರ್ ದಿವ್ನ್ ತೊ ಆರಾಮಾನ್ ಹೊತ್ತೊ ಅನಿ ಜುಜೆ ಬಗುಕ್ ಲೈ ಸುಂದರ್ ಹೊತ್ತೊ.

7 ಅಸಿ ರ್‍ಹಾತಾನಾ ಯಜಮಾನಾಚ್ಯಾ ಬಾಯ್ಕೊಕ್ ಜುಜೆಚ್ಯಾ ವರ್‍ತಿ ಮನ್ ಹೊತಾ, ಎಕ್ ದಿಸಿ ತಿನಿ ತೆಕಾ, ನಿಜುಕ್ ಯೆ ಮಟ್ಲಿನ್. 8 ಖರೆ ತೆನಿ ತಿನಿ ಸಾಂಗಲ್ಲ್ಯಾ ಗೊಸ್ಟಿಕ್ ಮಾನುಕ್ ನಾ. ಕಶ್ಯಾಕ್ ಮಟ್ಲ್ಯಾರ್, ಮಾಜ್ಯಾ ಯಜಮಾನಾನ್ ಘರಾಚಿ ಸಗ್ಳಿ ಜವಾಬ್ದಾರಿ ಮಾಕಾ ದಿಲ್ಯಾನಾಯ್. 9 ಖರೆ ತೆಚ್ಯಾ ಬಾಯ್ಕೊ ತುಜ್ಯಾ ವರ್‍ತಿ ಮಾಕಾ ಅಧಿಕಾರ್ ದಿವ್ಕ್ ನಾ ಅನಿ ಮಾಕಾ ಘರಾಚೆ ಸಗ್ಳೆ ಅಧಿಕಾರ್ ದಿಲಾ, ಅಸೆ ರ್‍ಹಾತಾನಾ ಮಿಯಾ ದೆವಾಚ್ಯಾ ಇದ್ರಾಕ್ ಕಸೆ ಪಾಪ್ ಕರು?ಮನುನ್ ತಿಕಾ ಸಾಂಗ್ಲ್ಯಾನ್. 10 ಹೊಲ್ಯಾರ್ಬಿ ತಿ ತೆಕಾ ಹರ್ ಎಕ್ ದಿಸಿಬಿ ತರಾಸ್ ದಿವ್ನ್ ಗೆತ್ ರ್‍ಹಾಯ್, ಖರೆ ತೊ ತಿಚ್ಯಾ ವಾಂಗ್ಡಾ ಹಾತ್ರನಾಕ್ ಜಾವ್ಕ್ ನಾ.

11 ಎಕ್ ದಿಸಿ ಜುಜೆ ತೊ ಎಕ್ಲೊಚ್ ಘರ್‍ಹಾತ್ ರ್‍ಹಾತಾನಾ ಕಾಮಾಚ್ಯಾ ವೈನಾ ತೊ ಬುತ್ತುರ್ ಜಾತಾ ತನ್ನಾ ಖಲಿಬಿ ಸೆವಕಾ ರ್‍ಹಾಯ್ನಾತ್, 12 ತನ್ನಾ ತೆಚ್ಯಾ ಯಜಮಾನಾಚ್ಯಾ ಬಾಯ್ಕೊನ್ ತೆಜೊ ಝಗೊ ಧರುನ್ ವಡುನ್ ತೆಕಾ ಯೆ ಮಾಜ್ಯಾ ವಾಂಗ್ಡಾ ನಿಜ್ ಮಟ್ಲಿನ್, ತನ್ನಾ ತೊ ತಿಚ್ಯಾಕ್ನಾ ಚುಕ್ವುನ್ ಘೆವ್ನ್ ಅಪ್ಲೊ ಝಗೊ ತಿಚ್ಯಾ ಹಾತಿತ್ ಸೊಡುನ್ ಪಳುನ್ ಗೆಲೊ, 13 ತೆನಿ ಅಪ್ನಾಚೊ ಝಗೊ ಸೊಡುನ್ ಚುಕ್ವುನ್ ಘೆವ್ನ್ ಘೆಲ್ಲೆ ತಿನಿ ಬಗುನ್, 14 ಅಪ್ಲ್ಯಾ ಸೆವಕಾಕ್ನಿ ಬಲ್ವುನ್ ಬಗಾ ಹಿತ್ತೆ ಮಾಜ್ಯಾ ನ್ಹವ್ರ್ಯಾನ್ ಹಾನುನ್ ಹ್ಯಾ ಹೆಬ್ರೆವಾಕ್ ಹಾನುನ್ ಅಮ್ಕಾ ಅವ್ಮಾನ್ ಕರ್ಲ್ಯಾನ್ ಅನಿ ತೊ ಮಾಜ್ಯಾ ಖೊಲಿಕ್ ಯೆವ್ನ್ ಮರ್ಯಾದ್ ಕಾಡುಕ್ ಬಗ್ಲ್ಯಾನ್ ಖರೆ ಮಿಯಾ ಬೊಬ್ ಮಾರ್ಲೊ, 15 ಮಾಜ್ಯಾ ಬೊಬೆನ್ ಬ್ಹಿವ್ನ್ ತೆಚೊ ಝಗೊ ಹಿತ್ತೆಚ್ ಸೊಡುನ್ ಘರ್‍ಹಾತ್ನಾ ಪಳುನ್ ಭಾಯ್ರ್ ಗೆಲೊ ಮನುನ್ ಸಾಂಗ್ಲಿನ್.

