1 ಮಾನಾ ಜುಜೆನ್ ಅಪ್ಲ್ಯಾ ಘರ್ ಚಾಲ್ವುತಲ್ಯಾಕ್ ಬಲ್ವುನ್, ತ್ಯಾ ಲೊಕಾಂಚ್ಯಾ ಪಿಸ್ವಿಯಾತ್ನಿ ಉಕ್ಲುಕ್ ಹೊತಾ ತವ್ಡೆ ದಾನೆ ಭರುನ್, ಎಕೆಕ್ಲ್ಯಾಚ್ಯಾ ಪಿಸ್ವಿಯಾಂಚ್ಯಾ ವೈನಾಬಿ ತೆಂಚ್ಯಾ ತೆಂಚ್ಯಾ ಪೈಸ್ಯಾಚಿ ಪೊಟ್ಲಿಯಾ ಥವ್, 2 ಧಾಕ್ಲ್ಯಾಚ್ಯಾ ಪಿಸ್ವಿತ್ ತೆನಿ ದಾನೆ ಘೆವ್ಕ್ ಹಾನಲೆ ಪೈಸೆ ಅನಿ ಮಾಜೆ ರುಪ್ಯಾಚೊ ಖಟೊರೊಬಿ ಥವ್, ಮನುನ್ ಹುಕುಮ್ ದಿಲ್ಯಾನ್, ಘರ್ ಚಾಲ್ವುತಲ್ಯಾ ಸೆವಕಾನ್ ತಸೆಚ್ ಕರ್ಲ್ಯಾನ್. 3 ತ್ಯಾ ಲೊಕಾನಿ ಸಕ್ಕಾಳಿ ಉಜ್ವಾಡ್ತಾನಾಚ್ ಜಾವ್ಕ್ ಒಪ್ಕಿ ಘೆವ್ನ್ ಗಾಡ್ವಾಂಚ್ಯಾ ವಾಂಗ್ಡಾ ಧಾಡುನ್ ದಿಲ್ಯಾನಿ. 4 ತೆನಿ ಉಲ್ಲೆ ಧುರ್ ಪಾವಲ್ಯಾ ತಸೆಚ್, ಜುಜೆನ್ ಅಪ್ಲ್ಯಾ ಘರ್ ಚಾಲ್ವುತಲ್ಯಾ ಸೆವಕಾಕ್ ತಿಯಾ ಜಾವ್ನ್ ತ್ಯಾ ಲೊಕಾಕ್ನಿ ಫಾಟ್ ಲಾಗುನ್ ಧರ್, ತುಮಿ ಬರೆ ಕರಲ್ಯಾಕ್ ಪರ್‍ತುನ್ ವಾಯ್ಟ್ ಕಶ್ಯಾಕ್ ಕರ್ಲ್ಯಾಸಿ? 5 ಮಾಜೊ ಯೆಜ್ಮಾನ್ ಪಾನಿ ಫಿತಲೊ ತ್ಯಾಚ್ ಖಟೊರ್ಯಾನ್ ನೈ ಕಾಯ್? ತ್ಯಾತುರ್ ಬಗುನುಚ್ ನೈ ಕಾಯ್ ಫಿಡೆ ಕಾಯ್ ಘಡ್ನಾರ್ ಹೊತ್ತೆ ಸಾಂಗ್ತಲೊ? ತುಮಿ ಅಸೆ ಕರಲ್ಲೆ ಬುರ್ಸೆಪಾನ್ ಮನುಚೆ, ಮಟ್ಲ್ಯಾನ್.

