1 ಇಜಿಪ್ತಾತ್ ದಾನೆ ಗಾವ್ತಾತ್ ಮನ್ತಲಿ ಖಬರ್ ಜಾಕೊಬಾಕ್ ಕಳ್ತಾ, ತನ್ನಾ ತೆಂಚ್ಯಾ ಲೆಕಾಕ್ನಿ, "ತುಮಿ ಕಾಯ್ಬಿ ಕರುಕ್ ಹೊಯ್ನಾ ಕಾಯ್?" 2 ಅನಿ ತೆನಿ ತೆಂಕಾ, "ಇಜಿಪ್ತಾತ್ ದಾನೆ ಗಾವ್ತಾತ್ ಮನ್ತಲೆ ಮಿಯಾ ಆಯ್ಕ್ಲಾ, ಅಮಿ ಭುಕೆನ್ ಮರ್ತಲ್ಯಾ ಬದ್ಲಾಕ್ ಥೈ ಜಾವ್ನ್ ದಾನೆ ಹಾನಾ" ಮಟ್ಲ್ಯಾನ್. 3 ಜುಜೆಚಿ ಧಾ ಜನಾ ಭಾವಾ ಮಿಳುನ್ ದಾನೆ ಹಾನುಕ್ ಮನುನ್ ಇಜಿಪ್ತಾ ದೆಸಾಕ್ ಗೆಲ್ಯಾನಿ. 4 ಖರೆ ಜಾಕೊಬಾನ್ ಜುಜೆಚೊ ಭಾವ್ ಬೆಂಜ್ಯಾಮಿನಾಕ್ ಕಾಯ್ ತರ್ಬಿ ಹೊಯ್ಲ್ ಮನುನ್ ಬ್ಹಿಂವ್ನ್ ತೆಂಚ್ಯಾ ವಾಂಗ್ಡಾ ಧಾಡುಕ್ನಾ.

5 ಕಾನಾನ್ ದೆಸಾತ್ ಬರ್‍ಗಾಲ್ ಲೈ ಹೊತ್ತ್ಯಾ ಸಾಟ್ನಿ ಜಾಕೊಬಾಚಿ ಲೆಕಾ ಹುರಲ್ಯಾ ಲೊಕಾಂಚ್ಯಾ ವಾಂಗ್ಡಾ ದಾನೆ ಇಕಾತ್ ಘೆವ್ಕ್ ಇಜಿಪ್ತಾಕ್ ಗೆಲ್ಯಾನಿ, ಕಶ್ಯಾಕ್ ಮಟ್ಲ್ಯಾರ್ ಸಗ್ಳ್ಯಾ ಕಾನಾನಾತ್ ಲೈ ಬರ್‍ಗಾಲ್ ಯೆಲ್ಲೊ ಹೊತ್ತೊ.

6 ತನ್ನಾ ಜುಜೆ ಇಜಿಪ್ತ್ ದೆಶ್ಯಾತ್ ರಾಜ್ವಡ್ಕಿ ಚಾಲ್ವಿತ್ ಲೊಕಾಕ್ನಿ ದಾನೆ ಇಕಾತ್ ದಿಯ್ತ್ ರ್‍ಹಾತಾ, ತನ್ನಾ ಜುಜೆಚಿ ಭಾವಾನಿ ಯೆವ್ನ್ ಅಪ್ಲಿ ತೊಂಡಾ ಜಿಮ್ನಿಕ್ ಲಾಗಿ ಪತರ್ ಬಾಗುನ್ ನಮಸ್ಕಾರ್ ಕರ್ಲ್ಯಾನಿ. 7 ಅಪ್ನಾಚ್ಯಾ ಭಾವಾಕ್ನಿ ಬಗ್ತಾನಾ ತೆಕಾ ತೆಂಚಿ ವಳಕ್ ಗಾವ್ತಾ,

ಖರೆ ಕಾಯ್ಬಿ ಕಳುಕ್ನಸಲ್ಯಾ ಗತಿನ್ ತೆಂಚ್ಯಾ ವಾಂಗ್ಡಾ ಭಿರ್ಸಾನ್ ಬೊಲುನ್, "ತುಮಿ ಖೈತ್ನಾ ಯೆಲ್ಯಾಸಿ?" ಮನ್ತಾ ತನ್ನಾ ತೆನಿ ತೆಕಾ,

"ಅಮಿ ಕಾನಾನ್ ದೆಸಾತ್ನಾ ದಾನೆ ನೆವ್ಕ್ ಮನುನ್ ಯೆಲ್ಯಾಂವ್" ಮಟ್ಲ್ಯಾನಿ.