16 ಮಾನಾ ತಿನಿ ಅಪ್ನಾಚೊ ನ್ಹವ್ರೊ ಯೆಯ್ ಪತರ್ ತೊ ಝಗೊ ಅಪ್ನಾಕ್ಡೆ ಥವ್ನ್ ಘೆಟಲಿನ್. 17 ಮಾನಾ ನ್ಹವ್ರೊ ಯೆಲ್ಲ್ಯಾ ತನ್ನಾ, ತಿಯಾ ಕಾಮಾಕ್ ಮನುನ್ ಹಾನಲ್ಲ್ಯಾ ಹೆಬ್ರೆವಾನ್ ಮಾಜ್ಯಾ ಖೊಲಿಕ್ ಯೆವ್ನ್ ಮರ್ಯಾದ್ ಕಾಡ್ಲ್ಯಾನ್. 18 ಖರೆ ಮಿಯಾ ಮೊಟ್ಯಾನಿ ಬೊಬ್ ಮಾರ್ತಾನಾ ಝಗೊ ಸೊಡುನ್ ಘರ್‍ಹಾತ್ನಾ ಭಾಯ್ರ್ ಪಳುನ್ ಗೆಲೊ, ಮಟ್ಲಿನ್.

19 ತನ್ನಾ ಯಜಮಾನಾಕ್ ತುಜ್ಯಾ ಸೆವಕಾನ್ ಅಸೆ ಕರ್ಲಾ ಮನುನ್ ಬಾಯ್ಕೊನ್ ಸಾಂಗಲ್ಲೆ ಆಯ್ಕುನ್ ತೆಚ್ಯಾ ವರ್‍ತಿ ಲೈ ರಾಗ್ ಹೊಲೊ. 20 ಮಾನಾ ತೆನಿ ಪೊಟಿಫರಾನ್ ಜುಜೆಚ್ ದುಸ್ಮನಾಕ್ನಿ ಘಾಲ್ತಲ್ಯಾ ಭಂಧಿಖಾನ್ಯಾತ್ ಘಾಟ್ಲ್ಯಾನ್, ಅನಿ ಜುಜೆ ಥೈಚ್ ಹೊತ್ತೊ. 21 ಖರೆ ಸರ್ವೆಸ್ಪರ್ ದೆವಾನ್ ತೆಚ್ಯಾ ವಾಂಗ್ಡಾ ರ್‍ಹಾವ್ನ್ ತೆಕಾ ಆಶಿರ್ವಾದ್ ದಿಲ್ಯಾನ್, ಅಸೆ ಹೊವ್ನ್ ಯಜಮಾನಾಕ್ನಾ ತೆಕಾ ದಯಾ ಘಾವ್ಲಿ. 22 ಮಾನಾ ತ್ಯಾ ಅಧಿಕಾರಿನ್ ಸಗ್ಳ್ಯಾ ಬಂಧಿ ಹೊತ್ತ್ಯಾಕ್ನಿ ಜುಜೆಚ್ಯಾ ತಾಬೆತ್ ದಿಲ್ಯಾನ್, ತೊ ತೆಂಕಾ ಸಗ್ಳಿ ಕಾಮಾ ಜವಾಬ್ದಾರಿನ್ ಕರ್ಸುನ್ಗೆತ್ ರ್‍ಹಾಯ್. 23 ಜುಜೆಚ್ಯಾ ವಾಂಗ್ಡಾ ಸರ್ವೆಸ್ಪರ್ ದೆವಾನ್ ಹೊತ್ತ್ಯಾ ವೈನಾ ಸಗ್ಳಿ ಕಾಮಾತ್ನಿ ತೆಕಾ ಶಬಾಸ್ಕಿ ಗಾಯ್ತ್ ಹೊತ್ತಿ, ತನ್ನಾ ತೆ ಭಗುನ್ ಅಧಿಕಾರಿನ್ ಸಗ್ಳೆ ಕಾಮಾ ಜುಜೆಕುಚ್ ದಿವ್ನ್ ಆರಾಮ್ ರ್‍ಹಾಯ್.