ಉತ್ಪತ್ತಿ 19

ಸೊದೊಮ್ ಗೊಮೊರಾಚೊ ಪಾಪ್

1 ದೊಗೆ ದೆವ್ ಧುತಾ ಸಾಂಚೆಕ್ಡೆ ಸೊದೊಮಾಕ್ ಯೆಲ್ಯಾನಿ, ಸೊದೊಮಾಕ್ ಗುಸ್ತಲ್ಯಾ ದಡ್ಪ್ಯಾಕ್ಡೆ ಲೊಟ್ ಮನ್ತಲೊ ಮಾನುಸ್ ಬಸುನ್ ಹೊತ್ತೊ, ಅನಿ ತೆನಿ ತೆಂಕಾ ಬಗುನ್ ತೆಂಚ್ಯಾಕ್ಡೆ ಜಾವ್ನ್ ತೆಂಚ್ಯಾ ಇದ್ರಾಕ್ ಮಾನ್ ಬಾಗ್ವುನ್, 2 ಸಾಯ್ಬಾನೊ, ತುಮ್ಚ್ಯಾ ಸೆವಕಾಚ್ಯಾ ಘರಾಕ್ ಯೆವಾ ಅನಿ ತುಮ್ಚಿ ಪಾಂಯಾ ಧುವಾ ಅನಿ ಆಜ್ ರಾತ್ತಿನ್ ಹಿತ್ತೆ ರಾವಾ, ಸಕ್ಕಾಳಾಕ್ ಲಗ್ಗುನಾ ಉಟುನ್ ಜಾವಾ. ಮಟ್ಲ್ಯಾನ್, ತನ್ನಾ ತೆನಿ "ನಾ" ಅಮಿ ಹ್ಯಾ ಶಾರಾಚ್ಯಾ ಕತ್ರಿತ್ ರ್‍ಹಾತ್ ಕಳ್ದುಚೆ, ಮಟ್ಲ್ಯಾನಿ.

3 ಲೊಟಾನ್ ತೆಂಕಾ ಲೈ ವತ್ತಾಯ್ ಕರ್ತಾನಾ ತೆನಿ ತೆಚ್ಯಾ ಘರಾಕ್ ಜಾವ್ಕ್ ಒಪ್ಲ್ಯಾನಿ ತೆನಿ ಘರಾಕ್ ಯೆಲ್ಲ್ಯಾ ಮಾನಾ ತೆಂಕಾ ಪುಗ್ ನಸಲ್ಲ್ಯಾ ಪಿಟ್ಟಾಚಿ ಭಾಕ್ರಿಯಾ ಕರುನ್ ತೆಂಕಾ ವಾಡ್ಲ್ಯಾನ್, ತೆನಿ ಜೆವಾನ್ ಕರ್ಲ್ಯಾನಿ.

4 ಮಾನಾ ತೆನಿ ಜೆವಾನ್ ಕರುನ್ ನಿಜುಕ್ ಜಾತಲ್ಯಾ ಅದ್ದಿ, ಸೊದೊಮ್ ಶಾರ್‍ಹಾತ್ಲಿ ದಾಂಡ್ಗೆ ಅನಿ ಮ್ಹಾತಾರಿ ಘವ್ಮಾನ್ಸಾ ಸಗ್ಳಿ ಗೊಳಾ ಹೊವ್ನ್ ಲೊಟಾಚ್ಯಾ ಘರಾ ಘೆರಾವ್ ಘಾಲುನ್ ಇಬೆ ರ್‍ಹಾವ್ನ್, ತೆನಿ ಲೊಟಾಕ್, 5 ಆಜ್ ರಾತ್ತಿನ್ ತುಜ್ಯಾ ಘರಾಕ್ ಯೆಲ್ಲಿ ಘವ್ಮಾನ್ಸಾ ಖೈ ಹಾತ್? ತೆಂಕಾ ಭಾಯ್ರ್ ಬಲ್ವುನ್ ಹಾನ್; ಹ್ಯಾ ಸೊದೊಮಾಚ್ಯಾ ಘೊವ್ಮಾನ್ಸಾನಿ ತೆಂಚ್ಯಾ ವಾಂಗ್ಡಾ ನಿಜುಕ್ ಆಶ್ಯಾ ಕರಲ್ಯಾನಿ,