6 ಘರ್ ಚಾಲ್ವುತಲ್ಯಾ ಸೆವಕಾನ್ ತೆಂಚಿ ಫಾಟ್ ಲಾಗುನ್ ಜಾವ್ನ್ ತೆಂಕಾ ಧರುನ್ ತಸೆಚ್ ಸಾಂಗ್ಲ್ಯಾನ್, 7 ತನ್ನಾ ತೆನಿ, ಸಾಯ್ಬಾ, ತಿಯಾ ಅಸ್ಲಿ ಬೊಲ್ನಿಯಾ ಬೊಲ್ತಲೆ ಕಾಯ್? ತುಜಿ ಸೆವಕಾ ಅಮಿ ಕದ್ದಿಬಿ ಅಸ್ಲಿ ಕಾಮಾ ಕರಿನಾವ್. 8 ಪೈಲೆ ಅಮ್ಚ್ಯಾ ಪಿಸ್ವಿಯಾತ್ನಿ ಗಾವಲ್ಲೆ ಪೈಸೆ ಕಾನಾನ್ ದೆಸಾಕ್ನಾ ಹಾನುನ್ ತುಮ್ಕಾಚ್ ದಿಲಾಂವ್, ಅಸೆ ರ್‍ಹಾತಾನಾ ಅಮಿ ತುಜ್ಯಾ ಯೆಜ್ಮಾನಾಚ್ಯಾ ಘರ್‍ಹಾತ್ನಾ ಚಂದಿ ಅನಿ ಸೊನೆ ಕಶ್ಯಾಕ್ ಚೊರ್ತಾಂವ್ ? 9 ತೊ ಖಟೊರೊ ಅಮ್ಚ್ಯಾತ್ ಕೊನ್ ತರಿ ಎಕ್ಲ್ಯಾಂಚ್ಯಾಕ್ಡೆ ಗಾವಲ್ಲೊ ಹೊಲ್ಯಾರ್ ತೆಕಾ ಮರ್ನಾಚಿ ಶಿಕ್ಷ್ಯಾ ಹೊಂವ್ದಿತ್! ಅನಿ ತವ್ಡೆಚ್ ನಸ್ತಾನಾ ಅಮಿ ಸಗ್ಳೆಬಿ ತುಜ್ಯಾ ಯೆಜ್ಮಾನಾಕ್ ಆಳಾ ಹೊವ್ನ್ ರ್‍ಹಾತಾಂವ್, ಮಟ್ಲ್ಯಾನಿ.

10 ತನ್ನಾ ತ್ಯಾ ಘರ್ ಚಾಲ್ವುತಲ್ಯಾ ಸೆವಕಾನ್ ತುಮಿ ಸಾಂಗಲ್ಯಾ ಸಾರ್ಕೆಚ್ ಹೊಂವ್ದಿತ್, ತೊ ಖಟೊರೊ ಕೊನಾಕ್ಡೆ ಗಾವ್ತಾ, ತೊ ಮಾಕಾ ಆಳ್ ಹೊವ್ನ್ ರಾಂವ್ದಿತ್ ಅನಿ ಹುರಲ್ಯಾಂಚಿ ಕಾಯ್ ಚುಕ್ ನಾ . 11 ತೆನಿ ಹರ್ ಎಕ್ಲ್ಯಾನಿಬಿ ಅಪ್ಲಿ ಅಪ್ಲಿ ಪಿಸ್ವಿಯಾ ಖಾಲ್ತಿ ಉತ್ರುನ್ ಸೊಡಸ್ಲ್ಯಾನಿ, 12 ತೆನಿ ಥೊರ್ಲ್ಯಾಕ್ನಾ ಧಾಕ್ಲ್ಯಾ ಪತರ್ ಹರ್ ಎಕ್ಲ್ಯಾಚೆಬಿ ಪಿಸ್ವಿಯಾ ಪರಿಕ್ಷಾ ಕರುನ್ ಬಗಟ್ಲ್ಯಾನ್, ತೊ ಖಟೊರೊ ಬೆಂಜ್ಯಾಮಿನಾಚ್ಯಾ ಚಿಲಾತ್ ಗಾವ್ಲೊ. 13 ತನ್ನಾ ತೆನಿ ಲೈ ದುಕ್ಕ್ ಹೊವ್ನ್ ಅಪ್ಲೆ ಕಪ್ಡೆ ಪಿಂಜುನ್ಗೆವ್ನ್ ರಡ್ಲ್ಯಾನಿ; ಅನಿ ಪಿಸ್ವಿಯಾ ಗಾಡ್ವಾಂಚ್ಯಾ ವರ್‍ತಿ ವಾವುನ್ಗೆವ್ನ್ ಫಾಟಿ ಪರ್‍ತುನ್ ಶಹಾರಾಕ್ ಯೆಲ್ಯಾನಿ.

