20 De ema kiya tunani mu, meleku ni Mirikisi gye Yusupu a siki nansi, nkye, <<Yusupu yaa ni Dowuda, kede ki zi womba ni la Meremu de ema mata ke, nkaa siki de e manshi butu anya ni Aworo Mirikisi la.

5 Meleku beta nja mata. <<Kede ku zi womba, Eni shina nkye kwa bila Yesu la, nsu de su sa yi a bisi gidiri. 6 E shi ma anya mu ba; E shi a dege, yiride a gye ku. Zo de ku geni anya de kwana.

53 Yesu gye su nkye kede ku geni nkye Na yi yaa sukwa Adaa na, de saka manki ni meleku e yi de su pi keshi ni shoja gom sha bi de sua sa ni nani bo?

30 Sede Meleku Mirikisi gye yi nkye, <<Kede ki zi womba, Meremu, ki samu aniyeri anya Mirikisi. 31 Ka yi siki de ka yapu yaa minzi, ka sa yi seni Yesu.

10 Sede meleku Mirikisi gye su nkye, <<Kede ku zi womba. Ni keyi ku nabari kyakyawu ni totolo perisiki anya ni ntani guru.

14 <<Girima ta anya Mirikisi de ma siki bisi,

a durinya selema nja aniyeri ma ba worede Mirikisi yaa zi dadi asu>>.

10 Yomu na, Na gye ku, Meleku ni Mirikisi sua yi perisiki a kiya ni nsu lepi da de juyi bila lepi e yi.>>

10 De nsubiya yi sa ndani kone a gidagida de yaa ta bisi, se dandani ntani bi sakisi a keteri asu nja keyi peri. 11 Se su nkye, <<Oku ntani Galiliya>> <<Mina sa de ku sakisi anya mu ku ma kone bisi? Yesu de su la yi bila ku ta siki bisi, yaa kuma zo yiride ku geni yi ma te a siki bisi.>>

1 Ku sigeba nso nkiyaku kankye nsu biya Yesu. 2 Kede ku bila yi bakwe nnaba a gizi ku. Sobon yomuna worosu su keleba meleku a gizi asu ba nshina su ba.

1 Nde ni meyi beta ni arishiya ni ntani nyowa nja arishiya meleku, nde niman so ni yayiwa na a dishiya na ba, ni ma kankye gureji nsu kala de mani ampani ba ko ganga nsu yowa kala kowon.

16 Bulusu nkye, mma puari geba ba, asiri ni beigaskye amu e man girima:

Yesu pelesa a siki nki,

Mirikisi nana yi e ma nsu gaskye la a siki Aworo,

Meleku Mirikisi geni yi,

su beyi manki a siki ntani durinya worede su shina Mirikisi ba,

ntani durinya yeda nshi,

Su leyi ta bisi a siki dereja.

16 Mu beigaskye Obagizi nkiya yi e yi yaa sonka dege bisi, nja sukwa nsu sori, nja murinya totolo ni meleku nja wula koho ni Mirikisi, worede su muntu a siki ni Yesu na sua para dege a kumsha. 17 A beyi yomu, omu de mu man leyi de su bila mu sori Mirikisi yaa la mu yere nja su a siki ni gidagida de mu gomu nja Obagizi a bisi. Yomu na mua ma nja Obagizi gbogbo.

5 Worede su yi nasara sua sa keikei peri yomu kankye su, Na taba shire seni su a siki takada ni leyi ba, sede Na sheeda seni asu anya ni Adaa nja meleku yi nkye ntani woromu su ma nnaa.

38 Sobon yomu Ni man tabeshi nkye, ba mbode yaa laba mu ni so Mirikisi: ko muntu ko leyi, ko nsu meleku Mirikisi ko nsu solota ni bisi ko arizeni, ko kwanki mu ko ta a geba, ko worosu su yiko, 39 ko a bisi ko a kisi, ko mbo daa a siki guru mbode Mirikisi yi, yaa yiya laba mu dege so Mirikisi de yaa yi mu te anya Kiristi Yesu Obagizi mu.