6 ಲೊಟ್ ಭಾಯ್ರ್ ಯೆವ್ನ್ ದಾರಾ ಲಾವ್ನ್, 7 ತ್ಯಾ ಘೊಮಾನ್ಸಾಕ್ನಿ, ಮಾಜ್ಯಾ ದೊಸ್ತಾನೊ ದಯಾ ಕರುನ್ ಮಾಗ್ತಾ ಅಸ್ಲೆ ಬುರ್ಸೆ ಕಾಮ್ ಕರುನಕಾಸಿ. 8 ಬಗಾ ಮಾಕಾ ದೊನ್ ನಿಂಬೆ ಚೆಡ್ವಾ ಹಾತ್, ತುಮ್ಚ್ಯಾ ಸಾಟ್ನಿ ತೆಂಕಾ ಮಿಯಾ ಭಾಯ್ರ್ ಧಾಡ್ತಾ, ಖರೆ ತೆಂಕಾ ಕಾಯ್ ತುಮಿ ಕಾಯ್ ಪಾಜೆ ತೆ ಕರಾ ಖರೆ ಹ್ಯಾ ಘೊಮಾನ್ಸಾಕ್ನಿ ಕಾಯ್ಬಿ ಕರುನಕಾಸಿ ಕಶ್ಯಾಕ್ ಮಟ್ಲ್ಯಾರ್, ತೆನಿ ಮಾಜ್ಯಾ ಘರಾಕ್ ಯೆಲ್ಲೆ ಸೈರೆ ತೆಂಕಾ ರಾಕ್ತಲೆ ಮಾಜಿ ಜವಾಬ್ದಾರಿ ಹಾಯ್, ಮನುನ್ ಸಾಂಗ್ಲ್ಯಾನ್ .

9 ಖರೆ ತೆನಿ, ಭಾಯ್ಲ್ಯಾ ಗಾಂವ್ಚ್ಯಾ ವಾಟೆ ವೈನಾ ಸರಕ್ ! ಅಮ್ಚ್ಯಾ ವಾಟೆ ವೈನಾ ಸರಕ್ ನಾತರ್ ತೆಂಚ್ಯಾಕಿಂತಾಬಿ ತುಜ್ಯಾ ವಾಂಗ್ಡಾ ಬುರ್ಸೆ ಕಾಮ್ ಕರ್ತಾಂವ್ ಮನುನ್ ಲೊಟಾಕ್ ಡಕ್ಲುನ್ ಟಾಕುನ್ ಧಾರ್ ಪೊಡುಕ್ ತಯಾರ್ ಹೊಲ್ಯಾನಿ. 10 ಖರೆ ಬುತ್ತುರ್ ಹೊತ್ತ್ಯಾ ಮಾನ್ಸಾನಿ ಲೊಟಾಕ್ ಘರಾಚ್ಯಾ ಬುತ್ತುರ್ ವಡುನ್ ಘೆವ್ನ್ ದಾರ್ ಧಾಪ್ಲ್ಯಾನಿ. 11 ಮಾನಾ ತ್ಯಾ ಧುತಾನಿ ತ್ಯಾ ಘರಾಚ್ಯಾ ಭಾಯ್ರ್ ಹೊತ್ತ್ಯಾ ಬಾರಿಕ್ಲ್ಯಾಕ್ನಾ ಮೊಟ್ಟ್ಯಾ ಪಾತರ್ ಘೊಮಾನ್ಸಾಂಚೆ ಡೊಳೆ ದಿಸಿನಾ ಸಾರ್ಕೆ ಕುಡ್ಡೆ ಕರ್ಲ್ಯಾನಿ, ಅನಿ ತೆಂಕಾ ದಾರ್ ಕಲೆ ಮನುನ್ ಕಳಿನಾ ಸಾರ್ಕೆ ಹೊಲೆ.

