Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
Wiels Gott haft de Welt soo jeleeft, daut Hee sienen eenjebuarnen Sän jeef, daut aule, dee aun Am jleewen, nich veloaren-gonen, oba daut eewje Läwen haben.
Een nieet Jeboot jäw Ekj junt, daut jie junt unjarenaunda leewen, daut uk, soo aus Ekj junt jeleeft hab, jie junt unjarenaunda leewen. Doaraun woat aulemaun erkjanen, daut jie miene Jinja sent, wan jie Leew unjarenaunda haben.
Oba Gott bewiest siene Leew aun ons doarenn, daut Christus, aus wie noch Sinda wieren, fa ons jestorwen es.
Wiels ekj sie äwazeicht, daut nich Doot, nich Läwen, nich Enjel, nich Ferschtentiema, nich Machten, nich Jäajenwuatjet, nich Tookjinftjet, nich Huaget, nich Deepet, un kjeene aundre Kjreatua kaun ons scheeden von Gott siene Leew, dee en Christus Jesus es, onsem Harn.
De Leew deit däm Näakjsten nuscht Beeset. Aulsoo es de Leew de Jesazes-Erfellunk.
De Leew es jeduldich un frintlich; de Leew iewat nich; de Leew pucht sikj nich, see puft sikj nich opp; see vehelt sikj nich onaunstendich, see sieekjt nich daut Äaje, see lat sikj nich vebetren, see räakjent daut Beese nich too, see freit sikj nich äwa de Ojjerajchtichkjeit, oba see freit sikj äwa de Woarheit; see vedrajcht aules, see jleeft aules, see hopt aules, see dult aules. De Leew woat niemols opphieren; oba de Profezeiungen woaren opphieren, de Tungen woaren opphieren, un de Erkjantnis woat opphieren.
Wäa nich leeft, kjant Gott nich, wiels Gott es Leew.
Forcht es nich en de Leew, oba de vollkomne Leew drift de Forcht ut, wiels de Forcht haft Kwol; wäa sikj oba fercht, es nich vollkomen jeworden en de Leew.
Wiels dit es Gott siene Leew, daut wie siene Jebooten hoolen, un siene Jebooten sent nich schwoa.
Oba de Frucht vom Jeist es Leew, Freid, Fräd, Jedult, Leeftolichkjeit, Gootjesonnenheit, Gloowen, Saunftmoot, Selfstbeharschunk.