1 ಮಾಮ್ರೆ ಮನ್ತಲ್ಯಾ ಒಕ್ ಝಾಡಾಂಚ್ಯಾ ಜಗ್ಗೊಳ್ ಅಬ್ರಾಹಾಮ್ ವಸ್ತಿ ರ್‍ಹಾತಾನಾ, ತ್ಯಾ ದಿಸಿ ದೊಪಾರಿ ಝಳ್ ಝಳಿತ್ ನಿಂಬ್ರಾಚ್ಯಾ ಎಳಾರ್ ತೊ ಅಪ್ನಾಚ್ಯಾ ಝೊಪ್ಡ್ಯಾಚ್ಯಾ ಹುಂಬ್ಡ್ಯಾತ್ ಬಸಲ್ಲೊ ರ್‍ಹಾತಾ ತನ್ನಾ ಸರ್ವೆಸ್ಪರ್ ದೆವಾನ್ ತೆಕಾ ದರ್ಶನ್ ದಿಲ್ಯಾನ್. 2 ತನ್ನಾ ತೆನಿ ವರ್‍ತಿ ಬಗ್ತಾನಾ ತಿನ್ ಘವ್ಮಾನ್ಸಾ ಇಬೆ ಹೊತ್ತೆ ದಿಸ್ತಾತ್ ತೆಂಚ್ಯಾಕ್ಡೆ ಲಗ್ಗುನಾ ಪಳುನ್ ಜಾವ್ನ್ ಜಿಮ್ನಿಪಾತರ್ ಮಾನ್ ಬಾಗ್ವುನ್ ನಮಸ್ಕಾರ್ ಕರ್ತಾ ಮಾನಾ ತೆಂಕಾ, 3 "ಸಾಯ್ಬಾನೊ, ದಯಾ ಕರುನ್ ಮಾಜ್ಯಾ ಝೊಪ್ಡ್ಯಾಕ್ಡೆ ಇಬೆ ರಾಯ್ನಸ್ತಾನಾ ಜಾವ್ನಕಾಸಿ ಮಿಯಾ ತುಮ್ಚಿ ಸೆವಾ ಕರುಚೆ, 4 ಮಿಯಾ ತುಮ್ಚಿ ಪಾಯಾ ಧುವ್ನ್ ಘೆವ್ಕ್ ಪಾನಿ ಹಾನುನ್ ದಿತಾ, ತುಮಿ ಝಾಡಾಚ್ಯಾ ಬುಡಿ ಆರಾಮ್ ಘೆವಾ, 5 ಅನಿ ತುಮ್ಕಾ ಮಿಯಾ ಜೆವಾನ್ ಹಾನುನ್ ದಿತಾ, ಜೆವಾನ್ ಕರಾ ತೆಚೆ ವೈನಾ ತುಮ್ಕಾ ಪ್ರಯಾನ್ ಕರುಕ್ ಮಜತ್ ಹೊತಾ" ಮನುನ್ ಸಾಂಗ್ಲ್ಯಾನ್, ಮಾನಾ ತ್ಯಾ ತಿನಿ ಜಾನಾನಿಬಿ "ಹಾ, ತಿಯಾ ಸಾಂಗಲ್ಯಾ ಸಾರ್ಕೆಚ್ ಹೊಂವ್ದಿತ್ " ಮಟ್ಲ್ಯಾನಿ.