14 ಜೆಹುದ್ ಅನಿ ತೆಚಿ ಭಾವಾ ಜುಜೆಚ್ಯಾ ಘರಾಕ್ ಫಾಟಿ ಪರ್‍ತುನ್ ಯೆಲ್ಲ್ಯಾತನ್ನಾ ಜುಜೆ ಘರಾತುಚ್ ಹೊತ್ತೊ ತೆನಿ ತೆಕಾ ಪಾಯ್ ಪಡ್ಲ್ಯಾನಿ. 15 ಜುಜೆನ್ ತೆಂಕಾ ತುಮಿ ಅಸೆ ಕಾಯ್ ಕರ್ಲ್ಯಾಸಿ? ಫಿಡೆ ಘಡ್ನಾರ್ ಹೊತ್ತೆ ಸಾಂಗ್ನಾರೊ ಮಾಜ್ಯಾ ಸಾರ್ಕೊ ಮಾನುಸ್ ಹಿ ಸಂಗ್ತಿಯಾ ಕಳ್ವುನ್ ಘೆತಾ ಮನ್ತಲೆ ತುಮ್ಕಾ ಗೊತ್ತ್ ನಾ ಕಾಯ್? ಮನುನ್ ಇಚ್ಯಾರ್ಲ್ಯಾನ್.

16 ತೆಕಾ ಜೆಹುದಾನ್ ಅಮಿ ಅಮ್ಚ್ಯಾ ಧನಿ ಕಾಯ್ ಸಾಂಗುಂವಾ? ಕಾಯ್ ಜವಾಬ್ ದಿಂವ್ವಾ? ಅಮಿ ಚುಕ್ ಕರುನಾವ್ ಮನುನ್ ದಾಕ್ವುಕ್ ಕಾಯ್ ಕರುಚೆ? ತುಮ್ಚಿ ಆಳಾ ಹೊವ್ನ್ ಹೊತ್ತ್ಯಾ ಅಮ್ಚಿ ಪಾಪಾಚಿ ಕಾಮಾ ದೆವಾನುಚ್ ಭಾಯ್ರ್ ಹಾನ್ಲಾ, ತೊ ಖಟೊರೊ ಗಾವಲೊ ಮಾನುಸ್ ಎಕ್ಲೊಚ್ ನಸ್ತಾನಾ ಅಮಿ ಸಗ್ಳೆಬಿ ಗುಲಾಮ್ ಹೊಲಾಂವ್ ನೈ? ಮಟ್ಲ್ಯಾನ್.

17 ತನ್ನಾ ಜುಜೆನ್ ತಸೆ ಕನ್ನಾಬಿ ಹೊತಲೆ ನಕ್ಕೊ; ತೊ ಖಟೊರೊ ಕೊನಾಕ್ಡೆ ಗಾವ್ತಾ ತೊ ಎಕ್ಲೊಚ್ ಮಾಕಾ ಗುಲಾಮ್ ಹೊವ್ನ್ ರಾವ್ಚೊ, ಅನಿ ಹುರಲೆ ತುಮಿ ಸಗ್ಳೆ ತುಮ್ಚ್ಯಾ ಬಾಬಾಕ್ಡೆ ಸಮಾದಾನಾನ್ ಜಾವ್ಕ್ ಅಡ್ಡಿ ಕಾಯ್ಬಿ ನಾ, ಮಟ್ಲ್ಯಾನ್.

