Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
Oyipu ko gbela mani, kweyi oyoleho ka Adole webe nu ipu kana kamo, <<Isu oyi ko Odawuda, kayoshi lo, zo Omeremu na wonya wo, koni ipu ni obi ni, bwebe ko Omaku ko Owuso la.
Ebeni oyoleho ni ka da anya ni mo, <<Alaka yoshi lo, ngye mo, ala ba tikpo ko Oyesu ni ayo poshi ni la. Oye ebe ni kelo, onyiso nu byoni oka ni. Ala wa ga mebe ni ogwutagye ni.
Ala gye mo nyya gege ko ba Ada hin, na da ami ikpo ka awadakare ka ayoleho nu ni sho okpakwu igwepa lo?
Oyoleho ke kadanu mo, <<Ka yoshi lo Omeremu, oneshi ko Owuso yo kpa wo. Oya bipu, kweyi ya moyi nongo, oya daniye mo Oyesu.
Oyoleho ke wa kadawa mo, <<Ala kayoshi lo. Nbyo oshu neshi ko otunehe neneshi wa dala ni yawa kase kpiri ni.>>
<<Igyashi wa ko Owuso ipu ki iso!
Ipu kese otumene yo kpawase ni oya shotunehe kpawa ni.>>
Mamani, nyya kadala, otunehe yaba obutu ka ayoleho ko Owuso ikweyi ki inozalabi oye ni shagbotu ni.>>
Akpiyi kwiso bama ishini Oyesu ya giso ni, kweyi ebebeni ama asepa sho oshiye nehe hagye buwa. Akamo, <<Ango ko Ogalili, ojiyala hagye ba miso? Oyesu ni ayo bize shala gipu kiso mani, ya kwikye yawa mamani byoni ala mo ya giso ni.
Ala gohobu ko yimu kiyikala koni ala wa ayine ipu ko Okristi ni. Ala ka nwanyi ko nyo ogboga ole kala lo. Bwebe ko ya mani ase ashini nya ayoleho ko Owuso agyogye lo.
Nyya gege ko kela igbenu kasuse kpa kayoleho, kweyi owoni igbi imu lo, ela koka hin lebyo ogye kwa Amla ni ya ngmegba yeye ni la.
Ashishe ya gege ya tawashu koza ni Owuso sayi daha ni lo:
Obose ese ipu kikpiye kasuse,
Omaku ko Owuso sayi nu mo Owase neshi,
kweyi ayoleho ko Owuso mo.
Atono kela Nu okpagye wonyonya,
asuse kyogwu kpanu ipu kese kpiri,
kweyi azo giso.
Koni Adole abiyinu ya sa bwi iso, ya zoko loshu loshu, kpo oko nyaku ko oyoleho, kpa ajigwo ko Owuso, awase ni gekwu ipu ko Okristi ni ba nyiso ikyikyo. Itikpi koni, aha ni biyi ni, aba kpaha gbayi kpawa dudu ipu ka akpa, shini agbayi kpa Adole ipu ki iso. Aba bagye kpanu ko gbogbo-gbogbo.
Awase ni rogwa aba shuwo oshiye nehe mani, kweyi nyya yi iye wa ngma shipu kokpa ko olayi lo. Nyya ka oko nyakwu obutu ka Ada hin kpa ayoleho nu mo awakaka hin.
Koni nkyogwu kpotu oye kponu mojije ya gege ya yaha ko kpimu ko Owuso lo: kikwu kolayi, kayoleho kowu bibi, koza kanani koza kohobu, koshu wonyonya, kikpo, kibwu, ipu koko kabo ko Owuso kpiri, ojije ya gege ya yaha ko kpi imu ko Owuso ni yipu ko Okristi Oyesu Adole ka ni lo.