Ânimo
O ânimo vem de Deus. Ele nos fortalece, nos encoraja e renova nossas forças. Quando o desânimo chega, as promessas de Deus nos levantam e nos impulsionam a seguir em frente.
Nt’hogola kwa Zumbe Mnungu
Zumbe Mnungu niye ung’azi wangu naho niye akuniyokola,
nogohe ani?
Zumbe Mnungu anamila kwa yose yaihile,
hina cha kogoha.
Zumbe Mnungu awayokola want’hu wedi,
naho awamila mwo lupisi lwa makunt’ho.
Umwo nakwitangaga weye wanitikaga
wautondowazaga umoyo wangu kwa kunitenda ninde na ludole.
Nadaha kuyadamanya yose mwa Kilisito akunigela ludole.
Naho namanyisa kugamba Mnungu yudya aikongaga indima ino iyedi mwenyu, naaigendeleze mpaka aho neize inde ikint’ha mwe dizuwa dyo kuuya kwakwe Yesu Kilisito.
Kwaviya Muye kink’higwe ni Mnungu hiyo ywa kukitenda kinde wogofi, bule, mna ni Muye ywa kukink’ha ludole na lukunde, no kuudaha umoyo.
Aaho want’hu niyo wamhitula, "Hekidahe naho kumleka Zumbe Mnungu na kuidamanyila ndima milungu mituhu. Kwaviya Zumbe Mnungu ywetu niye akilavile suwa hamwenga na wadala wetu mwe isi ya Misili uko chandile watumwa, kikaviona na meso yetu vihungi vidamanywe. Nakachamila mwe nt’hambo zetu zose na mwa want’hu wose umwo chombokaga.
Indiliseni na kinyemi ne mbuli iyo, hamwenga na kugamba kwa lupisi lugihi nomuungigwe kunda na kinyulu kwa magezo ye hengi.
Kwaviya namunk’hwa kwiza kuwaona vileke niwatendeni mhokele vipe va kimuye va kuwatendani mtoge. Icho hulonga ni iki, miye nigelwe moyo kwa sila yo mhuwi wenyu name niwageleni moyo kwa sila yo mhuwi wangu.
Kwikala kwa Mhuwi
Kwaivo, hakikuuya kunyuma, hata uneva mili yetu yasakala, mna muye wetu watendigwa uhya zuwa kwa zuwa.
Ivo duganeni, naho mwambizane nyuwe kwa nyuwe enga ivo mkudamanya ivi haluse.
Kwaivo wandugu zetu, zimbuli zo mhuwi wenyu zikigela nguvu, mwa makunt’ho na msulumizo yose,