18 ತನ್ನಾ ಜೆಹುದಾನ್ ಜಗ್ಗೊಳ್ ಯೆವ್ನ್, ಮಾಜ್ಯಾ ಧನಿ ಮಿಯಾ ತುಮ್ಚೊ ಸೆವಕ್ ಎಕ್ ಗೊಸ್ಟ್ ಮಾಗುನ್ಗೆತಾ; ರಾಗ್ ಹೊವ್ ನಕಾಸಿ ತುಮಿ ಪರೊಹ್ ರಾಜಾಚ್ಯಾ ಸಮಾ ಹಾಸಿ, 19 ಅಮ್ಚೊ ಯೆಜ್ಮಾನ್ ತುಮಿ ಸೆವಕಾ ಹೊವ್ನ್ ಹೊತ್ತ್ಯಾ ಅಮ್ಕಾ ಭಾವ್ ನಾತರ್, ಬಾಬಾ ಹಾತ್ ಕಾಯ್ ? ಮನುನ್ ಇಚಾರ್ಲ್ಯಾಸಿ. 20 ಅಮಿ ಮ್ಹಾತಾರೊ ಬಾಬಾ ಹಾಯ್, ತೆಕಾ ಮ್ಹಾತಾರ್ಯಾ ವೈಸಾತ್ ಉಪಾಜಲ್ಲೊ ಎಕ್ ಬಾರಿಕ್ ಝಿಲ್ಗೊ ಹಾಯ್ ಅನಿ ತೆಚ್ಯಾ ವಾಂಗ್ಡಾ ಉಪಾಜಲ್ಲೊ ಮರುನ್ ಗೆಲೊ, ತೆಚ್ಯಾ ಬಾಯ್ಚ್ಯಾ ಪೊಟಾತ್ ಉಪಜಲ್ಯಾತ್ನಿ ತೊ ಎಕ್ಲೊಚ್ ಹುರ್ಲಾ, ಅನಿ ತೊ ಬಾಬಾಕ್ ಲೈ ಪ್ರೆಮಾಚೊ ಲೆಕ್, ಮನುನ್ ಸಾಂಗಲಾಂವ್, 21 ತನ್ನಾ ತುಜಿ ಸೆವಕಾ ಹೊವ್ನ್ ಹೊತ್ತ್ಯಾ ಅಮ್ಕಾ ತೆಕಾ ಬಲ್ವುನ್ ಹಾನಾ ಮಿಯಾ ತೆಕಾ ಬಗುಚೆ ಮಟಲೈ. 22 ತುಜಿ ಸೆವಕಾ ಅಮಿ ತೊ ಝಿಲ್ಗೊ ಬಾಬಾಕ್ ಸೊಡುನ್ ಧುರ್ ಜಾವ್ಕ್ ಹೊಯ್ನಾ, ಗೆಲ್ಯಾರ್ ಬಾಬಾ ಮರುನ್ ಜಾತಾ ಮಟಲಾಂವ್. 23 ಖರೆ ತಿಯಾ ತುಮ್ಚೊ ಭಾವ್ ಯೆಯ್ನಸ್ಲ್ಯಾರ್ ತುಮ್ಚಿ ತೊಂಡಾ ದಾಕ್ವುನಕಾಸಿ ಮಟಲೈ.

24 ಅಮಿ ತುಜಿ ಸೆವಕಾ ಹೊವ್ನ್ ಅಮ್ಚ್ಯಾ ಯೆಜ್ಮಾನಾನ್ ಇಚಾರಲ್ಲೆ ಅಮ್ಚ್ಯಾ ಬಾಬಾಕ್ ಸಾಂಗ್ಲ್ಯಾಂವ್. 25 ಅಮ್ಚ್ಯಾ ಬಾಬಾನ್ ತುಮಿ ಜಾವ್ನ್ ಅನಿ ಎಗ್ದಾ ದಾನೆ ಹಾನಾ ಮನ್ತಾನಾ, 26 ಅಮಿ ಅಮ್ಚೊ ಭಾವ್ ವಾಂಗ್ಡಾ ನಸ್ತಾನಾ ತ್ಯಾ ಮಾನ್ಸಾಚೆ ತೊಂಡ್ ದಾಕ್ವುಕ್ ಹೊಯ್ನಾ ಅಮ್ಚೊ ಭಾವ್ ಯೆಲ್ಯಾರ್ ಜಾತಾಂವ್ ಮನುನ್ ಸಾಂಗ್ಲ್ಯಾವ್, 27 ತನ್ನಾ ಅಮ್ಚ್ಯಾ ಬಾಬಾನ್ ಮಜ್ಯಾ ಬಾಯ್ಕೊಕ್ ದೊನ್ ಲೆಕಾ ಉಪಾಜಲ್ಲೆ ಮನುನ್ ತುಮ್ಕಾಬಿ ಗೊತ್ತುಚ್ ಹೊತ್ತೆ, 28 ತ್ಯಾತುರ್ಲೊ ಎಕ್ಲೊ ಮಾಕಾ ಸೊಡುನ್ ಗೆಲೊ; ತೆಕಾ ಡಂಗ್ಳಿತ್ಲ್ಯಾ ಜನಾವರಾನಿ ಉಲ್ಲೆಬಿ ದಯಾ ನಸ್ತಾನಾ ಪಿಂಜುನ್ ಟಾಕುಕ್ ಫಿರೆ ಮನುನ್ ಚಿಂತಲೊ; ತೆಚ್ಯಾ ಮಾನಾ ತೊ ಮಾಕಾ ದಿಸುಕ್ನಾ, 29 ಅನಿ ಅತ್ತಾ ಹೆಕಾಬಿ ಮಾಜೆಕ್ನಾ ಘೆವ್ನ್ ಜಾವ್ಚೆ ಮನುನ್ ಕರ್ಲ್ಯಾಸಿ, ಅತ್ತಾ ಹೆಕಾಬಿ ಕಾಯ್ಬಿ ಹೊಲ್ಯಾರ್ ಅಸ್ಲೊ ಪಿಕ್ಕ್ಯಾ ಕೆಸಾಂಚೊ ಮ್ಹಾತಾರೊ ಹೊಲ್ಲೊ ಮಿಯಾ ತರಾಸಾನ್ ಮರುಕ್ ತುಮಿಚ್ ಕಾರನ್ ಹೊತ್ಯಾಸಿ, ಮಟ್ಲ್ಯಾನ್.

