Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Ààbɛ, bɔn-nyɛɛg, mɛ ààbee náá, mɛ eezebela efute tak. Tin, mɛ zosa ɛ́ sa wat, mɛ kagwyák ɛ́ pɛ sok, mɛ ààkagwyák pɛ bhis koŋ’am. É di’enek, mɛ dyeebasa mɛghaaz ɛ́ étɛp ɛdu etɛp di pɛ sok ɛ. Deenek, mɛ dyeebasum kaab ɛ́, étɛp mɛ neebela efute ee Zɛɛb nakwom mɛ tɔ gwoo ɛ. Yɛ ɛ́ dum nɛ sa Yezu Klisto nasa kɔ ɛsu ɛ lam ɛ.
Tɛtɛ mɛpek mɛ ɛsum kaab étɛp ɛbela efute
Mɛ ààpake náá, mɛ eezebela efute ee mɛ di esaŋ ɛ, nɛghu mɛ ɛ́ mot zesa mɛsa djas di egoka náá, mɛ sa ɛ. Tin, mɛ dinaa tɔ ɛsum ɛ́ kaab étɛp ɛbela efute, etɛɛ náá, Yezu Klisto eezebela mɛ, wa mɛ tɔ ze yɛ. Ààbɛ, bɔn-nyɛɛg, mɛ ààbee náá, mɛ eezebela efute tak. Tin, mɛ zosa ɛ́ sa wat, mɛ kagwyák ɛ́ pɛ sok, mɛ ààkagwyák pɛ bhis koŋ’am. É di’enek, mɛ dyeebasa mɛghaaz ɛ́ étɛp ɛdu etɛp di pɛ sok ɛ. Deenek, mɛ dyeebasum kaab ɛ́, étɛp mɛ neebela efute ee Zɛɛb nakwom mɛ tɔ gwoo ɛ. Yɛ ɛ́ dum nɛ sa Yezu Klisto nasa kɔ ɛsu ɛ lam ɛ. Menabɛlka djas bot ɛ di náá, mena eezepyetka tɔ ɛdum ɛ koŋ nɛ Zɛɛb ɔ, mena goka ɛ́ nɛ ɛsiiza deenek. Tin, bi ɛ kabaadi nɛ dhiiti egeka sis ɔɔ, Zɛɛb ɛ́ waalyaal dáa bi di egoka nɛ ɛsa ɛ.
Mot ɛ di tɔ ɛgwakel nɛ Klisto ɔɔ, mot yenɔk moo ɛ́ mot na bes. Etɛp e na mwa eesi tɔ lɛ, nyɛ moo ɛ́ tɔ etɛp e na bes.
Ɛbwaalel ɛ di nɛ tsik na kɔm-kɔm ɛ
Bhɔɔ nɛ Zɛɛb, Sɛɛg ɛ Ghɛŋ’enaka Yezu Klisto! Tin, tɔ lyem ghoŋ nyɛ di nɛ yɛ nɛ nena ɛ, nyɛ eesa náá, mena byel-byelak na bes dum nɛ ɛgom ɛ Yezu Klisto tɔ ɛsyee. Deenek, menaka ɛ́ bot ɛ di nɛ ɛbwaalel ɛ di nɛ tsik na kɔm-kɔm ɔ.
Daŋ-daŋ ɛ́ náá, kwyɛlelka pak’en, etɛɛ náá, kwyɛl ɛ di esa náá, bi di tɔ ɛgwakel ɛnyɔɛpe.
Beta náá, egwyem ɛ Klisto djɛɛd ebhum elyem bin. Etɛɛ náá, yɛ ɛ́ kɔ ɛsu ɛ egwyem binek ɛ Zɛɛb nadjóo bin, étɛp bi needi ekyes e nyel wat. Deenek, bulalka nyɛ bhɔɔ é mɛwala djas.
Deenek, bɛsɛɛg bena nadyeebawewa mena é feŋ ɛ, é ba mɔɔ pes ɛwala dáa elyem bɔɔ di ekwyɛl ɛ. Tin, Zɛɛb wa mena é feŋ ɛ, étɛp mɛvu mena met, etɛɛ náá, mena neebela di tɔ edɛɛ bɛ. É ghɛŋ mena di ewaaa é feŋ ɛ, yɛ ɛ́ nɛ menaka ɛ́ dáa ɛwala ɛ ghoŋ tɔ lyem, ààbɛ yii mɛmyaala. Bhii tak, bot ɛ nawaaa é kwaambi yenek mbi feŋ ɔ, bɛ aakadi ɛ́ bɛ moo bot ɛ epiki, nɛ bot ɛ egwyem.
Sa mot ààdi nɛ ɛghɛɛ nyel
Gwakeka mɛ, biyɔ bot ɛ di eke náá: «Bis ɛpetɔ́ bɛdjoŋ mos, nɛghu djɛmɛn pɛ dhiiti ghaada sis, kɛsa tu mbu, étɛp ɛkɛbɔmsa esa, tin bot waabela epata» ɔ. Ghuna bi ààgu sa aasa bin djɛmɛn ɛ. Bi ɛ́ tin ɛ́, dáa ba bɔɔ eguud di ewyis, ààbɔya batsa, yɛ ɛ́ diib ɛ. Gwakeka etɛp ee bi di egoka nɛ ɛke ɛ́: «Ghɛŋ ɛ kwyɛl ɔɔ, mena dika nɛ tsik ɔɔ, deenek, mena aasaka tɛp sis, tɛp kɛl.» Tin, guka náá, bi nɛ kwyɛl ɛghɛɛ mɛnyel nɛ ɛbet. Mbi mɛfulu menek àànyɔ. Yɛ bɛ náá, mot di egu ɛsa mɛnyɔ, nyɛ kadi ɛ́ ààsa yɛ ɔɔ, mot yenɔk ɛ́ tɔ mesyem.