Amor fraternal
O amor fraternal é marca dos discípulos de Cristo. Nisto conhecerão que sois meus discípulos: se tiverdes amor uns aos outros.
Amar uns aos outros
Este é o meu mandamento: que vos ameis uns aos outros como Eu vos amei. O amor fraternal é testemunho ao mundo.
Níchigaali iseri gumadi le hun: Lun hínsiñegua humá húmagua. Ítara kei hínsiñe nun, lunti giñe hínsiñegua humá húmagua. Anhaün hínsiñegua húmagua, hasubudirubei sun gürigia luagu nani humá disipulugu.
Anihán nugumadinbei: Lun hínsiñegua humá hungua kei hínsiñe nun.
Lueirin-agei ínsiñeni le gayaraabei gani lani gürigia, lun líchuguni libagari hawagu lumadagu.
Hínsiñegua wamá wámagua
Anihán uganu le haganbubei lúmagiñe furumiñeti dan: Lun hínsiñegua wamá wámagua.
Sügühadiwa lídangiñe óunweni lun lidoun ibagari, ani subudi wamuti lira lugundun hínsiñetiña waduheñu luéigiñe Hesukrístu woun. Le mínsiñehabuti, hilañumémegili.
Subudi wamuti katei lan ínsiñenibei: Luagu líchuguni Hesukrístu libagari wawagu. Lunti giñeti wánharun lun wíchuguni wabagari hawagu wíbirigu. Ladüga anhein risi lubéi aban gürigia, ani lariha luagu anihein lan lemegeirun liduhe ani míderagun lumuti, ida lubagia anihein lan ínsiñeni tidan lanigi lun Bungiu? Nirahüñü, moun lumuti wayumárurügü lan wínsiñehabu; lunti aban lan ínsiñehabuni le arihúati lidan katei le wadügübei.
Ínsiñeni Bungiu
Niduheñu hínsiñetiña nun, lunti hínsiñegua wamá wámagua lugundun lúmagiñe Bungiu liabin ínsiñehabuni. Sun le hínsiñehabubei, liráü Bungiu, ani subuditi giñe Bungiu lun.
Anihán ínsiñenibei: Mama luagu wagía lan hínsiñehabubei lun Bungiu, luagu ligía lan hínsiñehabubei woun, aba lóunahani Liráü le ábanrügüti lun lounwen, lun lébuname ferudunawa lan wafigoun.
Niduheñu hínsiñetiña nun, anhein hínsiñeediwa lubéi lun Bungiu ítara, lunti giñe hínsiñegua wamá wámagua. Úagili ni aban arihiti Bungiu; lau sun lira, ánhawa hínsiñegua wámagua, anihein Bungiu wadan, ani ítara liña warufuduni wínsiñehabu sunsuinagubei lun Bungiu.
Anhein ariñaga aban gürigia: «Hínsiñeti Bungiu nun», ani mínsiñeti líbiri lun, yeeti gürigia ligia; lugundun anhein mínsiñe lubéi líbiri aban gürigia lun, le ariha lumuti, siñabei giñe hínsiñe lan Bungiu lun, le marihin lubéi. Ru laali Kristu gumadi le woun: Le hínsiñehabuti lun Bungiu, lunti giñe hínsiñe lan líbiri lun.
Expressões de amor fraternal
Amai-vos com afeição fraternal. O amor cobre multidão de pecados. Perseverai no amor fraterno.
Lunti hínsiñegua humá húmagua keisi iduheñu. Hímeigua humá hungua inebegua huguyame húniwagua.
Madúeira humá ni kata ni ka un, hínsiñeguarügü humá húmagua. Le hínsiñehabuti lun gürigia líledi, adüga laali sun le lubeibei lilurudun Bungiu.
Ha asufurirubaña luéigiñe hadügüni le buídubei
Abagarida humá sun huguya lidan úarani luma lau gudemehabu hídangua, hínsiñegua huguyame hungua keisi iduheñu luéigiñe Hesukrístu. Areida humá, ǘnabugu ligíame hanaagun hungua.
Lóugiñe sun katei, ñeinlá saragu ínsiñeni hidan houn híbirigu; lugundun daruguati ínsiñeni lau saragu figóu.
Luagu hínsiñehabu houn íbirigu, úati ni kata lun nabürühani hun lugundun arufudahaali Bungiu guánarügü hun lun hínsiñegua humá húmawagua;
Ida luba lan wagundaaragüdüni Bungiu
Hínsiñeguameme humá húmagua keisi íbirigu. Mabulieida huméi lun hebelaagüdüniña achülürütiña húbiñoun lau ugundani. Saragu haña gürigia, rúhaña ubaraü houn ánheligu lau hadügüni katei le, ibidiñoun houn.
Haritagua humá hawagun adaürǘtiña, kéisigubeirügü hamuga giñe hadaürǘña lan hama. Haritagua humá hawagu ha asufurirubaña, kamá hamuga hasufuriruña úara hama.
Lóugiñe sun katei, hínsiñehabu humá; ligía katei le íchugubalin sun katei lidan aban.
Aba lariñagun Hesusu lun:
—Hínsiñela Babureme le Bubungiute bun tau sun banigi, tau sun buani luma lau sun bisaminan. Anihán gumadi wéirigutimabei, furumiñeti giñe lídangiñe sun lugumadin Bungiu. Ani le libiaman lidan uéiriguni lenege le; ítara liña: "Hínsiñe hamá bíbirigu bun kei bínsiñegua bungua".
Anhein inarüni lubéi luagu gúnfuli humani liñun-agei lúrudu keisi tariñaguni Lererun Bungiu: «Hínsiñela gürigia bíledi bun kei bínsiñegua bungua», buiti hadüga.