6 ಮಾನಾ ಅಬ್ರಾಹಾಮ್ ಝೊಪ್ಡ್ಯಾತ್ ಸಾರ್‍ಹಾಕ್ಡೆ ಪಳುನ್ ಜಾವ್ನ್ ಲಗ್ಗುನಾ ತಿನ್ ಸೆರ್ ಬರೆ ಪಿಟ್ಟ್ ಘೆವ್ನ್ ಆಳ್ವುನ್ ಉಲ್ಲಿ ಭಾಕ್ರಿಯಾ ಕರ್ ಮನುನ್ ಸಾಂಗ್ಲ್ಯಾನ್. 7 ಮಾನಾ ತೊ ಗೊಟ್ಯಾಕ್ ಜಾವ್ನ್ ಪುಟ್ಪುಟಿತ್ ಪಾಡ್ಕೊ ಹಾನುನ್ ಲಗ್ಗುನಾ ರಾಂದುಕ್ ಆಳಾಕ್ಡೆ ದಿಲ್ಯಾನ್. 8 ಮಾನಾ ತೆನಿ ರಾಂದಲ್ಲೆ ಮಾಸ್ ಅನಿ ದುದ್ದ್ ಅನಿ ಧಂಯ್ ಹಾನುನ್‍ ತ್ಯಾ ತಿನ್ ಮಾನ್ಸಾಕ್ನಿ ವಾಡ್ಲ್ಯಾನ್, ತೆನಿ ಝಾಡಾಚ್ಯಾ ಬುಡಿ ಬಸುನ್ ಖಾತಾನಾ ತೆಂಚ್ಯಾ ಜಗ್ಗೊಳ್ ಇಬೆ ರ್‍ಹಾವ್ನ್ ತೆಚಿ ಸೆವಾ ಕರಿತ್ ಹೊತ್ತೊ.

9 ಮಾನಾ ಅಬ್ರಾಹಾಮಾಕ್, ತುಜಿ ಬಾಯ್ಕೊ ಸಾರ್‍ಹಾ ಖೈ ಹಾಯ್? ಮನುನ್ ಇಚಾರ್ಲ್ಯಾನಿ, ತನ್ನಾ ಅಬ್ರಾಹಾಮಾನ್ "ತಿ ಝೊಪ್ಡ್ಯಾತ್ ಹಾಯ್" ಮಟ್ಲ್ಯಾನ್.

10 ತನ್ನಾ ತೆಂಚ್ಯಾತ್ ಎಕ್ಲ್ಯಾನ್ ತೆಕಾ ಯೆತಲ್ಯಾ ವರಿಸ್ "ಮಿಯಾ ಹ್ಯಾ ಎಳಾರ್ ಯೆತಾನಾ ತುಜಿ ಬಾಯ್ಕೊ ಸಾರಾಕ್ ಎಕ್ ಝಿಲ್ಗೊ ಹೊಲ್ಲೊ ರ್‍ಹಾತಾ".

ಮನುನ್ ಸಾಂಗ್ಲ್ಯಾನ್. ತಿ ಝೊಪ್ಡ್ಯಾಚ್ಯಾ ದಾರಾಕ್ಡೆಇಬೆ ರ್‍ಹಾವ್ನ್ ತೆನಿ ಸಾಂಗ್ತಲೆ ಸಗ್ಳೆ ಆಯ್ಕಿತ್ ಹೊತ್ತಿ. 11 ಅಬ್ರಾಹಾಮ್ ಅನಿ ಸಾರ್‍ಹಾ ಲೈ ಮಾತಾರಿ ಹೊಲ್ಲೆ, ಅನಿ ಸಾರ್‍ಹಾಕ್ ಪೊರಾ ಹೊತಲೊ ಎಳ್ ಸರುನ್ ಗೆಲ್ಲೊ.

12 ತೆಚ್ಯಾ ವೈನಾ ತೆ ಆಯ್ಕುನ್ ತಿಕಾ ಹಾಸುಕ್ ಯೆವ್ನ್ ಮನಾತುಚ್ ಚಿಂತುನ್ ಮಾತಾರಿಕ್ ಘವಾಕ್ನಾ ನಿಜುಕ್ ಹೊತಾ ಕಾಯ್ ? ಮಾಜೊ ನ್ಹವ್ರೊಬಿ ಮ್ಹಾತಾರೊ ಹೊಲಾ.

