1 ದೆವಾನ್ ಜಾಕೊಬಾಕ್, "ತಿಯಾ ಬೆತೆಲ್ ಶಾಹರಾಕ್ ಜಾ, ಅನಿ ಥೈ ವಸ್ತಿ ರಾ, ತುಜೊ ಭಾವ್ ಎಸಾವಾಕ್ ಭಿಂವ್ನ್ ಪಳುನ್ ಜಾತಾನಾ ತುಕಾ ದರ್ಶನ್ ದಿಲ್ಲ್ಯಾ ದೆವಾಕ್ ಎಕ್ ಬಲಿ ಭೆಟ್ವುತಲೊ ಕಟ್ಟೊ ಭಾಂದ್" ಮಟ್ಲ್ಯಾನ್.

2 ತೆಚ್ಯಾ ವೈನಾ ಜಾಕೊಬಾನ್ ಅಪ್ಲ್ಯಾ ಕುಟ್ಮಾಚ್ಯಾ ಲೊಕಾಕ್ನಿ ಅನಿ ಸೆವಕಾಕ್ನಿ, ತುಮ್ಚಿ ದುಸ್ರ್ಯಾ ದೆವಾಂಚಿ ಮುರ್ತಿಯಾ ಸಗ್ಳಿ ಭಾಯ್ರ್ ಘಾಲಾ, ಅನಿ ತುಮಿ ಪವಿತ್ರ್ ಹೊವ್ನ್ ನಿತಳ್ ಕಪ್ಡೆ ನೆಸುನ್ ಘೆವಾ.

3 ಅನಿ ಯೆವಾ ಅಮಿ ಹ್ಯೊ ಜಾಗೊ ಸೊಡುನ್ ಬೆತಲಿಕ್ ಜಾಂವಾ; ಅನಿ ಮಿಯಾ ಜಾತಲ್ಯಾಕ್ಡೆ ಮಾಜ್ಯಾ ವಾಂಗ್ಡಾ ರ್‍ಹಾವ್ನ್, ಮಿಯಾ ತರಾಸಾತ್ ರ್‍ಹಾತಾನಾ ಮಜತ್ ಕರಲ್ಯಾ ದೆವಾಕ್ ಎಕ್ ಬಲಿ ಭೆಟ್ವುತಲೊ ಕಟ್ಟೊ ಭಾಂದ್ತಾ, ಮಟ್ಲ್ಯಾನ್. 4 ಮಾನಾ ತೆನಿ ಜಾಕೊಬಾಕ್ ತೆಂಚ್ಯಾಕ್ಡೆ ಹೊತ್ತಿ ದುಸ್ರ್ಯಾ ದೆವಾಚ್ಯಾ ಮುರ್ತಿಯಾಕ್ನಿ ಅನಿ ತೆಂಚ್ಯಾ ಕಾನಾತ್ಲಿ ಫುಲ್ಲಾ ಸಗ್ಳಿ ಕಾಡುನ್ ದಿಲ್ಯಾನಿ, ತೆನಿ ತೆ ಸಗ್ಳೆ ಘೆವ್ನ್ ಶೆಕೆಮಾಚ್ಯಾ ಜಗೊಳ್ಯಾ ಒಕ್ ಝಾಡಾಚ್ಯಾ ಬುಡಿ ಪುರ್ಲ್ಯಾನ್.

