ಉತ್ಪತ್ತಿ 36

ಎಸಾವಾಚಿ ಪಿಳ್ಗಿ

1 ಹಿ ಎದೊಮ್ ಮನ್ತಲ್ಯಾ ಎಸಾವಾಚಿ ವಂಶಾವಳಿ; 2 ಎಸಾವಾನ್ ಕಾನಾನ್ ಲೊಕಾಂಚ್ಯಾ ಬಾಯ್ಕಾ ಮಾನ್ಸಾತ್ನಿ ಲಗಿನ್ ಕರುನ್ಗೆಟ್ಲ್ಯಾನ್ ತಿ, ಹಿತ್ತಿಯಾಂಚ್ಯಾ ಎಲೊನಾಚಿ ಲೆಕ್ ಆದಾ, ಹಿವಿಯಾಂಚ್ಯಾ ಸಿಬೊನಾಚೊ ಲೆಕ್ ಅನಾಹಾಚಿ ಲೆಕ್ ಒಹೊಲಿಬಾಮ್, 3 ಅನಿ ಇಸ್ಮಾಯೆಲಾಚಿ ಲೆಕ್ ಅನಿ ನೆಬಾಯೊತಾಚಿ ಭೆನ್ ಬಾಸೆಮತ್. 4 ಎಸಾವಾಕ್ ಆದಾ ಮನ್ತಲಿಕ್ ಎಲಿಫಜ್, ಅನಿ ಬಾಸೆಮತಾಕ್ ರೆಗುವೆಲ್ ಉಪಜ್ಲೊ. 5 ಒಹೊಲಿಬಾಮಾಕ್ ಯೆಗುಶ್, ಯೆಳಾಮ್ ಅನಿ ಕೊರಹ್ ಉಪಾಜ್ಲೆ ಹೆನಿ ಸಗ್ಳೆ ಜಾನಾಬಿ ಎಸಾವ್ ಕಾನಾನಾಂಚ್ಯಾ ಗಾಂವಾತ್ ಹೊತ್ತ್ಯಾ ತನ್ನಾ ಉಪಾಜ್ಲೆ.

6 ಎಸಾವಾನ್ ಅಪ್ಲಿ ಬಾಯ್ಕಾ ಅನಿ ಪೊರಾಕ್ನಿ ಅನಿ ಅಪ್ಲ್ಯಾ ಘರಾಕ್ ಸಮಂದ್ ಪಡಲ್ಯಾ ಸಗ್ಳ್ಯಾಕ್ನಿಬಿ, ಅನಿ ಅಪ್ನಾಕ್ ಹೊತ್ತಿ ಜನಾವರಾ, ಕಾನಾನ್ ಗಾಂವಾತ್ ತೆನಿ ಖಮ್ವಲ್ಲಿ ಆಸ್ತಿ ಸಗ್ಳಿ ಘೆವ್ನ್ ಅಪ್ಲೊ ಭಾವ್ ಜಾಕೊಬಾಚ್ಯಾ ಜಗ್ಗೊಳ್ನಾ ದುಸ್ರಾ ದೆಸಾಕ್ ಗೆಲೊ, 7 ತೆಂಚಿ ಆಸ್ತಿ ಲೈ ಹೊತ್ತ್ಯಾ ಸಾಟ್ನಿ ತೆನಿ ದೊಗೆಬಿ ಎಕುಚ್ ಜಗ್ಯಾರ್ ರಾವ್ಕ್ ಹೊವ್ಕ್ನಾ, ತೆಂಚ್ಯಾಕ್ಡೆ ಹೊತ್ತಿ ಜನಾವರಾ ಲೈ ಹೊಲ್ಲ್ಯಾ ವೈನಾ ತೆನಿ ವಸ್ತಿ ಹೊತ್ತೊ ಜಾಗೊ ತೆಂಕಾ ಪಾವ್ಕ್ನಾ. 8 ಹೆಜ್ಯಾ ವೈನಾ ಎದೊಮ್ ಮನ್ತಲೊ ಎಸಾವ್ ಸೆಯಿರ್ ಮಡ್ಡಿಚ್ಯಾ ಜಾಗ್ಯಾಕ್ ಜಾವ್ನ್ ಥೈಚ್ ವಸ್ತಿ ರಾಲೊ.

