ಉತ್ಪತ್ತಿ 25

ಅಬ್ರಾಹಾಮಾಚಿ ಅನಿಎಕ್ ಪಿಳ್ಗಿ

1 ಅಬ್ರಾಹಾಮಾನ್ ಕೆತುರಾ ಮನ್ತಲಿ ಅನಿ ಎಕ್ ಬಾಯ್ಕೊಕ್ ಲಗಿನ್ ಕರುನ್ ಘೆಟ್ಲ್ಯಾನ್. 2 ತಿಚ್ಯಾ ವೈನಾ ಜಿಮ್ರಾನ್, ಜೊಕ್ಷಾನ್, ಮೆದಾನ್, ಮಿಡಿಯಾನ್, ಇಶ್ಬಾಕ್ ಅನಿ ಶುಹಾ ಮನ್ತಲ್ಯಾ ಪೊರಾಕ್ನಿ ಜಲಮ್ ದಿಲಿನ್. 3 ಜೊಕ್ಷಾನಾಕ್ ಸೆಬಾ ಅನಿ ದೆದಾನಾಂಚೊ ಬಾಬಾ, ಅನಿ ದೆದಾನಾಚ್ಯಾ ಪಿಳ್ಗಿಚೆ, ಅಶ್ಯುರ್ಯಾನಿ ಲೆಟುಶ್ಯಾನಿ, ಅನಿ ಲೆಯಮ್ಯಾನಿ. 4 ಮಿದ್ಯಾನಾಚಿ ಲೆಕಾ ಗೆಫಾ, ಗೆಫರ್, ಹನೊಕ್ ಅಬಿದಾ, ಎಲ್ದಾವ್ ಹೆನಿ ಸಗ್ಳೆ ಕೆತುರಾ ಮನ್ತಲಿಚಿ ಪಿಳ್ಗಿ.

5 ಖರೆ ಅಬ್ರಾಹಾಮಾನ್ ಅಪ್ನಾಚಿ ಸಗ್ಳಿ ಆಸ್ತಿ ಇಸಾಕಾಕ್ ದಿಲ್ಯಾನ್,

6 ಅಪ್ನಾಕ್ ಹೊತ್ತ್ಯಾ ಹುರಲ್ಯಾ ಬಾಯ್ಕಾಂಚ್ಯಾ ಪೊರಾಕ್ನಿ ಅಬ್ರಾಹಾಮಾನ್ ವಾಟೆ ಕರುನ್ ದಿವ್ನ್ ಅಪ್ನಿ ಜಿವಾನಿ ರ್‍ಹಾತಾನಾಚ್ ತೆಂಕಾ ಅಪ್ಲೊ ಲೆಕ್ ಇಸಾಕಾಚ್ಯಾ ಜಗ್ಗೊಳ್ನಾ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ ಧಾಡುನ್ ದಿಲ್ಯಾನ್.

ಅಬ್ರಾಹಾಮಾಚೆ ಮರಾನ್ ಅನಿ ಮಾಟಿ

7 ಅಬ್ರಾಹಾಮ್ ಎಕ್ಸೆ ಸತ್ತರಾರ್ ಪಾಂಚ್ ವರಿಸ್ ಝಿತ್ತೊ ರ್‍ಹಾವ್ನ್ ಫುರಾ ಆಯ್ಸ್ ಭರುನ್ ಮರುನ್ ಗೆಲೊ. 8 ತೆನಿ ಫುರಾ ಆಯ್ಸ್ ಭರುನ್ ಮ್ಹಾತಾರೊ ಹೊವ್ನ್ ಪ್ರಾನ್ ಸೊಡ್ಲ್ಯಾನ್ ಅನಿ ಅಪ್ನಾಚ್ಯಾ ಪುರ್ವಜಾಂಚ್ಯಾಕ್ಡೆ ಜಾವ್ನ್ ಮಿಳ್ಳೊ. 9 ತೆಚಿ ಲೆಕಾ ಇಸಾಕ್ ಅನಿ ಇಸ್ಮಾಯೆಲಾನ್ ಮಾಮ್ರೆಕ್ ಜಗ್ಗೊಳ್ ಹೊತ್ತ್ಯಾ ಮಕ್ಬೆಲಾಚ್ಯಾ ಡೊಂಬಾತ್ ಹಿತ್ತಿಯಾ ಹಾಗಾರಾಂಚೊ ಲೆಕ್ ಎಪ್ರೊನಾಚ್ಯಾ ಜಾಗ್ಯಾರ್ ಮಾಟಿ ದಿಲ್ಯಾನಿ. 10 ತೊ ಜಾಗೊ ಅಬ್ರಾಹಾಮಾನ್ ಹಿತ್ತಿಯಾಂಚ್ಯಾಕ್ನಾ ಇಕಾತ್ ಘೆಟಲ್ಯಾನ್; ತ್ಯಾತುರ್ ಅಬ್ರಾಹಾಮಾಕ್ ಅನಿ ತೆಚ್ಯಾ ಬಾಯ್ಕೊಕ್ ಮಾಟಿ ದಿಲ್ಯಾನಿ. 11 ಅಬ್ರಾಹಾಮ್ ಮರುನ್ ಗೆಲ್ಲ್ಯಾ ಮಾನಾ ದೆವಾಚೊ ಆಶಿರ್ವಾದ್ ತೆಜೊ ಲೆಕ್ ಇಸಾಕಾಕ್ ಗಾವ್ಲೆ, ತೊ ಬೆರ್ ಲಹೈರೊಯಿ ಮನ್ತಲ್ಯಾ ಭಾಂಯಿಚ್ಯಾ ಜಗ್ಗೊಳ್ ವಸ್ತಿ ಹೊತ್ತೊ.