13 ತನ್ನಾ ಸರ್ವೆಸ್ಪರ್ ದೆವಾನ್ ಅಬ್ರಾಹಾಮಾಕ್, ಸಾರಾಕ್ "ಮಿಯಾ ಸಾಂಗಲ್ಲೆ ವಿಶ್ವಾಸ್ ಹೊವ್ಕ್ ನಾ ಮನುನ್ ಮಾಕಾ ಪೊರಾ ಹೊತಲೆ ವಾಯಾ ಕಾಯ್?ಮನುನ್ ಕಶ್ಯಾಕ್ ಹಾಸುಲಾ? 14 ಸರ್ವೆಸ್ಪರ್ ದೆವಾಕ್ ಹೊಯ್ ನಸಲ್ಲೆ ಕಾಯ್ಬಿ ಹಾಯ್ ಕಾಯ್? ಮಿಯಾ ಸಾಂಗಲ್ಲ್ಯಾ ಸಾರ್ಕೆ ಯೆತಲ್ಯಾ ವರ್ಸಿ ಹ್ಯಾ ಎಳಾರ್ ತುಜ್ಯಾಕ್ಡೆ ಯೆಲ್ಲ್ಯಾ ತನ್ನಾ ಸಾರ್‍ಹಾಕ್ ಎಕ್ ಪೊರ್ ರ್‍ಹಾತಾ" ಮಟ್ಲ್ಯಾನ್.

15 ಖರೆ ಸಾರಾನ್ ಬ್ಹಿವ್ನ್, "ನಾ ಮಿಯಾ ಹಾಸುಕ್ ನಾ" ಮಟ್ಲಿನ್. ತನ್ನಾ ಸರ್ವೆಸ್ಪರ್ ದೆವಾನ್ "ಹೊಯ್, ತಿಯಾ ಹಾಸ್ಲೆಯ್!" ಮಟ್ಲ್ಯಾನ್.

16 ಮಾನಾ ತೆನಿ ಜಾತಾನಾ ಸೊದೊಮಾಕ್ಡೆ ಜಾತಾನಾ ಅಬ್ರಾಹಾಮ್ ತೆಂಕಾ ಧಾಡುನ್ ದಿವ್ಕ್ ತೆಂಚ್ಯಾ ವಾಂಗ್ಡಾ ಗೆಲೊ. 17 ಮಿಯಾ ಅತ್ತಾ ಕರ್‍ತಲೆ ಕಾಮ್ ಅಬ್ರಾಹಾಮಾಕ್ ಸಾಂಗಿನಸ್ತಾನಾ ಕಸಿ ರಾವ್? ಮನುನ್ ಸರ್ವೆಸ್ಪರ್ ದೆವಾನ್ ಮನಾತುಚ್ ಚಿಂತುನ್ ಘೆಟ್ಲ್ಯಾನ್. 18 ಹೆಚ್ಯಾ ಪಿಳ್ಗಿಕ್ನಾ ಮೊಟ್ಟೆ ಅನಿ ಮಾಹಾನ್ ದೆಶ್ ಹೊಯ್ ಸಾರ್ಕೆ ಕರ್ತಾ, ಅನಿ ತೆಚ್ಯಾ ವೈನಾ ಜಗಾಚ್ಯಾ ಸಗ್ಳ್ಯಾ ಲೊಕಾಂಚಿ ಪಿಳ್ಗಿ ಆಶಿರ್ವಾದ್ ಘೆತಾ. 19 ಅನಿ ತುಜ್ಯಾ ಲೆಕಾಕ್ನಿ ಅನಿ ಪಿಳ್ಗಿಚ್ಯಾಕ್ನಿ ನಿತಿನ್ ಅನಿ ನ್ಯಾಯಾನ್ ಮಾನ್ ದಿವ್ನ್ ಚಲುಕ್ ಮನುನ್ ಮಿಯಾ ತುಕಾ ಎಚುನ್ ಘೆಟ್ಲಾ , ಮಿಯಾ ದಿತಾ ಮಟಲೆ ಫುರಾ ದಿತಾ ಮಟ್ಲ್ಯಾನ್.