8 ಜುಜೆ ಅಪ್ಲ್ಯಾ ಭಾವಾಕ್ನಿ ವಳಕ್ತಾ, ಖರೆ ತೆನಿ ವಳ್ಕಿ ನಾತ್. 9 ಜುಜೆನ್ ಅಪ್ನಾಚ್ಯಾ ಸಪ್ನಾಂಚಿ ಅನಿ ಭಾವಾಂಚ್ಯಾ ವಿಶಯಾತ್ ಯಾದ್ ಕರುನ್ ತೆಂಕಾ, "ತುಮಿ ದಾನೆ ನೆವ್ಕ್ ಮನುನ್ ಯೆವ್ಕ್ ನ್ಯಾಸಿ, ತುಮಿ ಗುಡಾಚಾರಿ, ಅಮ್ಚ್ಯಾ ದೆಸಾತ್ ಬಳ್ ನಸಲ್ಲ್ಯಾ ಜಾಗೆ ಹುಡ್ಕುಕ್ ಬಗುನ್ ಜಾವ್ಚೆ ಮನುನ್ ಯೆಲ್ಯಾಸಿ" ಮಟ್ಲ್ಯಾನ್.

10 ತನ್ನಾ ತೆಕಾ, "ನಾ! ಸಾಯ್ಬಾ, ಅಮಿ ದಾನೆ ನೆವ್ಕ್ ಮನುನ್ ಯೆಲ್ಲಿ ಸೆವಕಾ" ಮಟ್ಲ್ಯಾನಿ. 11 ಅಮಿ ಸಗ್ಳಿ ಎಕುಚ್ ಬಾಬಾಜಿ ಲೆಕಾ, ಅನಿ ಅಮಿ ಪ್ರಾಮಾನಿಕ್ ಮಾನ್ಸಾ ಅಮಿ ಹುಡ್ಕುಕ್ ಯೆಲ್ಲೆ ನೈ ಮಟ್ಲ್ಯಾನಿ.

12 ಮಾನಾ ಜುಜೆನ್ ತೆಂಕಾ, "ನಾ ತುಮಿ ಹ್ಯಾ ದೆಶಾಚೆ ಬಳ್ ನಸಲ್ಲೆ ಜಾಗೆ ಹುಡ್ಕುಕ್ ಯೆಲ್ಯಾಸಿ" ಮಟ್ಲ್ಯಾನ್.

13 ತನ್ನಾ ತೆನಿ, "ತುಜಿ ಸೆವಕಾ, ಅಮಿ ಬಾರಾ ಜನಾ ಭಾವಾ, ಅನಿ ಕಾನಾನಾತ್ ಹೊತ್ತ್ಯಾ ಎಕುಚ್ ಬಾಬಾಚಿ ಲೆಕಾ ಅನಿ ಅಮ್ಚೊ ಧಾಕ್ಲೊ ಭಾವ್ ಅಮ್ಚ್ಯಾ ಬಾಬಾಚ್ಯಾ ವಾಂಗ್ಡಾ ಹಾಯ್, ಅನಿ ಎಕ್ಲೊ ಭಾವ್ ಹೊತ್ತೊ ತೊ ಮರುನ್ ಗೆಲಾ" ಮಟ್ಲ್ಯಾನಿ.

14 ಜುಜೆನ್ ನಾ, ತುಮಿ ಗುಡಾಚಾರಿಯಾಚ್, 15 ತುಮಿ ಸಾಂಗ್ತಲೆ ಖರೆ ಹೊಲ್ಲೆ ರಾಲ್ಯಾರ್, ಜಾವ್ನ್ ತುಮ್ಚ್ಯಾ ಧಾಕ್ಲ್ಯಾ ಭಾವಾಕ್ ಬಲ್ವುನ್ ಹಾನಾ, ತೆಕಾ ಹಾನಿ ಪತರ್ ತುಮಿ ಖೈಬಿ ಜಾವನೈ ಮನುನ್ ಫರೊನ್ ರಾಜ್ಯಾಚೊ ಶಪತ್ ಹಾಯ್, ಮಟ್ಲ್ಯಾನ್. 16 ತುಮ್ಚ್ಯಾತ್ಲೊ ಎಕ್ಲೊ ಜಾವ್ನ್ ತೆಕಾ ಹಾನಿ ಪತರ್ ಹುರಲ್ಲೆ ತುಮಿ ಬಂಧಿಖಾನ್ಯಾತ್ ರಾವಾ, ತನ್ನಾ ತುಮಿ ಸಾಂಗ್ತಲೆ ಖರೆ ಕಾಯ್ ಝುಟೆ ಮನುನ್ ಕಳ್ತಾ ಮಟ್ಲ್ಯಾನ್. 17 ತಸೆ ಹೊವ್ನ್ ಜುಜೆನ್ ತೆಂಕಾ ತಿನ್ ದಿಸ್ ಪತರ್ ಭಂದಿಖಾನ್ಯಾತ್ ಥವ್ಲ್ಯಾನ್.