ಇಸ್ಮಾಯೆಲಾಚಿ ಪಿಳ್ಗಿ

12 ಅಬ್ರಾಹಾಮಾಕ್ ಸಾರಾಚಿ ಆಳ್ ಇಜಿಪ್ತಾಚಿ ಹಾಗರಾಕ್ ಉಪಾಜಲ್ಲ್ಯಾ ಇಸ್ಮಾಯೆಲಾಚಿ ಪಿಳ್ಗಿ, 13 ಇಸ್ಮಾಯೆಲಾಚ್ಯಾ ಪೊರಾಕ್ನಿ ಅನಿ ತೆಂಚ್ಯಾಕ್ನಾ ಉಪಾಜಲ್ಲ್ಯಾ ಘರಾನ್ಯಾಕ್ನಿ ಥವಲ್ಲಿ ನಾವಾ ಹಿಚ್, ಎಕ್ವೆ ಉಪಾಜಲ್ಲೊ ನೆಬಾಯೊತ್, ಮಾನಾ ಉಪಾಜಲ್ಲೊ ಕೆದಾರ್, ಅದ್ಬಯೆಲ್, ಮಿಬ್ಸಾಬ್, 14 ಮಿಸ್ಮಾ, ದುಮಾ, ಮಸ್ಸಾ, 15 ಹದದ್, ತೆಮಾ, ಯಟುರ್, ನಾಪಿಸ್ ಅನಿ ಕೆದ್ಮಾ ಮನ್ತಲೊ. 16 ಹೆನಿಚ್ ತೆ ಬಾರಾ ಘರಾನಾಂಚೆ ವಾಡ್ ವಡಿಲಾ, ಹಿ ಹೆನಿ ವಸ್ತಿ ಹೊತ್ತ್ಯಾ ಜಾಗ್ಯಾಕ್ನಿ ಅನಿ ಗಾವಾಕ್ನಿ ಥವಲ್ಲ್ಯಾನಿ. 17 ಇಸ್ಮಾಯೆಲ್ ಎಕ್ಸೆ ತಿಸಾರ್ ಸಾತ್ ವರಿಸ್ ಝಿತ್ತೊ ರ್‍ಹಾವ್ನ್ ಮರ್ಲೊ ಅನಿ ಅಪ್ಲ್ಯಾ ಪುರ್ವಜ್ಯಾಂಚ್ಯಾಕ್ಡೆ ಪಾವ್ಲೊ. 18 ಇಸ್ಮಾಯೆಲಾನಿ ಹವಿಲ್ ಮನ್ತಲ್ಯಾ ಅನಿ ಶುರ್ ಮನ್ತಲ್ಯಾ ಗಾವಾಂಚ್ಯಾ ಮದ್ದಿ ಹೊತ್ತ್ಯಾ ಪ್ರದೆಶ್ಯಾತ್ನಿ ವಸ್ತಿ ರಾಲ್ಯಾನಿ, ಶುರ್ ಮನ್ತಲೆ ಇಜಿಪ್ತಾಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ ಅಶಿರ್ಯಾಕ್ ಜಾತಲ್ಯಾ ವಾಟೆಕ್ ಹಾಯ್, ಅಸೆ ಇಸ್ಮಾಯೆಲ್ ಲೊಕಾ ಅಪ್ಲ್ಯಾ ಸಮಂದಿಕಾಕ್ನಿ ಎಗ್ಳೆ ಎಗ್ಳೆ ವಸ್ತಿ ರಾಲ್ಯಾನಿ.

