1 ದೆವಾನ್ ಅಬ್ರಾಹಾಮಾಚೊ ವಿಶ್ವಾಸ್ ಪರಿಕ್ಷಾ ಕರುಚೆ ಮನುನ್ ನಿರ್ದಾರ್ ಕರುನ್, "ಅಬ್ರಾಹಾಮಾ!" ಮನುನ್ ಬಲ್ವುಲ್ಯಾನ್, ತನ್ನಾ ಅಬ್ರಾಹಾಮಾನ್, "ಅಬಕ್ ಮಿಯಾ ಹಿತ್ತೆಚ್ ಹಾಂವ್" ಮನುನ್ ಜಾಬ್ ದಿಲ್ಯಾನ್.

2 ತನ್ನಾ ದೆವಾನ್ ತೆಕಾ, "ತೆಜೊ ಎಕ್ಲೊಚ್ ಪ್ರೆಮಾಚೊ ಲೆಕ್ ಇಸಾಕಾಕ್ ಘೆವ್ನ್ ಮಿಯಾ ಸಾಂಗ್ತಲ್ಯಾ ಮೊರಿಯಾ ದೆಶ್ಯಾಕ್ ಜಾವ್ನ್ ಮಿಯಾ ದಾಕ್ವುತಲ್ಯಾ ಮಡ್ಡಿ ವರ್‍ತಿ ತೆಕಾ ಬಲಿ ಭೆಟ್ವುಚೆ" ಮನುನ್ ಸಾಂಗ್ಲ್ಯಾನ್.

3 ಮಾನಾ ಅಬ್ರಾಹಾಮಾನ್ ದುಸ್ರೆ ದಿಸಿ ಉಟುನ್ ಬಲಿಕ್ ಪಾಜೆ ಹೊಲ್ಲಿ ನಾಕ್ಡಾ ಘೆವ್ನ್ ಅನಿ ದೊಗ್ಯಾ ಆಳಾಕ್ನಿ ಅನಿ ಇಸಾಕಾಕ್ ಬಲ್ವುನ್ ಘೆವ್ನ್ ದೆವಾನ್ ಸಾಂಗಲ್ಯಾ ಜಾಗ್ಯಾಕ್ ಜಾವ್ಲ್ಲೊ. 4 ತೆನಿ ತಿನ್ವೆ ದಿಸಿ ತ್ಯಾ ಜಾಗ್ಯಾಕ್ ಪಾವಲ್ಲ್ಯಾ ತನ್ನಾ, ಅಬ್ರಾಹಾಮಾನ್ ಧುರ್ನಾ ಬಗ್ತಾನಾ ತೆಕಾ ತೊ ಜಾಗೊ ದಿಸ್ತಾ. 5 ಮಾನಾ ಅಬ್ರಾಹಾಮಾನ್ ಅಪ್ನಾಚ್ಯಾ ಆಳಾಕ್ನಿ ತುಮಿ ಗಾಡ್ವಾಕ್ನಾ ಹಿತ್ತೆಚ್ ರಾವಾ; ತ್ಯಾ ಜಾಗ್ಯಾಕ್ ಮಿಯಾ ಅನಿ ಮಾಜೊ ಲೆಕ್ ಜಾವ್ನ್ ದೆವಾಕ್ ಆರಾದನ್ ಕರುನ್ ಪರ್‍ತುನ್ ಯೆತಾಂವ್, ಮನುನ್ ಸಾಂಗ್ಲ್ಯಾನ್.

6 ಬಲಿ ಭೆಟ್ವುಕ್ ಪಾಜೆ ಹೊಲ್ಲಿ ನಾಕ್ಡಾ ಅಪ್ಲೊ ಲೆಕ್ ಇಸಾಕಾ ವರ್‍ತಿ ವಾವ್ಲ್ಯಾನ್ ಅನಿ ಸುರಿ ಅನಿ ಜಳ್ತಲೆ ಇಂಗ್ಳೆ ಘೆವ್ನ್ ತೆನಿ ದೊಗೆಬಿ ಚಲುನ್ ಗೆಲ್ಯಾನಿ. 7 ತನ್ನಾ ಇಸಾಕಾನ್ ಅಪ್ನಾಚೊ ಬಾಬಾ ಅಬ್ರಾಹಾಮಾಕ್,

"ಬಾಬಾ" ಮನುನ್ ಬಲ್ವುಲ್ಯಾನ್. ತನ್ನಾ ಅಬ್ರಾಹಾಮಾನ್, ಕಾಯ್ ಮಾಜ್ಯಾ ಲೆಕಾ? ಮನುನ್ ಜವಾಬ್ ದಿಲ್ಯಾನ್, ತನ್ನಾ ಇಸಾಕಾನ್ ಆಗ್ ಅನಿ ನಾಕ್ಡಾ ಹಾತ್, ಖರೆ ಜಾಳ್ವುತಲಿ ಬಲಿ ಭೆಟ್ವುಕ್ ಪಾಜೆ ಹೊಲ್ಲೊ ಬಕ್ರೊ ಖಯ್ ಹಾಯ್? ಮನುನ್ ಇಚಾರ್‍ಲ್ಯಾನಿ.