18 ತಿನ್ ದಿಸಾ ಹೊಲ್ಲ್ಯಾ ಮಾನಾ ಜುಜೆನ್ ತೆಂಕಾ, ಮಿಯಾ ದೆವಾಕ್ ಭಿಂವ್ತಲೊ ಮಾನುಸ್, ಅನಿ ಮಿಯಾ ತುಮ್ಕಾ ಎಕ್ ಕರಾರ್ ಕರುನ್ ಸುಟ್ಕಾ ಕರ್ತಾ, 19 ಅನಿ ತುಮಿ ಪ್ರಾಮಾನಿಕ್ ಮನುನ್ ಖರೆ ಕರುಕ್ ಸಾಟ್ನಿ ತುಮ್ಚ್ಯಾತ್ಲೊ ಎಕ್ಲೊ ಭಾವ್ ಬಂಧಿಖಾನ್ಯಾತ್ ರಾಂವ್ದಿತ್, ಅನಿ ಹುರಲ್ಲೆ ತುಮಿ ಇಕಾತ್ ಘೆಟಲ್ಲೆ ದಾನೆ ನೆವ್ನ್ ಭುಕೆನ್ ಮರುಲಾಗಲ್ಯಾ ತುಮ್ಚ್ಯಾ ಕುಟ್ಮಾಕ್ನಿ ದಿವಾ, 20 ಅನಿ ತುಮ್ಚ್ಯಾ ಧಾಕ್ಲ್ಯಾ ಭಾವಾಕ್ ಮಾಜ್ಯಾ ಸಾಟ್ನಿ ಬಲ್ವುನ್ ಹಾನಾ, ತನ್ನಾ ತುಮಿ ಖರೆ ಸಾಂಗುಲ್ಲ್ಯಾಸಿ ಮನುನ್ ಮಿಯಾ ಒಪ್ತಾ ಅನಿ ತುಮ್ಕಾ ಮರ್‍ನಾಕ್ ಗುರಿ ಕರಿನಾ, ಮಟ್ಲ್ಯಾನ್, ತ್ಯಾ ಭಾವಾನಿ ತೆಚ್ಯಾ ಗೊಸ್ಟಿಕ್ ಒಪ್ಲ್ಯಾನಿ. 21 ತನ್ನಾ ತ್ಯಾ ಭಾವಾನಿ ಎಕಾಮೆಕಾತ್ನಿ, "ಅಮಿ ಅಮ್ಚ್ಯಾ ಭಾವ್ ಜುಜೆಚ್ಯಾ ವರ್‍ತಿ ಕರಲ್ಲ್ಯಾ ಪಾಪಾಕ್ ಅತ್ತಾ ತರಾಸಾತ್ ಹಾತ್, ತನ್ನಾ ಅಮಿ ದಿತಲ್ಯಾ ತರಾಸಾಕ್ ತೆನಿ ಸೊಡಾ ಮನುನ್ ಮಾಗುನ್ ಘೆತಾನಾ ತೆಕಾ ಸೊಡುಕ್ನಾವ್, ತೆಚ್ಯಾ ವೈನಾ ಅಮ್ಕಾ ಅತ್ತಾ ಹ್ಯೊ ತರಾಸ್" ಮನುನ್ ಬೊಲುನ್ ಘೆಟ್ಲ್ಯಾನಿ. 22 ತನ್ನಾ ರುಬೆನಾನ್ ತೆಂಕಾ, "ತ್ಯಾ ಝಿಲ್ಗ್ಯಾಚ್ಯಾ ವಿರೊದ್ ಕಾಯ್ಬಿ ಕರುನಕಾಸಿ ಮನುನ್ ಸಾಂಗುಕ್ ನತ್ತೊ ಕಾಯ್? ಮಾಜಿ ಗೊಸ್ಟ್ ತುಮಿ ಆಯ್ಕುಕ್ನಾಸಿ, ಅನಿ ಅತ್ತಾ ತೆಚ್ಯಾ ಮರ್‍ನಾಕ್ ಅಮ್ಕಾ ಹಿ ಶಿಕ್ಷ್ಯಾ ಹೊವ್ಲಾ" ಮನುನ್ ಸಾಂಗ್ಲ್ಯಾನ್. 23 ತೆನಿ ಬೊಲ್ತಲೆ ಜುಜೆಕ್ ಅರ್ಥ್ ಅನಿ ಬೊಲುಕ್ಬಿ ಹೊಯ್ ತೆ ತೆಚ್ಯಾ ಭಾವಾಕ್ನಿ ಕಳುಕ್ನಾ, ಕಶ್ಯಾಕ್ ಮಟ್ಲ್ಯಾರ್, ತೊ ಕಳಿನಾ ಸಾರ್ಕೆ ಕರುನ್ ದೊನ್ ಭಾಶಾ ಬೊಲ್ತಲ್ಯಾಚ್ಯಾ ವೈನಾ ತೆಂಚ್ಯಾ ವಾಂಗ್ಡಾ ಬೊಲಿತ್ ಹೊತ್ತೊ. 24 ಅನಿ ಜುಜೆಕ್ ತೆನಿ ಬೊಲ್ತಲೆ ಬೊಲ್ನೆ ಆಯ್ಕುನ್ ಲೈ ದುಕ್ಕ್ ಹೊವ್ನ್ ತೆನಿ ಹೊತ್ತ್ಯಾಕ್ನಾ ಕಡೆಕ್ ಜಾವ್ನ್ ರಡುನ್ ಮಾನಾ, ಭಾವ್ ಸಿಮಿಯೊನಾಕ್ ತೆಂಚ್ಯಾ ಡೊಳಾಚ್ಯಾ ಇದ್ರಾಕುಚ್ ಬಂಧಿ ಕರ್ಲ್ಯಾನ್.

