Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Vamuanetu, kunjeku singanieka nguange njacipuisa cange, vuno honi cuma cimo njilinakulinga eci, kusuva viakunima nakutualelelaho na vije vilikulutue. Njilina kutualelelaho lutue linga njiuane vuana vuje Njambi nanjisanena cikuma kuhitila muli Kilistu Yesu.
Kushatuka kuheta naku ntsongo
Keti ngue nguavo njinahiana laja cuma eci cipue nguavo njinalele laja houe. Vuno honi njilina kutualelelaho linga njicipuise cange, muomu Kilistu Yesu nanjipuisa uendi. Vamuanetu, kunjeku singanieka nguange njacipuisa cange, vuno honi cuma cimo njilinakulinga eci, kusuva viakunima nakutualelelaho na vije vilikulutue. Njilina kutualelelaho lutue linga njiuane vuana vuje Njambi nanjisanena cikuma kuhitila muli Kilistu Yesu. Yetu vaje tunakolo mu mana tunapande kukala na mana acifua eci, kaha nga mu vintsimbu vimo tusinganieka viakuliseza, kaha Njambi akacisholola naua kuli yeni.
Nankuma, nga kuli umo uje ali muli Kilistu, kaha napu kutanga ca ciha. Kaha via laja vinahiti, taleni, viavihia vineja.
Kutsiliela ca kuyoya
Kukuisula cikale kuli Njambi, Ishe ya Muene uetu Yesu Kilistu. Ku cikeketima cendi cakama tunasemuka lualuha ku kutsiliela ca kuyoya kuhitila mukusanguka ca Yesu Kilistu kuhuma ku vatsi,
Kaha helu lia vioshe evi hakeleniho cizango, cije cikakutila viuma vioshe hamolika mu vumo vuacili. Kaha eceleni ciyulo ca Kilistu ciyule mu mitima yeni, kuje cilivene vamisanene kupua muvila umolika. Kaha pueni vaka kutsantsela.
Muomu vatulongesele mana mu kantsimbu kakandende mukuvuahelesa vakevo vavenia, vuno honi ikeye atulongesa linga tuuane viacili, ngeci tulipangele kulela cendi hamo. Muomu ha ntsimbu yaindende vilongesa via mana vivuisa kuvavala kupulakana kuvua vuino, vuno honi hanima yevi vikanehe vushuka vua ciyulo vua vusunga kuli vaje vavanalongesa ku vikevio.
Cinangulo caha kulihalesa
Ijeni honi, yeni vaje mukahandeka ngueni, "Lelo cipue imene, tuya kuje na kuje ku nganda nakukalako muaka nakukalingilako mingoso linga tuuaneko nganio." Muomu kuuzivuka via imene. Vuyoye vuove muje muvukafua? Yeni munapu mbundu ije ikalako lika kantsimbu kakandende kaha ihua. Vuno honi munapande kuhandeka ngueni, "Nga cizango ca Muene citava, tukayoya kaha tukalinga eci na cije." Vuno honi yeni mukalihalesa nakulipamba. Kaha kulihalesa coshe eci cinapu vupi. Uoshe uje azivuka kulinga via vusunga kaha ahonoua kuvilinga, muomu kuli ikeye asinganieka nguendi vinapu vupi.