Amor próprio
O amor próprio saudável reconhece o valor que Deus nos deu. Fomos criados à imagem de Deus, maravilhosamente formados. Aceitar-se é honrar o Criador.
Ndangukutogola kwa vila nditigwa kwa kububuwaza na vinduzanduza,
madito ga hegwe ndo ga kububuwaza,
nhumbula ya heni yangugazela ng’hatu.
Gwa Nguluwi, majesa ga hegwe ndo makulu ng’hatu,
hambe gaweze kuwalizwa ng’hatu.
Wone ndahagawazile gahawele menji kupuluta sangalaza.
Hondililimka, nding’hali nda hamwe na hegwe.
Hondilola ulanga, mijito ja vidole vya hegwe,
nyelezi na nhondwe, vyouviwichile ako,
munhu ka whaani, mbaka umjese,
munhu ndo choni mbaka umlolele?
Nakumdita yawe mdodo kusinda Nguluwi,
nakumha itaji lya ukulu na kuhulichizwa.
Kangumwinulaga yalihela chinhu kulawa kuli nhimbwisi,
na kumkwiniza mzunwa kulawa kuli soni ya heye,
na kumuwika hamwe na wakulu,
wakulu wa wanhu wa heye.
Ila Mkulu Nguluwi nakamlonjela Samweli, "Uleche kulola kumeho kwa heye na vyoyawele ng’wemang’wema, kwa vila heni nandimlema. Heni, Mkulu Nguluwi, hambe ndole vila vinhu vyoyalingulola munhu. Munhu kangulolaga kwa kunze, ila heni Mkulu Nguluwi ndangulolaga mnhumbula."
Ila hemwe ndo lukolo luhaguligwe, watambika wa Mndewa, nhanzi yelile na wanhu wa heye Nguluwi, womhaguligwe kudamla madito makulu ga Nguluwi yawacheme kulawa kuli jiza na kuwenjizani kuli lumuli lwa heye lukulu.
"Mwanguvizela kota semembe wahano wanguguzigwa kwa migwala mili ja sendi? Ila hali Nguluwi hambe chisemigwe ne chimwe. Ena, mbaka mnvili za kumutwi kwa hemwe naziwazigwa zeng’ha. Ahyo mleche kudumba, kwa vila namganigwa ng’atu kusinda videje avyo!
Kwa utambichizo woyamhele Nguluwi, ndangukulonjelani hemwe mweng’ha, chila munhu yaleche kiwona mkulu kusinda vila vyoyalinguganigwa. Kijesa kwa hemwe na kuwe na chasi kota Nguluwi vyoyamgawile chila munhu makundo ga heye.