Aniversário de idoso

He Whakawhetai ki a Ihowā mō Tāna Painga

1 Whakawhetai ki a Ihowā, he pai hoki ia;

he pūmau tonu hoki tāna mahi tohu.

24 Ko te rā tēnei i hangā e Ihowā

kia whakamanamana, kia koa tātou i reira.

He Whakamoemiti mō te Whakaoranga

1 Ka whakapaingia e ahau a Ihowā i ngā wā katoa;

he whakamoemiti tonu tā tōku māngai ki a ia.

7 Ko Ihowā tōku kaha, tōku whakangungu rākau;

i whakawhirinaki tōku ngākau ki a ia,

ā, āwhinatia ana ahau; koia i hari ai tōku ngākau,

i whakamoemiti ai hoki tāku waiata ki a ia.

7 Hira ake te hari i hōmai e koe ki roto ki tōku ngākau

i tō rātou i te wā i hua ai ā rātou wīti, tā rātou wāina.

11 Ka whakakitea mai e koe ki ahau te huarahi o te ora;

kei tōu aroaro te hari nui,

kei tōu matau ngā āhuareka e kore e mutu.

4 Kotahi tāku mea i īnoi ai i a Ihowā,

ko tāku tēnā e rapu ai:

kia noho i te whare o Ihowā

i ngā rā katoa e ora ai ahau,

kia kite ai i te ātaahua o Ihowā,

kia ui ai i roto i tōna temepara.

12 Ākona mātou ki te tatau i ō mātou rā,

kia anga ai te ngākau ki te whakaaro.

31 He karauna korōria te māhunga hina,

e ka kitea i runga i te ara o te tika.

29 Ko te korōria o ngā taitama ko tō rātou kaha;

ā, ko te ātaahua o ngā kaumātua ko te upoko hina.

31 Tēnā ko te hunga e tatari ana ki a Ihowā,

puta hou ana he kaha mō rātou;

kake ana rātou ki runga; ko ngā parirau, koia ānō kei o ngā ēkara;

ka rere rātou, ā, e kore e māuiui;

ka haere, ā, e kore e ngenge.

10 "Heoi ināianei kua whakaora a Ihowā i ahau, kua pērā me tāna i kōrero ai, ka whā tekau mā rima ēnei tau, mai o te kōrerotanga a Ihowā i tēnei kupu ki a Mohi, i a Īharaira e hāereere ana i te koraha; nā, ināianei, ka waru tekau mā rima ōku tau. 11 Kei te kaha tonu ahau i tēnei rā, pērā anō i te rā i tonoa ai ahau e Mohi; ko tōku kaha i reira koia anō tōku kaha ināianei mō te whawhai, mō te haere atu, mō te haere mai.

24 ‘Mā Ihowā koe e manaaki,

māna koe e tiaki;

25 Mā Ihowā e mea kia tīaho tōna mata ki a koe,

māna anō hoki koe e atawhai;

26 Mā Ihowā tōna kanohi e whakaara ki a koe,

māna anō e tuku te rangimārie ki a koe.’

2 E te hoa aroha, nui atu i ngā mea katoa tāku īnoi kia kake koe ki te pai, kia ora. Kia pērā anō me tōu wairua kua kake ki te pai.