ಲೊಟಾನ್ ಸೊದೊಮ್ ಸೊಡಲ್ಲೆ

12 ಅನಿ ತೆನಿ ಲೊಟಾಕ್, ತುಕಾ ಹ್ಯಾ ಶಾರ್‍ಹಾತ್ ಲೆಕಾ ಲೆಕಿಯಾ ಜಾವೈಯಾ ನಾತರ್ ಅನಿ ಕೊನ್ಬಿ ಸೈರೆ ರಾಲ್ಯಾರ್ ತೆಂಕಾ ಘೆವ್ನ್ ಹಿತ್ತೆತ್ನಾ ಭಾಯ್ರ್ ಪಡ್. 13 ಕಶ್ಯಾಕ್ ಮಟ್ಲ್ಯಾರ್ ಅಮಿ ಹ್ಯೊ ಶಾರ್ ನಾಶ್ ಕರ್ತಾಂವ್, ಹ್ಯಾ ಶಾರಾಚ್ಯಾ ವಿಶಯಾತ್ ಲೈ ಕಟಿನ್ ಧನ್ ಸರ್ವೆಸ್ಪರ್ ದೆವಾಕ್ ಆಯಿಕ್ಲಾ, ಅನಿ ತಸೆ ಹೊವ್ನ್ ಅಮ್ಕಾ ಸೊದೊಮಾಕ್ ನಾಶ್ ಕರುಕ್ ಧಾಡಲ್ಲೆ ಹಾಯ್, ಮನುನ್ ಸಾಂಗ್ಲ್ಯಾನಿ.

14 ತೆಚ್ಯಾ ಮಾನಾ ಲೊಟಾನ್ ಅಪ್ಲ್ಯಾ ಲೆಕಿಯಾಕ್ನಿ ಲಗಿನ್ ಹೊನಾರ್ ಹೊತ್ತ್ಯಾ ಜಾವಯ್ಯಾಂಚ್ಯಾಕ್ಡೆ ಜಾವ್ನ್ ಯೆವಾ ಲಗ್ಗುನಾ ತಯಾರ್ ಹೊವ್ನ್ ಭಾಯ್ರ್ ಯೆವಾ ಸರ್ವೆಸ್ಪರ್ ದೆವ್ ಹ್ಯೊ ಶಾರ್ ನಾಶ್ ಕರ್ನಾರ್ ಹಾಯ್ ಮಟ್ಲ್ಯಾನ್ ಖರೆ ತೆಚ್ಯಾ ಜಾವೈಯಾನಿ ತೊ ಮಸ್ಕೆರಿ ಕರುಲ್ಲಾ ಮನುನ್ ಚಿಂತ್ಲ್ಯಾನಿ.