ಎಸಾವ್ ಅನಿ ಜಾಕೊಬಾಚೊ ಜಲ್ಮ

19 ಅಬ್ರಾಹಾಮಾಚೊ ಲೆಕ್ ಇಸಾಕಾಚಿ ವಂಶಾವಳಿ; ಅಬ್ರಾಹಾಮಾಕ್ ಇಸಾಕ್ ಉಪಜ್ಲೊ, 20 ಇಸಾಕಾಕ್ ಚಾಳಿಸ್ ವರಿಸ್ ಹೊಲ್ಲ್ಯಾ ತನ್ನಾ ಆರಾಮ್ಯಾಂಚೊ ಬೆತುವೆಲಾಚಿ ಲೆಕ್ ಅನಿ ಲಾಬಾನಾಚಿ ಭೆನ್ ಹೊವ್ನ್ ಹೊತ್ತ್ಯಾ ರೆಬೆಕ್ಕಾಕ್ ಮೆಸಪೊಟೆಮಿಯಾಕ್ನಾ ಬಲ್ವುನ್ ಹಾನುನ್ ಲಗಿನ್ ಹೊಲ್ಯಾನ್. 21 ರೆಬೆಕ್ಕಾಕ್ ಪೊರಾ ಹೊವ್ಕ್ ನಸಲಿ, ಸರ್ವೆಸ್ಪರ್ ದೆವಾನ್ ತಿಜಿ ಮಾಗ್ನಿ ಆಯ್ಕ್ಲ್ಯಾನ್ ಅನಿ ರೆಬೆಕ್ಕಾ ಪೊಟಾನ್ ರಾಲಿ. 22 ತಿಚ್ಯಾ ಗರ್ಬಾತ್ಲ್ಯಾ ಅವ್ಳಿ ಜವ್ಳಿ ಪೊರಾನಿ ಎಕಾಮೆಕಾಕ್ ಲಾತ್ ಮಾರುನ್ಗೆತಾನಾ, "ತಿನೆ ಮಾಕಾ ಅಸೆ ಕಶ್ಯಾಕ್ ಹೊವ್ಲಾ?" ಮನುನ್ ಸರ್ವೆಸ್ಪರ್ ದೆವಾಕ್ ಇಚಾರ್ಲಿನ್. 23 ತನ್ನಾ ಸರ್ವೆಸ್ಪರ್ ದೆವಾನ್, ತಿಕಾ

"ತುಜ್ಯಾ ಪೊಟಾತ್ ದೊನ್ ಜನಾಂಗಾಚಿ ಲೊಕಾ ಹಾತ್ ತುಜ್ಯಾ ಗರ್ಬಾತ್ನಾಚ್ ದೊನ್ ನಮುನ್ಯಾಚಿ ಲೊಕಾ ಯೆಗಳ್ತಾತ್,

ಯೆಕ್ ನಮುನ್ಯಾಚ್ಯಾ ಲೊಕಾಂಚ್ಯಾಕಿಂತಾಬಿ ಅನಿ ಎಕ್ ಬಲಿಸ್ಟ್ ಹೊವ್ನ್ ರ್‍ಹಾತಾ, ಅನಿ

ಯೆವ್ಡೆಚ್ ನಸ್ತಾನಾ ಥೊರ್ಲೊ ಧಾಕ್ಲ್ಯಾಚಿ ಸೆವಾ ಕರ್ತಾ ಮನುನ್" ಸಾಂಗ್ಲ್ಯಾನ್.

24 ಮೈನೆ ಭರಲ್ಯಾ ತನ್ನಾ ರೆಬೆಕಾಕ್ ಅವ್ಳಿ ಜವ್ಳಿ ಪೊರಾ ಉಪಜ್ಲಿ. 25 ಪೈಲೆಚೆ ಪೊರ್ ತಾಂಬ್ಡೆ ಅನಿ ಆಂಗ್ಬರ್ ಕೆಸಾ ಹೊತ್ತೆ ಹೊವ್ನ್ ಉಪಾಜ್ತಾನಾ ತೆಕಾ ಎಸಾವ್ ಮನುನ್ ನಾವ್ ಥವ್ಲ್ಯಾನಿ. 26 ಮಾನಾ ದೊನ್ವೊ ಲೆಕ್ ಎಸಾವಾಚೊ ಪಾಯ್ ಧರುನ್ಘೆವ್ನ್ ಉಪಜ್ಲೊ, ತೆಕಾ ಜಾಕೊಬ್ ಮನುನ್ ನಾವ್ ಥವ್ಲ್ಯಾನಿ, ಹೆನಿ ಉಪಾಜ್ತಾನಾ ಇಸಾಕಾಕ್ ಸಾಟ್ ವರಿಸ್ ಹೊಲ್ಲೆ.