5 ಮಾನಾ ಜಾಕೊಬ್ ಅನಿ ತೆಚಿ ಲೆಕಾ ಜಾತಾನಾ ಜಗ್ಗೊಳ್ಯಾ ಶಾಹಾರಾಚ್ಯಾ ಲೊಕಾಕ್ನಿ ದೆವಾಚ್ಯಾ ವರ್‍ತಿ ಲೈ ಭಿಂಯೆ ಹೊತ್ತ್ಯಾ ವೈನಾ ತೆನಿ ತೆಂಕಾ ಫಾಟ್ ಲಾಗುನ್ ಜಾವ್ಕ್ ನಾತ್. 6 ಮಾನಾ ಜಾಕೊಬ್ ಅನಿ ತೆಚಿ ಲೊಕಾ ಅತ್ತ್ಯಾಚ್ಯಾ ಬೆತೆಲ್ ಗಾವ್ಚ್ಯಾ ಕಾನಾನ್ ದೆಶಾಚ್ಯಾ ಲುಜಿಕ್ ಜಾವ್ನ್ ಪಾವ್ಲ್ಯಾನಿ. 7 ತೊ ಅಪ್ಲ್ಯಾ ಭಾವಾಕ್ನಾ ಚುಕ್ವುನ್ ಘೆವ್ನ್ ಪಳುನ್ ಜಾತಾನಾ, ಸರ್ವೆಸ್ಪರ್ ದೆವಾನ್ ತೆಕಾ ಅದ್ದಿ ದರ್ಶನ್ ದಿಲ್ಲೊ ಜಾಗೊ ಹೊಲ್ಲೊ ರ್‍ಹಾತಾ, ತನ್ನಾ ತೆನಿ ಥೈ ಎಕ್ ಬಲಿ ಭೆಟ್ವುತಲೊ ಕಟ್ಟೊ ಭಾಂದುನ್, ತ್ಯಾ ಜಾಗ್ಯಾಕ್ "ಎಲ್ ಬೆತೆಲ್" ಮನುನ್ ನಾವ್ ಥವ್ಲ್ಯಾನ್. 8 ಮಾನಾ ರೆಬೆಕ್ಕಾಚಿ ಸುಯಿನ್ ದೆಬೊರಾ ತ್ಯಾ ಗಾಂವಾತ್ ಮರುನ್ ಗೆಲಿ, ತೆನಿ ತಿಕಾ ಬೆತೆಲಾಚ್ಯಾ ದಕ್ಷಿನಾಕ್ ಎಕ್ ಝಾಡಾಚ್ಯಾ ಬುಡಿ ಮಾಟಿ ದಿಲ್ಯಾನಿ, ಮಾನಾ ತ್ಯಾ ಜಾಗ್ಯಾಕ್ "ಅಲ್ಲೊನ್ ಬಾಕುತ್ " ಮನುನ್ ನಾವ್ ಥವ್ಲ್ಯಾನಿ.

9 ದೆವಾನ್ ಜಾಕೊಬಾಕ್ ಪದ್ದಾನ್ ಅರಾಮಿಕ್ನಾ ಪರ್‍ತುನ್ ಯೆಲ್ಲ್ಯಾ ಮಾನಾ ತೆಕಾ ಅನಿಬಿ ದರ್ಶನ್ ದಿವ್ನ್ ಆಶಿರ್ವಾದ್ ದಿಲ್ಯಾನ್. 10 ದೆವಾನ್ ಜಾಕೊಬಾಕ್, ತುಜೆ ನಾವ್ ಜಾಕೊಬ್ ನೈ ಕಾಯ್ ? ಖರೆ ತಿಯಾ ಹೆಚ್ಯಾನ್ ಫಿಡೆ ಜಾಕೊಬ್ ಹೊವ್ನ್ ರಾಯ್‍ ನಸ್ತಾನಾ ಇಜ್ರಾಯೆಲ್ ಹೊವ್ನ್ ರಾವ್ಚೊ, ತಸೆ ಹೊವ್ನ್ ತೆಕಾ ಇಜ್ರಾಯೆಲ್ ಮನುನ್ ನಾವ್ ಹೊಲೆ. 11 ಮಾನಾ ದೆವಾನ್ ತೆಕಾ, ಮಿಯಾಚ್ ಸರ್ವೆಸ್ಪರ್ ದೆವ್, ತುಕಾ ಲೈ ಪೊರಾ ಹೊವ್ನ್ ತುಜಿ ಪಿಳ್ಗಿ ಲೈ ವಾಡುನ್ ಮೊಟೊ ತಾಂಡೊ ಹೊತಾ ಅನಿ ತುಜ್ಯಾ ಪಿಳ್ಗಿತ್ನಾ ರಾಜಾ ಉಪಾಜ್ತಾತ್, 12 ಅನಿ ಮಿಯಾ ಅಬ್ರಾಹಾಮಾಕ್ ಅನಿ ಇಸಾಕಾಕ್ ಎಕ್ ವಿಶೆಸ್ ದೆಶ್ ದಿಲ್ಲೊ, ಅತ್ತಾ ಮಿಯಾ ತುಕಾ ಅನಿ ತುಜ್ಯಾ ಫಿಡ್ಲ್ಯಾ ಪಿಳ್ಗಿಕ್ ತೊ ದೆಶ್ ದಿತಾ ಮಟ್ಲ್ಯಾನ್.