30 ತುಜಿ ಆಳಾ ಅಮಿ ಬಾಬಾಕ್ಡೆ ಗೆಲ್ಲ್ಯಾ ತನ್ನಾ ಲೆಕಾಚ್ಯಾ ವರ್‍ತಿ ಜಿವ್ ಥವ್ನ್ ಹೊತ್ತೊ ಬಾಬಾ ಹ್ಯೊ ಲೆಕ್ ಅಮ್ಚ್ಯಾ ವಾಂಗ್ಡಾ ದಿಸುಕ್ ನಸ್ಲ್ಯಾರ್, ಝಿಲ್ಗೊ ಯೆವ್ಕ್ನಾ ಮನುನ್ ತೊ ತನ್ನಾಚ್ ಮರುನ್ ಜಾತಾ, 31 ತನ್ನಾ ತುಜಿ ಸೆವಕಾ ಅಮಿ, ತುಜೊ ಸೆವಕ್ ಪಿಕ್ಕ್ಯಾ ಕೆಸಾಂಚೊ ಮ್ಹಾತಾರೊ ಅಮ್ಚೊ ಬಾಬಾ ತರಾಸಾನ್ ಮಸನ್ಗಿಕ್ ಜಾವ್ಕ್ ಕಾರನ್ ಹೊತಾಂವ್. 32 ಆಳ್ ಹೊವ್ನ್ ಹೊತ್ತೊ ಮಿಯಾ ಬಾಬಾಕ್ಡೆ ಹ್ಯಾ ಝಿಲ್ಗ್ಯಾಕ್ ಜವಾಬ್ದಾರಿ ಹೊಲ್ಲೊ ಹಾಂವ್, ಮಿಯಾ ತೆಕಾ ತುಜ್ಯಾಕ್ಡೆ ಹಾನುಕ್ ನಸ್ಲ್ಯಾರ್ ಬಾಬಾಕ್ ಚುಕಲೊ ಲೆಕ್ ಮನ್ತಲೊ ಶಾಪ್ ಮಾಜೆ ವರ್‍ತಿ ರಾಂವ್ದಿತ್ ಮನುನ್ ಗೊಸ್ಟ್ ದಿಲೊ, 33 ತಸೆ ಹೊವ್ನ್ ಮಿಯಾ ತುಜೆಕ್ಡೆ ಮಾಗ್ತಲಿ ಮಾಗ್ನಿ ಹಿ; ಹ್ಯಾ ಝಿಲ್ಗ್ಯಾಚ್ಯಾ ಬದ್ಲಾಕ್ ತುಜೊ ಆಳ್ ಹೊವ್ನ್ ಹೊತ್ತ್ಯಾ ಮಾಕಾ ಗುಲಾಮ್ ಕರುನ್ ಥವ್ನ್ ಘೆವಾ, ಅನಿ ಹೊ ಮಾಜ್ಯಾ ಭಾವಾಂಚ್ಯಾ ವಾಂಗ್ಡಾ ಜಾವ್ಕ್ ಪರ್ವಾನ್ಗಿ ದಿವಾ,

34 ಮಿಯಾ ಹ್ಯಾ ಝಿಲ್ಗ್ಯಾಕ್ ಸೊಡುನ್ ಮಾಜ್ಯಾ ಬಾಬಾಕ್ಡೆ ಕಸೆ ಜಾವ್ಕ್ ಹೊತಾ? ಮನ್ ದುಕ್ವುನ್ ಘೆಟಲ್ಯಾ ಬಾಬಾಕ್ ಮಾಜ್ಯಾನ್ ಬಗುಕ್ ಹೊಯ್ನಾ.