8 ತನ್ನಾ ಅಬ್ರಾಹಾಮಾನ್, "ತೆ ದೆವುಚ್ ದಿತಾ" ಮಟ್ಲ್ಯಾನ್, ಅನಿ ತೆನಿ ದೊಗೆಬಿ ಚಲುನ್ ಗೆಲೆ.

9 ತೆನಿ ತ್ಯಾ ಜಾಗ್ಯಾಕ್ ಪಾವಲ್ಯಾ ತನ್ನಾ ಥೈ ಅಬ್ರಾಹಾಮಾನ್ ದೆವಾನ್ ಸಾಂಗಲ್ಯಾ ಸಾರ್ಕೆ ಬಲಿ ಭೆಟ್ವುತಲೊ ಕಟ್ಟೊ ಭಾಂದುನ್ ನಾಕ್ಡಾ ಥವ್ಲ್ಯಾನ್ ಅನಿ ತ್ಯಾ ನಾಕ್ಡಾಂಚ್ಯಾ ವರ್‍ತಿ ಅಪ್ಲೊ ಲೆಕ್ ಇಸಾಕಾಕ್ ಭಾಂದುನ್ ಥವ್ಲ್ಯಾನ್ ಅನಿ,

10 ತೆಕಾ ಬಲಿ ದಿವ್ಕ್ ಮನುನ್ ಸುರಿ ವರ್‍ತಿ ಉಚಲ್ಯಾನ್, 11 ಖರೆ ಸರ್ಗಾತ್ನಾ ಸರ್ವೆಸ್ಪರ್ ದೆವಾಚ್ಯಾ ಧುತಾನ್, "ಅಬ್ರಾಹಾಮಾ, ಅಬ್ರಾಹಾಮಾ!" ಮನುನ್ ಬಲ್ವುಲ್ಯಾನ್, ತನ್ನಾ ಅಬ್ರಾಹಾಮಾನ್ "ಅಬಕ್ ಮಿಯಾ ಹಿತ್ತೆ ಹಾಂವ್" ಮನುನ್ ಜಾಬ್ ದಿಲ್ಯಾನ್.

12 ತನ್ನಾ ಸರ್ವೆಸ್ಪರಾಚ್ಯಾ ಧುತಾನ್, ತುಜ್ಯಾ ಲೆಕಾಕ್ ಕಾಯ್ಬಿ ಕರು ನಕ್ಕೊ, ತಿಯಾ ದೆವಾಚ್ಯಾ ನದ್ರೆಕ್ ಖಾಲ್ತಿ ಹೊವ್ನ್ ಚಲ್ತಲೊ ಮಾನುಸ್ ಮನುನ್ ಮಾಕಾ ಕಳ್ಳೆ ಕಶ್ಯಾಕ್ ಮಟ್ಲ್ಯಾರ್, ತಿಯಾ ತುಜ್ಯಾ ಎಕುಚ್ ಎಕ್ ಲೆಕಾಕ್ ಮಾಜ್ಯಾ ಸಾಟ್ನಿ ಬಲಿ ಭೆಟ್ವುಕ್ ಪಾಟಿ ಸರ್ಕುಕ್ ನೈ ಮನುನ್ ಸಾಂಗ್ಲ್ಯಾನ್.

13 ಮಾನಾ ಅಬ್ರಾಹಾಮ್ ಬಗ್ತಾನಾ, ಝಿಳಿತ್ ಎಕ್ ಶೆಳಿ ಸಿಂಗಾ ಸಿರ್ಕುನ್ ಘೆವ್ನ್ ಹೊತ್ತೆ ಬಗ್ಲ್ಯಾನ್, ಲಗ್ಗುನಾ ಜಾವ್ನ್ ತ್ಯಾ ಟಗರ್ ಹಾನುನ್ ಲೆಕಾಚ್ಯಾ ಬದ್ಲಾಕ್ ಜಾಳ್ವುತಲಿ ಬಲಿ ಭೆಟ್ವುಲ್ಯಾನ್.

14 ಮಾನಾ ತ್ಯಾ ಜಾಗ್ಯಾಕ್ "ಸರ್ವೆಸ್ಪರ್ ದಿನಾರೊ" ಮನುನ್ ನಾವ್ ದಿಲ್ಯಾನ್, ಅನಿ ತ್ಯಾ ಮಡ್ಡಿಕ್ ಅಜುನ್ ಪತರ್ಬಿ ಮಡ್ಡಿ ವರ್‍ತಿ ಸರ್ವೆಸ್ಪರ್ ದಿತಾ ಮನ್ತಲಿ ಗೊಸ್ಟ್ ಹಾಯ್.