15 ದೆವ್ ಧುತಾನಿ ದಿಸ್ ಬುಡ್ತಲ್ಯಾ ಅದ್ದಿ ಜಾವ್ಚೆ ಮನುನ್ ಲೊಟಾಕ್ ಗಡ್ಬಡ್ ಕರ್ಲ್ಯಾನಿ , ಅನಿ ಲಗ್ಗುನಾ ಉಟ್ ತುಜ್ಯಾ ಬಾಯ್ಕೊಕ್ ಅನಿ ಲೆಕಿಯಾಕ್ನಿ ಘೆವ್ನ್ ಹಿತ್ತೆತ್ನಾ ಭಾಯ್ರ್ ಪಡ್, ಹೆ ಶಾರ್ ನಾಸ್ ಹೊತಾನಾ ತುಮ್ಚ್ಯಾ ಜಿವಾಕ್ ಘಾತ್ ಹೊತಲೆ ನಕ್ಕೊ ಮಟ್ಲ್ಯಾನಿ, 16 ಅನಿ ಕಂಗಾಲ್ ಹೊವ್ನ್ ತಡೊ ಕರ್ತಾನಾ, ಸರ್ವೆಸ್ಪರ್ ದೆವಾನ್ ಲೊಟಾಚ್ಯಾ ವರ್‍ತಿ ದಯಾ ದಾಕ್ವುಲ್ಯಾನ್, ಅನಿ ಕಂಗಾಲ್ ಹೊವ್ನ್ ತಡೊ ಕರ್ತಾನಾ, ತೆಕಾ ಅನಿ ತೆಚ್ಯಾ ಬಾಯ್ಕೊಕ್ ಅನಿ ಲೆಕಿಯಾಕ್ನಿ ದೆವ್ ಧುತಾನಿ ಹಾತ್ ದರುನ್ ತೆಂಕಾ ಶಾರಾಚ್ಯಾ ಭಾಯ್ರ್ ಆರಾಮಾನ್ ಹಾನುನ್ ಪಾವ್ಸುಲ್ಯಾನಿ. 17 ತನ್ನಾ ದೆವ್ ದುತಾಂತ್ಲ್ಯಾ ಎಕ್ಲ್ಯಾನ್, "ಜಿವ್ ಹುರ್ವುನ್ ಘೆವ್ಕ್ ಮನುನ್ ಪಳುನ್ ಜಾವಾ, ಡಂಗ್ಳಿತ್ ನಾತರ್ ಮಡ್ಡಿಚ್ಯಾ ವರ್‍ತಿ ಜಾವ್ನ್ ಪಾವಿ ಪತರ್ ಇಬೆ ರಾವ್ನಾಕಾಸಿ ಪಾಟಿ ಪರ್‍ತುನ್ ಬಗುನಕಾಸಿ, ನಾತರ್ ಹ್ಯಾ ಶಾರಾಚ್ಯಾ ವಾಂಗ್ಡಾ ನಾಶ್ ಹೊವ್ನ್ ಜಾತ್ಯಾಸಿ ಬಗಾ" ಮನುನ್ ಸಾಂಗ್ಲ್ಯಾನ್.

18 ಖರೆ ಲೊಟಾನ್, ಸಾಯ್ಬಾನೊ, ದಯಾ ಕರುನ್ ಲೈ ಧುರ್ ಪಳುನ್ ಜಾವ್ಕ್ ಅಮ್ಕಾ ಒತ್ತಾಯ್ ಕರುನಕಾಸಿ. 19 ತುಜಾ ಸೆವಕಾಕ್ ತುಮಿ ದಯಾ ದಾಕ್ವುನ್ ಮಾಜೊ ಜಿವ್ ವಾಚ್ವುಲ್ಯಾಕ್ ಲೈ ಮೊಟೊ ಉಪ್ಕಾರ್ ಹೊಲೆ; ಖರೆ ಮಡ್ಡಿ ಲೈ ಧುರ್ ಹಾಯ್ ಥೈ ಪತರ್ ಮಿಯಾ ಪಾವ್ಚ್ಯಾ ಅದ್ದಿಚ್ ಮರುನ್ ಜಾತಾ. 20 ತನ್ನಾ ತೆನಿ ತೆಬಕ್, ಥೈ ಬಾರಿಕ್ ಶಾರ್ ದಿಸುಲ್ಲಾ ಕಾಯ್ ? ಥೈ ಜಾವ್ಕ್ ಮಾಕಾ ಹುಕುಮ್ ದಿಲ್ಯಾರ್ ಮಾಜೊ ಜಿವ್ ವಾಚ್ತಾ ಮಟ್ಲ್ಯಾನ್.

