Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
Kwaikiva Sapanga apalili nesu mlima wogha hata akamuhumisa Mwana ghaki wa weka, lukani kila mundu mweni kumkwinila hayu Mwana akotoho kuyaghamila, ila apokeli ukomu wa machuwa hyogha bila mwihu.
Ninguwapegha lilaghilo lyonu. Mpalani mwenga kwa mwenga. Handa vila nenga niwapala mwenga. "Pampalana mwenga kwa mwenga wandu wogha watelimanya yiwa mwenga ni wavulwa wa nenga."
Ila Sapanga atulangilile yiwa angutupala nesu, kwaikiva lipindi patuwelili twambila weni sambi, Kilisito ahovili kwaikiva gha twenga.
Kwaikiva ningumanya chakaka yiwa kwahela kindu kinguwesa kutulekanisa na upalo ghaki, ng’ogha kihu, au ukomu, au watumikila wa Sapanga wa kundumba au mahoka, au makakala ghangi gha Lihyukana, hata yeni kuhumila hinaa, hata yatehumila kuulongolo, hilahila weni uweso, au mighalu yeni kuwela kumlimawogha wa kunani, au mighalu yenikuwela kumlimawogha gha pahi, na kwahela kiumbi chochose kitewesa kutulekanisa na upalo wa Sapanga uvile ku Kilisito Yesu Bambu wa twenga.
Mundu mweni kumpala myaki kangumgholela ng’ogha mahakata , hinu mundu mweni kuwapala wayaki angutimilisa selia.
Mundu mweni upalo anguwela na ufumilifu na anguwatanga waghangi na kahela wifu na kaitutumula ng’ogha na kanguwela ng’ogha na kinyengu. Mundu mweni upalo kanguwatundamila wandu waghangi na kanguhakula ng’ogha fwaida kwaikiva gha mwenibaha na kanguyoma ng’ogha kwa kuloposela na kahela ngumbungumbu gha mahakata. Mundu mweni upalo Kanguhyomela uhakata, ila kanguhekelelela uchakaka. Mundu mweni upalo kangutenyuka ng’ogha moyu na machuwa hyogha kangukwinila na machuwa hyogha kanguwela na litumaini na hayu angufumilila mighalu hyogha.
Mundu mweni upalo anguyendelela kulangiha upalo machuwa hyogha. Ila hupo zighangi zivile na mwihu ghaki handa vila kuhyoghanila na kutangasa ujumbi wa Sapanga, havi vitehuka lichuwa limonga, na paikawela hupo gha kulonga luga gha kihenja, hai iteyomoka; na handa pakawela na malangu hagha na yeni yateyomoka.
Mundu yula mweni kuwapala ng’ogha waghangi, hayu kangummanya ng’ogha Sapanga, kwaikiva Sapanga anguwapala wandu.
Penikuwela na kupalana kwahela holu gha chochosi, upalo weni kutimila unguwinga holu hyogha. Mundu mweni holu katimila ng’ogha kuupalo, kwaikiva holu inguhika kupitila kutila kunyokolwa.
hai ni kwaikiva kumpala Sapanga ni kuyatimilisa malaghilo ghaki, na malaghilo ghaki ni mayuyughu,
Ila pamlongoswa na Mpumulo wa Sapanga mweni atewaghola muweli na kupalana na luheku na kuponga na kufumilila na umaha na kutangana na uchakaka,