20 ಅನಿ ಸೊದೊಮ್ ಅನಿ ಗೊಮೊರಾತ್ಲಿ ಲೊಕಾ ಲೈ ಬುರ್ಶಿ ಮನುನ್ ಲೈಂದಾ ಆಯ್ಕಲ್ಲೊ, ತೆಂಚ್ಯಾ ವಿರೊದ್ ರಡ್ನೆ ಲೈ ಹೊಲಾ, ಅನಿ ತೆಂಚೊ ಪಾಪ್ ಲೈ ಹೊಲಾ. 21 ಮಿಯಾ ಖಾಲ್ತಿ ಉತ್ರುನ್ ಯೆತಾ ಅನಿ ತೆಂಚ್ಯಾ ವಿಶಯಾತ್ಲೆ ರಡ್ನೆ ಮಾಜ್ಯಾಕ್ಡೆ ಪಾವಲ್ಲೆ ಖರೆ ಹೊಯ್ ಕಾಯ್ ನಾ ಮನುನ್ ಬಗ್ತಾ ಮಟ್ಲ್ಯಾನ್.

22 ಖರೆ ತಿ ಘವ್ಮಾನ್ಸಾ ಸೊದೊಮಾಕ್ಡೆ ಚಲಿತ್ ರ್‍ಹಾತಾನಾ, ಅಬ್ರಾಹಾಮ್ ಸರ್ವೆಸ್ಪರ್ ದೆವಾಚ್ಯಾ ಇದ್ರಾಕ್ ಇಬೆ ರ್‍ಹಾತಾ.

23 ಸರ್ವೆಸ್ಪರ್ ದೆವಾಚ್ಯಾ ಇದ್ರಾಕ್ ಅಬ್ರಾಹಾಮ್ ಯೆವ್ನ್ ತಿಯಾ ಬುರ್ಶಾ ಲೊಕಾಕ್ನಿ ನಾಶ್ ಕರ್ತಾನಾ ಬರ್‍ಯಾ ಲೊಕಾಕ್ನಿಬಿ ನಾಶ್ ಕರ್ತೆ ಕಾಯ್ ? 24 ಎಕ್ ಯೆಳಾ ತ್ಯಾ ಶಾರ್‍ಹಾತ್ ಪನ್ನಾಸ್ ಲೊಕಾ ಧರ್ಮಿಸ್ಟ್ ರಾಲ್ಯಾರ್ ತಿಯಾ ತೊ ಶಾರ್ ನಾಶ್ ಕರ್‍ತೆ ಕಾಯ್? ತ್ಯಾ ಪನ್ನಾಸ್ ಲೊಕಾಂಚ್ಯಾ ಸಾಟ್ನಿ ಶಾರ್ ಹುರ್ಯಿ ನ್ಹಯ್ ಕಾಯ್ ಮಟ್ಲ್ಯಾನ್. 25 ಬುರ್ಶಾ ಲೊಕಾಂಚ್ಯಾ ಸಾಟ್ನಿ ಮನುನ್ ಧರ್ಮಿಸ್ಟ್ ಲೊಕಾಕ್ನಿ ನಾಶ್ ಕರಿನೈ, ಎಕ್ ಯೆಳಾ ತಿಯಾ ನಾಶ್ ಕರ್‍ಲೆ ತರ್ ಬುರ್ಶಾಕ್ನಿ ಅನಿ ಬರ್‍ಯಾಕ್ನಿ ಎಕುಚ್ ನಮುನಿ ಬಗಲ್ಯಾ ಗತ್ ಹೊತಾ, ತೆನಿ ದೊಗ್ಯಾಕ್ನಿಬಿ ಶಿಕ್ಷ್ಯಾ ಹೊತಾ, ಅನಿ ತಿಯಾ ಹ್ಯಾ ಜಗಾಕ್ ಝಡ್ತಿ ಕರ್ತಲೊ ಮನುನ್ ಮಾಕಾ ಗೊತ್ತ್ ಹಾಯ್ ಮಟ್ಲ್ಯಾನ್. 26 ಮಾನಾ ಸರ್ವೆಸ್ಪರ್ ದೆವಾನ್ "ತ್ಯಾ ಸೊದೊಮ್ ಶಾರ್‍ಹಾತ್ ಪನ್ನಾಸ್ ಲೊಕಾ ಧರ್ಮಿಸ್ಟ್ ರಾಲ್ಯಾರ್ಬಿ ತೊ ಶಾರ್ ಮಿಯಾ ಹುರ್ವುತಾ," ಮಟ್ಲ್ಯಾನ್.

