1 ಅಸೆ ಮಳಬ್ ಅನಿ ಜಿಮಿನ್ ತ್ಯಾತುರ್ ಹೊತ್ತೆ ಸಗ್ಳೆ ರಚುನ್ ಹೊಲೆ. 2 ಅಸೆ ಕರುನ್ ದೆವಾನ್ ಅಪ್ನಾಚ್ಯಾ ಹಾತಿನ್ ರಚ್ತಲೆ ಕಾಮ್ ಸಾರುನ್ ಸಾತ್ವ್ಯಾ ದಿಸಿ ಆರಾಮ್ ಕರ್ಲ್ಯಾನ್. 3 ದೆವಾನ್ ಅಪ್ನಾಚಿ ರಚ್ತಲಿ ಕಾಮಾ ಸಾರುನ್ ಸಾತ್ವೆ ದಿಸಾತ್ ಆರಾಮ್ ಘೆಟಲ್ಲ್ಯಾ ಸಾಟ್ನಿ ತ್ಯಾ ದಿಸಾಕ್ "ಪವಿತ್ರ್ ದಿಸ್" ಮನುನ್ ಆಶಿರ್ವಾದ್ ಕರ್ಲ್ಯಾನ್. 4 ಹಿ ಮಳಬ್ ಅನಿ ಜಿಮಿನ್ ರಚುನ್ ಹೊಲ್ಲಿ ಚರಿತ್ರಾ.

ದೆವಾನ್ ಮಳಬ್ ಅನಿ ಜಿಮಿನ್ ರಚಲ್ಯಾ ತನ್ನಾ, 5 ಜಿಮ್ನಿ ವರ್‍ತಿ ಕಸ್ಲಿಬಿ ಝಾಡಾ ನತ್ತಿ, ಅನಿ ಕಸ್ಲೊಬಿ ಬಾಜಿ ಪಾಲೊ ಉಗ್ವು ನತ್ತೆ, ಕಶ್ಯಾಕ್ ಮಟ್ಲ್ಯಾರ್, ಸರ್ವೆಸ್ಪರ್ ದೆವಾನ್ ಜಿಮ್ನಿ ವರ್‍ತಿ ಪಾವ್ಸ್ ಪಾಡ್ಸುಕ್ ನತ್ತ್ಯಾನ್, ಅನಿ ಜಿಮ್ನಿಚ್ಯಾ ವರ್‍ತಿ ಕಾಮಾ ಕರುಕ್ ಮಾನುಸ್ಬಿ ನತ್ತೊ. 6 ಖರೆ ಜಿಮ್ನಿಚ್ಯಾ ಬುಡ್ನಾ ಪಾನಿಯಾಚಿ ಝರೊ ಯೆವ್ನ್ ಪುರಾ ಜಿಮ್ನಿ ವರ್‍ತಿ ಪಾನಿ ಕರಿ.

7 ಅಸೆ ರ್‍ಹಾತಾನಾ ಸರ್ವೆಸ್ಪರ್ ದೆವಾನ್ ಜಿಮ್ನಿ ವೈಲಿ ಮಾಟಿ ಘೆವ್ನ್ ಮಾನ್ಸಾಕ್ ರಚ್ಲ್ಯಾನ್ ಅನಿ ತೆಚ್ಯಾ ನಾಕಾತ್ ಜಿವಾಚೊ ಶ್ವಾಸ್ ಪುಕ್ಲ್ಯಾನ್, ತನ್ನಾ ತೊ ಝಿತ್ತೊ ಮಾನುಸ್ ಹೊಲೊ.

8 ತವ್ಡೆಚ್ ನಸ್ತಾನಾ ಸರ್ವೆಸ್ಪರ್ ದೆವಾನ್ ಎದೆನಾಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ ಎಕ್ ಮ್ಹಳೊ ತಯಾರ್ ಕರುನ್ ಅಪ್ನಿ ರಚಲ್ಯಾ ಮಾನ್ಸಾಕ್ ಥವ್ಲ್ಯಾನ್.

9 ಅನಿ ಸರ್ವೆಸ್ಪರ್ ದೆವಾನ್ ಖಾವ್ಕ್ ರುಚಿ ಹೊತ್ತೆ ಅನಿ ಬಗುಕ್ ಲೈ ಬರೆ ದಿಸ್ತಲ್ಯಾ ನಾನಾ ನಮುನ್ಯಾಚಿ ಝಾಡಾ ತ್ಯಾ ಮ್ಹಳ್ಯಾತ್ ಉಗಿ ಸಾರ್ಕೆ ಕರ್ಲ್ಯಾನ್, ಅನಿ ತ್ಯಾ ಮಳ್ಯಾಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ ಜಿವಿತಾಚೆ ಝಾಡ್ ಹೊತ್ತೆ ಅನಿ ತೆ ಬರ್ಯೆ ವಾಯ್ಟ್ ಕಳ್ವುತಲೆ ಹೊತ್ತೆ.

