20 Ogu so ɔdwene ɛhe anwo ne, Awurade bɔfo yele ye nwo ali hyirele ye wɔ nnaleɛ nu, na ɔha hyirele ye kyɛ: "Yosef, David awa, nnɛsuro kyɛ ɛkɔfa ɛye Mary kɔhɔ awuro, ofikyɛ honhom krongron yeɛ wamaa wawonzɛ ɔ.

5 Nakoso, abɔfo ne ha hyirele mmrasua nemɔ kyɛ: "Nnɛmɔ maa esuronyi ka ɛmɔ, ofikyɛ mese kyɛ ɛmɔpena Yesu, bɔ bɛbɔle ye asɛnnua nu ne. 6 Ɔnne wa, ofikyɛ batingye ye, kyɛbɔ ɔhane nala. Ɛmɔbra, ɛmɔɔnea nekaa bɔ ne ɔla ne.

53 Anaa ɛnze kyɛ ngɔhora ngɔserɛ me Baba kyɛ ɔma me abɔfo pee* kesaalae?

30 Yeti abɔfo ne ha hyirele ye kyɛ: "Mary, nnɛsuro, ofikyɛ Nyameɛ alo wɔ. 31 Nea, ɛkɔnwonzɛ kɔwo baa brienzua, na odikyɛ ɛto ye dumaa Yesu.

10 Yeɛ abɔfo ne ha hyirele bɛ kyɛ: "Nnɛmɔ suro! Ɛmɔnea, edwirɛ pa yeɛ mefa mebrɛ ɛmɔ ɔ, sɔ dwirɛ ne kɔmaa mmenia mukoraati nye kɔgye paa.

14 "Anuonyam ha Nyameɛ wɔ anwuro-anwuro,

na asomdwie ha mmenia bɔ bɛsɔ ye nye wɔ aseɛ so!"

10 Sɔ ala yeɛ meka mekyire ɛmɔ kyɛ, sɛ ɔbɔnefoɛ komapɛ sakra a, kyɛbɔ Nyameɛ abɔfo nye gye ne, ɔtte angorɛ."

10 Ɔkɔ ne, né bɛnea anwuro haa, na ɛberɛ ala, mmrienzua nyɔ bɔ bɛwura ndadeɛ fufue wale bɛ nwo berɛ, 11 na bɛha bɛhyirele bɛ kyɛ: "Galilea mmrandeɛ, nzuati yeɛ ɛmɔgyi wa, bɔ ɛmɔnea anwuro sɔ ne? Yesu bɔ bafa ye bafi ɛmɔ nwo wa bahɔ anwuro ne, kyɛbɔ ɛmɔ nwuni ye kyɛ ɔkɔ ne, sɔ ala yeɛ okosa kɔwa ɔ."

1 Ɛmɔhɔ so bɛdodɔ ɛmɔ nwo kyɛ aliemaa mɔ. 2 Nnɛmɔbu ɛmɔ nye bɛgua ɛwɔfoɛ bɔ ɛmɔkole bɛ naso, ofikyɛ ebiemɔ nate sɔ atee he aso lɛle abɔfo wale b’awuro bɔ né bɛnze ɔ.

1 Sɛ meka mmenia ne abɔfo dwudwolɛ, ná sɛ nnne dɔ a, nde kyɛ dɔn anaa akasaa bie bɔ ɔyɛ dede mbaen ne.

16 Nahorɛ nu, aporowaa biala nne ye nwo kyɛ, nyamesom nwo dwirɛ krongron bɔ wafea ne te piri:

Bɛlale ye ali wɔ anwoɔnaen nu,

bɛbule ye bem honhom nu,

ɔyele ye nwo ali hyirele abɔfo,

bɛhane ye nwo dwirɛ bɛhyirele maen-maen ne,

bɛlɛle ye bɛlili wɔ wiase,

bɛfale ye bɛhɔle anwuro wɔ anuonyam nu.

16 ofikyɛ Awurade bɔbɔ kɔfa konviɛ bɔ yenoa yɛ se, abɔfo panyi konvi, ne Nyameɛ awɛen* kodwu, na bɛ bɔ bɛwuli wɔ Kristo nu ne koli moa kɔdwɔso. 17 Ɛhene si ne, yɛbɔ yaha bɔ yɛte ase ne, bɛkɔfa yɛne bɛ mukoraati wɔ munungum nu maa yɛkooyia Awurade wɔ ewienu, na yɛne Awurade kɔtena daa.

5 Bɔ okoli ngunim ne, bɛkowura ye atadeɛ fufue, na mengɔkyikyi ye dumaa mengofi ngoa nwomaa nanu, mmom ngɔbɔ ye dumaa wɔ me Baba ne ye abɔfo nemɔ nyunu.

38 Na nne gyidie paa kyɛ, ewue anaa ngoa, abɔfo anaa awaen, nningyein bɔ ɔwɔ berɛ kesaalae anaa bɔ ɔkɔwa kyẽabie, tumi, 39 nningyein bɔ ɔwɔ anwuro anaa nningyein bɔ ɔwɔ ase biala nne berɛ bɔ ɔkɔhora kɔte yɛ kofi Nyameɛ dɔ bɔ ɔwɔ y’Awurade Kristo Yesu nu nanwo ɔ.