9 ಸೆಯಿರಾಂಚ್ಯಾ ಮಡ್ಡಿತ್ ಹೊತ್ತ್ಯಾ ಎದೊಮ್ಯಾಂಚೊ ವಾಡ್ ವಡಿಲ್ ಎಸಾವಾಚಿ ವಂಶಾವಳಿ ಅಸಿ ಹಾಯ್, 10 ಎಸಾವಾಚಿ ಬಾಯ್ಕೊ ಆದಾ ಮನ್ತಲಿಕ್ ಎಲಿಫಜ್, ಅನಿ ಬಾಸೆಮತ್ ಮನ್ತಲಿಕ್ ರೆಗುಯೆಲ್ ಮನ್ತಲೊ ಲೆಕ್ ಉಪಜ್ಲೊ. 11 ಎಲಿಫಜಾಕ್ ತೆಮಾನ್, ಒಮಾರ್, ಚೆಪೊ, ಗತಾಮ್ ಅನಿ ಕೆನಜ್ ಮನ್ತಲಿ ಪಾಂಚ್ ಪೊರಾ, 12 ಎಸಾವಾಚೊ ಲೆಕ್ ಎಲಿಫಜಾಕ್ ತಿಮ್ನಾ ಮನ್ತಲಿ ದೊನ್ವಿ ಬಾಯ್ಕೊ ಹೊತ್ತಿ, ತಿಕಾ ಅಮಾಲೆಕಾ ಮನ್ತಲೊ ಲೆಕ್ ಉಪಜ್ಲೊ ,

ಹೆನಿ ಎಸಾವಾಚಿ ಬಾಯ್ಕೊ ಆದಾಚಿ ಪಿಳ್ಗಿ ಚೆ, 13 ರೆಗುಯೆಲಾಕ್ ನಹತ್, ಜೆರಹ್, ಶಮ್ಮಾ, ಅನಿ ಮಿಜ್ಜಾ ಮನ್ತಲಿ ಚಾರ್ ಪೊರಾ ಹೆನಿ ಎಸಾವಾಚಿ ಬಾಯ್ಕೊ ಬಾಸೆಮತ್ ಮನ್ತಲಿಚ್ಯಾ ಪಿಳ್ಗಿಚೆ.

14 ಎಸಾವಾಚಿ ಬಾಯ್ಕೊ ಸಿಬೆಯೊನಾಚೊ ಲೆಕ್ ಅನಾಹಾಚಿ ಲೆಕ್ ಒಹೊಲಿಬಾಮಾ ಮನ್ತಲಿಕ್ ಯೆಗುಶ್, ಯೆಳಾಮ್ ಅನಿ ಕೊರಹ್ ಮನ್ತಲಿ ತಿನ್ ಪೊರಾ ಹೊತ್ತಿ,

15 ಎಸಾವಾಚ್ಯಾ ಪಿಳ್ಗಿಚ್ಯಾ ಘರಾನಾಚಿ ವಾಡ್ ವಡ್ಲಾ; ಎಸಾವಾಚೊ ಥೊರ್ಲೊ ಲೆಕ್ ಎಲಿಫಜಾಕ್ನಾ ತೆಮಾನ್, ಒಮಾರ್, ಚೆಪೊ, ಕೆನೆಜ್ ಅನಿ

16 ಕೊರಹ್, ಗತಾಮ್, ಅಮಾಲೆಕ್ ಮನ್ತಲಿ ಘರಾನಾಚಿ ವಾಡ್ ವಡಿಲಾ ಉಪಜ್ಲಿ , ಹಿ ಅಧಿಪತಿ ಲೊಕಾ ಎದೊಮ್ಯಾಂಚ್ಯಾ ಗಾಂವಾತ್ ಆದಾಚ್ಯಾ ಪಿಳ್ಗಿತ್ ಉಪಜ್ಲಿ.

