16 Ukwaasana tuduniya winneet areeyiini akay Gaalꞌoorooh yhii. Aflaay barooh aamaniiniibka iiyyi kiidi, laakiin daayim midhhan imaar indi.

34 Oontꞌa bareek gayiit wasi aniiw hookna: taktak areeyaana. Ani bareekna areeyaneet toonaatiit, aflaay baraakna han ibakii taktak areeyaana. 35 Baraak taktak areeteeneek, aflaay uudehay kassaah anii kwiriyaatay tikatiineet toona iikan iyadna." idi.

8 Laakiin Ukwaasana tirhamaateeh teekna oontꞌaaneet rhisiini hoon. Hinin masi danuubi kina niiktiyihoob, Umasiih hinee jillaay iiya.

38 Ukwaasanaay reerii naat han door ishiishimidh hoon bitdiyeet toona winneet akteen. Yat tari midhhan, malak tari jin, amseeneeb udamaaniib tari gayii yꞌiiniib udamaaniib, tari ikatiin akrir han Ukwaasanaay reerii ishiishimidh hoon kiidiin. 39 Tibreeteeb asti eefeen akrirwa, tari tubuutiib nꞌati eefeen akrirwa, tari kastaah Ukwaasana kwaasaab ikatiyeet taanaawwa han, door han adgiriit Ukwaasanaay reerii ishiishimidh hoon kiidiin. Been uureer Yasuuꞌaab Umasiih Wꞌankwanaayoon lawi indi.

10 Uureer ushawwooh kaꞌadaaya. Aflaay uureer whaggi timmiisti ikati.

4 Uureer sabir ikati, uureer daayiinaayt ikati. Uureer hasaadaat kiiki, tari faash kiiki, tari kibir kiiki, tari amag bhaliib kiiki. 5 Uureer ooknaay salal kiihariw, kiisehas, toomaag dhigwiitiit kiiyꞌabik. 6 Uureer wꞌadli naawiib kaꞌafirhiya, laakiin uusdik ansiramiiniyihoob afirhiini. 7 Uureer door han kiigwooy, door han wꞌiimaan kiinaw. Diimaab sꞌayaabu, aree kassooh whaal imtariim.

8 Uusiruudwa, tidhoogniyaati bhaliitiiwwa, tikanaanwa, takweet iitnaw iyadna. Laakiin uureer daayim iikti indi.

8 Ukwaasana reer ikatiyi sabbii, baaꞌareeyayka Ukwaasana kiikan.

18 Ureeriib mirkwaay kiihaay. Imirkwaay ujasaay geeb sakiini laakiin uureer usidki imirkwaay mhaliini. Uutak urankwiib ooreeriib timmiimaab kiiki.

3 Uun baruuh Ukwaasanaay ooreer ikati: tiwaseeteeh nisnaakiir. Aree tiwaseetaah akraat kiikeen.

22 Laakiin Aashuuk Imugaddasaayeet samara reerwa, firhaatwa mꞌasigwa, sabirwa, nhas niyaatwa, daayiinaaytwa, amaanaatwa,