27 ಮಾನಾ ಅಬ್ರಾಹಾಮಾನ್ ಮಿಯಾ ತುಜ್ಯಾಕ್ನಾ ಅನಿಬಿ ಬೊಲುಲ್ಲಾ ಖರೆ ಮಾಜ್ಯಾ ಹ್ಯಾ ಧರ್ಯಾ ಸಾಟ್ನಿ ಮಾಕಾ ಕ್ಷಮಾ ಕರ್, ಮಿಯಾ ಕೆವಲ್ ಮಾಟಿ ಅನಿ ರಕ್ಕಾ ಮಾಕಾ ಕಾಯ್ಬಿ ಸಾಂಗ್ತಲಿ ಕಿಮ್ಮತ್ ನಾ.

28 ಎಕ್ ಯೆಳಾ ಪಾಂಚ್ ಲೊಕಾ ಕಮ್ಮಿ ಹೊವ್ನ್ ತ್ಯಾ ಪಾಂಚ್ ಲೊಕಾಂಚ್ಯಾ ಸಾಟ್ನಿ ತೊ ಶಾರ್ ನಾಶ್ ಕರ್ತೈ ಕಾಯ್ ? ಮನುನ್ ಸರ್ವೆಸ್ಪರ್ ದೆವಾಕ್ ಇಚಾರ್‍ಲ್ಯಾನಿ . ತನ್ನಾ ಸರ್ವೆಸ್ಪರ್ ದೆವಾನ್ ಮಾಕಾ ಚಾಳಿಸಾರ್ ಪಾಂಚ್ ಲೊಕಾ ಧರ್ಮಿಸ್ಟ್ ರ್‍ಹಾವ್ನ್ ದಿಸ್ಲ್ಯಾರ್ಬಿ ತ್ಯಾ ಶಾರಾಕ್ ಮಿಯಾ ನಾಶ್ ಕರಿನಾ ಮನುನ್ ಸಾಂಗ್ಲ್ಯಾನ್.

29 ಅಬ್ರಾಹಾಮಾನ್ ಅನಿ ಪರ್‍ತುನ್ ಸರ್ವೆಸ್ಪರ್ ದೆವಾಕ್, ತಿಯಾ ತ್ಯಾ ಶಾರ್‍ಹಾತ್ ಚಾಳಿಸ್ ಲೊಕಾ ದಿಸ್ಲ್ಯಾರ್ ನಾಶ್ ಕರಿನೈ ಕಾಯ್ ? ಮನುನ್ ಇಚಾರ್‍ಲ್ಯಾನಿ. ತನ್ನಾ ದೆವ್ ಬಾಬಾನ್ ತೆಕಾ, ಚಾಳಿಸ್ ಲೊಕಾ ಧರ್ಮಿಸ್ಟ್ ದಿಸ್ಲ್ಯಾರ್ಬಿ ತ್ಯಾ ಶಾರಾಕ್ ನಾಶ್ ಕರಿನಾ ಮಟ್ಲ್ಯಾನ್.