25 ಮಾನಾ ಜುಜೆನ್ ಅಪ್ಲ್ಯಾ ಸೆವಕಾಕ್ನಿ, "ಅಪ್ಲ್ಯಾ ಭಾವಾಂಚ್ಯಾ ಪಿಸ್ವಿಯಾತ್ನಿ ದಾನೆ ಅನಿ ಹರ್ ಎಕ್ಲ್ಯಾಚೆ ಪೈಸೆಬಿ ಪರ್‍ತುನ್ ತೆಂಚ್ಯಾ ಚಿಲಾತ್ನಿ ಥವಾ ಅನಿ ತೆಂಕಾ ವಾಟೆರ್ ಪಾಜೆ ಹೊಲ್ಲೆ ಜೆವಾನ್ ಬಿ ದಿವ್ನ್ ಧಾಡಾ" ಮನುನ್ ಹುಕುಮ್ ದಿತಾನಾ, ತೆನಿ ತಸೆಚ್ ಕರ್ಲ್ಯಾನಿ, 26 ಹೆಚ್ಯಾ ಮಾನಾ ತ್ಯಾ ಭಾವಾನಿ ಗಾಡ್ವಾಂಚ್ಯಾ ವರ್‍ತಿ ಸಗ್ಳಿ ಸಾಮಾನಾ ವಾವುನ್ ಘೆವ್ನ್ ಗೆಲ್ಯಾನಿ. 27 ತಿ ಭಾವಾ ತ್ಯಾ ರಾತ್ತಿನ್ ಎಕ್ ಜಾಗ್ಯಾರ್ ವಸ್ತಿ ರ್‍ಹಾತ್ಯಾತ್, ತೆಂಚ್ಯಾತ್ಲ್ಯಾ ಎಕ್ಲ್ಯಾನ್ ಗಾಡ್ವಾಕ್ನಿ ಪೊಟಾಕ್ ದಿವ್ಚೆ ಮನುನ್ ಪಿಸ್ವಿ ಸೊಡ್ಸುನ್ ಬಗ್ತಾನಾ, ತ್ಯಾ ಪಿಸ್ವಿತ್ ತೆನಿ ದಾನ್ಯಾಕ್ನಿ ದಿಲ್ಲೆ ಪೈಸೆ ರ್‍ಹಾತಾ. 28 ಮಾನಾ ತೆನಿ ಹುರಲ್ಯಾ ಭಾವಾಕ್ನಿ ದಾಕ್ವುನ್, "ಹಿತ್ತೆ ಬಗಾ ಮಿಯಾ ದಾನ್ಯಾಕ್ನಿ ದಿಲ್ಲೆ ಪೈಸೆ ಪಿಸ್ವಿತ್ ಹಾಯ್" ಮಟ್ಲ್ಯಾನ್, "ದೆವ್ ಅಮ್ಕಾ ಅಸೆ ಕಾಯ್ ಕರುಲ್ಲಾ?" ಮನುನ್ ಎಕಾಮೆಕಾತ್ನಿ ಬೊಲುನ್ ಘೆಟ್ಲ್ಯಾನಿ.