17 ಎಸಾವಾಚೊ ಲೆಕ್ ರೆಗುಯೆಲಾಕ್ ನಹತ್, ಜೆರಹ್, ಶಮ್ಮಾ, ಅನಿ ಮಿಜ್ಜಾ ಮನ್ತಲಿ ಘರಾನಾಚಿ ವಾಡ್ ವಡಿಲಾ ಉಪಜ್ಲಿ, ಹೆನಿ ಎದೊಮ್ಯಾಂಚ್ಯಾ ಗಾಂವಾತ್ ಎಸಾವಾಚಿ ಬಾಯ್ಕೊ ಬಾಸೆಮತ್ ಮನ್ತಲಿಚ್ಯಾ ಪಿಳ್ಗಿತ್ ಉಪಾಜ್ಲೆ.

18 ಎಸಾವಾಚಿ ಬಾಯ್ಕೊ ಒಹೊಲಿಬಾಮ್ ಮನ್ತಲಿಚ್ಯಾ ಪಿಳ್ಗಿತ್ ಉಪಾಜಲ್ಲೆ ಘರಾನಾಚಿ ಜಾಂಟಿ ಲೊಕಾ ಕೊನ್ ಮಟ್ಲ್ಯಾರ್, ಯೆಗುಶ್, ಯೆಳಾಮ್, ಅನಿ ಕೊರಹ್ ಹೆನಿಚ್ ಅನಾಹಾಚಿ ಲೆಕ್ ಎಸಾವಾಚಿ ಬಾಯ್ಕೊ ಹೊವ್ನ್ ಹೊತ್ತಿ ಒಹೊಲಿಬಾಮಾಚ್ಯಾ ಪಿಳ್ಗಿಚೆ. 19 ಎದೊಮ್ಯಾಂಚೆ ಹೊವ್ನ್ ಹೊತ್ತ್ಯಾ ಎಸಾವಾಚ್ಯಾ ಪಿಳ್ಗಿಚ್ಯಾ ಘರಾನೆಕ್ನಿ ವಾಡ್ ವಡಿಲಾ ಹೆನಿಚ್.

ಸೆಯಿರಾಚಿ ಪಿಳ್ಗಿ

20 ತ್ಯಾ ಗಾಂವ್ಚಿ ವಾಡ್ ವಡಿಲಾ ಹೊರಿಯಾ ಮನ್ತಲ್ಯಾ ಸೆಯಿರಾಕ್ನಾ ಉಪಾಜಲ್ಲೆ, ಲೊಟಾನ್, ಸೊಬಾಲ್, ಸಿಬೆಯೊನ್ ಅನಿ ಅನಾಹ್, 21 ದಿಶೊನ್, ಎಚೆರ್, ದಿಸಾನ್, ಎದೊಮ್ಯಾಂಚ್ಯಾ ಗಾಂವಾತ್ ಸೆಯಿರಾಚ್ಯಾ ಪಿಳ್ಗಿಚ್ಯಾ ಹೊರಿಯಾತ್ನಿ ಉಪಾಜಲ್ಲೆ ಫುಡಾರಿ ಹೆನಿಚ್.

22 ಲೊಟಾನಾಕ್ ಹೊರಿ ಅನಿ ಹೆಮಾಮ್ ಮನ್ತಲಿ ಪೊರಾ ಹೊತ್ತಿ ಅನಿ ತಿಮ್ನಾ ಮನ್ತಲಿ ಎಕ್ ಭೆನ್ ಬಿ ಹೊತ್ತಿ.

23 ಅಲ್ವಾನ್, ಮಾನಹತ್, ಗೆಬಾಲ್ ಅನಿ ಶೆಪೊ, ಒನಾಮ್ ಮನ್ತಲಿ ಸೊಬಾಲಾಚಿ ಪೊರಾ.