ಎಸಾವಾನ್ ಅಪ್ಲೊ ಥೊರ್ಲ್ಯಾ ಲೆಕಾಚೊ ಹಕ್ಕ್ ಇಕಲ್ಲೆ

27 ತೆ ದೊನೊ ಝಿಲ್ಗೆ ಮೊಟೆ ಹೊಲೆ ಎಸಾವ್ ಡಂಗ್ಳಿತ್ನಿ ರಾತಲೊ ಅನಿ ಲೈ ಹುಶ್ಯಾರ್ ಶಿಕಾರಿಕಾರ್ ಹೊಲೊ, ಜಾಕೊಬ್ ಲೈ ಸಾದೊ ಮಾನುಸ್ ಹೊಲೊ ಅನಿ ತೊ ಝೊಪ್ಡ್ಯಾತ್ನಿ ವಸ್ತಿ ರ್‍ಹಾಯ್. 28 ಇಸಾಕಾಕ್ ಶಿಕಾರಿ ಕರಲೆ ಮಾಸ್ ಖಾತಲೆ ಲೈ ಮನ್ ರ್‍ಹಾತಾ; ತಸೆ ಹೊವ್ನ್ ತೊ ಎಸಾವಾಕ್ ಲೈ ಪ್ರೆಮ್ ಕರ್ತಾ, ಅನಿ ರೆಬೆಕ್ಕಾಕ್ ಜಾಕೊಬಾಚೆರ್ ಲೈ ಪ್ರೆಮ್.

29 ಎಗ್ದಾ ಎಸಾವ್ ಡಂಗ್ಳಿಕ್ನಾ ಲೈ ಫಿರೆ ಹೊವ್ನ್ ಯೆಲ್ಲೊ ತನ್ನಾ ಜಾಕೊಬ್ ರಾಂದುನ್ಗೆತ್ ಹೊತ್ತೊ,

30 ತನ್ನಾ ಮಾಕಾ ಲೈ ಫಿರೆ ಹೊಲಾ, ತೆ ತಾಂಬ್ಡೆ ರುಚ್ ಹೊತ್ತೆ ಖಾತಲೆ ಮಾಕಾ ಖಾವ್ಕ್ ದಿ ಮನುನ್ ಇಚಾರ್‍ಲ್ಯಾನಿ, ತೆಚ್ಯಾ ವೈನಾ ಇಸಾವಾಕ್ ಎದೊಮ್ ಮನುನ್ ನಾವ್ ಯೆಲೆ.

31 ತನ್ನಾ ಜಾಕೊಬಾನ್ ತುಜೆ ಥೊರ್ಲೆಪಾನಾಚೆ ಹಕ್ಕ್ ಮಾಕಾ ಇಕಾತ್ ದಿ, ತನ್ನಾ ಮಿಯಾ ತುಕಾ ಖಾತಲೆ ದಿತಾ ಮನುನ್ ಸಾಂಗ್ಲ್ಯಾನ್.

32 ಎಸಾವಾನ್, "ಹಾ ಇಕಾತ್ ದಿತಾ, ಮರುಕ್ಲಾಗಲ್ಯಾ ಮಾಕಾ ಥೊರ್ಲೆ ಪಾನಾಚೆ ಉಪ್ಪೆಕ್ ಕಾಯ್?" ಮಟ್ಲ್ಯಾನ್.

33 ತನ್ನಾ ಜಾಕೊಬಾನ್ ಇಕಾತ್ ದಿಲಾ ಮನುನ್ ಆನ್ ಘಾಲುನ್ ಸಾಂಗ್, ಮನ್ತಾನಾ ಎಸಾವಾನ್ ಆನ್ ಘಾಲುನ್ ಅಪ್ಲೊ ಥೊರ್ಲೆ ಪಾನಾಚೊ ಹಕ್ಕ್ ಇಕಾತ್ ದಿಲ್ಯಾನ್.

34 ತನ್ನಾ ಜಾಕೊಬಾನ್ ಎಸಾವಾಕ್ ಉಕಡಲ್ಲೆ ದಾನೆ ಅನಿ ಭಾಕ್ರಿಯಾ ಖಾವ್ಕ್ ದಿಲ್ಯಾನ್, ಎಸಾವಾನ್ ಖಾವ್ನ್ ಪಾನಿ ಫಿವ್ನ್ ಉಟುನ್ ಗೆಲೊ, ಥೊರ್ಲೆ ಪಾನಾಚ್ಯಾ ಹಕ್ಕಾಕ್ ಎಸಾವಾನ್ ದಿಲ್ಲಿ ಮರ್ಯಾದ್ ಹಿಚ್ ಹೊವ್ನ್ ಹಾಯ್!