21 ತನ್ನಾ ತ್ಯಾ ಮಾನ್ಸಾನಿ, "ಹೊಲೆ ತರ್, ತುಕಾ ಹುಕುಮ್ ದಿತಾ ಜಾ ಅನಿ ಜಿವ್ ವಾಚ್ವುನ್ ಘೆ ಮಿಯಾ ತೆ ಶಾರ್ ನಾಶ್ ಕರಿನಾ ಮಟ್ಲ್ಯಾನಿ. 22 ಹೊಲ್ಯಾರ್ ತಿಯಾ ಲಗ್ಗುನಾ ತ್ಯಾ ಶಾರಾಕ್ ಪಳುನ್ ಜಾ, ತಿಯಾ ತ್ಯಾ ಶಾರಾಕ್ ಜಾವ್ನ್ ಪಾಯಿ ಪಾತರ್ ಮಿಯಾ ಸೊದೊಮ್ ಶಾರ್ ನಾಶ್ ಕರಿನಾ" ಮನುನ್ ಸಾಂಗ್ಲ್ಯಾನಿ. ತೆ ಶಾರ್ ಲೈ ಬಾರಿಕ್ ಹೊತ್ತ್ಯಾ ಸಾಟ್ನಿ ಲೊಟಾನ್ ತೆಕಾ ಜೊವರ್ ಮನುನ್ ನಾವ್ ಥವ್ಲ್ಯಾನ್.

ಸೊದೊಮ್ ಅನಿ ಗೊಮೊರ್ ನಾಶ್ ಹೊತಲೆ

23 ಲೊಟ್ ಜಾವ್ನ್ ಚೊಗರಾಕ್ ಪಾವಿಪತರ್ ದಿಸ್ ಉಜ್ವಾಡ್ಲೊ. 24 ಸರ್ವೆಸ್ಪರ್ ದೆವಾನ್, ಸೊದೊಮ್ ಅನಿ ಗೊಮೊರ್ ಶಾರಾಂಚ್ಯಾ ವರ್‍ತಿ ಸರ್ಗಾಕ್ನಾ ಕೆಂಡಾಚೊ ಅನಿ ಆಗಿಚೊ ಪಾವ್ಸ್ ಯೆಯ್ ಸಾರ್ಕೆ ಕರ್ಲ್ಯಾನ್. 25 ಅಸೆ ಕರುನ್ ತ್ಯಾ ಶಾರಾಕ್ ಅನಿ ತೆಚ್ಯಾ ಭೊತ್ಯಾನಿ ಹೊತ್ತ್ಯಾ ಸಗ್ಳ್ಯಾ ಶಾರಾಕ್ನಿ ಅನಿ ಸಗ್ಳ್ಯಾ ಲೊಕಾಕ್ನಿ ಅನಿ ಜಿಮ್ನಿ ವರ್‍ತಿ ಹೊತ್ತ್ಯಾ ಫಿಕಾಕ್ ನಾಶ್ ಕರ್ಲ್ಯಾನ್. 26 ಖರೆ ಲೊಟಾಚ್ಯಾ ಬಾಯ್ಕೊನ್ ಪಳ್ತಾನಾ ಪಾಟಿ ಪರ್‍ತುನ್ ಬಗಲ್ಯಾ ಸಾಟ್ನಿ ತಿ ಮಿಟ್ಟಾಚೊ ಖಾಂಬೊ ಹೊಲಿ.