24 ಸಿಬೆಯೊನಾಕ್ ಅಯ್ಯಾ ಅನಿ ಅನಾಹ್ ಮನ್ತಲಿ ದೊನ್ ಲೆಕಾ ಹೊತ್ತಿ ಹ್ಯಾ ಅನಾಹ್ ಮನ್ತಲ್ಯಾನುಚ್ ಸಿಬಿಯೊನಾಚಿ ಬಾಬಾಚಿ ಶೆಳಿಯಾ ರಾಕ್ತಾನಾ ಡಂಗ್ಳಿತ್ ಹುನ್ನ್ ಪಾನಿಯಾಚಿ ಝರೊ ಹುಡ್ಕುನ್ ಕಾಡಲ್ಯಾನ್. 25 ಅನಾಹಾಚಿ ಪೊರಾ ದಿಶೊನ್, ಅನಿ ಲೆಕ್ ಒಹೊಲಿಬಾಮಾ ಮನ್ತಲಿ. 26 ದಿಶೊನಾಚಿ ಪೊರಾ ಹೆಮ್ದಾನ್, ಎಶ್ಬಾನ್ ಅನಿ ಎತ್ರಾನ್, ಕೆರಾನ್.

27 ಎಚೆರ್ ಮನ್ತಲ್ಯಾಚಿ ಲೆಕಾ ಬಿಲ್ಹಾನ್, ಜಾವಾನ್, ಅನಿ ಅಕಾನ್.

28 ದಿಸಾನಾಚಿ ಲೆಕಾ ಉಚ್ ಅನಿ ಅರಾನ್,

29 ಹೆನಿ ಸಗ್ಳ್ಯಾನಿ ಹೊರಿಯಾಂಚ್ಯಾಕ್ನಾ ಉಪಾಜಲ್ಲೆ ಖಂದಾನಾಚೆ ಫುಡಾರಿ; ಲೊಟಾನ್, ಸೊಬಾಲ್, ಸಿಬೆಯೊನ್, ಅನಾಹ್, 30 ದಿಶೊನ್, ಎಚೆರ್, ಅನಿ ದಿಸಾನ್ ಹೊರಿಯಾಂಚ್ಯಾಕ್ನಾ ಉಪಾಜುನ್ ಸೆಯಿರ್ ಮನ್ತಲ್ಯಾ ಗಾಂವಾತ್ ರಾಜ್ವಾಡ್ಕಿ ಚಾಲ್ವಲ್ಲೆ ವಾಡ್ ವಡಿಲಾ ಹೆನಿಚ್.

ಎದೊಮಾಚೆ ರಾಜಾ

31 ಇಜ್ರಾಯೆಲಾಂಚ್ಯಾ ರಾಜ್ಯಾನಿ ರಾಜ್ವಡ್ಕಿ ಕರುಚ್ಯಾ ಪೈಲೆ ಎದೊಮ್ಯಾಂಚ್ಯಾ ಗಾಂವಾತ್ ರಾಜ್ವಡ್ಕಿ ಕರಲ್ಯಾ ರಾಜ್ಯಾಂಚಿ ನಾಂವಾ ಅಸಿ ಹಾತ್;

32 ಬೆಯೊರಾಚೊ ಲೆಕ್ ಬಗಲಾನ್ ದಿನ್ಹಾಬ್ ಮನ್ತಲ್ಯಾ ರಾಜಧಾನಿತ್ ಎದೊಮ್ಯಾತ್ನಿ ರಾಜ್ವಡ್ಕಿ ಕರ್ಲ್ಯಾನ್,

33 ಬೆಗಲಾಚೆ ಮರಾನ್ ಹೊಲ್ಯಾ ಮಾನಾ ಚೊದ್ರಾಚ್ಯಾ ಜೆರಹ್ ಮನ್ತಲ್ಯಾಚೊ ಲೆಕ್ ಜೊಬಾಬ್ ಮನ್ತಲೊ ರಾಜ್ವಡ್ಕಿ ಚಾಲ್ವುಕ್ ಯೆಲೊ,

34 ಜೊಬಾಬ್ ಮನ್ತಲ್ಯಾಚೆ ಮರಾನ್ ಹೊಲ್ಯಾ ಮಾನಾ ತೆಮಾನೊಯಾಂಚ್ಯಾ ದೆಶಾಚೊ ಹುಶಾಮ್ ಮನ್ತಲ್ಯಾನ್ ತೆಚ್ಯಾ ಬದ್ಲಾಕ್ ರಾಜ್ವಡ್ಕಿ ಚಾಲ್ವುಲ್ಯಾನ್.