10 ತ್ಯಾ ಮ್ಹಳ್ಯಾತ್ ಎಕ್ ನ್ಹಯ್ ಹೊತ್ತಿ ತಿ ಫುರಾ ಮ್ಹಳ್ಯಾಕ್ ಪಾನಿ ದಿತಾ, ಥೈತ್ನಾ ತಿ ನ್ಹಯ್ ಫಾಟೆ ಪುಟುನ್ ಚಾರ್ ಹೊತಾತ್. 11 ಎಕ್ವೆಚ್ಯಾ ಫಾಟ್ಯಾಚೆ ನಾವ್ ಪಿಶೊನ್ ; ತೊ ಸೊನೆ ಗಾವ್ತಲ್ಯಾ ಹವಿಲ್ ದೆಸಾತ್ ಹಂವ್ತಾ. 12 ತ್ಯಾ ದೆಸಾತ್ ಸೊನೆ ಲೈ ಚೊಕ್ಕ್ ಬದೊಲಕ್ ಮನ್ತಲೆ ವಿಶೆಸ್ ಧುಪ್ ಅನಿ ಗೊಮೆಧಿಕ್ ಮನ್ತಲೆ ರತ್ನ್ ಗಾವ್ತಾ. 13 ದೊನ್ವ್ಯಾ ಫಾಟ್ಯಾಚೆ ನಾವ್ ಗಿಯೊನ್, ತೊ ಕುಶ್ ಮನ್ತಲ್ಯಾ ದೆಸಾತ್ ಹಂವ್ತಾ. 14 ತಿನ್ವ್ಯಾ ಫಾಟ್ಯಾಚೆ ನಾವ್ ಟೈಗ್ರಿಸ್; ತೊ ಆಶಿರ್ಯಾ ಮನ್ತಲ್ಯಾ ಅನಿ ದಿಸ್ ಉಗ್ತಲ್ಯಾ ದಿಕ್ಕಾತ್ ಹವ್ತಾ, ಚಾರ್ವ್ಯಾ ಫಾಟ್ಯಾಚೆ ನಾವ್ ಯುಪ್ರಟಿಸ್.

15 ಸರ್ವೆಸ್ಪರ್ ದೆವಾನ್ ತ್ಯಾ ಮಾನ್ಸಾಕ್ ಎದೆನ್ ಮ್ಹಳ್ಯಾತ್ ಘೊಳುಕ್ ಅನಿ ರಾಕುಕ್ ಮನುನ್ ಥವ್ಲ್ಯಾನ್. 16 ಅನಿ ತ್ಯಾ ಮಾನ್ಸಾಕ್ ಸರ್ವೆಸ್ಪರ್ ದೆವಾನ್ "ತಿಯಾ ಹ್ಯಾ ಮಳ್ಯಾತ್ಲೆ ಸಗ್ಳೆ ನಮುನ್ಯಾಚೆ ಫಳ್ ಪಾಜೆ ತವ್ಡೆ ಖಾವ್ಕ್ ಅಡ್ಡಿನಾ, 17 ಖರೆ ಬರ್ಯೆ ಅನಿ ವಾಯ್ಟ್ ಕಳ್ವುತಲ್ಯಾ ಝಾಡಾಚೆ ಫಳ್ ತಿಯಾ ಖಾವ್ಕ್ ನಕ್ಕೊ, ಖಾಲ್ಯಾರ್ ತ್ಯಾಚ್ ದಿಸಾ ಮರುನ್ ಜಾತೆ!" ಮಟ್ಲ್ಯಾನ್.

