Amor próprio
O amor próprio saudável reconhece o valor que Deus nos deu. Fomos criados à imagem de Deus, maravilhosamente formados. Aceitar-se é honrar o Criador.
Nitsolonga mighede kwaapfila niumbighwa kwa ukukangawatsa na kwa ukupfukighwa,
ghamatendo ghako ghokangawatsa,
na nene konimanya ghendo.
Ghwe Imulungu, ghaukwalangula kuna nene makulu,
na ng’aghodaha ukupeteka baye.
Ning’aghapetile ghang’awile mengi kubita ghumsanga,
na hanilamka ning’ali na hamwe na ghweghwe.
Hanilola kulanga, kuumbile kwa ipfidole pfako,
ghumwetsi na tsinondo, ipfinu pfawikile ako,
Imunu yali chinu chachi ghendo mbaka ghweghwe umkumbuke?
Na imwana wa imunu yali choni ghendo mbaka ghweghwe umwalangitse?
Kumtenda chidogho yawe ka Imulungu,
kumpfatsa litaji lya utunitso na heshima.
Komwinula imhingwa kulawa mna litimbwisi,
komwinusa imunu yang’ana chinu kulawa mna lipfu,
yamwike yakale hamwe na iwakulu,
hamwe na iwakulu wa iwanu wake.
Lekeni IMNDEWA kamlongela Samweli, "Uleke kulolesa ichihanga chake, wala chimo chake. Nene nimlema, kwaapfila silolesa baye ka iwanu pfawololesa. Imunu kololesa kwakunze, lekeni nene nololesa mna ghumoyo."
Lekeni mwemwe mwa iwanu imsaghulighwe, watambika wa Mndewa, kingili lye iwanu wahenzeluka, iwanu we Imulungu mwenyegho, iyamsaghulighwe kutsipeta sang’ano ng’ulu tse Imulungu iyawakemile kulawa mchisi mwingile mne ghumwanga ghwake ighukangawatsa.
"Apfi pfideghe watano ng’awoghulighwa bae kwa sendi mbili? Lekeni kuduhu yumwe wao yosemwighwa ne Imulungu. Hata tsimvili tsili mne mwitwi mwenu tsipetighwa. Mleke kupfuka kwaapfila mwemwe mnogha ng’ani kubita iwapfideghe wengi!"
Kwa uluso wangaile Imulungu, nomlongelani mwemwe wose, chila munu yaleke kwibona kamkulu kubita pfayabamighwa yawe, lekeni mwilolese iwenyegho ka Imulungu pfayamgholele chila imunu ukutoghola kwake.