27 ಅಬ್ರಾಹಾಮ್ ದುಸ್ರೆ ದಿಸಿ ಸಕ್ಕಾಳಾಕ್ ಸರ್ವೆಸ್ಪರಾಕ್ಡೆ ಪೈಲೆ ಭೆಟಲ್ಲ್ಯಾ ಜಾಗ್ಯಾಕ್ ಜಾವ್ನ್ ತೆಚ್ಯಾ ಇದ್ರಾಕ್ ಇಬೆ ರ್‍ಹಾವ್ನ್, 28 ತೆನಿ ಸೊದೊಮ್ ಅನಿ ಗೊಮೊರ್ ಶಾರ್ ಬಗಟ್ಲ್ಯಾನ್, ಬೊಗ್ಧ್ಯಾತ್ನಾ ಡುಕೊಟ್ ಯೆವ್ಲಾಗಲ್ಲೊ ದಿಸ್ತಾ. 29 ಅಸೆ ಸರ್ವೆಸ್ಪರ್ ದೆವಾನ್ ಅಬ್ರಾಹಾಮಾಕ್ ಯಾದ್ ಕರುನ್ ಗೆವ್ನ್ ಲೊಟಾಕ್ ಹುರ್‍ವುನ್ ತೊ ಹೊತ್ತ್ಯಾ ಶಾರಾಕ್ನಿ ನಾಶ್ ಕರ್ಲ್ಯಾನ್ .

ಮೊಹಾಬಾಂಚೊ ಅನಿ ಅಮ್ಮೊನಾಂಚೊ ಪುರ್ವಜ್

30 ಮಾನಾ ಲೊಟಾಕ್ ಜೊಗರ್‍ಹಾತ್ ರಾವ್ಕ್ ಬ್ಹಿಂಯೆ ಕರ್ತಾನಾ, ತೊ ಅನಿ ತೆಚಿ ಲೆಕಿಯಾ ಥೈತ್ನಾ ಮಡ್ಡಿಚ್ಯಾ ವರ್‍ತಿ ಎಕ್ ಢೊಂಭಾತ್ನಿ ಜಾವ್ನ್ ವಸ್ತಿ ರಾಲ್ಯಾನಿ . 31 ಎಕ್ ದಿಸಿ ಥೊರ್ಲ್ಯಾ ಲೆಕಿನ್ ಅಪ್ನಾಚ್ಯಾ ಭೆನಿಕ್, "ಹ್ಯಾ ಜಾಗ್ಯಾರ್ ಅಮ್ಕಾ ಪೊರಾ ಉಪಾಜುಕ್ ಸಾಟ್ನಿ ಲಗಿನ್ ಹೊವ್ಕ್ ಎಕ್ಬಿ ಘೊಮಾನುಸ್ ನಾ, ಅನಿ ಅಮ್ಚೊ ಬಾಬಾಬಿ ಲೈ ಮ್ಹಾತಾರೊ ಹೊಲಾ, 32 ತಸೆ ಹೊವ್ನ್ ಅಮಿ ಅಮ್ಚಿ ಪಿಳ್ಗಿ ನಾ ಕರುನ್ ಗೆತಲೆ ನಕ್ಕೊ ಅನಿ ಅಮಿ ಅಮ್ಚಾ ಬಾಬಾಕ್ ನಿಶಾ ಹೊಯ್ ಸಾರ್ಕೆ ಕರುನ್ ಅಮಿ ತೆಚ್ಯಾಕ್ನಾ ಪೊರಾ ಕರುನ್ ಘೆವ್ವಾ ಹೆಜ್ಯಾ ವೈನಾ ಅಮಿ ಬಾಬಾಚಿ ಪಿಳ್ಗಿ ಹುರ್ವುಕ್ ಹೊತಾ" ಮನುನ್ ಸಾಂಗ್ಲಿನ್. 33 ಮಾನಾ ತ್ಯಾ ದಿಸಿ ರಾತ್ತಿನ್ ತೆಂಚ್ಯಾ ಬಾಬಾಕ್ ವಾಯ್ನ್ ದಿವ್ನ್ ತೆಕಾ ನಿಶಾ ಹೊಲ್ಲ್ಯಾ ತನ್ನಾ ತೆಚಿ ಥೊರ್ಲಿ ಲೆಕ್ ಜಾವ್ನ್ ವಾಂಗ್ಡಾ ಮಿಳ್ತಾ, ಖರೆ ತಿ ಕನ್ನಾ ನಿಜ್ಲಿ ಅನಿ ಕನ್ನಾ ಉಟುನ್ ಗೆಲಿ ಮನುನ್ ಕಳುಕ್ನಾ.