13 ಮಾನಾ ದೆವ್ ತೆಚ್ಯಾ ವಾಂಗ್ಡಾ ಬೊಲುನ್, ತ್ಯಾ ಜಾಗ್ಯಾವೈನಾ ವರ್‍ತಿ ಗೆಲೊ. 14 ಮಾನಾ ಜಾಕೊಬಾನ್ ತೊ ಜಾಗೊ ವಿಶೆಸ್ ಮನುನ್ ತ್ಯಾ ಜಾಗ್ಯಾರ್ ಎಕ್ ಗುಂಡೊ ಇಬೆ ಕರುನ್ ತೆಕಾ ಒಲಿವಾಚೆ ತೆಲ್ ಅನಿ ವಾಯ್ನ್ ಒತುನ್ ಪವಿತ್ರ್ ಕರ್ಲ್ಯಾನ್.

15 ಮಾನಾ ತೆನಿ ದೆವಾನ್ ಮಾಜ್ಯಾ ವಾಂಗ್ಡಾ ಬೊಲ್ಲ್ಯಾನ್ ಮನುನ್ ತ್ಯಾ ಜಾಗ್ಯಾಕ್ "ಬೆತೆಲ್" ಮನುನ್ ನಾವ್ ಥವ್ಲ್ಯಾನ್.

16 ಮಾನಾ ಜಾಕೊಬ್ ಅನಿ ತೆಚಿ ಲೊಕಾ ಬೆತ್ಲೆಹೆಮಾತ್ ಎಪ್ರಾಹಾತ್ ಮನ್ತಲ್ಯಾ ಗಾಂವಾಕ್ ಜಾವ್ಚೆ ಮನುನ್ ಹೊತ್ತ್ಯಾ ಎಳಾರ್, ರಾಖೆಲಾಕ್ ಲೈ ಮೊಟೊ ಪೊರ್ ಉಪಾಜ್ತಲೊ ತರಾಸ್ ಶುರು ಹೊಲೊ, 17 ಖರೆ ತಿಕಾ ತರಾಸ್ ಸೊಸುನ್ಗೆವ್ಕ್ ಹೊಯ್ನಸಿ ತನ್ನಾ ತಿಜಾ ಸುಯಿನಿನ್ ತಿಕಾ, "ರಾಖೆಲ್ ಬ್ಹಿಂವ್ ನಕ್ಕೊ, ತಿಯಾ ಅನಿ ಎಕ್ ಝಿಲ್ಗ್ಯಾಕ್ ಜಲಮ್ ದಿವ್ಲೆ" ಮಟ್ಲಿನ್. 18 ತಿ ಜಿವ್ ಸೊಡ್ತಾ ಸೊಡ್ತಾನಾಚ್ ತೆಕಾ ತಿನಿ ಬೆನೊನಿ ಮನುನ್ ನಾವ್ ಥವ್ಲಿನ್, ಖರೆ ತೆಜಾ ಬಾಬಾನ್ ತೆಕಾ ಬೆಂಜ್ಯಾಮಿನ್ ಮನುನ್ ನಾವ್ ಥವ್ಲ್ಯಾನ್.

19 ರಾಖೆಲ್ ಮರುನ್ಗೆಲಿ, ಅನಿ ತಿಕಾ ಎಪ್ರಾಹಾತಾಕ್ ಜಾತಲ್ಯಾ ವಾಟೆಕುಚ್ ಮಾಟಿ ಕರ್ಲ್ಯಾನಿ ತ್ಯಾ ಜಾಗ್ಯಾಕ್ ಅತ್ತಾ ಬೆತ್ಲೆಹೆಮ್ ಮನ್ತ್ಯಾತ್.

