Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Yꞌarawaan, ani beet toona suur akay rayiiman kaadi. Laakiin gaana sakani: Harꞌii teefeet toona baadhintiit suurbeeti teefeet toona ashanbiib. Aflaay Ukwaasana, Umasiih Yasuuꞌi geebii dehaay waliikiiniyeetoon tibreeteet jaaꞌisa aniini jillaay, ani whadaf beeti dhaabani.
Yhadaf beeti eedhab
Ani toon kastooh suur akay amri miyaad kiiki tari suur akay timmiimaab aki miyaad kiiki, laakiin beet toonaati rayiimtiib akraab shagaamani, Umasiih Yasuuꞌa beet toonaati jillaay yꞌabik kaleewiyaheeb. Yꞌarawaan, ani beet toona suur akay rayiiman kaadi. Laakiin gaana sakani: Harꞌii teefeet toona baadhintiit suurbeeti teefeet toona ashanbiib. Aflaay Ukwaasana, Umasiih Yasuuꞌi geebii dehaay waliikiiniyeetoon tibreeteet jaaꞌisa aniini jillaay, ani whadaf beeti dhaabani.
Hinin kassaan yꞌabligaab nikatiib, teen teena tꞌiiteena neekwineet toonaati. Aree gaal bareesookna weenaatiib inkwiineek, beet toona han Ukwaasana dehookna gwꞌagwaat iikwasi indi.
Shaawti Umasiihiib ikatiibka gayi nafar iikti indi. Umidhhan ishꞌiiya giigiya, gayi midhhan badooya!
Usꞌayaay kwiriina
Ukwaasana, Wꞌankwanaayoon Yasuuꞌaab Umasiihiib Ubaaba nhamdeet toonaati. Ukwaasana winneet daayiibu, baruuh Yasuuꞌaab Umasiih tuyatii yakisiyaayt hinin gayii midhhanwa sꞌayaawwa oontꞌa hoon eefeeb yhii hoon.
Uureer naatiika daayiikaabu, aree baruuh naatka daayiib hiddaab hankwiir. Umꞌasig Umasiih bareekna yhiiyyeeb oomkir utimakirneeb mitiyaayiini hookna. Ukwaasana aree oon umꞌasgii dehaay hiddaab gaal garooy dehaay waliikiya hookna. Aflaay Ukwaasana hamidna.
Baabaan shalik door ookiik baraah daayiinaayt isehariwniit idaaninna hoon. Laakiin Ukwaasana hinin iknaayeet daayiinaayti jillaay eedniin hoon, aflaay barooh tꞌiiteeb mugaddasaab nikati. Hinin nimeedniinihoob been oodoor lhastini hoon. Laakiin malya been idinni imeednaan uudehay shibootwa mꞌasgi firaaywa dehaay ikati.
Lhaytee dehaay oomkir
Oontꞌa sinaakirna, baraak "Amsi tari lhayt bak niibi niyad tari beet tumadiina niibi niyad, beentooy hawil niistꞌa niyad, tijaaraat niidꞌi niyad, mhallagaab nimaar niyad." tiyadna. Naanhooy bak tiyadna? Lhayt naan iikti tindiyeeb han kitkanna. Umidhhanuukna naanaatu? Baraak oodhꞌaash tꞌiiteebaana, uudhꞌaash shalik door lawiini, malya kwidhiini. Baraak bak tiyadneet toonaatu, "Wꞌankwana indiyeek, nikwaar niyad, toon tari beet toona niidꞌi niyad." tiyadneet toonaati. Oontꞌaaneet baraakna tatageegteena aree teefishna. Kassuuh bak tꞌiiteeb itatageegti maagnaayt ikati. Aflaay tudaayiinaayti dꞌuuy ikteeniib aree batooh biidꞌiyeek, danuubi kina ikati.