35 ಹ್ಯೊ ಹುಶಾಮ್ ಮರ್ಲ್ಯಾ ಮಾನಾ ಮೊವಾಬ್ಯಾಂಚ್ಯಾ ಗಾಂವಾತ್ ಮಿದಾನ್ಯಾಕ್ನಿ ಹರ್ವಲ್ಲ್ಯಾ ಬದದ್ ಮನ್ತಲ್ಯಾಚೊ ಲೆಕ್ ಹದದ್ ರಾಜಾ ಹೊಲೊ, ತೆಚ್ಯಾ ಶಹಾರಾಚೆ ನಾವ್ ಆವಿತ್.

36 ಹದದ್ ಮರ್ಲ್ಯಾ ಮಾನಾ ಮೆಸ್ರಕ್ ಮನ್ತಲ್ಯಾ ಗಾಂವ್ಚೊ ಸಮ್ಲಾ ಮನ್ತಲೊ ರಾಜ್ವಡ್ಕಿಕ್ ಯೆಲೊ.

37 ಸಮ್ಲಾ ಮರ್ಲ್ಯಾ ಮಾನಾ ನ್ಹೈಚ್ಯಾ ದಂಡೆ ವೈಲ್ಯಾ ರೆಹಬೊತ್ ಶರಾಚೊ ಸಾವುಲ್ ರಾಜಾ ಹೊಲೊ,

38 ಸಾವುಲ್ ಮರ್ಲ್ಯಾ ಮಾನಾ ಅಕ್ಬೊರಾಚೊ ಲೆಕ್ ಬಾಲ್ ಹಾನಾನ್ ಮನ್ತಲೊ ರಾಜಾ ಹೊಲೊ, 39 ಅಕ್ಬೊರಾಚೊ ಲೆಕ್ ಬಾಲ್ ಹಾನಾನ್ ಮರ್ಲ್ಯಾ ಮಾನಾ ಹದದ್ ರಾಜಾ ಹೊಲೊ, ತೆಚ್ಯಾ ಶಾಹರಾಚೆ ನಾವ್ ಪಾವು, ಅನಿ ತೆಚ್ಯಾ ಬಾಯ್ಕೊಚೆ ನಾವ್ ಮಹೆಟಾಬೆಲ್, ತಿ ಮೆಹಟಾಬೆಲಾಚಿ ಲೆಕ್ ಮಟ್ರಿದಾ ಮನ್ತಲಿಚಿ ಲೆಕ್.

40 ಜಾಗೊ, ಪಿಳ್ಗಿ ಅನಿ ನಾಂವಾಂಚ್ಯಾ ಪರ್ಕಾರ್ ಎಸಾವಾಕ್ನಾ ಉಪಾಜ್ಲ್ಯಾ ವಾಡ್ ವಡಿಲಾಂಚೆ ನಾಂವಾ ಹಿಚ್; ತಿಮ್ನ್, ಅಲ್ವಾ, ಯೆತೆತ್, 41 ಒಹೊಲಿಬಾಮಾ, ಎಲಾ ಅನಿ ಪಿನೊನ್, 42 ಕೆನೆಜ್, ತೆಮಾನ್, ಮಿಬ್ಚಾರ್, 43 ಮಗ್ದಿಯೆಲ್, ಅನಿ ಇರಾಮ್ ಅಪ್ಲ್ಯಾ ಗಾಂವ್ಚ್ಯಾ ವಸ್ತಿ ರ್‍ಹಾತಲ್ಯಾ ಜಾಗ್ಯಾಂಚ್ಯಾ ಸಾರ್ಕೆ ಯೆದೊಮ್ಯಾಂಚೆ ಪಿಳ್ಗಿಚೆ ಹೆನಿಚ್, ಹ್ಯಾ ಎದೊಮ್ಯಾಂಚೊ ವಾಡ್ ವಡಿಲ್, ಎಸಾವ್ ಹೊವ್ನ್ ಹಾಯ್.