34 ಮಾನಾ ದುಸ್ರೆ ದಿಸಿ, ಥೊರ್ಲ್ಯಾ ಲೆಕಿನ್ ತಿಚ್ಯಾ ಧಾಕ್ಲ್ಯಾ ಭೆನಿಕ್, "ಮಿಯಾ ಕಾಲ್ ರ್‍ಹಾತ್ತಿ ಬಾಬಾಚ್ಯಾ ವಾಂಗ್ಡಾ ನಿಜಲ್ಲೊ ಆಜ್ ತಿಯ್‍ ಬಾಬಾಕ್ ವಾಯ್ನ್ ದಿ ಅನಿ ತೆಕಾ ನಿಶಾ ಹೊಲ್ಲ್ಯಾ ಮಾನಾ ತೆಚ್ಯಾ ವಾಂಗ್ಡಾ ಜಾವ್ನ್ ನಿಜ್, ಅಸಿ ಕರುನ್ ಅಮ್ಚಾ ಬಾಬಾಚಿ ಪಿಳ್ಗಿ ಹುರ್ವುಕ್ ಹೊತಾ" ಮನುನ್ ಸಾಂಗ್ಲಿನ್. 35 ಮಾನಾ ತ್ಯಾ ದಿಸಿ ರ್‍ಹಾತ್ತಿ ತೆಂಚ್ಯಾ ಬಾಬಾಕ್ ವಾಯ್ನ್ ದಿವ್ನ್ ತೆಕಾ ನಿಶಾ ಹೊಲ್ಲ್ಯಾ ತನ್ನಾ ಧಾಕ್ಲಿ ಲೆಕ್ ಜಾವ್ನ್ ತೆಚ್ಯಾ ವಾಂಗ್ಡಾ ಮಿಳ್ಳಿನ್, ತ್ಯಾ ದಿಸಿಬಿ ತೊ ನಶಾತ್ ಹೊತ್ತ್ಯಾ ಸಾಟ್ನಿ ತಿ ಕನ್ನಾ ನಿಜ್ಲಿ ಅನಿ ಕನ್ನಾ ಉಟುನ್ ಗೆಲಿ ಮನುನ್ ಕಳುಕ್ನಾ. 36 ಅಸಿ ಕರುನ್ ಲೊಟಾಚಿ ದೊನಿ ಲೆಕಿಯಾಬಿ ಅಪ್ಲ್ಯಾ ಬಾಬಾಕ್ನಾ ಪೊಟಾನಿ ರಾಲ್ಯಾನಿ. 37 ಮಾನಾ ಥೊರ್ಲ್ಯಾ ಲೆಕಿಕ್ ಲೆಕ್ ಉಪಜ್ಲೊ ತಿನಿ ತೆಕಾ ಮೊವಾಬ್ ಮನುನ್ ನಾವ್ ಥವ್ಲಿನ್, ಅತ್ತಾ ಹೊತ್ತ್ಯಾ ಮೊಹಾಬ್ ಲೊಕಾಕ್ನಿ ಹೊಚ್ ವಾಡ್ ವಡಿಲ್. 38 ಅನಿ ತೆಚ್ಯಾ ಧಾಕ್ಲ್ಯಾ ಲೆಕಿಕ್ಬಿ ಎಕ್ ಲೆಕ್ ಉಪಜ್ಲೊ, ತಿನಿ ತೆಕಾ ಬೆನಾಮ್ಮಿ ಮನುನ್ ನಾವ್ ಥವ್ಲಿನ್, ತೊ ಅತ್ತಾ ಹೊತ್ತ್ಯಾ ಅಮ್ಮೊನಿಯಾಕ್ನಿ ವಾಡ್ ವಡಿಲ್.