15 ಮಾನಾ ಸರ್ವೆಸ್ಪರ್ ದೆವಾಚ್ಯಾ ಧುತಾನ್ ಸರ್ಗಾಕ್ನಾ ದೊನ್ವೆಂದಾ ಅಬ್ರಾಹಾಮಾಕ್ ಬಲ್ವುನ್ ತೆಕಾ, 16 ತಿಯಾ ಮಾಜ್ಯಾ ಸಾಟ್ನಿ ತುಜಾ ಹೊತ್ತ್ಯಾ ಎಕುಚ್ ಲೆಕಾಕ್ ದಿವ್ಕ್ ತಯಾರ್ ಹೊಲ್ಲ್ಯಾ , ತನ್ನಾ ಮಿಯಾ ತುಕಾ ಎಕ್ ಗೊಸ್ಟ್ ದಿತಾ: 17 ತುಜಿ ಪಿಳ್ಗಿ ಮಳ್ಬಾತ್ಲ್ಯಾ ಚುಕ್ಕಿಯಾಂಚ್ಯಾ ತವ್ಡಿ ಅನಿ ಸಮುಂದ್ರಾಚ್ಯಾ ದಂಡೆ ವೈಲ್ಯಾ ರೆತಿ ತವ್ಡಿ ವಾಡ್ವುನ್ ಆಶಿರ್ವಾದ್ ದಿತಾ , ಅನಿ ತಿಯಾ ತೆಂಚಿ ಶಾರಾ ತುಜ್ಯಾ ಅಧಿನಾತ್ ಕರುನ್ ಘೆತೆ. 18 ತಿಯಾ ಮಾಜ್ಯಾ ಗೊಸ್ಟಿಯಾಕ್ನಿ ಖಾಲ್ತಿ ಹೊವ್ನ್ ಚಲಲ್ಯಾ ಸಾಟ್ನಿ ತುಜ್ಯಾ ಪಿಳ್ಗಿಕ್ ಆಶಿರ್ವಾದ್ ದಿಲ್ಲ್ಯಾ ಸಾರ್ಕೆ ಅಮ್ಕಾಬಿ ಆಶಿರ್ವಾದ್ ದಿ ಮನುನ್ ಸಗ್ಳ್ಯಾ ದೆಶ್ಯಾಂಚಿ ಲೊಕಾ ಮಾಗ್ತಾತ್. 19 ಅಬ್ರಾಹಾಮ್ ಅಪ್ಲ್ಯಾ ಆಳಾಚ್ಯಾ ವಾಂಗ್ಡಾ ಪರ್‍ತುನ್ ಅಪ್ನಿ ವಸ್ತಿ ರಾತಲೊ ಜಾಗೊ ಬೆರ್ಶೆಬಾಕ್ ಗೆಲೊ.

20 ಉಲ್ಲೊ ಎಳ್ ಕಳ್ದಲ್ಯಾ ಮಾನಾ ಅಪ್ಲೊ ಭಾವ್ ನಾಹೊರಾಚಿ ಬಾಯ್ಕೊ ಮಿಲ್ಕಾಕ್ ಲೆಕ್ ಉಪಜ್ಲೊ ಮನ್ತಲಿ ಖಬರ್ ಅಬ್ರಾಹಾಮಾಕ್ ಗಾವ್ಲಿ. 21 ಎಕ್ವೆಚೊ ಉಚ್ ತೆಜೊ ಭಾವ್ ಬುಚ್ ಅನಿ ಆರಾಮಾಚೊ ಬಾಬಾ ಕೆಮುವೆಲ್, 22 ಕೆಸೆದ್, ಹಾಜೊ, ಪಿಲ್ದಾಶ್, ಇದ್ಲಾಪ್ ಅನಿ ಬೆತುವೆಲ್. 23 ರೆಬೆಕ್ಕಾಚೊ ಬಾಬಾ ಬೆತುವೆಲ್, ಮಿಲ್ಕಾನ್ ಅಬ್ರಾಹಾಮಾಚೊ ಭಾವ್ ನಾಹೊರಾಚ್ಯಾ ಆಟ್ ಲೆಕಾಕ್ನಿ ಜಲಮ್ ದಿಲಿನ್. 24 ಅನಿ ನಾಹೊರಾಚಿ ಅನಿಎಕ್ ಬಾಯ್ಕೊ ರೆಹುಮಾಕ್ ಬಿ ಚಾರ್ ಲೆಕಾ ಉಪಾಜ್ತಾತ್ ತೆಂಚಿ ನಾಂವಾ ತೆಬಾ, ಗಾಹಾಮ್, ತಾಹಶ್, ಮಾಖಾ.