29 ತೆನಿ ಕಾನಾನ್ ದೆಸಾಕ್ ಪಾವ್ನ್ ಅಪ್ಲೊ ಬಾಬಾ ಜಾಕೊಬಾಕ್ ಹೊಲ್ಲಿ ಸಂಗ್ತಿಯಾ ಸಾಂಗುನ್, 30 ಅಮ್ಚ್ಯಾ ವಾಂಗ್ಡಾ ತ್ಯಾ ದೆಶಾಚ್ಯಾ ರಾಜ್ಯಪಾಲಾನ್, ಅಮಿ ಗುಡಾಚಾರಿಯಾ ಮನುನ್ ಲೈ ಕಠಿನ್ ಬೊಲ್ಲ್ಯಾನ್.

31 ತನ್ನಾ ಅಮಿ ತೆಕಾ, "ಅಮಿ ಗುಡಾಚಾರಿಯಾ ನ್ಹಯ್ ಅಮಿ ಪ್ರಾಮಾನಿಕ್ ಲೊಕಾ" ಮಟ್ಲಾಂವ್. 32 ಅಮಿ ಎಕುಚ್ ಬಾಬಾಚಿ ಪೊರಾ ಬಾರಾ ಜನಾ ಭಾವಾ ಅನಿ ಅಮ್ಚ್ಯಾತ್ ಎಕ್ಲೊ ಭಾವ್ ಮರುನ್ ಗೆಲಾ, ಅನಿ ಧಾಕ್ಲೊ ಕಾನಾನಾತ್ ಬಾಬಾಚ್ಯಾ ವಾಂಗ್ಡಾ ಹಾಯ್ ಮನುನ್ ಸಾಂಗ್ಲ್ಯಾಂವ್. 33 ಅಮಿ ತೆಸೆ ಮನ್ತಾನಾ, ತ್ಯಾ ದೆಶಾಚ್ಯಾ ರಾಜ್ಯಪಾಲಾನ್ ತುಮಿ ಪ್ರಾಮಾನಿಕ್ ಹೊವ್ನ್ ಹಾಸಿ ಮನುನ್ ಮಾಕಾ ಕಳುಚೆ ಹೊಲ್ಯಾರ್, ತುಮ್ಚ್ಯಾತ್ ಎಕ್ ಭಾವಾಕ್ ಹಿತ್ತೆ ಅಮ್ಚ್ಯಾಕ್ಡೆ ಸೊಡುನ್ ಜಾವ್ನ್ ಭುಕೆನ್ ಹೊತ್ತ್ಯಾ ತುಮ್ಚ್ಯಾ ಕುಟ್ಮಾಚ್ಯಾ ಲೊಕಾಕ್ನಿ ದಾನೆ ದಿವಾ. 34 ಅನಿ ತುಮ್ಚ್ಯಾ ಧಾಕ್ಲ್ಯಾ ಭಾವಾಕ್ ಬಲ್ವುನ್ ಘೆವ್ನ್ ಯೆವಾ, ತನ್ನಾ ತುಮಿ ಗುಡಾಚಾರಿಯಾಕಿ ಪ್ರಾಮಾನಿಕ್ ಮನುನ್ ಕಳ್ತಾ, ಮಾನಾ ತುಮಿ ಖರೆ ಸಾಂಗಲ್ಲೆ ಹೊಲ್ಯಾರ್ ತುಮ್ಚ್ಯಾ ಭಾವಾಕ್ ಸೊಡ್ತಾ ಅನಿ ತುಮಿ ದಾನೆ ಘೆವ್ನ್ ಆರಾಮಾನ್ ಜಾವ್ಕ್ ಹೊತಾ, ಮನುನ್ ಸಾಂಗ್ಲ್ಯಾನ್, ಮಟ್ಲ್ಯಾನಿ.