20 ಮಾನಾ ರಾಖೆಲಾಚ್ಯಾ ಸಾರಿಚ್ಯಾ ವರ್‍ತಿ ಜಾಕೊಬಾನ್ ಎಕ್ ವಿಶೆಸ್ ಖಾಂಬೊ ಥಲ್ಲ್ಯಾನ್, ಅತ್ತಾಬಿ ತೊ ಗುಂಡೊ ಥೈಚ್ ಹಾಯ್, ಅಜುನ್ ಪತರ್ಬಿ ರಾಖೆಲಾಚಿ ಸಮಾಧಿ ಮನುನ್ ಬಲ್ವುತಾತ್. 21 ಮಾನಾ ಇಜ್ರಾಯೆಲ್ ಫಿಡೆ ಜಾವ್ನ್ "ಮಿಗ್ದಲ್ ಎದರ್" ಗೊಪುರಾಚ್ಯಾ ಜಗ್ಗೊಳ್ ಝೊಪ್ಡೆ ಭಾಂದುನ್ ಘೆಟ್ಲ್ಯಾನ್.

22 ಮಾನಾ ಲೈ ಎಳ್ ಪತರ್ ಇಜ್ರಾಯೆಲ್ ಥೈ ವಸ್ತಿ ಹೊತ್ತೊ ಅನಿ ತೆಕಾ ಬಾರಾ ಲೆಕಾ ರ್‍ಹಾತಾತ್,

ತನ್ನಾ ಅಪ್ಲಿ ಅನಿ ಎಕ್ ಬಾಯ್ಕೊ ಬಿಲ್ಹಾ ವಾಂಗ್ಡಾ ರುಬೆನಾನ್ ನಿಜಲ್ಲಿ ಖಬರ್ ಆಯ್ಕುನ್ ತೆಕಾ ಲೈ ರಾಗ್ ಯೆತಾ, 23 ಲೆಯಾಚಿ ಲೆಕಾ, ಜಾಕೊಬಾಚೊ ಥೊರ್ಲೊ ಲೆಕ್ ರುಬೆನ್, ಸಿಮಿಯೊನ್, ಲೆವಿ, ಜೆಹುದ್, ಇಸ್ಸಾಕಾರ್, ಅನಿ ಜೆಬೊಲೊನ್. 24 ರಾಖೆಲಾಚಿ ಲೆಕಾ ಜೊಸೆಪ್ ಅನಿ ಬೆಂಜ್ಯಾಮಿನ್. 25 ಅನಿ ರಾಖೆಲಾಚಿ ದಾಸಿ ಬಿಲ್ಹಾಚಿ ಲೆಕಾ: ದಾನ್ ಅನಿ ನಪ್ತಾಲಿ. 26 ಅನಿ ಲೆಯಾಚಿ ದಾಸಿ ಜಿಲ್ಪಾಚಿ ಲೆಕಾ: ಗಾದ್ ಅನಿ ಆಶೆರ್, ಹೆನಿ ಸಗ್ಳೆ ಜಾಕೊಬ್ ಪದ್ದನ್ ಅರಾಮಿತ್ ರ್‍ಹಾತಾನಾ ಉಪಾಜಲ್ಲಿ ಲೆಕಾ.

27 ಜಾಕೊಬ್ ಅಪ್ಲೊ ಬಾಬಾ ಇಸಾಕ್ ಹೊತ್ತ್ಯಾ ಕಡೆ ಯೆಲೊ, ಮಾಮ್ರೆ ಹೆಬ್ರೊನ್ ಮನ್ತಲ್ಯಾ ಕಿರ್ಯತರ್ಬಾತ್ ಹಾಯ್ ಅಬ್ರಾಹಾಮ್ ಅನಿ ಇಸಾಕ್ ತ್ಯಾ ಗಾಂವಾತ್ ವಸ್ತಿ ರಾಯ್ತ್. 28 ಮಾನಾ ಇಸಾಕಾನ್ ಎಕ್ಸೆ ಆಯ್ಸಿ ವರಿಸ್ ಝಿತ್ತೊ ರಾಲೊ. 29 ಅನಿ ಇಸಾಕಾಕ್ ಲೈ ವರ್ಸಾಚೊ ಮ್ಹಾತಾರೊ ಹೊವ್ನ್ ಫುರಾ ಆಯ್ಸ್ ಭರುನ್ ಮರುನ್ ಅಪ್ಲ್ಯಾ ವಾಡ್ ವಡ್ಲಾಕ್ನಿ ಜಾವ್ನ್ ಮಿಳ್ಳೊ, ತೆಚಿ ಲೆಕಾ ಎಸಾವ್ ಅನಿ ಜಾಕೊಬಾನ್ ತೆಕಾ ಮಾಟಿ ದಿಲ್ಯಾನಿ.