30 ಮಾನಾ ಅಬ್ರಾಹಾಮಾನ್ ಸರ್ವೆಸ್ಪರ್ ದೆವಾಕ್, ಮಾಜ್ಯಾ ವರ್‍ತಿ ರಾಗ್ ಹೊವ್ ನಕ್ಕೊ ಮಿಯಾ ಅನಿಬಿ ಬೊಲುಚೆ: ಹ್ಯಾ ಶಾರ್‍ಹಾತ್ ತಿಸ್ ಲೊಕಾ ಧರ್ಮಿಸ್ಟ್ ರಾಲ್ಯಾರ್ಬಿ ತೊ ಶಾರ್ ನಾಶ್ ಕರಿನೈ ಕಾಯ್ ? ತನ್ನಾ ಸರ್ವೆಸ್ಪರ್ ದೆವಾನ್ ತೆಕಾ "ತಿಸ್ ಲೊಕಾ ಧರ್ಮಿಸ್ಟ್ ರಾಲ್ಯಾರ್ಬಿ ತೊ ಶಾರ್ ನಾಶ್ ಕರಿನಾ" ಮಟ್ಲ್ಯಾನ್.

31 ಅನಿಬಿ ಮಾನಾ ಅಬ್ರಾಹಾಮಾನ್, ಮಾಜೊ ಸರ್ವೆಸ್ಪರಾ ದೆವ್ ಮಾಜ್ಯಾ ಧೈರ್ಯಾಕ್ ಸಾಟ್ನಿ ಮಾಕಾ ಕ್ಷಮಾ ಕರ್ ವಿಸ್ ಲೊಕಾ ಧರ್ಮಿಸ್ಟ್ ರಾಲ್ಯಾರ್ಬಿ ಕಾಯ್ ಕರ್‍ತೆ? ಮನುನ್ ಇಚಾರ್‍ಲ್ಯಾನಿ, ತನ್ನಾ ಸರ್ವೆಸ್ಪರ್ ದೆವಾನ್ ವಿಸ್ ಲೊಕ್ ಧರ್ಮಿಸ್ಟ್ ರಾಲ್ಯಾರ್ಬಿ ತೊ ಶಾರಾ ನಾಶ್ ಕರಿನಾ ಮನುನ್ ಸಾಂಗ್ಲ್ಯಾನ್.

32 ಅನಿಬಿ ಅಬ್ರಾಹಾಮಾನ್ ಸರ್ವೆಸ್ಪರ್ ದೆವಾಕ್ ಮಾಜ್ಯಾ ವರ್‍ತಿ ರಾಗ್ ಕರು ನಕ್ಕೊ ಅನಿ ಎಗ್ದಾ ಪರಸ್ನೆ ಇಚಾರ್ತಾ, ಖರೆ ಧಾ ಲೊಕಾ ಧರ್ಮಿಸ್ಟ್ ರಾಲ್ಯಾರ್ ಕಾಯ್ ಕರ್ತೈ? ಮನುನ್ ಇಚಾರ್‍ಲ್ಯಾನಿ, ತನ್ನಾ ಸರ್ವೆಸ್ಪರ್ ದೆವಾನ್ ತ್ಯಾ ಶಾರ್‍ಹಾತ್ ಧಾ ಲೊಕಾ ನಿತಿವಂತ್ ದಿಸ್ಲ್ಯಾರ್ಬಿ ತೊ ಶಾರಾ ಮಿಯಾ ನಾಶ್ ಕರಿನಾ, ಮಟ್ಲ್ಯಾನ್.

33 ಮಾನಾ ಸರ್ವೆಸ್ಪರ್ ದೆವ್ ಅಬ್ರಾಮಾಚ್ಯಾ ವಾಂಗ್ಡಾ ಬೊಲ್ತಲೆ ಸಾರುನ್ ಥೈತ್ನಾ ಗೆಲೊ, ಅನಿ ಅಬ್ರಾಹಾಮ್ ಅಪ್ಲ್ಯಾ ಘರಾಕ್ ಗೆಲೊ.