35 ಮಾನಾ ತೆನಿ ಸಗ್ಳ್ಯಾ ಭಾವಾನಿ ದಾನೆ ಕಾಡುಕ್ ಮನುನ್ ಅಪ್ಲಿ ಚಿಲಾ ಸೊಡಸಲ್ಲ್ಯಾ ತನ್ನಾ ದಾನ್ಯಾಂಚ್ಯಾ ಸಾಟ್ನಿ ದಿಲ್ಲೆ ಪೈಸೆ ಹೊತ್ತೆ ಬಗುನ್ ತೆಂಚೊ ಬಾಬಾ ಜಾಕೊಬ್ ಅನಿ ತೆನಿ ಸಗ್ಳೆಬಿ ಲೈ ಭಿಂಯಾಲೆ. 36 ಮಾನಾ ಜಾಕೊಬಾನ್ ಅಪ್ಲ್ಯಾ ಲೆಕಾಕ್ನಿ, "ಮಿಯಾ ಮಾಜ್ಯಾ ಸಗ್ಳ್ಯಾ ಲೆಕಾಕ್ನಿ ನಾ ಕರುನ್ ಘೆವ್ಚೆ ಮನುನ್ ಕರ್ಲ್ಯಾಸಿ ಕಾಯ್? ಜುಜೆ ನಾ ಹೊಲೊ, ಅನಿ ಸಿಮೊನ್ಬಿ ನಾ ಹೊಲೊ ಅತ್ತಾ ಬೆಂಜ್ಯಾಮಿನಾಕ್ಬಿ ಘೆವ್ನ್ ಜಾವ್ಚೆ ಮನುನ್ ಕರ್ಲ್ಯಾಸಿ ಕಾಯ್" ಮಿಯಾ ಎಕ್ ದುಕ್ಕಿ ಮಾನುಸ್ ಮಟ್ಲ್ಯಾನ್.

37 ಮಾಜ್ಯಾ ಲೆಕಾಕ್ ತುಮ್ಚ್ಯಾ ವಾಂಗ್ಡಾ ಧಾಡುನ್ ದಿ ನಾ ಮಟ್ಲ್ಯಾನ್, ತನ್ನಾ ಮಾನಾ ರುಬೆನಾನ್ ಅಪ್ಲ್ಯಾ ಬಾಬಾಕ್, "ಬಾಬಾ, ಮಾಜೆ ವರ್‍ತಿ ವಿಶ್ವಾಸ್ ಕರ್, ಮಿಯಾ ಬೆಂಜ್ಯಾಮಿನಾಕ್ ತುಜೆಕ್ಡೆ ಬಲ್ವುನ್ ಹಾನ್ತಾ, ಮಿಯಾ ತೆಕಾ ಬಲ್ವುನ್ ಹಾನಿ ನಸ್ಲ್ಯಾರ್ ತಿಯಾ ಮಾಜ್ಯಾ ದೊನಿ ಲೆಕಾಕ್ನಿ ಜಿವಾನಿ ಮಾರ್", ಮಟ್ಲ್ಯಾನ್.

38 ತನ್ನಾ ಜಾಕೊಬಾನ್, ಮಿಯಾ ಬೆನ್ಯಾಮಿನಾಕ್ ತುಮ್ಚ್ಯಾ ವಾಂಗ್ಡಾ ಧಾಡಿನಾ, ಕಶ್ಯಾಕ್ ಮಟ್ಲ್ಯರ್ ತೆಚೊ ಭಾವ್ ಮರುನ್ ಗೆಲೊ, ಅತ್ತಾ ಮಾಕಾ ಮಾಜಿ ಬಾಯ್ಕೊ ರಾಹೆಲಾಚ್ಯಾ ಪೊಟಾತ್ ಜಲಮಲ್ಲೊ ಹ್ಯೊ ಎಕುಚ್ ಲೆಕ್ ಹುರ್ಲಾ, ತುಮಿ ಪರ್ಯಾನ್ ಕರುನ್ ಜಾತಾನಾ ತೆಕಾ ಕಾಯ್ಬಿ ಹೊಲ್ಯಾರ್, ಮಿಯಾ ಪಿಕ್ಕ್ಯಾ ಟಕ್ಲ್ಯಾಚೊ ಮ್ಹಾತಾರೊ ಮಾನುಸ್ ದುಕ್ಕ್ ಕರುನ್ ಘೆವ್ನ್ ಮರುನ್ ಜಾವ್ಕ್ ತುಮಿಚ್ ಕಾರನ್ ಹೊತ್ಯಾಸಿ ಮಟ್ಲ್ಯಾನ್.