18 ಅನಿ ಸರ್ವೆಸ್ಪರ್ ದೆವಾನ್, "ಮಾನುಸ್ ಎಕ್ಲೊಚ್ ರ್‍ಹಾತಲೆ ಬರೆ ನ್ಹಯ್ ಮನುನ್ ಮಿಯಾ ತುಕಾ ಸಮಾ ಹೊಯ್ ಸಾರ್ಕೆ ವಾಂಗ್ಡಿನ್ ಕರುನ್ ದಿತಾ" ಮಟ್ಲ್ಯಾನ್. 19 ತನ್ನಾ ಸರ್ವೆಸ್ಪರ್ ದೆವಾನ್ ಜಿಮ್ನಿತ್ಲಿ ಮಾಟಿ ಘೆವ್ನ್ ಜಿಮ್ನಿತ್ ರ್‍ಹಾತಲ್ಯಾ ಹರ್ ಎಕ್ ಜನಾವರಾಕ್ನಿ ಅನಿ ಹರ್ ಎಕ್ ಫಾಂಕ್ರಾಕ್ನಿ ರಚ್ಲ್ಯಾನ್ ಅನಿ ಮಾನ್ಸಾಕ್ಡೆ ನಾವ್ ಥವ್ಕ್ ಮನುನ್ ಹಾನ್ಲ್ಯಾನ್ ಅನಿ ತೆಂಕಾ ಸಗ್ಳ್ಯಾಕ್ನಿ ಮಾನ್ಸಾನ್ ನಾವ್ ಥವ್ಲ್ಯಾನ್ ತೆಂಕಾ ತೆಚ್ ನಾವ್ ರ್‍ಹಾಲೆ. 20 ತ್ಯಾ ಮಾನ್ಸಾನ್ ಜಿಮ್ನಿತ್ ರ್‍ಹಾತಲ್ಯಾ ಸಗ್ಳ್ಯಾ ಜನಾವರಾಕ್ನಿ ಮಳ್ಬಾತ್ ಹುಡ್ತಲ್ಯಾ ಫಾಂಕ್ರಾಕ್ನಿ ಅನಿ ಡಂಗ್ಳಿತ್ಲ್ಯಾ ಸಗ್ಳ್ಯಾ ಕ್ರುರ್ ಜನಾವರಾಕ್ನಿ ನಾವ್ ಥವ್ಲ್ಯಾನ್ ಖರೆ ತೆಕಾ ಸಮಾ ಹೊತಲಿ ವಾಂಗ್ಡಿನ್ ಗಾವ್ಕ್ ನಾ.

21 ತನ್ನಾ ದೆವಾನ್ ಮಾನ್ಸಾಕ್ ಲೈ ನಿಜ್ ಯೆಯ್ ಸಾರ್ಕೆ ಕರ್ಲ್ಯಾನ್, ಅನಿ ತೊ ನಿಜೆತ್ ರ್‍ಹಾತಾನಾ ತೆಚೆ ಪಕ್ಡಿತ್ಲೆ ಹಡ್ಡ್ ಕಾಡ್ಲ್ಯಾನ್ ಅನಿ ತ್ಯಾ ಜಾಗ್ಯಾರ್ ಮಾಸಾನ್ ಧಾಪ್ಲ್ಯಾನ್, 22 ಅನಿ ತೆಚ್ಯಾ ಹಡ್ಡಾನ್ ಎಕ್ ಬಾಯ್ಕೊಮಾನುಸ್ ರಚ್ಲ್ಯಾನ್, ಅನಿ ತಿಕಾ ಹಾನುನ್ ಆದಾಮಾಚ್ಯಾ ಇದ್ರಾಕ್ ಇಬೆ ಕರ್ಲ್ಯಾನ್. 23 ತನ್ನಾ ತೆನಿ ಬಗುನ್,

"ಅತ್ತಾ ಸಮಾ ಹೊಲೆ, ಹಿ ಮಾಜ್ಯಾ ಸಾರ್ಕಿಚ್ ಹಾಯ್, ಹಿ ಮಾಜ್ಯಾ ಹಡ್ಡಾಚೆ ಹಡ್ಡ್, ಅನಿ ಮಾಂಸಾಚೆ ಮಾಸ್! ತಿಚೆ ನಾವ್ ನಾರಿ" ಕಶ್ಯಾಕ್ ಮಟ್ಲ್ಯಾರ್,

ತಿ ಮನ್ಸಾನ್ ರಚಿತ್ ಹೊಲ್ಲಿ ಹಾಯ್ ಮನುನ್ ಸಾಂಗ್ಲ್ಯಾನ್.

24 ಹ್ಯಾ ಕಾರಾನಾ ಸಾಟ್ನಿ ಮಾನುಸ್ ಅಪ್ಲ್ಯಾ ಬಾಯ್ ಬಾಬಾಕ್ ಸೊಡುನ್ ಅಪ್ಲ್ಯಾ ಬಾಯ್ಕೊಕ್ ಮಿಳ್ತಾ, ತೆನಿ ದೊಗೆಬಿ ಎಕುಚ್ ಆಂಗ್ ಹೊತಾತ್.

25 ತೊ ಮಾನುಸ್ ಅನಿ ತೆಚಿ ಬಾಯ್ಕೊ ನಾಗ್ಡೆ ರಾರ್ಲ್ಯಾಬಿ ತೆನಿ ಲಜ್ಜುಕ್ನಾತ್.